انصدمت ريم وطالعت له وقالت
ريم : شكرًا
باست ريم خد سلطان وقامت وهي متفشله و وجهها احمر و راحت ل خيمتها ، انصدم سلطان لما باسته و قعد مفهي مو مستوعب اللي صار الا سمع صوت سيارة رشاش راح لهم سلطان و هو مبسوط وقال
سلطان : باخذ السياره عندي كم شغله وبرجع
رمى عليه رشاش مفتاح السياره و خذا سلطان المفتاح و راح ، عند ريم كانت جالسه بالخيمه جنب حور و هي تبتسم و مفهيه عقلها مع سلطان دفتها حور من كتفها وقالت
حور : اللي ماخذ عقلك يتهنى به
ريم : ليته خذا عقلي وبس
حور : قولي شعندك من رجعتي للخيمه ما غير تبتسمين و مفهيه
ريم : والله مدري حور صديقتك جابت العيد
حور : مو اول مره تجيبين العيد قولي شسويتي
ريم : بتنصدمين
حور : اصدميني
ريم : تخيلي سلطان طلع يحبني
حور : منجدك ؟
ريم : اييييه
حور : لا اقصد منجدك توك تستوعبين ؟
ريم : وش
حور : الولد واضح عليه من زمان انه يحبك بس انتي ما عطيتيه الفرصه انه يبين لك مشاعره
ريم : مدري انا استيعابي بطيئ
حور : ذاك اليوم مصلح لمح لي ان سلطان يحبك بس انا سكتت قلت اخليك تعرفين منه احسن من اني انا اعلمك
ريم : حور
حور : عيون حور
ريم : بس ترى انا ما عرفت ارد عليه و جبت العيد من التوتر
حور : وش قلتي له عساك ما فشلتيه ؟
ريم : فشلت نفسي ما فشلته ، قلت له شكرًا
ضحكت حور قالت
ريم : لا تضحكين لو انتي مكاني بتفهمين شعوري كنت متوتره ما توقعت انه يقول كذا و ما عرفت وش اقول ما كنت بوعيي وقتها
حور بسخريه : وش قال لما قلتي كذا ؟ عسى ما قال عفوًا
ريم : قعد ساكت وقلت ارقع لنفسي و بسته
حور : و شصار بعد
ريم : مدري قمت و خليته من الفشله و جيت هنا
حور : امشي نطلع نشوف الوضع
ريم : ما عاد لي وجه اشوفه احس مستحيه منه
حور : تعالي بس سوي نفسك عادي قدامه لين نلقى ترقيعه لك
طلعوا حور و ريم من الخيمه و جلسوا مع العيال عند الشاهي وقالت
ريم : وين سلطان ؟
رشاش : راح عنده كم شغله وبيجي
تذكرت ريم ان سلطان عنده عنوان مبارك وقالت
ريم : لا يكون رايح ل الحي
رشاش : لا معليك اكيد رايح ل البقاله
مصلح : او يمكن رايح ل الصيدليه يجيب شاش
ريم : لا هو خذا مني عنوان بيت مبارك اليوم
رشاش : شيبي في بيت مبارك ؟
ريم : قال بيتفاهم معه و يخليه يطلقني
رشاش : طيب ليه ما عطانا خبر
مصلح : الله يستر من سلطان تراه من اول يتوعد في الرجال
رشاش : قوموا يا عيال نلحق عليه لا يورط نفسه و ينمسك وهو لحاله
قاموا العيال و راحوا ل السياره لحقتهم ريم وقالت
ريم : بجي معكم
رشاش : ماله داعي اقعدي هنا مع حور و عمر
ريم : انا اعرف البيت و انا بتفاهم مع مبارك
رشاش : طيب تعالي
راحوا ريم و قحص و مصلح و مهل ل الحي لقوا سيارة سلطان عند باب بيت مبارك ، دخلوا البيت لقوا سلطان قال
رشاش : وجع سلطان انت تبي تجيب العيد امش
سلطان : شجابكم هنا !
رشاش : انت اللي شجابك هنا ، امش لا تنمسك
سلطان : الله جابكم تعالوا ساعدوني
مهل : نساعدك في وش ؟
سلطان : مبارك بالغرفه مربط جيبوه معنا
مهل : و ليه نجيبه معنا ؟
سلطان : عشان يطلق ريم غصب عنه
قحص : ريم تحت تراقب ماله داعي ناخذه معنا
نزل مهل و نادى ريم جت ريم عندهم سحبها سلطان ل الغرفه اللي فيها مبارك وقال
سلطان : يلا زي ما اتفقنا يا مبارك
مبارك : ريم انتي طالق بالثلاث
سلطان : زين ما تعبتني كثير ، يلا يا ريم وقعي
وقعت ريم و خذاها سلطان و طلعوا وقال
سلطان : روحوا يا عيال ريم بترجع معي بالسياره
مهل : تبيني اجي معكم ؟
سلطان : اظن السياره تكفيكم
ضحك مهل وطالع ل سلطان وراح مع العيال ، راحوا ريم و سلطان مع بعض كانت ريم مستحيه منه و تطالع له كل شوي و بنص الطريق قالت
ريم : شكرًا
لف سلطان عليها وهو يضحك وقال
سلطان : ما بيننا هالكلام
وصلوا البر ونزلوا من السياره مشى سلطان ومسكت ريم يده عشان توقفه وقالت
ريم : وانا احبك
مسك سلطان يدها وهو مبسوط لف شاف العيال وحط يدهم ورا ظهره وريم تضحك ناداهم مصلح واجتمعوا عند النار ياكلون وخلصوا قال
قحص : ايه يا رشاش وش خطتنا ل بكرا ؟
رشاش : بكرا خطتنا الكبيره
مهل : يلا يا ابو الخطط بكرا اي طريق ؟
رشاش : بكرا ما بنقطع الطريق
حور : اجل وش بنسوي ؟
مهل بسخريه : بكرا نوزع للي بالطريق اللي معنا
طالع رشاش ل مهل وقال
رشاش : ابيكم تتجهزون عدل لما تصحون و تجهزون الاسلحه
مصلح : ابشر بس وش الخطه ؟
رشاش : بكرا بنستولي على بنك ...
____________________________________
شرايكم ؟ 💰
