بعض الكلمات تُحتضن
وبعض الاحضان تَخنق
وبعض النضرات تُدفئ
وبعض اللمسات تلدغ البدن
بعض القرب يُؤذي
وبعض البعد يُشفي
وبعض الصمت ينُجي
.............................
هلو اني نورس من البصره عمري ١٥ بيضه وطولي ١٥٦ وزني٥٣ مو كلش ضعيفه ولا سمينه وسط وجسمي حلو وشعري بني غامق وطويل لجوة خصري وعيوني عسليات من اطلع ب شمس يصيرن صفر كلش حلوات
ملامحي بريئه يم شفتي شامه محليه وجهي.....نرجع بزمن قبل ١٥ سنه لمن نولدت بنفس اليوم توفت امي لان جانت مريضه وصار عده مضاعافات بالولاده و توفت قبل لا اشوفه واسمع حسه وشم ريحته واشبع بحنيته توفت وعافت بته وحيده بهاي الدنيا الصعبه وخلتني وحدي اتعلم وعرف اصح من الغلط
لمن توفت اني بقيت عند ابوي ببيت جدي وجان ابوي مامهتملي وبيبتي الي شايلتني على الرغم انو هيه مرهَ هم تعبانه وجبيره بالعمر بس اهتمت بيه
بقيت عد ابوي لحد ما صار عمري ٦ سنوات وتوفت بيبيتي وابوي قرر يزوج وبس ازوج وداني ببيت خالي اعيش عدهم وعافني وجان اخر يوم هاذ وبعد ما طلع بوجهي وولا شفته وحته ما ودعني ...
بقيت عد خالي ومرته وولده ال٢وخالي جان يعاملني معامله كلش تعبانه جان يمد ايده علي ويضربني ومرته خلتني اخدمله ونضف ومسح وكنس ومن اسوي ايشي ميعجبه تضربني وتهيني ومرات بدون سبب وولد خالي جانو يرحون يردون يضربوني ويغلطون علي واني كوني طفله جنت بس ابجي وتوسل بيهم لا يضربوني (خالي محمد ومرته غدير وولده ٢حيدر الجبير عمره ٢٤* من اني عمري ١٥* وعيسى عمره٢٢) جانو يطلعون حركه كلبهم بيه ويضربوني بكل قوتهم وحيدر الجبير جان يتحارش بيه بالبدايه يلمح بحجي وتصرفات ما افهمه كوني طفله لمن بده يتحرش ويتقربلي وجنت انهار بجي ومن اروح احجي لخالي يلزمني يكتلني انو اني جذابه وأفتن وهاذ شي خله حيدر يتماده وماخذ راحته وياي واني يوميه انهار وبس ابجي لين مالي اي حل ... خالي خلاني اكمل دراسه بس جان يكلي حدج سادس بتدائي وماكو بعد تكعدين وزوجج واخلص منج ومن همج
وصلت خامس أبتدائي والصراحه ماجنت كلش مهتمه لدراستي وجانت درجاتي كلش تعبانه وبالخامس طلعت اكمال بماده وخالي لمن عرف لزمني وكتلني وكلي حلمج بعد توصلين للمدرسه وشوفيه انتهت تكعدين هنا تنضفين وتشتغلين وحسج ما اسمعه ...
اني هنا كلش نهاريت وكاعده بزاويه وأبجي وأشهك.. طب حيدر اني كمزت
حيدر: سمعي لج اذا تردين ترجعين تدرسين اني ارجعج
نورس: شلون
حيدر: مالج شغل اني اقنع ابوي بس بشرط
نورس: شنو
حيدر: ايشي اسوي بيج منا ورايح تسدين حلكج وتنجبين ومتكلين لحد واخذ راحتي وياج
نورس: شي مثل شنو
حيدر غمز: كلش واضح قصدي فتهمتي هاذ المجود
نورس :اجيت كدامه ودفعته: اني اكرهك انت واحد حقير ليش هيج أسوي وياي
حيدر لزمني من ايدي حيل: هيوووو انتي حضرتج منو شايفه نفسج وجاي تتكابرين هناا حالج حال الجلب هنا حمددي ربج موكليج ومنيميج هنا ف هاذ الموجود تردين ترجعين هاذ شرط وافقتي ترجعين ما وافقتي طبج مرض بكل الاحوال اني ماخسران شي حدج لليل تكليلي قرارج فتهمتي
نورس:اطلع برا اني ما اوثق بيك
حيدر دفعني: دنجبي
وطلع ....
لليل اني بلغرفه أبجي وأشهك (اني بالبيت عباره عن خدامه واني بلهعمر انضف وشتغل وكلش اتعب وبأيام المدرسه حته تنسد نفسي ادرس وكوا يخلوني الزم الكتاب وقرا واني هم مجنت اعرف شنو اهميه ادراسه وشهاده ومجنت متأمله ولا عندي طموح ولا احلام لين كل احلامي جانت تنهدم من ورا خالي الي يطب يطلع يكلي مارح أخليج تكملين وهاذ حلمج تكملين وما رح يتحقق
جنت محبوسه بلبيت من عافنيي ابوي وهلسنوات كله واني ماطالعه غير للمدرسه وحته ملابس جانو جوارين الي يجون ويشوفني يطوني ملابسهم القديمه الي مشكك الي تعبان وجنت اخيطهن ولبسهن وأدبر نفسي بيهن ...)
لليل طبيت ع خالي وأشهك وأبجي وأتوسل بيه يخليني ارجع اكمل وضليت ابوس برجليه وعيوني مورمه من البجي .. هوا دفرني
خالي: مالي خلكج عاد روحي منا كلت ماكو دراسه يعني ماكو
طلعت واني مكسوره ورجعت للغرفه وابجي وليل مانمته...
للصبح طب حيدر
حيدر: حترجعين للمدرسه
نورس كمزت: شنو
حيدر: حاجيت ابوي ورح ترجعين بس للسادس ويبطلج
نورس: شون قنعته
حيدر: بكيفي بس ما ناسي ألشرط الكتلج عنه
نورس: اني ما طلبت منك ولا كتلك حاجي
حيدر: دمشي ولي فوكاته بس ماعندي مانع هيج هيج ماخذ راحتي
طلع وركع الباب....
المهم عدت الايام ورجعت للمدرسه الحمدلله بس حيدر بده يتحارش بزايد وجنت ما نام اليل من الخوف وروح للمدرسه مصوفره وتعبانه...
خلصت بتدائي وخالي ع نفس قراره مناوي يخليني اكمل
كعدت اتوسل بيه وبوس برجليه وأيديه علمود اكمل ع الاقل بس متوسطه وأسبوع كامل اني أتوسل بيه ، يالله قبل وموتت روحي بجي يلله وافق
والحمدلله رحت متوسطه
بس حيدر على نفس وضعه واني كمت اعاني من هلموضوع وتعذب وأنهار ومرت خالي تستلمني شغل وتنضيف وبعدين اروح المدرسه..باليل اذب روحي ميته وماكدر انام من الخوف ورعب وغير مرت خالي الي جانت تحرمني من الاكل وحته من الماي واذا شافتني اكل تكطع الحزام علي عبالك اني وحده جايبيه يعذبوه لا اكثر
جنت اكل كله بالبوكه
اما ابوي ف ماشفته من اخر يوم وهوا من جان عمري ٦ سنوات واني هسه صرت ثالث متوسط وعمري١٥ وحيدر تخرج خطب بنت خالته شمس بس ضل يتحارش وكلما احاول ادافع عن نفسي يضربني ويأذيني او يحبسني بالمخزن ... من صرت ثالث خالي جان عنده تلفون قديم انطانيه واني تونست علي ونزلت بيه فيس بوك وأنستا وتليكرام وسناب وبديت اتعرف ع شباب بالانستا وصداقات وعلاقات وجنت غركانه بهل عالم وبتعدت عن دراستي ووصل الوضع كمت ادز صوري للشباب الي يصارحوني وجنت يوميه اتعرف ع احد تقريبا ونكضيه نسولف وحب وغزل ودز صوري ومجانو يهددوني بيهن او شي
خلصت أمتحاناتي البكلوريه وورا سبوع تقريبا
لمن يوم واحد راسلني ودزلي كل صوري وكعد يهددني بيهن اذا ما سويت ويا هيج وهيج( اروح واسوي علاقه ويا) ف رح ينشر اصور
بوكته اني صوفرت من الخوف ومخنوسه بالغرفه كاعده ف اني جان عندي صورته وصوره لجنسيته هم ماذكر شنو جان صاير بيناتنه حجي وسوالف اني ويا وهوا دزهن الي وحافضتهن
فكبل دزيتهن وكتله تريد تنشر صور انشرهن تهددني مثلا بس بس تنشر اني رح ادز جنسيتك وصورتك للشرطه واشتكي عليك وتنسجن
وبكيفك بعد انت الخسران
هوا بساع خاف وكلي لا لدزيهن وخلص رح امسح صورج ومسحهم
( اني طبعا مجنت رح اكدر انو اشتكي علي بس كلت ع الاقل اهدده )
واني حضرته وحضرت كل الشباب الاعرفهم ومسحت صفحات كله ومسحت حسابي والانستا وتليكرام وفرمتت الفون كله وستوعبت كمية البشاعه الي جنت اسويها والاغلاط الجنت غركانه بيها بس مادري بروحي لمن فجأ اجتني مثل الضربه على راسي اني ش دا اسوي .. من الخوف وحطيت الفون ع صدري وضلت أتنهد ...فجأه اسمع صوت خالي برا يصيح
طلعت ولكيته جاي يخابر ومرته ورا
خالي: اي جاي جاييييي
طب خالي للمطبخ هوا ومرته وديحجون نوب طلع هوا وحيدر
واني مفتهمت شسالفه رجعت طبيت بالغرفه وكعدت
ورا شوي طلعت اكنس واسمع مرت خالي تخابر
غدير( مرت خالي ): يمه وليدي عيسى يمه ..
يمعود سد حلكوهم بأيشي بس خيعوفون ابني وخل يطلع ويرجع شكد ميردون اطيهم
المهم كملت اني كنس وماهتميت ورجعت للغرفه وخالي لسه ما اجه... صار اليل ب٩ اني واكفه بباب الغرفه
طب خالي وحيدر وطلعتلهم غدير وهي مبين توها باجيه
غدير :هاا شصار
خالي باوعلي وصاح : طبي لغرفه انتي يلله
نورس: طبيت اني وما هتميت بس عرفت اكو مصيبه صايره ...
يوم ثاني صبح طلعت من الغرفه ولكيت غدير وخالي جاي يحجون بس بهمس ونوب خالي طلع هوا وحيدر واضهر يلله اجو وعيسى هم ماهوا وياهم ..... عدت ٣ ايام
يوم رابع اصبح ب٩ طلعت واسمع خالي وغدير بالكراج واني بالمطبخ
غدير: شيردون اطيهم بس خليرجع ابني اريده
خالي: غدير كافي نوح وباجي الولد يطلع بسلامه والموضوع ينحل يعني هوا هم ابني ومستحيل اطيهميا
نورسس: اني اسمعهم وكلشي مفتهمت .
طلع خالي وغدير كعدت واجت خالت حيدر (اخت غدير)وخطيبته (بت خالته شمس) ضلو يم مرت خالي وكله يحجون بهمس واني ما هتمتيت بس انضف ورجع للغرفه
اضهر اجو خالي ووياهم عيسى وبس طب تلكته اما وحضان
غدير: حمدلله على سلامتك يمه ابني حبيبي
نورس:اني واكفه اباوع وكلشي ما متفهمه وين جان وشبي وشصاير
خالي باوعلي وصاح طبي جوا
طبيت للغرفه وكعدت
نوب كمت احاول اسمعهم من الباب
غدير : يمعوده بس خيفكون ابني ونخلص منهم ويطبه طوب هاي احنه نريد نخلص منها أنطيه وخلصنه
خالي: اي طبعه مستحيل اخليه دم بدم هاذ ابني اكلب الدنيا علموده ونخلص من هاي هم اني ما صدكت اسد حلوكهم شون مجان ونخلص من هلمصيبه
نورس: دم بدم ؟؟؟
نفتح الباب طبت شمس
نورس جمدت بمكانه: شكو شصاير
شمس
ونتي ليش تتنصتين مالج شغل
نورس: ستغفرت وكعدت
طب خالي وحيدر وغدير ورا واكفه
خالي: سمعي لج ......
....
وهنا صدمه عمري الي حتكلب كل حياتي فوك ما حياتي مدمره اصلا.
* هاذ البارت قصير الباارتات الجايه رح تصير اطول.
أنت تقرأ
{ألمنافق ألشريف}
Romanceالى اين تصل حقاره وغيره وحقد البشر وماذا تفعل نار الغيره وعلى من سينطبق اسم القصه وماذا ستجد البطله في حياتها من معاناة.........
