مشوا البنات الا شافهم ...
شافهم عم حور مسك حور و ضربها كف قدام الناس من قوة الكف طاحت حور على الارض وسحبها عمها و هي تحاول تدفه تبي تنحاش جت ريم تبي تساعدها و دفها عم حور و طاحت على الارض و قامت حور تصارخ
حور بصياح وصراخ : مصلح ساعدني
سمع مصلح صراخ حور وقف السياره و نزل شاف عم حور يركب حور السياره و مشوا نزل سلطان و ساعد ريم قومها من الارض و سألها
سلطان : بسم الله عليك ، تأذيتي ؟
ريم : لا بس روحوا لا يشوفكم ابوي
مصلح : بس حور ..
ما امداه يكمل جملته الا قالت
ريم : هذاك ابوي روحوا
دفتهم ريم بعدتهم عنها وقف ابوها و سحبها للسياره وراحت
راحوا مصلح و سلطان سيارتهم وبالهم مشغول مع البنات مسكوا خط للبر وكلهم عقلهم مع البنات و يحاتونهم وصلوا البر جلسوا مع العيال قال
رشاش : شفيكم كل واحد متضايق اكثر من الثاني ؟ لا يكون زعلانين على روحة البنات ؟
مصلح : لا بس يعني تعودنا عليهم شوي
قحص : كلها كم يوم مسرع تعودتوا عليهم
مهل : بس ما ننكر انهم كانوا مونسيننا
طالع سلطان ل مهل وهو معصب وقام راح خيمته لحقه مصلح و دخل الخيمه وقال
مصلح : ياخوي معليك من مهل تراه يطقطق
سلطان : لا مهل صادق ريم كانت مونسته
مصلح : وش هالكلام ! لا تصير زي اخوك يا سلطان
سلطان : مصلح اول مره سكتت لأني ما شفت بعيوني بس هالمره شفت بعيوني ريم معاه و واضح انها مبسوطه
مصلح : متى شفتهم ؟
سلطان : امس جالسه تودعه الظاهر بس قاطعتهم خربت عليهم الوداعيه
مصلح : ياخوي ما ظنتي ريم وحده زي كذا طيب كان تكلمت معها
سلطان : ما عندي كلام لها
مصلح : سلطان كأنك تغار ياخوي
سلطان : مصلح لا تقعد تبدا بهالحركات ما اغار بس انصدمت لأني ما توقعتها كذا
مصلح : طيب بقول لك شي
سلطان : قول طلع اللي بقلبك
مصلح : ذاك اليوم دخلت على حور وهي تلبس بالغلط و شفت اثار ضرب على كتفها
سلطان بضحك : انت متأكد انه بالغلط ؟
حذف عليه مصلح شنطه وقال
مصلح : والله بالغلط بس الاثار تخوف كثير
سلطان : طيب كان رحت وسألتها وش ذي الاثار
مصلح : ايه اروح واقول لها حور انا دخلت عليك وانتي تلبسين و شفت الاثار ويلا علميني وش ذي الاثار ! انت تعرف حور اصلًا ما بتقول ويمكن تتضايق اني شفتها
سلطان : مصلح لا يكون ابو حور يعنفها
مصلح : شكله ابوها اللي خذاها يعنفها شفت كيف حور كانت تناديني تبيني اساعدها منه واضح هو السبب بذي الاثار
سلطان : ما كان لازم نتركهم ياخوي
تنهد مصلح : الشكوى لله
عند حور دخلها عمها البيت و ضربها وسحبها للغرفه وقفل عليها وقال
عم حور : ضيعتي شرفنا وش بيقولون عننا الناس ما وراك الا المصايب بتبقين هنا لين تخيسين اجل منحاشه مع عيال يا بنت الكلب و صديقتك ريم ما بتشوفينها مره ثانيه ولا تعدين عتبة الباب .
بكت حور و انهارت جلست على الارض تصيح وتعبانه من كثر الضرب و الدم اللي بوجهها
عند ريم دخلها ابوها البيت وضربها كف و قال
ابو ريم : فشلتينا بالعرس الناس ينتظرونك تنزفين وانتي رايحه مع حور فوق ذا ماخذه معك اغراض العرس ما بقى احد ما تكلم عننا بسببك و ترى العرس بنسويه و بتطلعين قدام الناس و تقولين ان حور لعبت براسك وانك راضيه بهالزواج .
ريم وهي تصيح : بس حور ما لعبت براسي وانا مو راضيه بهالزواج
ابو ريم : اص ولا كلمه على غرفتك لا ارتكب فيك جريمه ومن اليوم و رايح تقطعين صلتك ب حور .
راحت ريم غرفتها وانهارت صياح
مر اسبوع وكان اسوء اسبوع بحياة حور و ريم من الضرب اللي يجيهم والمشاكل اللي صارت لهم ، وكانوا العيال متضايقين وحاسين بفراغ في حياتهم من دون البنات كانوا مغيرين لهم جو لما كانوا موجودين بس الحين حاسين بنقص كبير بينهم
خذا ابو ريم بنته و طلعها بوسط الحي وخلاها تقول
ريم وهي ماسكه دموعها : انا راضيه بهالزواج و الشيطان لعب في راسي وانحشت من العرس من التوتر و بكرا عرسي وكلكم معزومين
رجعت ريم البيت وبكت لين نامت جاء يوم عرس ريم ، طبعًا حور طول هالاسبوع يدخل عليها عمها يضربها ويسمعها كلام زي السم و يطلع و ما يخليها تاكل عدل كانت حور منهلكه من التعب عايشه على خبز وماي
عند العيال راح مصلح عند رشاش وتجرأ وحكى له عن اللي شافه بكتف حور و طلب من رشاش انه يساعد حور لأنه متضايق عليها وافق رشاش و قرروا العصابه يروحون ينقذون حور تجهزوا و مسكوا خط ل الحي
وصلوا العصابه الحي تلثموا و توزعوا العيال يسألون عن بيت حور لين عرفوا وين تسكن حور وصلوا عند بيت عم حور و توزعوا قحص و مهل من ورا و رشاش و عمر من قدام و مهل على اليمين و سلطان على اليسار داهم مصلح بيت عم حور ...
____________________________________
شرايكم ؟ 👀
