ريم : انا وقعت وصرت على ذمة مبارك ...
* مبارك هو الشايب
انصدم سلطان و قعد يطالع الطريق وهو ساكت لفت حور على ريم وقالت
حور : معليك بيطلقك غصب عنه
دمعت عيون ريم و حطت راسها على كتف حور وطول الطريق سلطان هادي و يطالع الطريق و مصلح يطالع حور من المرايه و حور تهدي ريم
وصلوا البر نزلوا البنات و مشوا رايحين ل خيمتهم الا قال
قحص : دقيقه اغراضي بالخيمه انتظروا بفضيها لكم
طالعت ريم في عمر و قالت
ريم : عمر عادي تعطيني شي البسه ابي اقط هالفستان الثقيل
عمر : امري الحين بجيب لك
لف مصلح يدور سلطان ما لقاه قال
رشاش : تدور على مين
مصلح : سلطان توه كان هنا وين راح ؟
رشاش : راح مع مهل يجمعون لنا حطب اذا تبي رح الحقهم توهم رايحين من ورا الخيام
مصلح : لا بقعد هنا معكم
لف يطالع حور و حور جالسه بالسياره ، جاء قحص وقال
قحص : يلا يا بنات فضيت لكم الخيمه
جو مهل و سلطان معهم حطب و جلس سلطان يحاول يشب النار قال
قحص : مهل جهز لي مكان بخيمتك
مهل : يا ليل برجع اسمع شخيرك كل يوم
ضحكوا العيال وقامت حور وراحت الخيمه ، طلعت ريم من خيمة عمر لابسه ثوب من عند عمر و كان سلطان يحاول يشب النار و يطالع لها مشت ريم و دخلت الخيمه قال
مصلح : انتبه ياخوي لا تشب النار في قلبك وانت تشوف ريم طالعه من خيمة عمر
سلطان : بشب النار فيك ان قلت كذا مره ثانيه
ضحك مصلح و راح يجيب العشاء مع رشاش و قحص ، جابوا العشاء و جهزوه و جلسوا عند النار راح عمر نادى البنات و طلعوا وجلسوا ياكلون ، خلصوا اكل و جلسوا عند النار قحص يعزف وهم هادين قال
مهل : قحص تراك ازعجتنا وقف شوي نخطط ل بكرا
وقف قحص العزف وقال رشاش
رشاش : بكرا بنروح سوق الذهب ناخذ لنا كم شي
حور : اتركوا السرقه على جنب وش نسوي في موضوع ريم ؟
رشاش : شفيها ريم ؟
حور : ريم على ذمة مبارك
قحص : مبارك مين ؟
مهل بسخريه : مبارك راعي البقاله اللي عند المحطه
حور : مبارك الشايب اللي داهمتوا عرسه مع ريم
سلطان : ما ينلام قحص لما يسأل والله ما عرفنا ل ريم كل يوم مع واحد
عصبت ريم وقالت
ريم : شقاعد تقول انت
سلطان : والله كلامي واضح ما قلت شي غلط
ريم : شفيك انت تتعامل معي كذا و بعدين مين انت عشان تتكلم عني بذي الطريقه و مالك حق تتكلم بشرفي
قامت ريم و راحت ورا الخيام قعدت لحالها
عصب رشاش وقال
رشاش : سلطان ! خير وش هالكلام
سلطان : رشاش انا ما اقول شي عبث
حور : شتبي انت تتكلم عن ريم بهالطريقه القذره
سلطان : انا تكلمت على حسب ما شفت بعيوني
حور : وش شفت عشان تتبلى عليها ؟
سلطان : اسألي خويتك عن عمايلها ورا الخيام مع مهل
حور : قبل لا تحكم عليها اسمع منها ترى ريم ما طقت ل اخوك خبر ويوم كانت ورا الخيام كانت تبي تاخذ منه الساعه حقتي لا اكثر ولا اقل
تفشل سلطان وقال
سلطان : طيب شدراني انا
حور : المره الجايه قبل لا تحكم على احد اسمع منه
قامت حور وقال
مصلح : تو الناس بتنامين ؟
حور : لا بروح اشوف ريم
قام سلطان وقال
سلطان : حور خلك انا بروح ومنها اعتذر لها
راح سلطان ورا الخيام و لقى ريم تصيح قرب من وراها وهي حست ان في احد وراها بدت تجمع التراب في يدها لين مسك سلطان كتفها من ورا و رمت التراب على وجهه صارخ سلطان وقال
سلطان : شتسوين
ريم بتوتر : ما كنت ادري انه انت
جلس سلطان جنبها وجلس يمسح التراب عن عيونه جت ريم تقوم مسك يدها وقال
سلطان : اسف ريم
ريم : طيب اتركني
سلطان : ما بتركك لين تسامحيني
ريم : طيب خلاص مسامحتك
سلطان : طيب اجلسي شوي بس بكلمك
جلست ريم جنبه و قال
سلطان : اسف حكمت عليك بدون ما اسمع منك
سكتت ريم و قعدت تطالع قدام وقعد سلطان يحكي لها عن انه شافها مع مهل وانه فهم غلط وان حور علمته عن الوضع لفت ريم وقالت
ريم : ترى حتى يوم كنا في خيمة مهل مو انا اللي تحرشت فيه
سلطان : طيب شسالفة ذاك اليوم
ريم : كنا انا و حور وقتها نبي ننحاش قررنا ناخذ اغراضنا و نهرب ويوم دخلت على خيمة مهل و قحص لقيت اغراضنا و لقيت الساعه بيد مهل كنت ابي اخذها و صحى من نومه و مسكني وبدا يسوي حركات ويقرب مني واضطريت اكذب واطلعه بريئ عشان ما تعرفون اننا كنا بننحاش
سلطان : كنت متوقع من مهل انه هو اللي مسوي كذا عشان كذا وقفت معك اخوي اعرفه ما يخلي حركاته
ريم : بس تدري ؟
سلطان : وش ؟
ريم : ...
____________________________________
شرايكم ؟ ✍🏻
