دخل مصلح الخيمه وشاف بكتفها ...
شاف اثار ضرب انصدم وطلع على طول حزن عليها وراح قعد عند الشاهي طلعت حور من الخيمه لابسه الثوب و حاطه الغتره على رقبتها قعد مصلح يطالع لها طالعت له بعدين راحت للخيمه و عيون مصلح عليها لين دخلت خيمتها دف سلطان مصلح وقال له
سلطان : عيونك امسكها بتدخل الخيمه معها
مصلح : وش قاعد تقول انت
سلطان : اقول عيونك بتدخل خيمة حور
مصلح : بس شكلها غريب بالثوب
سلطان بضحك : ايه ايه ابد بس عشان شكلها غريب
مصلح : ياخوي اذلف
جاهم رشاش وقال
رشاش : جاهزين ؟
سلطان : ايه جاهزين
عمر : بس باقي البنات يلبسون
مصلح : شفت حور لبست
رشاش : عمر روح نادهم يلا بنمشي
راح عمر ونادى البنات و طلعوا من الخيمه و راحوا يركبون السيارات
ركبوا رشاش و قحص و مهل بالجمس و ركبوا البنات وعمر و سلطان و مصلح بالسياره الثانيه كان مصلح يسوق وجنبه سلطان و حور و ريم وعمر ورا
وهم بالسياره كان مصلح يطالع من مراية السياره ل حور و هي مو منتبهه رفعت عيونها شافته يطالع لها بالمرايه و نزل عيونه لما شافته وصلوا وقفوا السياره و نزلوا جاء رشاش قال
رشاش : مصلح انسدح كأنك مصاب و حور اجلسي عند راسه بس تلثمي عشان ما يعرف انك بنت و انا و عمر و قحص بنكون ورا السياره و سلطان ومهل و ريم روحوا من جهة الرمل واول ما نوقف السياره تعالوا
تلثموا البنات و جاء رشاش وقال
رشاش : ريم امسكي هذا السلاح
ريم : بس انا ما اعرف استخدم السلاح
رشاش : ادري اصلًا ما بتستخدمينه بس بتخوفينهم فيه
ريم : طيب
عمر : رشاش ماله داعي نعطيها سلاح نخليها تجلس بالسياره احسن
رشاش : لا خلها معنا عشان اللي بنسرق منه يشوف عددنا كثير و يخاف
انسدح مصلح و جلست حور عند راسه رفع نفسه مصلح ودخل شعر حور اللي كان طالع انصدمت حور
حور : وش تسوي
مصلح : شعرك كان طالع ودخلته عشان لا يعرفون انك بنت
ضحكت حور و قالت
حور : انسدح بس السياره جايه
جت السياره وقفت و هجموا عليها و سرقوا اللي فيها قال رشاش
رشاش : عمر فجر السياره
عمر : ابشر
تدخلت حور وقالت
حور : لا حرام كيف بيرجعون ذول الناس
مهل : يا ام الاحاسيس مالك دخل فيهم امشي بس
مصلح : حور امشي يلا بنروح
ركبوا السياره و حور و ريم متضايقين على الناس اللي سرقوا منهم قال مصلح : بمر المحطه نعبي بنزين السياره ما توصلنا للحي
انصدموا حور و ريم انه بيوديهم الحي وقالت حور
حور : ما نبي نروح الحي
مصلح بسخريه : بس رشاش يبي
ريم : نزلنا عند المحطه و روحوا حنا نتصرف في نفسنا
مصلح : بس رشاش اتفق معكم على انه بيرجعكم الحي
لفت حور على ريم وقالت لها بصوت قصير
حور : اذا وصلنا المحطه ننزل وننحاش
ريم : طيب
وصلوا المحطه نزل مصلح يعبي بنزين و قالت حور
حور : انا بدخل البقاله باخذ لي غرض
ريم : بجي معك
سلطان : انا بنزل اجيب لكم اللي تبونه اقعدوا انتوا هنا
حور : عندنا رجول نقدر ننزل نجيب بنفسنا
سلطان : طيب روحوا لا تطولون
نزلوا حور و ريم دخلوا البقاله و بعدين حور غيرت رايها وقالت
حور : ريم اسفه ما بهرب
ريم : حور تبينهم يودوننا الحي انتي ؟
حور : لا بس ساعة ابوي اتركها معهم و اروح ؟ اصلًا وين بنروح من هنا بيمسكوننا و بيذبحوننا
ريم : خلاص امشي نتفق معهم ان بكرا نروح و الليل ناخذ الساعه و نهرب
حور : طيب
رجعوا البنات السياره و ركبوا قال سلطان
سلطان : ما اشوف معكم اغراض
ريم : ما لقينا اللي نبغاه
سلطان : تبون بقاله ثانيه ؟
ريم : لا ما نبي بقاله ثانيه بس نبي شي ثاني
سلطان : وش تبون ؟
ريم : ما نبي اليوم نرجع الحي نبي بكرا نرجع
عمر : شكلكم حبيتونا و تعودتوا علينا وما تبون فراقنا
حور بسخريه : ايه مره بكم يوم تعودنا عليكم وحبيناكم
طالع مصلح من مراية السياره و توترت حور من نظراته وسكتت
طلع سلطان يده من الدريشه يأشر ل سيارة رشاش وقفوا سيارة رشاش وفتح رشاش الدريشه وقال
رشاش : شتبي
سلطان : بنرجع للبر
رشاش : انتوا مو بتمسكون خط للحي ؟
سلطان : البنات يبون بكرا يرجعون اليوم تعبانين ما بنمسك الخط معهم
رشاش : يا ليل طيب
رجعوا البر و جلسوا العيال برا و دخلوا البنات خيمتهم قالت
حور : هيه ريم
ريم : هلا شفيك
حور : شفتي كيف نظرات مصلح حاده
ريم : شدراني بنظراته انا
حور : لما يطالع احس بشعور غريب
ريم : شعور زي ايش
حور : مدري بس اتوتر من نظراته و مقدر اكمل كلامي
ضحكت ريم وقالت
ريم : حور بقول شي بس لا تعصبين
حور : قولي
ريم : احسك حابه مصلح
حور : ريم اص لحد يسمعك
ريم : دامك خايفه احد يسمع يعني كلامي صح
حور : ماله دخل بس اخاف يسمعون و يفهمون غلط زيك
ريم : حور كيف بنهرب الليله
حور : المفروض قبل تفكرين كيف نهرب فكري كيف ناخذ الساعه من يد مهل
ريم : انا اقدر اخذها
حور : كيف
ريم : بعدين اعلمك كيف
جاء الليل و قعدوا يتعشون راحت ريم اشرت من ورا الخيمه لمهل قام مهل من عند العيال وراح لها قربت منه ريم و مسكت يده و قالت
ريم : مهل انا من ذاك اليوم بخاطري اقول لك شي
مهل : قولي وش تنتظرين من ذاك اليوم
ريم : بعترف لك بشي
مهل : اعترفي
تحاول تفك الساعه وهي ماسكه يده و تلهيه كأنها تلعب بيده
ريم : احس مستحيه اقول
غمز لها مهل وقال
مهل : قولي لا تستحين مني
عند العيال خلص سلطان اكل و قام راح خيمته لقاها مو ثابته صارت تتحرك شوي راح وراها بيثبتها وسمع ريم تقول ل مهل ...
____________________________________
شرايكم ؟ احس البارت طويل بس شسوي افكاري واجد😭
