{ألمنافق ألشريف}

ألبارت ألعاشر

واثاريني بخلك بطران أعاتب ناس ماتسوى ....
.........................................
رعد :لعد دباعي شرح اسوي
نورس .. كمت: اي دوريني يا فنااان
رعد عدل الفراش وخذه  باقه الورد
وكام يرتب الورد على الجربايه
ورش عطر
وطفه الاضويه
نورس...اني  صافنه
رعد :ها شون
نورس :اصبر شنو ريحتي جبس
طبيت للحمام غسلتت وبدلت
وطلعت حطيت حمرا وتعطرت
رعد :ها شو صدك صارت ما توقعت
نورس :مو مايصير ريحتي جبس
رعد :ريحه العافيه انتي
نورس :كافي لاتحجي هيج  ماعرف ارد
رعد.. اجت نورس كدامي وهي تخبل وجسمه جنه شدة ورد هي حطت ايده ع لحيتي واني من خصره لزمته
نورس :لحيتك ما زينه
رعد :مو رمنسيه وصخام
نورس :شكد قياس نعالك
رعد  دار وجه وضحك
رعد لزمني من حنجي تدرين صوجي اني منطيجج مجال
نوورس... جرني حيل وباسني......
عدت الايام!!
ورعد مدللني وما منقص عليه شي والحجي والشقه وغلضحك
وام رعد جانت ما تسويلي شي
واني ماجنت مرتاحه لوضعه
تخزر وتصفن
بس جنت مطنشته المهم اني مرتاحه  ويا رعد
بس اني  ادري ورا هلصفنات رح تجي مصيبه نفس كل مرا
يوم:
رعد.... باليل نورس ماله حس بالبيت  ف صعدت اشوفه بالغرفه
طبيت ولكيته كاعده ومصوفره
رعد :شبيج
نورس :مالي خلك
رعد :نطلع
نورس :لا
نورس..اجه يمي وشبكني
نورس :رعد وخر
رعد :شبيج مضوجج بشي
نورس :وخر  عني
رعد :شبيج
رعد..نورس جرتني وشمت ريحتي
نورس :منين جاي ريحتك زباله
رعد :شنوو
رعد :شبيج احجي
نورس :ما يخصك
رعد :احجي بتي  مو اني احجيلج كلشي
نورس :اني هاذه
رعد:انتِ شنو
نورس :مادري
رعد :شون رح الزكج احجي
نورس :ادنه اشاورك
رعد :محد هنا
نورس :ادنه
رعد ادنه
نورس :اني يمكن حامل
رعد رجع ليورا والابتسامه شكت حلكه
نوب ضحك
رعد :وشدراج
نورس :ما يخصك
رعد :خلص فهمت باجر نروح ونحللج
نورس :ليش تضحك
رعد :ليش ما اضحك غير فرحان
نورس :ها هيج
رعد :اي طبع وتجي وحده لزكه مثلج
الي هي بتج
نورس :لا ولله
رعد ضل بس يضحك
نورس:شو وخر خل انام احسن
نورس..صعدت فراشي وتمدتت
هوا لزك بيه وكام يدغدغ بطني
رعد:اي اكو  جاهل هنا ايي رح تجي وحده  مخبله مثلج ايي
نورس تضحك :كافي شلحيت
رعد :ايييييييييييييي
نورس ضليت اضحك وشبكته: يجوز ولد مزاجي مثلك
رعد: الله
المهم ولد بنيه المهم اني رح اصير ابو
وشبكني وباسني براسي
رعد: والمهم انتي امه
نورس: الله
ودغدغته
نمنه وحنه ميتين ضحك
يوم ثاني رحنه الدكتوره
وحللت
وصدك طلعت حامل
صعدنه بالسياره ورعد اباوعله طاير طاير من الفرحه ومامصدك
واني هم فرحانه و على فرحته هم ميته ضحك
ورعد يغني ويضحك
المهم وصلنه وطبينه وطب رعد المطبخ  يصيح
رعد: يا اهل البيت وينكم
اجت ام رعد:ها شكو
رعد: يماااا نورس حامل
نورس.. اني اباوع لم رعد
نكلبت ملامح وجه كلااااب
عبالك احد كلله  احد مات
باوعتلي وعيونه نفتحن وتخزر ذيج الخزره
طبوا خوانه
رعد: ايي ولكمم باركوليي
والولد شبكوا وباركوله و ضحكهم  ورعد هم طاير
رعد :ها شبيج يمه
ام رعد ضحكت :يي الف مبروك نشالله تكوم بالسلامه والوليد الصالح  فرحتلك من كلللللل كلبي
رعد شبكه
نوب اجه يصعد
لزم ايدي
نورس :هسه اجي  انت اصعد
رعد: تمام
طلع رعد
نورس..درت  ردت اغسل
اجت ام رعد ولزمتني من راسي وجرت شال وجرت شعري حيل
ام رعد: حامل ها انتي ما توبين ما تندمين
هل ايام ماخذه راحتج وحلالج الجووو
واني اريد اخلص منج وفكج من ابني صرتي غمه علي
ترجعين حامل
نورس ...اني ساكته وارجف واحس الدم وكف بجسمي من الخوف
ام رعد:هلمرا اني مارح اسوي شي
لا رح ادفر ولا رح اركع
بس اذا مارح اخليج تتمنين ادفر  واضرب ورفس
اذا ما خليج تتمنين الذل والاهانه بدل الشي الي رح اسوي بيج
اني الج رح العب بيج طوبه واني راسي بارد تمااام
نورس ...كلش خفت من حجيه وضليت كلي ارجف
عافتني وطلعت واني ضليت جامده بمكاني ونخطف لوني
صعدت وطبيت على رعد جاي يبدل
رعد :هاا تعاي احضنج
شبكني وباسني
رعد :ولج ولله اموت عليج
نورس :اني هم
رعد حط ايده على خدودي:شبيج مصوفره
نورس :لا ماكو شي بس  تعبانه
رعد :اوك اي شعليج فوك الدلال اشبعيج دلالين
اني ضحكت
....المهم عدت الايام
واني فرحانه بروحي وقويت علاقتي بربي اكثر وكل الاريده هوا اكوم بالسلامه ويجني ابني بصحته وعافيته ولله يحفضلي رعد
ورعد هم طاير بيه ويموت عليه
وصار صديقي وسندي وكلشي وشيصير اجيله اركض احجيله حته لو ماعده شي
اسولفله كلشي وهوا كذالك
ام رعد  ابد ماسوتلي شي هل ايام
دخلت اني شهر الرابع ونسواه ولعبان نفس وتلعب روحي من كلشي  ورعد متحملني ويجبلي حلويات من برا والي اشتهي
و اني ورعد واحد اخبل من ثاني سوالفنه وضحكنه وهم مرت الايام وصرت شهر سابع
وكلما نروح الدكتوره الطفلل ما يبين بنيه لو ولد
حاط رجل على رجل  بس جان وضعه تمام الحمدلله
.............
يوم الصبح:
اني  بالمطبخ
وحدي
طب رعد من برا
وشايل بيده ورده
ويغني:وهاي الورده للورده لم الورد
لصاحبة الورد كله
واطاني الورده وباسني
اني ضليت اضحك
رعد :اي عيني بعد شتردين
نورس: ولو كلشي ماريد وجودك كافي
رعد: الله الله
نورس..طلعت ولكيته جايب سندانات
طلعنه ثنيننه برا وكعدنه نسويهم
واني كاعده بحضن رعد
نورس :هسه نسمي بستان ساندي
رعد:اي حاضر
نورس :شسمه هاي الورده
رعد :بكيفج انتي سميه
نورس :منين جيبهم
رعد :واحد اعرفه مشتل
نورس :لاتعلمني اني خبره
رعد :اي طبعا
نورس :بلله علكيفك مجاي الحك اقلدك
رعد :اخذي راحتج
نورس: نزرع بطيخ لو خيار
رعد: اخيار
نورس: حلو
خلصنه وحنه كاضيه ضحك واني كلشوي اطكه بسؤل تافه....
العصر رحنه الدكتوره
المهم راحت ويانه زهره ووصلنه رعد
ورعد ضل بالسياره
طبينه اني وزهره وكشفت علي الدكتوره وسونار
خلصت كملت
طلعت زهره واني ضليت واكفه يم الدكتوره
نوب طبت ووياها رعد
اني  ضليت اباوع
رعد كعد يسأل دكتوره شلوضع اني والطفل شلونه
والدكتوره تجاوبه  تره مرتك معرضه للاجهاض
رعد :ليش
دالكتوره :رحمه صغير والحمدلله لهسه ضال طفل وهي ما طاكه نزف الحمدلله او شي
وغير انو اول حمل اله صار اجهاض  فرحمه تأذه كلش وحبلت وراها بأشهر قليله
لازمه درباله على روحه اكثر ولا تتحرك
اذا سقطت بعد ما تكدر تحبل
رعد :لا ماعدنه شي تضل نايم وتاكل احسن
الدكتوره: اي نشالله تكوم بسلامه لحد هسه الوضع طبيعي
رعد: اي هوا شنو بنيه ولد
دكتوره: ولد
نورس...اباوع لرعد لازم ضحكته
تشكر من الدكتوره وطلعنه
وهوا لازمني من ايدي
رعد :ايي شو طلع ولد جان ضام وجه عنه
نورس :خابت امالك مو بنيه ، مارح تجييك نسخه مني
رعد ضحك :شيجي من الله حياه الله ، المهم بسلامه
صعدنه السياره
وزهره دكت الجامه وهي برا
ضلينه  نضحك.. ضصعدنه ونسيناها
صعدت زهره
زهره :خذاكم الواهس يابه
رعد: اعذرينه خيه
نورس ضحكت: اسفين نعتذر
زهره: لا ولا يهمكم ....
رجعنه للبيت طبيننه
ام رعد بالمطبخ :هاا شنو بشرووو
رعد :اي يما رح يجيج حفيد  وليد معدل
نورس :الله
اما :اي اي الف مبروك المهم نورس تكوم بالسلامه
نورس..اني كلش نصدمت وستغربت من ام رعد وهي شلون تباوعلي المهم طنشت نضراته
.... لليل
تعشينه وخلصنه ورعد ضل يم اخوانه يسولفون ويشربون جاي واني صعدت  للغرفه وورا شوي اجه رعد طب.....
احنه على الجربايه وداخلين نقاش حاد شنسمي الولد
رعد: ياسر
نورس: عثمان
رعد: لااا ياسر
نورس :باوع خلنلعب حجره ورقه مقص الي يفوز يختار
رعد: اوك تمام اخذج على كد عقلج
كعدنه نلعب واني فزت
نورس :عثمان
رعد :ياسر
نورس :لا عثمان اني فزت
رعد :بس ياسر احلا
نورس :اني فزت مشكلتك عثمان ونخصم الموضوع
وندلعه  ساره
رعد :ساره
رعد: حقك يا بويه اذا ما طلعت لدنيه من ورا امك
نورس.. اني ضليت اضحك ورعد كام طب للحمام يسبح
واني  كعدت العلب بالتلفون
رعد...طلعت ولكيته صافه بالتلفون
ووجه مخطوف
رعد :شتباوعين
نورس :رعد بطلت ماريد اجيب
رعد:ليش
نورس باع..حطيت بوجه مققطع ولاده
رعد :سدي سدي
نورس :ماريد بطلت خلنرجع
رعد :وين نرجع
نورس :مااريد الله عليك حباب ماريد
رعد :جيبي عمليه
نورس :اخاف
رعد :يييي طبيعي
نورس :ماريد
رعد :بيضي
نورس.... حطيت وجهي بالمخده
نورس :رعد كتلك ماريد اجيب
رعد :لعد شنو نخزنه ببطنج طرشي
نورس:اي
رعد:لاتباوعين هيج سوالف احسن
نورس :يعور
رعد :شنوا
نورس :الولاده
رعد :لا
نورس :ونت شدراك مجرب
رعد  :لا حول
نورس :كلي يعور لو لا حته ابطل
رعد:شدراني بتي
نورس :بطلت لعد شوفلي حل
رعد :كتلج بيضي
نورس :شوفلي حل لا ولله اخلي ببطني ما طلعه
رعد:بطل هوا ما يطلع من دره بيج امه
نورس :احسن
نورس :مااجيب
رعد  :خوش لا اجيبين
نورس:بس اني هم ضجت
رعد:انتي ستقري  وكلشي يعدي بسلام
نورس: المهم شوفلي حل
رعد :انشالله
اجه رعد  تمدد يمي على الجربايه
نورس :اكلك
رعد :ها
نورس:انت مو كتلي نعقد محكمه
رعد :اي نعقد بس علما اجيبين وتكومين بالسلامه
كبل للمحكمه
وشتريلج فستان واني اهلهلج
نورس...اني ضليت اضحك
نوب كمت وجريت الفرشه
وحطيته على بطني وشديته بشال
نورس :يلله هلهل
رعد :اي بت الشيخ لبن الشيخ جبناها
انتي وهاي بطنج ليكول قوطيه ببسي
نورس :اي ضل عيب انت وكرشك
رعد :عيني هاذ مو كرش هاي عضلات
نورس :بكيفي  ساندي اكععد راحه
رعد :لاحول ولا قوه الا بالله تعاي خمدي يلله
رعد :باجر نروح لسوك
نورس :شعدنه
رعد :نسوكلج ولل استاذ ابنج
من هسه احسن
علمود تكضيه نوم
نورس:ايييي صححححححح
نورس:شلبس
رعد دار وغطى وجه :لا حول
كمت اني وطلع باللهدوم واسأله
هاذ لو هاذ .....
رعد.. يوم ثاني العصر رحنه لسوك
وبس طبينه بدت اسأله نورس
نورس :شنو هاذ... هاي شنو..ليش هاذ هيج..شكو منا
رعد :شبيج اول مرا اطبين
نورس :اي اول مرا
طبينه محل
رعد:انتي طبي اني هنا هس اطب وراج بس خل اخابر
نورس: تمام
نورس طبت
رعد..خلصت وطبيت ادور نورس وفتر وفتر ما لكيته وين ختفت
فرت اني.. هاي وين ختفت
طلعت برا لكيته واكفه يم محل مال حلويات
وبيده موطه وجبس
رحت يمهه
نورس : اي وينك انتضرك
ايي تعال انطي فلوس
رعد :اصفكج هسه  صارلي ساعه ادورج ادبسزز
نورس :اي جوعانه
رعد :جان كتليلي مو صالي ساعه افر
نورس دارت ومشت:المهم انطي فلوس تعبت واني انتضرك
رعد: ستغفرلله ربي صبرك
اطيت فلوس ورجعنه طبينه  المحل مال ملابس اطفال
واني ضليت واكف
اجته نورس  بيده بدله
نورس :باااع تخبل
رعد رفع حاجبه: مو كلنه ولد
نورس :بس هاي حلوا
رعد :بس انتِ تلبسين ابنج بدله
نورس :ايي شنو هاي لعبان نفس  هدوم الولد موحلوا
باع هدوم البنات تخبل امووووووت
نورس :بطلت خلنغير
رعد :شنغير
نورس:نغير من ولد لبنيه
رعد :نورس رجعي البدله وروحي جيبي شي بي خير
..نورس طبت
اجت ورا شوي بيده حذاء وردي
رعد :شحجيت
نورس :هسه خلناخذه
رعد :نورس رجعي
نورس :شبيك ساندي عفيه
يلله خناخذه حلو
رعد: شششش نصي صوتج
رعد: المنن
نورس:لبنك
رعد :مو كتلج بطل ما يطلع
رجعت نورس طبت واني وراها
وكعدنه نختار
نورس :اخضر لو ازرك
رعد :ازرك
نورس :اوك اخضر
المهم خلصنه ونورس ما قصرت ماخلت شي بنفسه
حطيننه الغراض  جاي نحاسب
وشفت بدله ورديه
رعد :هاي المن
نورس :ماااااء اخذه اخذه
رعد :لا حول
خلصنه وطلعنه وطبينه نختار جربايه للطفل (كاروك)
لكيت نورس واكفه يم جربايه  ورديه
رعد :يابه ولله ولد
نورس :خناخذذ ثنين
رعد:اي مو هوا جبس والثالث مجاناً
نورس: زين بلله جبت وطلعت بنيه
خلناخذ لون وردي احتياط
رعد: نورسس
نورس: اوك تمام رح اسكت
رعد...ختارينه وخلصنه
وطلعنه وكملنه كلشي يخص الطفل وهم نورس شترت اله ملابس وسوالف ومكياج
.....دا نمشي
رعد:شرايج بذيج البدله
نورس :المن
رعد :الج
نورس :وين
رعد :ذيج
نورس :وين اشر
رعد يحجي بصوت ناصصي وما رفع ايده يأشر بعيونه:ذيج ذيج
نورس شهكت :يا عزا عزا عزا عزا عزا عزا
ماتستحي
رعد :هوا شنو رح تلبسيه الي كدامي مو بشارع
نورس :عيب عيب عيييب
رعد :هوا شنو
نورس :رعد هاي سوالف مال مزوجين
رعد :جا احنه شنو
نورس :اصدقاء
رعد  باوع لبطني
رعد :ونعم الصداقه
نورس: يي نعم
نورس: يايي شعر بنات اريييد
ومشت بسع كدامي
شتريتله وصعدنه السياره
نورس جاي تاكل شعر بنات:اريد موطه
رعد :اكلتي بساع
نورس :يلله اريد جبيرا
رعد وكف يم محل نزل شتره علاكه حلويات وسوالف
....رجعنه
نورس..وصلنه وطبينه الغرفه وكعدنه سوا نرتب بالغراض  واني كلش  متونسه عليهن
ورعد يلزم البلامس ويقلد: هاي شكدوته
وننكت ونقلد وميتين ضحك
...طبت ام رعد علينه
ام رعد:ماشالله ضحكم واصل لأأخير البيت
رعد :اي تعاي يالغاليه تربعي ويانه
ام رعد:لا لا اخذو راحتكم تونسوا الف عافيه
نورس ... ام رعد تباوعلي بنضرات مدري شلونه
نضرات مليانه حقد وغيره
........
يوم ثاني ام رعد راحت ببيت اخته
جانت هلشهر كلش هواي تروح ببيت اخته
.....ورا يومين رجعت الصبح
ومفرفشه وتتمضحك وياي واني جنت كلش مستغربه خير نشالله
...جاي اكنس بالممر وشفت ام رعد نزلت من فوك ودردم: اني الج يالفصليه
اني غلست وسويت روحي ما سمعته
... رعد جان بالشغل رجع باليل متأخر
اني صعدت بدلت  ونزلت انتضره
هوا اجه و طب من بابا الهول
كالمرا يطب من باب المطبخ  لين يدري استقبله مناك ويتلكااني
ف اني درت ورحت
نورس:اجه اجه ساندييي
رعد جان مغندب
نورس ...مديت ايدي نفس كليوم:سلامون عليكممممممم
رعد :نورس وخر
نورس :هاي ليش
رعد خلاني وصعد
اني  ستغربت كلش مو من عوايده حته من هوا تعبان يرد عليه
صعدت ورا وطبيت
نورس :لك عيني ساندي اليوم متكبر علينه
رعد جاي  يبدل
نورس :شنو ساندي الله يساعدكم
نورس :مبين صاير شي بدوام
رعد زمخ:نورس مالي خلكج نزلي منا يلله ولي
وسدي حلكج
نورس :ليش شسويت
رعد خذه منشفته وطب الحمام وركع الباب
ضليت جامده ومصدومه بمكاني بس ماهتميت كلت اكيد جاي  يمقلبني
نورس...ضليت ادك على الباب وغني
اشبيه الحلوا زعلانه
هيلا يا رمانه
رعد زمخ :نورس نزلي لا تجين رح اطلع ادوس ابطنج
نورس :شبيك رعد
رعد :اكلج ولي طرشتني بصوتج ولي مالي خلكج شهلعبان نفس
نورس :اني صوتي يطرشك
اني خليت  طلعت ونزلت
ورا شوي نزل رعد
وطب للمطبخ ويسولف ويا امه
نورس :وهاذ الجاي المعدل لستاذ ساندي
هوا ركع الستكانه بوجي ونجفه الجاي على صدري
اني من الصدمه جمدت بمكاني
رعد :انتي شلزكتي
لا تصيحين ساندي بعد لا اشك حلكج خوش ادبسسزز يلله ولا طعين كدامي شجلبتي زعطوطه
ام رعد مبتسمه ابتسامه خبث:لا يمه ولا يهمك تولي لا تغثك هلشكول
وخذته وطلعت
نورس ...بكااامل صدمتي
شلت الستكانه واني ابجي
....صبينه عشه واجيت اني اكعد
رعد :وين
نورس :ها
رعد :بالمطبخ
نورس :ليش
رعد زمخ عليه كدام خوانه :بالطبخ كعدي اسممي
نورس..اني كمت وصعدت الغرفه وسديت الباب.....ورا دقايق
اني بالغرفه اسمع رعد يصيحلي جوا
نزلت واني ارجف
رعد :وين موليه طبي المطبخ خلصي شغلج يلله
نورس :شبيك وياي
رعد :لا تلحين عاد وتنجلبين فوك راسي ولي يلله خلصي شغلج
نورس.. اني نزلت وهوا صعد
نضفت وخلصت وصعدت
طبت عليه
نورس :شبيك ويايه
هوا متمدد  وساكت
نورس :شبيك ويايه اول تالي تركعني بالستكانه هيج كدام امك وتزمخ علي وتفشلني كدام اخوانك
شبيك رعد ماتحجي
مسوييه شي غلط اني
رعد :ماسويت شي اني
نورس :لا ولله
شبيك رعد صاير شي بالشغل كول
رعد :نورس مابيه لا تلحين
نورس :تره ولله  اكلب الدنيا على راسك تعرفني اذا زعلت اطنكر بعد
لا تنكلب هيج
اني اليوم طاح حضي وبطني ومختنكه
واجي اتلكاك مغندب بوجهي
رعد :عاد لاثبريني ماسويت شي يلله اسف انلصمي
نورس :لا حول رعد شبيك
رعد :مابيه شي يالله مو تعبانه نامي يالله
نورس: ما نام
رعد كام  ضل يصيح: يلله عادك معاجبج طلعي برا
لا تلطشين راسي مصدع سكتي سكتييي
نورس...اني صعدت بالفراش
وهوا اطاني ضهره
نورس :رح تضل هيج منطيني ضهرك
رعد :نورس سكتي
نورس.. درت وما رديت
وعيوني مدمعه
هوا شوي دار
كلت هسه  رح يشبكني ويعتذر ويكول مقلب
رعد :كومي
نورس :شنو
رعد :روحي نزلي نامي بالمخزن ريحتج تلعب النفس
نورس :شنو
رعد :يلله غثيتني بغرفتي واخذ راحتي منج نزلي يلله بالمخزن مكانج
نورس :رعد جاي تمقلبني ومدري شنو ترا مالي  خلك تدري بيه تعبانه
رعد زمخ :شمقلب جهالللل احنه دنزلي لا اطكج رفسه اطلع الفرخ من حلكج
نورس ..كمت:صدك تحجي
هوا كام وجرني من هدومي طلعني برا الغرفه
رعد :دطلعي شهلمغثه
وركع الباب بوجهي
ضليت جامده ومصدومه واحس جاي احلم
نزلت بالمخزن كعدت وضليت ابجي
واني كلي امل هسه يجي ويعتذر
واصعد وياه
لين مايكدر ينام اليل بلياي
صارت ب٢
ب٣
اذن الفجر
طلعت الشمس
ما اجه رعد
واني ما نامت
نغثيت كلش وحته بطنني كامت تمغصني واني اصلا بروحي متأذيه من الحمل ورجليه مورمه ومختنكه
الصبح نزل رعد يروح الشغل  اني طلعت
نورس :اسويلك ريوك
رعد:اي
طبيت سويتله ريوك واجه كعد
كعدت يمه وهوا بده يكال بس كلشوي يستغفر عبالك مغثوث من شي
اجت ام رعد
ام رعد:دكومي خلي الولد ياكل
نورس :شنو مو كلمرا نتريك سوا ليش اكوم
رعد :كومي
نورس :ماكوم
ام رعد:الله يساعدك ابني تستاهل ولله تلزمه تموته
رعد :كومي خلنزقنب
اني كمت متنرفزه وطبيت المخزن
وهوا طلع وما اجه حاجاني
شوي طبت عليه ام رعد
وجرتني من شعري
ديلا على شغلج
ودفعتني
نورس:شبيج شمسويه لرعد
شحاجيتله شذابه براسه من سمج
ام رعد:لا ولله باع السان بعدج ماشفتي شي كتلج اخليج تتمنين الموت اني الج تاخذين ابني مني  وعود اعشكك وتعشكني اني الج ادبسزز جلبه
هوا انتي كلج على بعضج نجه فصليه
اذا رعد يموتج محد يشيل همج
كال شنو كال يمته نعقد محكمه
دكعدي راحه جلبه
وبعدج ماشفتي شي رح اشبعج ويل يا جلبه
راحت ايام الدلال يلاه
نورس...دفعتني ومشت
نورس..ضليت ابجي واجتني لويه قويه كلش تأذيت
خذيت نفس وكمت اشتغل
وام رعد  كلشوي يا تدفعني لو تغمني وتضرب
... الضهر اجه رعد تغدوا ونوب طلع ويا جواد لليل اجه رعد
واني جاي امسح بالمطبخ
ورعد طب وولا عبرني
وصعد وصعدت ورا امه
...نزلت امه
واني  واكفه
اما :شهل تنضيف التعبان هاذ
ودفعتني
نورس.. اجيت اطيح لزمت بالميز
نورس :شبيج تردين اطيحيني تموتيني
ام رعد:طبج طوب
طب رعد
رعد :شكو
ام رعد: ابني دباع مرتك شهل لسان
احاجيه ترادد الكلمه ب١٠
كله لأن كتله هاذ مو خوش شغل
نورس :انتي دفعتيني
ام رعد:يمه يمه  باع الجذب شون ادفعج بتي ونتي حامل ياااااء
نورس...رعد مد ايده يريد يضربني راجدي
واني رجعت ليورا
رعد :ونتي شكو تراددين
ونوب ضربني
رعد ايده ثكيله وخشنه
ضربني راجدي٣ مرات خدي نشلع
واني ضليت  ابجي وشهك
رعد دفعني: يلله شتغلي عدل
وطلع هوا وامه
اني  كعدت بالكاع واشهك وبجي
وخدي كام يون عليه خدر
ماادري ابجي من صدمتي برعد
تأذيت نفسيا من صدمتي  برعد اكثر من ما تأذيت من ضربته
كمتت ورجعت انضف
خلصت وطبيت المخزن
ورعد ولا اجه  ولا طب
لل١٢ صعدت اني  فوك
طبيت عليه بالغرفه لكيته ناااايم
رجعت نزلت‏ نمت بالمخزن واني ميته قهر وتعب
.....الصبح اني واكفه بالصاله
رعد نزل
وكفت بوجه
نورس :شبيك
رعد :وخري
نورس :اي شبيك  كول مو رح تموتني ليش هيج جاي اتسوي بيه
رعد دفعني حيل
طحت بالكاع وصرخت..............