داهم مصلح بيت عم حور ...
وقعد يدور بالغرف على حور وصل ل غرفه بابها مقفول حاول يفتحه ما قدر طلق على الباب و فتحه و دخل لقى حور على السرير خايفه و وجهها كله جروح و جسمها كدمات نزل الشماغ عن وجهه شافته حور قامت و ضمته بقوه وهي تصيح قام مصلح يمسح على راسها ويحاول يهديها وقال
مصلح : بسم الله عليك وعلى قلبك
حور لسه ضامته وتصيح قال
مصلح : يلا يا حور خلينا نمشي قبل لا يجي احد
مسك مصلح يد حور ورفع شماغه على وجهه و طلعوا من الغرفه و ركضوا تألمت حور من الضرب اللي جاها على رجلها وشالها مصلح وطلع فيها الشارع وهي مخبيه وجهها بصدره طلعوا و راحوا للسياره حطها مصلح بالسياره و ركبوا بيمشون الا قالت
حور : لا تخلون ريم تكفون
مصلح : وينها ريم
حور : مدري روحوا بيتها
سلطان : وين بيتها ؟
حور : انا بعلمكم من وين بيتها
علمتهم حور الطريق وصلوا عند بيتها ونزل سلطان لقى وحده من الجيران قالت له
الجاره : يا ولدي اهل البيت ذا مو بالبيت الحين
سلطان : طيب وينهم الحين ؟
الجاره : عرس بنتهم ريم اليوم بالقاعه اللي قريبه من عند بيت ابو محمد
سلطان : طيب ، الله يوفقها
ركب سلطان السياره وهو معصب وقال
سلطان : ريم مو فاضيه لنا
مصلح : شفيها
سلطان : البنت بتعرس اليوم وحنا جايين نبي ناخذها
تدخلت حور وقالت
حور : ريم بتتزوج مو برضاها و اللي بتتزوجه شايب كبر جدها
سلطان : منجدك انتي ؟
حور : يعني بكذب عليك ؟
مصلح : اخلص علينا طيب عرفت وين العرس ؟
سلطان : يقولون عند قاعه قريبه من عند بيت ابو محمد
مصلح : وانا شعرفني وين بيت ابو محمد
حور : انا اعرف امش وبوصف لك
وصفت له حور مكان القاعه و وصلوا لها نزلوا العيال جت حور تبي تنزل فكت الباب الا مصلح قال
مصلح : على وين ؟
حور : بجي معكم
مصلح : بتجين وانتي خطوتين ما تقدرين تمشينهم
حور : انتوا ما بيدخلونكم جهة النساء
مصلح : مين قال لك اننا بننتظر يسمحون لنا ندخل
حور : طيب خلني اساعدكم
مصلح : تساعديننا في انك تقعدين هنا تنتظريننا
حور : طيب
جاء مصلح يصكر الباب الا قالت
حور : انتبه على نفسك
ضحك مصلح و صكر الباب و راح مع العيال توزعوا العيال يراقبون حول القاعه تجمعوا و قرروا يداهمون القاعه مع بعض مشى سلطان من عند قسم النساء و دخل و وراه رشاش و مصلح و قحص ومهل وعمر الا صراخ بالقاعه والبنات ينخشون تحت الطاولات طالع سلطان لقى ريم انزفت وجالسه جنب الشايب و عيونها مليانه دموع فز الشايب يوم شاف سلطان والعيال معهم اسلحه وسحب ريم يبي يطلع معها من مخرج الطوارئ وريم تطالع في سلطان و واقفه قرب سلطان منهم ومسك ريم و سحبها من عند الشايب وحط سلاحه في راس الشايب و الناس يصارخون و العيال ينادون سلطان يبون يطلعون قبل لا تجي الشرطه و سلطان يصارخ على الشايب
سلطان : يا ملعون تتزوج وحده كبر بنتك ذي حتى كبر حفيدتك مو بنتك والله لا اثور فيك
جاء رشاش و سحب سلطان وقال
رشاش : امش الحكومه بتجي وحنا هنا
لف سلطان على الشايب وقال
سلطان : هالمره سلمت مني المره الجايه والله ما تسلم
مشى سلطان وهو ساحب ريم مع كتفها و طلعوا من القاعه و ركبوا السياره مشوا و مسكوا خط البر بنص الطريق قالت
ريم : شكرًا لأنكم ساعدتوني
سلطان : حور ما رضت نروح بدونك
ريم : بس تأخرتوا شوي
سلطان : تأخرنا على شنو
ريم : انا وقعت وصرت على ذمة مبارك ...
* مبارك هو الشايب
____________________________________
شرايكم ؟ 🤝
