لف مصلح يشوف حور شاف الدم يطلع من فمها وفقدت الوعي ...
مسك مصلح وجه حور وقال
مصلح بخوف : حور قومي حور انتي قويه قومي
حاول مصلح يصحيها وما صحت وقال
مصلح بصراخ وعصبيه : مهل اسرع
راح مهل قريب من مستشفى و وقف قال
مصلح بعصبيه : تستهبل يا مهل !! البنت بتموت وانت جايبنا هنا
رشاش : مصلح اذا خذنا حور معنا مستحيل تعيش
مصلح : امش يا مهل ما بننزل هنا
رشاش : مصلح كانك تبيها تعيش مافي الا حل واحد انزل وحطها على الرصيف يشوفها اي احد ويساعدها وكانك تبيها تموت خلها معنا
مصلح : منجدك يا رشاش !!! تبيني اترك حور تموت هنا !!
رشاش : اذا تركنا حور هنا ممكن تعيش لكن اذا خذناها معنا مستحيل تعيش ما بتقدر تتحمل لين نوصل اليمن بنوصل هناك بجثتها ، اسمع يا مصلح حياة حور بين يدك يا نتركها هنا و ممكن تعيش او ناخذ جثتها معنا لليمن
سكت مصلح وفتح الباب و شال حور و نزل وراح يمشي لين الرصيف وهو منهار حطها على الرصيف وباس راسها وقال
مصلح : استودعتك الله يا نظر عيني
خذا مصلح الساعه من يد حور وتركها على الرصيف ورجع ل السياره وركب السياره يطالع لها من الدريشه و يشوف الناس يتجمعون عليها ودموعه بعيونه ، حط رشاش يده على كتف مصلح وقال
رشاش : امش يا مهل
مشى مهل و راح للبر و مصلح طول الطريق متضايق ومنهار و ريم تعبانه وتصيح نزلوا العيال من السياره و خذا سلطان ريم ل خيمتها يهديها ، راح مصلح ل خيمته و جلس يصيح منهار ، طلع سلطان من عند ريم بعد ما نامت من التعب و الصياح و راح لخيمة مصلح شاف مصلح يصيح جلس جنبه ومسكه من كتفه يهديه لف مصلح على سلطان وقال
مصلح : كله بسببي انا ما انتبهت لها انا ما حميتها
سلطان : ياخوي لا تقول كذا انت مالك ذنب
مصلح : انا كنت لاهي مع الفلوس والذهب و ما انتبهت لها كله بسببي
سلطان : هدي يا مصلح
مصلح : سلطان حور بتموت بسببي
سلطان : لا ياخوي حور قويه ما بتموت ان شاء الله
مصلح : ان ماتت ما بسامح نفسي طول حياتي
حضن سلطان مصلح ومصلح يصيح وسلطان يهديه ، عند حور خذوها المستشفى الناس و دخلوها الطوارئ و بلغوا الشرطه عن وجود مصابه بطلق نار مشتبه فيها من العصابه بالمستشفى جوا الشرطه المستشفى وحطوا حراس حول المستشفى و داخل المستشفى ، بلغوا المستشفى الشرطه ان حور فيها نزيف داخلي وفاقده كثير من الدم واحتمالية انها تعيش جدًا قليله بسبب فقدها للدم والنزيف الداخلي ، عند العيال طلع رشاش و جلس مع مهل وقحص وعمر كان مهل يلف رجول قحص بعد ما طلع الطلقه وخيط الجرح جلس رشاش عندهم وقال
رشاش : حنا لازم نروح ل اليمن في اسرع وقت
قحص : و حور ؟
رشاش : ما ظنتي حور بتعيش خلونا نضبط وضعنا ونهج ل اليمن بكرا
عمر : ياخوي كيف نخلي حور و نروح !
مهل : مصلح حتى لو حور ميته بياخذ جثتها معنا
رشاش : يا عيال ترى ان طولنا هنا اكثر من كذا بنخسر كثير ورا حور
عمر : رشاش ارحم ريم و مصلح خلنا يومين نشوف وضع حور وبعدين نمشي
رشاش بعصبيه : ياخوي ما تفهم انت ؟ حور ميته واصلًا تلقى الحكومه لقتها و عندها من زمان حتى جثتها تحللت ويمكن دفنوها بعد
قحص : قصر حسك لا يسمعك مصلح
مهل : الحين كيف بنقنع مصلح اننا بنمشي بكرا ل اليمن ؟
رشاش : انا بتفاهم معاه
قام رشاش و راح ل خيمة مصلح ، طلع سلطان من الخيمه لما جاء رشاش وراح جلس مع العيال ، جلس رشاش جنب مصلح ومسك كتفه وقال
رشاش : معليه يا مصلح انت سويت الصح
مصلح : يا رشاش وين الصح في اني تخليت عنها وتركتها
رشاش : انت ما تخليت عنها انت ساعدتها على الاقل عطيتها فرصه للعيش ولو الفرصه قليله بس انت حاولت
مصلح : رشاش طلبتك ما نروح اليمن الا لين اشوف حور سواء كانت ميته او حيه ابي اتطمن عليها واشوف حالها
رشاش : والله يا مصلح طلبك صعب
مصلح : تكفى رشاش ابي اشوفها قبل لا نروح ل اليمن
قعد رشاش ساكت فتره وقال
رشاش : خلاص ابشر نقعد هاليومين هنا لين تهدأ الاوضاع ونعرف وضع حور
قام رشاش و طلع من الخيمه وقال
رشاش : ريحوا يا عيال هاليومين بنقعد هنا لين تهدأ الاوضاع و نعرف وضع حور ...
____________________________________
شرايكم ؟ اسفه على التأخير كنت مشغوله اليوم و توني فضيت وكتبت لكم بارت وان شاء الله بعد الصلاه اكتب لكم بارت ثاني❤️.
