ريم : بس تدري ؟
سلطان : وش ؟
ريم : تستاهل
سلطان : وش استاهل
قامت ورمت عليه تراب مره ثانيه وقالت
ريم : تستاهل ذا
ضحكت عليه وراحت ، انصدم سلطان منها وجلس ينثر التراب من لبسه وقام راح خيمته و الكل توزعوا خيمهم ينامون جت حور بتطلع من خيمتها قالت
ريم : على وين
حور : مصلح عنده اسعافات اوليه و بينظف لي الجروح اللي بوجهي
ريم بضحك : شعنده مصلح صار دكتور
حور : مسكين يبي يسوي خير فيني
ريم : ايه ايه مصلح يحب يسوي الخير ماشاءالله عليه
ضحكت حور و طلعت وراحت قعدت على كبوت السياره تنتظر مصلح طلع مصلح من خيمته وجاب الاسعافات و جاء قدام حور و حط يده على كبوت السياره من الجهتين و حور بالنص مصدومه قرب منها و جلس ينظف لها الجروح اللي بوجهها خلص و قالت
حور : شكرًا
مصلح : ما بيننا هالكلام
جت حور تبي تنزل قرب مصلح وقال
مصلح : شفيك مستعجله خلينا نسولف شوي ولا فيك النوم ؟
حور : لا مافيني نوم بس مدري يعني قلت يمكن انت تبي تنام
مصلح : لا معليك كيف تبين يجيني النوم وانتي لسه ما نمتي
ضحكت حور و قال
مصلح : ذاك اليوم انتي قلتي لي انتبه على نفسك ولا انا تخيلت ؟
استحت حور وقالت
حور : تخيلت
ضحك مصلح قالت
حور بضحك : طيب انت يوم رجعتونا للحي قلت لي انتبهي على نفسك ولا انا تخيلت ؟
مصلح : ما تخيلتي قلت انتبهي على نفسك
استحت حور منه وقال
مصلح : بسألك سؤال ذابحني الفضول عليه
حور : اسأل
مصلح : الساعه اللي تقولين مهمه بالنسبه لك ، ليه مهمه ؟
حور : لأنها ساعة ابوي الله يرحمه
مصلح : ابوك ميت ؟!
حور : ايه
مصلح : بس مو هو اللي خذاك ذاك اليوم ؟
حور : ذاك عمي اللي اعيش عنده
مصلح : اخخ جعل يده الكسر يوم انه يمد يده عليك
حور : بذاك اليوم ناديتك ابيك تساعدني بس شكلك ما سمعتني
مصلح : الا سمعتك و جيت بس قده خذاك و مشيتوا
حور : مصلح
مصلح : هلا
حور : صح انك مجرم بس معك احس اني بأمان
ابتسم مصلح وقال
مصلح : وانا معك احس ...
ما امداه يكمل كلامه الا طلع قحص من الخيمه وخر مصلح عن حور و نزلت حور من فوق السياره ، ضحك قحص عليهم وقال
قحص : بسوي نفسي ما شفت شي
مشت حور متفشله وراحت لخيمتها مشى مصلح وقال
مصلح : قحص لا تفهم غلط كنت انظف لها الجروح اللي بوجهها
قحص بضحك : ايه ايه ما اشوفك تنظف لي الجروح اللي بوجهي
مصلح : اطلب مني وانظف لك
قحص بضحك : تبيني اصدق ان حور طلبت منك تنظف لها الجروح ؟
مصلح : عاد كسرت خاطري و قلت انظف لها يعني ليش لا
قحص : يا الحنون روح ارقد بس
راحوا خيمهم وناموا جاء الصبح و تجهزوا و ركبوا السيارات رشاش و قحص و مهل و عمر مع بعض و مصلح و سلطان و حور و ريم مع بعض وراحوا ل سوق الذهب وصلوا و توزعوا دخلت حور و مصلح محل و حور بس ماسكه السلاح و تخوف الناس و مصلح يكسر و يسرق ، ريم و سلطان و مهل دخلوا محل مع بعض و ريم تهدد بالسلاح و سلطان و مهل يسرقون و رشاش و عمر و قحص مع بعض يسرقون خلصوا مصلح و حور السرقه و رجعوا للسياره ينتظرون الباقي ، خلص رشاش و عمر و قحص و رجعوا للسياره ، جاء مهل عند سلطان وقال
مهل : سلطان فيه محل ملابس هنا بروح اجيب كم لبس نظيف ونتقابل عند السياره
سلطان : طيب
راح مهل يسرق الملابس و ريم وسلطان مستمرين يسرقون محلات الذهب شافهم عسكري طالعين من المحل و صوب عليهم وقال ...
____________________________________
شرايكم ؟ 😶🌫️
