{ألمنافق ألشريف}

ألبارت الثاني عشر

ضيعوني وانا ذاك الضاعت عيونه بصورهم......
..................................................
سَحر: عمره ٤٥
بعد شتردين شايببب
وسحر تضحك
اني ضليت جامده
طلعت سحر
طب ابويه
ابوي :باجر العقد
وياخذج ونتو بعدين تعقدون محكمه
مهرج مقدم مأخر ١٠ مليون بعد شتردين
رح تشبعين دلال( ال١٠ مليون كلها راحت بجيب ابوي)
نورس...اني صدمه ورا صدمه
رح تزوج واحد بكد جدي
رحت طبيت الصاله
وكعدت وساااكته
ما مستوعبه الي جاي يصير
عمره ٥٤
شيريد مني؟
شجابه علي؟
واني بكد حفيدته
......... يوم ثاني الصبح
اني بالصاله دخل علي  ابوي
ابوي:شو ما محضره روحججج
دكومي يالله
وصاح :سحر
اجت سحر
ابوي:ديسويله عدليه مدري شنو مو رح يجون
جرتني سحر
وطببتني لحمام
اني ساكته
طلعت وطتني ملاابس
وسحر تغلط وادفع بيه
اني بدلت ومشطت
راحت سحر صاحت لبوي:خلصناها يمته يجون
ندك الباب
طلع ابوي واني بالغرفه رحت للمطبخ وباوع من الشباك
مديت راسي وشفتهم طبوا ووياهم شيخ
وباوع لرجال مشيب
مشيييييب
اجه ابوي طلعني بدفع وطبينه الصاله كعدنه
وبده شيخ يعقد
واني ما ادري وين الله حاااطني
سألني شيخ.. قبلتي
اني باوعت لبوي
خزرني
نورس: قبلت
خلصنه وطلع الشيخ
وابوي عود يبارك لرجال
وهاي المره نفسه وياه
اني واكفه
طلعوا همه برا واني بمطاني واكفه بصاله مو مستوعبه الي يصير
طب ابويه صاح :يالله
طلعت اني
وابوي مسوي روحه يودعني
والله وياج بتي ودربالج على روحج ومدري شنو واني صافنه وراسي صدع عليه
وطلعت وياهم
والسياره اكو احد كاعد
سايق
صعدنه السياره واني مادري شنو مشاعري بهل لحضه
بس نكول ماكو مشاعر جنت ميته بس هيج اتحرك ووجهي كامل علامات البرود وتعب وبس صوره ابني بخيالي وصافنه
وكعدت يمي المره
المره :اني ندى
بته لرجلج
نورس بصدمه :بته!!
اني بكلبي..جايه زوجيني ابوج
ندى:عمري ٣١ ابوي اسمه كريم
نورس.. اني صدمه ورا صدمه
نورس من الصدمه فكيت حلكي
اسؤال الي اجه ببالي
هوا شاريد مني..؟؟
وصلنه البيت
البيت قصر
الاضويه والحديقه والكراج
وسيارات عبالك وزير
وساحه شكده كدام البيت والباب
وحارس واكف
نزلنه وطبينه البيت
البيت جبير واكو عامله
وريحته بخور
ويلمع و كله مرايات
الكاع من كد ما نضيفه ينعكس وجهي بيه
  كريم طب الغرفه
ندى :شدعوا هلكد مستغربه
اكيد حقج
هسه تكولين شكو رجال شايب يتزوجني
وشكو بته تزوجه
ووين مرته
اني هسه احجيلج كلشي روحي اول شي بدلي وتعاي نكعد
نورس..اشرتلي ندى على نفس الغرفه الي طب بيه كريم
اني طبيت
وهوا عادي كاعد ولازم التلفون
كريم :هلا نورتي نورس نورتي البيت
نورس :شكرا
كريم :اخذي راحتج البيت بيتج
نورس...باوعت للميز لكيت كومه ادويه
كريم :اذا زاعجج اطلع
اني ضليت ساكته
هوا طلع
اني ضلت اباوع
الغرفه جبيره  وكله جام ومرايات والاثاث اخر مديل وذهبي
ولكيت اكو جنط خفت افتحهم
مسطرات بنص الغرفه وعليهن ورد
المهم  اني طبيت غسلت وجهي وطلعت
لكيت ندى كاعده
ويمه رجال  وكع يسولفون
وكدامه صينيه كيك وجاي وحلو
ف الرجال كام ووطلع
ندى: تعاي استريحي
نورس..رحت كعدت يمه
ندى :هاذ رجلي كاضم
نورس بكلبي:شهل عائله الغرييييبه
ندى :اي شونه البيت نشالله عجبج
نورس..اني بتسمت مجامله
ندى :باعي احنه انشالله ماعدنه مشكله وياج
بس الرايديه منج انو ابوي رجال جبير مثل ماشوفين
وتعبان ومريض
وهوا رايد مرا تهتم بي وتشيله يعني هوا راد يزوج
ومن هلحجي واني ماكدر اوكف بوجه
هو مريض بي ضغط وقلب  وقبل جم شهر سويناله عمليه هم
بس انتِ نشالله تعيشين معززه مكرممه هنا وكل الي تردي يصير
يعني لا يروح بالج بعيد
نورس ستغربت وبكلبي:جا انتِ شنو
هم ما قتعنت
ندى :سولفيلي عنج ابوج كال انتي مطلكه
نورس :اي جنت فصليه
ندى :ياا فصلييه وليش طلكج
نورس :مادري
ندى على ملامح وجه الصدمه:لا حول لله هيج فجأه..
شونج هناك
مادري ماريد اتخيل
ندى: ابوج شلون قبل ينطيج فصليه
نورس: ما جنت عند ابويه جنت عند خالي وبسبب ابنه  رحت فصليه
ندى مصدومه: مادري شنو اكلج ولله
بس اكيد احسلج بدونه
يعني الله يكتبلج الخير اكيد
فمدام صار هيج عافج يعني احسن الج ولله يريد مصلحتج ويكتبلج بس الزين الج والاحسن
نورس :عندي ابن بنه
ندى :عزا وضل عنده
نورس:اي
ندى :ليش يمه شون تحملتي
نورس...اني  ساكته
ندى :يلله تفرج تفرج انشالله اكيد رح تجي ايام حلوا تعوضج انشالله
نورس: انشالله شكراً
ندى لزمت ايدي :تعاي اخذج فرا بالبيت اعرفج وهاي
نورس..كمنه وندى فرتني بالبيت
البيت يخبل مال خليج
اثاث  والكسسوارات
طلعنه بالحديقه
ندى :البرا شفتي حارس
وهاذ سايق
وواكو ٣ سيارت بالكراج
ندى:ذيج مالت ابوي وذيج مالتي وذيج مالت رجلي  كاضم
نورس:اسوقين؟
ندى:اي
نورس:مبين عليج موضفه
ندى :اي هوا موضفه
نورس: حلو الله يوفقج
... طبينه جوا
شوي وصبوا غده
وكمنه على الميز والاكل اشكال والوان
بس اني مالي خلك ولا الي نفس
خلصنه وندى طبت غرفته
واني ضلت بالصاله كاعده ما ردت اطب الغرفه
والعصر اجت يمي ندى وكعدنه نسولف وندى جانت كلش حبابه واسلوبه وحجيه وضحكته و تفتح ماواضيع حلوا
ونوب طبينه غرفه كريم
وندى كعدت تعلمني على الادويه
ومرض ابوها وتفاصيل
ندى:شنو ذن جنط ما فتحتيهن
نورس:لا
ندى :ذن الج هدوم اني جبت الاكدر علي بس مو هواي وبعدين انتي اوريج صور وختاري الي يعجبجج  ونطلبهن
نورس :لا ماريد شي شكرا ماتقصرين
...... لليل تعشينه وخلصنه وجنت اريد اطب اسبح بس مستحيه
شفت كريم ما موجود رحت دخلت وسبحت
وطلعت ومشطت ولبست و فتحت الجنط واباوع
وطب كريم
كمت وطيته ادويته
وكعد على الجربايه ولزم التلفون
نورس ... اخذت مخدتي وتمددت على القنفه ونطيته ضهري
كريم :تعاي على الجربايه
نورس.. اني سمعته وصوفرت
نورس :لا مرتاحه
كريم :لا تعاي
اني ما رديت وسويت روحي نمت
شوي درت وجهي
ما لكيته
كمت شربت ماي
هوا طب
اجيت ادور
هوا وكف كدامي
نورس :اريد اعبر
كريم  يمشي كدامه
ان صعدت على الجربايه وصرت كلي ارجف
كريم :نزلي
نورس :وخر عني
هوا صعد ودفعني
اني صرخت
ولزمني من ايدي
ضليت مصدومه هلكبرا وبيه قوا
وجرني
ضليت ابجي وتتوسل عوفني الله يخليك
هوا عافني وطلع
اني  جريت نفس وكمتت ابجي
نورس :يمته ربي اني ماخلص
  كعدت على القنفه وما نمت
هوا طب وصعد الجربايه ونام
واني ضليت  كاعده للفجر
اذن وحطيت السجاده
وكمت ابجي وهم اتوسل ربي رجعلي ابني
بس ابني اريده
.....................
عدت الايام
واني نفس حالت بببت ابوي
ساكته وسرحانه بغيرعالم يأذن والزم السجاده وابجي
وكلبي ييكوم ينغزني و يأذني فجأه ودوخ  وختنك ومصدعه ٢٤ ساعه
ندى تحاجيني: ناخذج دكتور شي
واني اكلله بس جيبولي ابني هوا دواي
...اخر ايام ضليت حابسه روحي بالغرفه وبس ابجي
ودهورت صحتي بالزايد
كمت اذب من راسي( اتقيأ) وكضي اليل بس اون
وندى تلح علي  نروح دكتور واني ماقبل بس لمن كلش تخربطت ورحت الدكتور وسوالي تحالي وماعرف الدكتور شبيه
بس جنت تعبانه كلش وجسمي كله مأذيني
ندى...اني حاجيت ابوي وجابله شيخ
واني كتله البنيه مريضه يرادله دكتور
هوا جاب شيخ طب.. على نورس بالغرفه ونورس صافنه وسرحانه بغير عالم
والشيخ يحجي وياها  هي ساكته
فتح القرأن وقره أيات
ورا شوي طلع
سألته ندى: هاا شنو
الشيخ: البنيه مسويله سحر
ندى :سحر ؟؟؟منين
الشيخ :رح تضل هيج مريضه وتعبانه لمن يفك السحر
والدكاتره مارح يكدرون يعرفون شبيه ورح حالته تسوؤء بعد اكثر واكثر
ندى: ياهو مسويله سحر شلون نفكه
الشيخ ما جاوب وضل ساكت
الشيخ راح واني ضلت ببالي كومه اسأله وما مصدكه اصلا...
باليل اخذنه نورس للمستشفى
تحاليل و فحوصات
دمه نازل
ووضعه مهيأ انو اطكه جلطه او نوبه.. قلبه تعبان عده ضعف بالقلب وشراين القلب تعبانه لذالك مهيأه هيه لنوبه او جلطه
وكلبه نبضاته ضعيفه كلش لذاك تختنك كلش
كتبله الدكتور كومه ادويه
ولازم تعوف البجي والقهر لا من صدك تنجلط
ودمه نازل كلش  ف اذا ما صعد لازم نحطله بطل دم
ندى..رجعنه للبيت واني ماعرف شحجي من صدمتي بحجي الدكتور
بنيه بعمر المراهقه ومهيأه انو تجيه نوبه قلبيه او جلطه وعده ضعف قلب ....وهم رجعت لنفس وضعه تصفن وتسرح هواي وباليل تتخربط ومن تجي تنام تكضيه تون
تذب من راسه وتختنك وتصير زركه
ندى...واني  احاول وياها حجي منا منا
بس ماكو البنيه مو بعالمنه
بس من اسأل شتريدن
نورس: اريد ابني
ورا سبوع نورس ما تحسنت
بالعكس زادت ونتكست ازيد
صارت ماتاكل  ونخطف لونه وضعفت كلش وعيونه بهتت وهالاته مو طبيعيه وهاذ كله بسبوع نكلبت ١٨٠ درجه...
..................
يوم:
نورس... اني بالغرفه ومتمدده بفراشي وراسي مصدع لدرجه والدنيا مضلمه بعيوني...كمت وكفت كدام المرايه وامشط
واطيح خصل شعري بالكاع تملي الكاع ملي
وصفنت واباوع ببرود على روحي بالمرايه
كعدت ادور بالمجرات
طلعت مكينه الحلاقه مال كريم
شغلته
وحلقت شعره
صفر
والزمهن الخصلات وذبهن بالكاع
وبكل بروود وبكل ملامح ميته وبكل مشاعر عصفت بيه صدمات الدنيا
واذكر من جان رعد يتغزل بشعري
ووازيد اذب الخصلات بالكاع ب ودوس عليهن وحلقت صفر ع الاخير
ندى ..طبيت على نورس وألكاها لازمه المكينه وتحلق شعره والكاع مليانه شعر رحت ركضت وجريته
ونورس كامت ترافس واصرخ
نورس:الله ياخذك الله ياخذك الله ياخذكككك
نورس كامت صرخ بعلو صوته وكله ترجف وترعش تهسترت لدرجه
ندى :ياخذ منو؟؟؟
نورس :رعد
ندى :ليش هيج سويتي بشعرج
نورس :كافي اني تعبت
ندى... نورس كله ترجف نهارت بين ايديه
نورس:كافي خل اموت وخلص كافي
مابيه حيل بعد
اني مفاركه ابني  وضاله هيج معلكه بالدنيا
خل اموت
ندى :كافي يمعوده لا تحجين هيج كافي
نورس :ليش هيج سوا بيه
ولج ولله جان يحبني
جان يبوس التراب الي ادوس عليه
جان من يشوفني ضايجه عيونه ادمع اذا ما عرف شلون يفرحني
نورس وهي تبجي وتشهك:ولله جان يحبني
ليش هيج
ندى :نورس ذكري الله
الله ماناسيج
تجيج ايام حلوا وتنسيج كل هضيم والله يعوضج بس لازم تصبرين ما يصير تسوين هيج بروحج
نورس :اياميش
ليش هوا شبقه
شبقه حته افرح بيه
شعري وهاي ذبيته
شببقه حته افرح بي
اابني وخذو وخولو روحي تايه مني
اريد ابني
ندى :شبيدي عليج ياروحي
ندى.. بقيت احاجيه وواسيه بس هيج جانت كلش منهاره وشعره مالي الكاع
وشوفه شكد مكسورا وشكد متأذيه ومجروحه
باقيه جسد بلا روح
يوم ثاني جبت الشيخ نفسه
وطب على نورس
وكعد يقره قرأن وشغلات ...
واني اباوع لنورس
نورس كاعده بحاله سكون وصافنه مو يمنه اصلا
والشيخ يقرا و يقرا
نورس:اسكت
وشيخ يقرا وكام يعلي صوته
نورس :اسكتتت
نورس ضلت اصرخ اسكتتت
كامت
وذبت من راسه(تقيأت)
ندى.. اني كمت  كومته وطببته الحمام وغسلتله
طلعت ورجعت كعدته
ورجع شيخ يقرا
نورس :اسكت حتركت اسكتت
ندى :شبيج نورس
نورس :طلعو برا ماريد احد
ندى.. اباوع لنورس  بدت تعرك ووجه صار احمر
نورس تصرخ:ختنكت  كافي ختنكت اريد هوا كااافي
ندى :شبيج نورس
نورس :ختنكت اريد هوا
كومته وطلعته من الغرفه
ونورس ختنكت كلش
وطاحت
صحت لكاضم  وشاله وحطه على القنفه
وغسلت وجه وشربته ماي
صحت
ندى...اني رحت على صفحه يم الشيخ
ندى :احجي كول اي شي  سحريش ومنين البنيه شبيه هيج اتخربطت ودمرت بسع بسع
الشيخ :مسويله  سحر حته تطلك من رجله
ندى :رجله القديم
الشيخ :اي
ندى :ياهي
اشيخ :الي طلعلي بالقرأن   انو هي مرا جبيرا
وقريبه كلشي الهم
ندى :وسحر شون نفكه
شيخ :السحر ما ينفك الا صاحبة السحر تموت
ندى..اني ضلت جامده
ندى :سحريش هاذ
الشيخ :المرا ساحره البنيه حته تتخبل وتبقه مريضه وما تصحه
وسااحره الولد الي هوا رجله حتى يسمع حجيه و يكلب على مرته
ويتخبل منه
ويكرها ويطلكه وصير بينهم مشاكل
وصار الي هي رادت
بس البنيه رح تضل من مرض لمرض
ندى..ضليت  مصوفره مادري شكوول
راح الشيخ
ورجعت يم نورس ولكيته مصفنه سرحانه بغير عالم
طببناها  الغرفه ونامت
نورس.... لمن طلكني رعد وبديت معاناتي ويا ابوي من جانب ومن جانب كلبي الي يريد ابني وحضني الي يحن على ريحته ومن جانب مصدومه ب ألي جاي يصير وبعدني مصدومه ومن جانب حبي لرعد وليش هيج سوا بيه
صرت اشلاء ضايعه متشتته متدهورا بهل الصدمات والخيبات والانكسار 
تألمت وتعذبت كلش وماتت مشاعري واحاسيسي جنت اتخيل صوره ابني وابجي وبس ردت  ارجع احضنه واشمه
جنت احاول اقاوم وكوم كل يوم من نومي على امل اليوم اشوف ابني
بس لمن كلش ادهورت وتعبت وحسيت بروحي مربطه وجاي اغرك بهاذ العالم  حسيت اني مربطه بين كل الي يصير  تدهورت صحتي النفسيه والجسديه كلش صرت اكره احجي واضحك اكره اسولف اكره شكلي وشعري اكره نفسي صرت احس بتأنيب اضمير علا لا شيء واني ما بيدي شيء
لمن انام ما ارتاح والكوابيس ما اخلص منه
اختنك وتقيأ وكلبي يدك ضعيف وجهي بهت وصوفر وجسمي صار نحيل ومابيه اي قوا
كمت اشوف الدنيه مضلمه بعيوونيي ومن يجي الشيخ يقرا كلش اختنك واحس روحي جاي احترك واشوف بالغرفه خيالت سوده  وب زاويه الغرفه خيالات تموتني خوف خيالات سوده احسه مربطتني وكاطعه عني الهوا
احس روحي مو روحي بس صرت اشلاء لهاي الصدمات.
.......عدت الايام
ندى...ونورس كلما جايله كلما ازيد للاسوء
كامت ما تصلي وكطعت الاكل
ودمه نزل بالزايد بشكل مو طبيعي
وحطيناله  بطل دم
شالت الكانونه وضلت ترافس وتصرخ
لا تحجي لا تسوي
ضعفت كلش وعضامه طالعه
وبس باقيه بالفراش وصافنه
وتتقيأ و تختنك وكلبه تتخربط دكاته
والدكاتره مايعروفون شنو علته بس يكتبون ادويه ونرجع ليورا
ندى...اني  خلص يأست ممكن بأي لحضه تموت البت
ماخليت شي ما سويته وياها البنيه منتيه
جاي تنازع يوم عن يوم للاسوء  مناعته كلش تعبانه ودمه  ينزل وينزل وصجته تتدهور
...................
يوم الصبح:
ندى ...طبيت على نورس الصبح ولكيته نايمه
طلعت
رجعت ورا شوي طبيت
ندى :نورس يلله كعدي خلنطلع برا  نتريك  شدي حيلج وكومي خل نغير جو
نورس نايمه
اجيت يمه اكعده
ما ردت ما تحركت
اني خفت وكلبي كام يدك سريع
طلعت وصحت لكاضم اجه
وشاله وطلعنه بسع للمستشفى
طببناها عباره عن جثه واخذوها الدكاتره
وجهاز انعاش ومال قلب ومال تنفس
ويردون دم
سوله صدمات
هنااااااك ياالله ردت بيه الروح
طلع الدكتور
الدكتور :تره البنيه منتيه هلمرا عاشت
المره جايه ماضمنلج كلبه تعبان
مو كلب وحده مراهقه والادويه اذت معدته وكليته
وبعد ما تتحمل تاخذ دم
اوردته تكطعت من الكانونه مال المغذيات والدم الي نحطه
يعني اذا نزل دمه بعد مانكدر نطي مابيدنه شي
ندى ...اني ضليت ابجي
............
نورس ضلت  شهر كامل بغيبوبه
ما صحت وعليه الاجهزه
عايشه بفضل الاجهزه
والدكاتره ماجاي يعرفون شبيه
اجه دكتور من بغداد وماعرف سالفته بس تعبانه ومنتهيه وجاي تتدهور اكثر واكثر
ضلت نورس على المغذيات والدم
واني يوميه امر عليه بالمستشفى
....يوم واني  بالدوام
خابروني من المستشفى
*هاي بعد شهر ونورس بالغيبوبه*
كلولي نورس صحت
خلصت شغلي بسع وطلعت
وطبعا نورس من دخلت غيبوبه اني خابرت  ابو نورس
وكلي...  اي اجي...ورح اجي
بي لا اجه وولا وصل
نصدمت  اني وحته ما يسأل وولا يدك على بته
المهم طلعت اني  من دوام للمستشفى
وطبيت علة نورس
وهي صاحيه وصافنه بالحايط
بس جانت كلش تعبانه وعضامه طالعه وصارت بيضه كلش لين مابيه دم
ندى :هففف ولج واخيرا
الحمدلله على السلامه
نورس ساكته
كعدت يمه
ندى :ادري بيج تعبانه كلش
صارلج شهر غيبوبه
نورس شدي حيلج كافي  رح تروحين من ايدينه
نورس دارت علي
نورس :اني تعبت مابيه حيل
الله يخليج اخذو روحي وخل اخلص
شيلو الاجهزه والدم والمغذي
كافي مالي قدره ولا الي قوا ولا بيه حيل بعد
خلصت طاقتي
..نورس تحجي ودموعه تجري على خده
ندى :نورس مايصير هلحجي  مايصير تيأسين من رحمة الله الله ماناسيج لازم تتحملين هي شده وتخلص وهاذه كله امتحان من ربج لازم تصبرين
نورس كامت تبجي واني حضنته.........
ضلت نورس ٣ ايام بالمستشفى
ونوب طلعنه رجعنه للبيت
بس بعدهي نفس وضعه وما قبلت تاكل
حطيناله مغذي بالبيت
ونامت بالغرفه
يوم ثاني  اني جبت الشيخ
طب على نورس
نورس ساكنه وهدوء وجو ساكن
كعد يقرا قرأن
واني واكفه اباوع
نورس صافنه بغير عاالم
شوي دارت نورس على الشيخ
نورس :اسكت
ندى :حبيبتي هوا جاي يقرا قرأن ونتي تعبانه احسن الج يفيدج
نورس :اسكت
الشيخ  استمر يقرا
نورس كامت
ودفعته بقوته وضلت اصرخ :اسكت
اني لزمته
نورس تخبلت كامت ترافس ودفع وتضرب الشيخ
صارت غير انسانه..  ونوب طاحت بالكاع
دخل كاضم
وشلناها على الفراش
انوب كامت اذب من راسه( تتقيأ)
وجسمه كله يرعش وختنكت
طببناها الحمام وغسلناله
ورجعناها على الفراش
رجع الشيخ  يقرا
نورس ضلت اصرخ:اسكت، اطلع براا
كبت البيت صريخ
الشيخ طلع....
ندى.. ورا يومين هم جبت القشيخ
ورجع يقرا
ونورس جانت نايمه
وشيخ يقرا واني كاعده وكلشي تمام
مرت دقايق
وهيج نجرت نورس من الفراش
ونركعت بالكاع
اني كمزت وشعر جسمي وكف
ورحت عليهه اكومه
نركعت كلش قوي
كامت وضلت تتقيأ
الشيخ سككت نوب رجع يقرا
كعدناها على الفراش
ندى :نورس شبيج احجي تأذيتي
نورس :شغلوا الاضويه ، ليش الدنيا ضلمه
ندى :ضلمه
الاضويه مشتغله  والدنيا صبح
ندى..نورس ضلت اتصرخ وتبجي
نورس:شغلوا الاضويه ليش ضلمه
وصافنه ماتباوع عليه وعيونه بغير مكان
ندى :شبيج نورس
نورس :الدنيا ضلمه
ندى. كمت أأشر لنورس باوعي منا منا
ماكو عيونه بغير مكان
نورس كامت وضلت اتصرخ ليش ماجاي اشوف
شغلوا الاضويه
ندى.. لزمت نورس طلعته برا
وهي اتصرخ   وين الضوا
ليش ضلمه؟؟؟؟ ليش ضلمه
كامت تلطم ودك عل روحه وتشهك ونكطع نفسه
ندى.. اني لزمته
نورس:عليج الله  وين ضوا
ماجاي اشوف شي
ندى  :شبيج نورس  شجاي اتشوفين
نورس: ضلمه
طفت الدنيا بعيوني
نورس نغمه عليه
ورجعناها بفراشه
والشيخ راح
.......لليل  واني كاعده يمه
صحت نورس
واني اباوعله
ندى: تشوفيني
نوورس صافنه بزاويه الغرفه عبالك اكو شي هناكه واكف
ندى :نورس تشوفيني
دارت علي نورس
وهزت براسه : اي
اني اخذت نفس وكعدت
ندى :رح طلع اجيبلج اكل
كمت رحت جبتله صينيه اكل  وحطتيه كدامه
نورس اكلت لكمه لكمتين
كامت  وضلت تتقيأ
وشمرت الصينيه
وتتهسترت وتصيح وتصرخ :اريد ابني
ندى انيي لازمته وهي تبجي
طاحت نورس بالكاع ونهد حيله
وبلاعيمه طكن من الصريخ
وشفايفه اتصب دم
كومته على فراشه
وباوع لرجليه بس جلد وعضم
نامت نورس واني طلعت
....يوم ثاني
المغرب جاي يأذن
ندى ..اني طبيت غرفتي اصلي
فتوضت وطلعت اشوف نورس
والاذان قريب علينه وصوته عالي
طبيت بغرفته
ماهيه نورس ما موجوده
طلعت رحت بالصاله مالكيته
طلعت للمبطخ ولكت الباب مفتوح
ركضت طلعت بالكراج
لكيت نورس واكفة
ولازمه اكو درام ( جلكان)صغير مال نفط
وجاي تذب على روحه نفط
اني صرخت
نورس رجعت ليورا
وهي مليانه نفط شغلت الجداحه
ندى :نورس لا عليج الله
ونورس مبينه ابد مو بوعيه
وعيونه حمرر وترجف
طلع كريم وكاضم
ونورس لازم الجداحه
ندى :نورس ذبي الجداحه
نورس ذكري الله عليج الله عوفي الجداحه
اجه كاضم يريد يلزمه
نورس..صرخت
نورس:لا تدنه لا احرك روحي
رجع ليورا
ندى :عليج بروح ابنج عثمان
اطيني  ابجداحه
ندى...ادنيت عليه شوي شوي
ندى :بروح ابنج
نورس :ابني
ندى.. جريت الجداحه
ونورس طاحت بالكاع وشهكت
وكامت تبجي:اريد ابني
شاله كاضم وطببها
وغسلت وبدلت ورجعت بفراشه
وماقبلت تاكل ورجعت نفس حطته صافنه وسرحانه بغير عالم
.....عدت الايام ونورس على هاذ المنوال
وما تاكل واذا  اكلت تتقيأ
اليل كله تون بالغرفه وبالنهار بفراشه وصافنه
ومن يجي الشيخ تتخبل تضل ترافس
وتصرخ وتركع وتضرب الشيخ
تصير غير واحد ...وبليل تتخربط
وناخذه المستشفى كلبه كلش تعب
وزادوا علبه الدويه دمرت معدته
وكليته..
....................
عدت ٨ اشهر
٨ اشهر
ونورس تتعذب
كل ليله تنهيه وهي تقرا الشهاده
كل ليله هي تون بأسم ابنه
ضعفت كلش وعضام وجه طلعت
شعره ما طلع بعد
ورموشه وحواجبه كامت اطيح
دم ما كدروو يحطوله بعد
شراينه اوردته تكطعت
من الكانونه وايديه زرك
معدته ادمرت وصارت بيضه ببياض الورقه وملامحه ذبلت وولونه باهت كأنما مابيه روح
كطعت اصلاة لا صلا لا قرأن
كاضيه اليوم كله بالفرراش
ندى..واني حاولت وياها كلشي  بس ماكو
حته من اطلع صوت قرأن
نورس تتخبل وتصيح :طفووووووا
مرت ٨ اشهر يعني مرت سنه وهي ماشايفه ابنه
سنه وهي تتلوا وتتعذب وتعيش الموت
...........
يوم:
ندى: اني ورجلي كاعدين بالصاله
نفتح بابا غرفه نورس وطلعت نورس
تسح بروحه كوا
ندى :وين
نورس ساكته
مشت طبت المطبخ
اني كمت وراها
نورس صبتله ماي بكلاص
ندى :اني اصبلج ليش كمتي مو يمج بالغرفه اكو
ندى.. اني  ويا ما كضيت الكلاص من ايد نورس
نورس طاحت بالكاع
ونركعت ركعه على راسه على الكاشي( الارض)
اني صرخت و كلت نكسرت جممتته خلص
طب  كاضم على صوت الركعه
وكعدنه يمه ونصحي بيه
ضلت ترجف بشكل مو طبيعي
اجته نوبه
شلناها بسع وطلعنه للمستشفى للطوارء
واخذوها واجه الدكتور  واني واكضام بالمستشفى نتتضر الدكتور وميتين خوف لين جانت الطيح كلش قويه...
والدكتور ما قصر وهنااااك وهم
يلله ردت بيه الروح
ومعجزه على هاي الضربه ما نكسر راسه
دخلت غيبوبه ثانيه و٥ ايام ما صحت
وهي بالغيبوبه كلشوي كلبه يتخربط.....
ندى.. واني كليوم الصبح قبل لا اروح الشغل امر عليه بالمستشفى وباليل ابقه يمه..
ندى... الصبح قبل لا اروح لشغلي
مريت على نورس بالمستشفى
طبت عليه بالغرفه ولكيته صاحيه
كعدت يمه
ندى :ليمته احنه نضل هيج
نورس ماناويه تشيلن روحج
رجعي لصلاتج وربج
اكلي وشربي رجعي لحياتج
صارلج سنه على هاذ الوضع وعلى  هاي الحاله
يا ساعه ونكول رح تموت
كلبج تعب انتي تعبتي
شدي حيلج وكومي نفسج
نورس ساكته
ندى :لخاطر ابنج كومي
نورس ساكته
ندى... طلعت حاجيت الدكتور
يابه شبيه
الدكتور يكلي مانعرف
شنو شبيه.. ماندري
لا بيه ورم لا  كسر لا شي ليش هييج تتخربط وطيح ماكو سبب  بس كلبه ضعف وتعب وفوك هاذ كاطعه الاكل ادمرت بالزاييد
بس هيه منتهيه وشنو السبب محد يدري
بس هاي اخر ايامه وجاي تنازع
لين بعد ماله قوا ولا اله مناعه
وجسمه بعد ما يتحمل الادويه
ندى: ستغفرت ومادري شكول بس نقمت كلبي
رجعت كعدت يم نورس شوي
ونوب رحت لشغلي
ورا يوم نورس على نفس حالته بالمستشفه
....
اجيت باليل للمستشفى وطبيت على نورس وكعدت يمه
نورس :طلعيني
ندى :وين
نورس :منا ماريد ابقه بعد
ندى :بس..
نورس :طلعيني
ندى:اوك اوك الله كريم تردين تكومين تتمشين شوي
نورس هزت براسه ب اي
اجيت اني اكومه
ولزمت ايدها كومته وطاحت
ندى :علكيفج...يالله كومي
رجعت طاحت
نورس :ما ..ما
ندى :ما شنو
نورس :ماكدر اوكف
ندى..رجعت كومته
طاحت
طلعت صحت لدكتور
وشالوها على الفراش
الدكتور لزم ابره
ومشاها( الابره)على رجله
الدكتور :تحسين
نورس :بشنو
ندى ..باوعت لدكتور
الدكتور  ضغط بالابره حيل على رجله
الدكتور :هسه
نورس :شحس
الدكتور لزم نورس :بلله كومي
بس كامت طاحت
رجعها كعده وطلع
ندى طلعت وره الدكتور :شبيه
الدكتور :نشلت
ندى :شنو نشلت كلشي مابيه
دكتور :جسمه جاي يموت
اصلا معجزه لهسه عايشه
ندى :ورح اتضل هيج
الدكتور :مابيدنه شي..
رح دكتور ورجعت اني يم نورس ولازمه دموعي
ما حجيت وياها شي
يوم ثاني نورس ماقبلت تبقه بعد وطلعنه من المستشفى للبيت
باليل اني جبت الشيخ
وطبيت اني ويا على نورس
نورس بفراشه
كعد الشيخ يقره
واني اباوع لنورس
هلمره نورس كلشي ماسوت
لا صاحت لا بجت
لا طفرت لا رافست
بس  متمدده وصافنه بالسكف
والشيخ يقره ووالوضع هدوء
بس هدوء مرعب
اني اباوع لنورس عبالك جاي تنازع بفراشه
الشيخ يقره
ونورس نفسه يخف عبالك احد يخنكه
اني  ادنت عليه
نكطع نفسه
ودارن عيونه وصارن بيض
ندى :كافي كافي البنيه ماتت
كمت اريد اكعد بيه ماكو
صحت لكاضم وشافه  والبنيه مابيه نفس وهم اخذناها للمستشفى
طبينه وهم اخذه الدكتور  والتمو عايه الدكاتره والممرضين
و الدكتور يكلي مايفيد شي
حته لو ترجع ونسويله صدمات مايفيد
ما يفيد انتهت
اني ضلت اصرخ :لا تخلوها تموت بعدهي صغيرا
ورح الدكتور
واني ضليت ادعي وتتوسل  ترجع بيه الروح
ورا ساعتين طلع الدكتور
ندى :هااا
الدكتور: عايشه بفضل الاجهزه
بس ولله مايفيد كل هاذ ما يفيد
البنيه اصلا من زمان ميته
وشلل صاعد عدها ورح يصعد اكثر
خلص نتهت جاي تعذبوها انتو
باجر باليل نشيل الاجهزه منه وخلص
ندى..اني شبكت كاضم وابجي
ضلينه  يمه لصبح
واني كاعده يم نورس لقره قرأن
ساعه ب٦ ونص اني جاي اقرا
نورس فتحت عيونه
باوعتله  ودموعي تنزل
ندى :نورس بعدج صغيره
نورس لا ترحين تحملي تحملي وتلله رح يرجع يجمعج بأبنج بس شدي حيلج
ندى...اني طلعت صحت لدكتور
اجه فحصه وكلي تره ما تغير شي هي بس كاعده تتعذب
الدكتور واكف واني اباوع لنورس
نورس باوعتلي واشرت علي بعيونه ادنيت عليه
نورس كوا تجمع الاحرف وكوا يطلع صوت
نورس :ابو
ابو فاضل
وو
وديني
وديني ازور اريد ازور
ندى..اني  رجعت ليورا
الدكتور :وين توديه بهل حاله
ندى :بالاسعاف
الدكتور :مارح تعيش اكلج
ندى :اذا ماتعيش على الاقل هاذ اخر طلب اله
..طلع الدكتور وطلعت اني حاجيت كاضم والدكتور
وقررنه ناخذه لكربله بالاسعاف.....
صارت ب٩ وطلعنه لكربله
وصلنه الضهر ب٣
كبل كدام الامام
ونزلنه نورس على الكرسي واني ادفعه
وحطيت عليه العبايه هيج
بس نورس جانت عباره عن  قطعه بيضه وملامحه الباهته
طبينه للأمام
واني خايفه لا احد ينطك  بيه لو يصيرله شي
واسمعه كو جر نفس
طبينه كبل  لبو فاضل وصلنه كدام الضريح
ونورس لزمت الباب وكوا ترفع ايده
ايدن طفل
جان الامام مو كلش ازدحام
والنسوان بس شافنه كلهن ضلن يباوعن
وتكترن على صفحه
اني ططببته
نورس ضلت تباوع لشباك وتصفن
ولزمته وحطت خده عليه
ندى..واني ابجي
نورس جرت نفس
نورس :ناخيتك
باختك زينب(ع) يا تاخذ روحي
يا تردلي ابني وتشيل همي ناخيتك يا ابو فاضل(ع) ابو الغيره...
ندى..وهاي الحجايات كوا اطلعهن
نورس :ناخيتك بختك زينب(ع)
ضلت نورس لازمه بااشباك
وتون مابيه حيل تبجي
بس تون
ضلت نص ساعه  لازمه ااشباك
ونوب طلعنه
واجه كاضم
وبنفس الحرم اكو شيخ
رحناله وبس شاف نورس
نطانه تربه
وكال  شربوهاا بالماي
اخذناها وجينه  نطلع
نورس جرت عبايتي
نورس :ما اطلع
يا اموت هنا
يا اصحه هنا...
ندى.. رجعنه كعدنه كدام الضريح
وصار المغرب
ونورس نايمه بحضني
وصافنه ...صار ليل
والحرم فارغ مو هوايه ناس
وحاجينه الشيخ انو رح نضل هنا  للفجر
ضليت اني اقرا قرأن ومسح على راس نورس
وشربها الماي
ونامت نورس بحضني
الفجر يا تصحه
يا   ما تصحه
..عدت الساعات
واني اقرا على نورس
والهوا يطك بوجهنه وكاضم كاعد بصفي
واني اقرا على نورس حسيت بلفحه هوا قويه كلش وبارده  طكت بوجي
شعر جسمي كش( كزبرت)
وكاضم هم
حطيت ايدي على خدود نورس.. باررداات ثلج
وشفايفه زرك و.........