سحب مصلح الخيمه الا شاف البنات وصارخ...
مصلح بعصبيه : هيه ، لعنه مين انتوا
فزوا البنات من نومهم يوم صارخ وهم متوترات وخايفات
جاء رشاش وقال لمصلح
رشاش : شفيك تصارخ شصاير
صوب عليهم مصلح و قال
مصلح : شجابكم هنا انتي وياها !
شافهم رشاش وطلع سلاحه و قال لمصلح
رشاش : مصلح وش هالبلوتين اللي جايبهم
مصلح : ياخوي مو انا اللي جايبهم مدري من وين جو هنا وكيف وصلوا للسياره و ركبوا فيها
رشاش : ما علينا نزلهم خلنا نخلص عليهم دامهم عرفوا مكاننا
نطت حور وقالت
حور : دقيقه بشرح لكم الوضع
قاطعها رشاش وقال
رشاش : لا تتعبين نفسك وتشرحين الوضع ، يا عيال خلصوا عليهم
سحب مصلح حور و دفها طاحت على الارض جهز سلاحه وحطه على راسها وجاء قحص سحب ريم و دفها وحط سلاحه على راسها
جلست ريم تصيح و تترجاه ما يذبحها قعد سلطان يطالع في ريم وهي تبكي وكسرت خاطره وقال
سلطان : يا عيال طيب خلونا نعرف شلون جو هنا قبل نخلص عليهم
لف عمر على رشاش و قال
عمر : رشاش تكفى عطهم فرصه يشرحون الوضع ما يصير نذبحهم بدون ما نعرف مين دازهم معنا
رشاش : اكيد الشرطه دازتهم يعرفون مكاننا
تدخل سلطان وقال
سلطان : الشرطه ما بتدز هالبنات عشان يعرفون مكاننا الشرطه بتجي بنفسها وتعرف مكاننا
رشاش : معك حق يا سلطان ، قحص مصلح لا تذبحونهم ربطوهم و بنشوف تاليها معهم
سحب مصلح حور و ربطها على عامود هي و ريم وراح يشرب شاهي مع العيال ، ريم كانت منهاره صياح و حور متضايقه لأنها حطت ريم معها بهالموقف و الوضع جاهم رشاش و قال لهم
رشاش : يلا مين فيكم بتنطق و تقول وش جابكم هنا
حاولت حور تتكلم بس ما فهم منها شي بسبب الربطه اللي على فمها ضحك رشاش عليها و قرب و نزل الربطه من فمها و قال
رشاش : ايه وش عندك
حور : انتوا مين ؟
رشاش : وانتي شعليك حنا مين بتقولين شجابكم هنا ولا اثور فيك الحين؟
حور : اسمع تبي تثور فيني ثور بس اترك ريم في حالها هي مالها دخل بسببي طاحت بهالوضع
رشاش بعصبيه : اخلصي علي بتقولين شجابكم هنا ولا والله لا اثور فيكم انتي وياها !
حور ماسكه دموعها : حنا ركبنا السياره بالغلط ما كننا ندري ان ذي سيارتكم وكنا بننزل بس مشت السياره و اضطرينا نقعد
ربط رشاش فمها مره ثانيه و راح قال ل العيال يجيبون كل اللي مع البنات جاء مهل عندهم و خذا شنطة ريم و سحب الساعه من حور وراح جاء الليل و شبوا العيال النار و جلسوا يخططون ويسولفون راحوا مصلح و قحص وجابوا الاكل و جلسوا يجهزون العشاء و قعدوا ياكلون لف عمر شاف البنات و قال
عمر : رشاش ياخوي شرايك نعطي البنات من هالاكل حرام ما اكلوا شي من الصبح
رشاش : خلاص حط لهم شوي و عطهم ياكلون
راح عمر يحط لهم جاء سلطان يساعده وقال
سلطان : عطني اياه يا عمر انا بوديه
عمر : شدعوه ياخوي مو مشكله بوديه
سلطان : انا شبعت روح كمل اكلك وانا بوديه
عمر : لا عادي بوديه و ارجع اكمل اكل
عصب سلطان : خلاص قلت لك بوديه جيبه
سحبه منه وراح حط لهم الاكل و جلس يطالع ريم مفهي فيها بعدين استوعب و فكهم و قال لهم ياكلون واذا خلصوا ينادونه و علمهم عن اسمه راح سلطان وجلس مع العيال و البنات قعدوا ياكلون قام رشاش بيروح ل خيمته ناداه قحص وقال
قحص : رشاش شنسوي في ذول
رشاش : خلهم ينامون في اي خيمه و بكرا نشوف الوضع
قحص : بس الخيام ما تكفي
رشاش : تحاشروا انتوا بالخيام و خلوهم بخيمه وحده
قحص : ان شاء الله
راح قحص و مسك حور و ريم وسحبهم للخيمه و هو يطالع العيال و يضحك على اشكالهم دخلهم الخيمه وقال
قحص : انثبروا هنا ناموا و بكرا نشوف لكم حل
خزته حور و ضحك عليها و طلع توزعوا العيال على خيمهم وناموا و حور و ريم لسه ما ناموا قالت حور ل ريم
حور : ريم قومي يلا
ريم : وش على وين
حور : ننحاش طبعًا ما بنقعد هنا مع ذول
ريم : بس يا حور حنا بوسط البر ولا ندري من وين نروح عشان نطلع على الشارع
حور : نمشي و نشوف وين بياخذنا الطريق
طلعوا حور و ريم من الخيمه و راحوا يركضون يبون ينحاشون الا وقفت حور وقالت
حور : ريم امشي نرجع
ريم : وش نرجع امشي لا يشوفوننا ويذبحوننا
حور : ما بروح بدون ساعة ابوي خلينا نرجع ناخذها و ننحاش
ريم : اجل خلينا ناخذ الشنطه بعد عشان نقدر ندبر وضعنا اذا انحشنا
رجعوا حور و ريم و قالت حور
حور : ريم ادخلي ذي الخيمه بهدوء و جيبي الشنطه و دوري الساعه وانا بدخل الخيمه الثانيه بدور فيها عن اغراضنا يلا
راحت حور الخيمه ودخلت لقت مصلح وسلطان نايمين قعدت تدور بالشنط اللي بخيمتهم لقت فلوس و ذهب وملابس وما لقت شنطتهم و حست بمصلح يتقلب و خافت و طلعت ، راحت ريم الخيمه لقت مهل و قحص دخلت تدور بالشنط ولقت شنطتهم خذتها ودورت الساعه فيها ما لقتها لفت لقت مهل لابس الساعه ونايم قربت تبي تاخذ الساعه مسكت يده الا ...
____________________________________
شرايكم ؟ ادري طويل بس تحملوني احب اكتب كثير😭😭
