{ألمنافق ألشريف}

ألبارت الرابع عشر

خَشنهَ وثِكيلهْ ذيجَ اليَالي بلياجْ
صَعبَه وطويلهْ ذيجَ اليِالي بعيده عن هَواجْ
مرّ ذاكْ الجْاي على صبح ألما صَبح بي بهلعيونْ
وثْكيل ألمَاي ألماشَربه من أيديجْ
ونومه الشوكْ ألانامهْ ذيجَ اليالي بلياجْ
ونَهار ألمايحلىَ عندي ألماصَبح بيهْ وياجْ..

#الكاتبه-تولين
..........................................
اني لازمته
اجه رجال جره من ايدي وكال شبيك ابنيي
اني باوعت علي..
هاذه رعد
*(الي يسأل انو عثمان يمشي لين مرت ع فراقي لعثمان ٣ سنوات ونص)
ضليت اني صافنه بوجه رعد
وهوا هم ومصدوم
اني باوعت للولد
هاذ عثمان
رعد شاله ومشى
ضليت اني جامده بمكاني
من الصدمه
ندى :شبيج نورس
نورس :ابني
ندى :ياهو
نورس لزمته :ولج هاذ رعدد
هاذ ابني ابنييي
ندى ولج ابنيي ابني طخ بيه ابني
نورس..اني ضلت كلي ارجف وابجي وحس جاي احلم
وضليت اتلفت اباوعلهم ..ماهمه
جرتني ندى وكعدتني وانطتني ماي
واني صاافنه
اجيت اكوم
ندى :وين كعدي
نورس :خلدورهم ولج هاذ رعدد
ندى :صبري اهدي لا طيحين وجهج صوفر
كعدي اني هسه اجي
نورس:وين
ندى :كتلج كعدي
نورس...ضليت اني كاعده وندى راحت
واني اتلفت ومصدومه واحس روحي بحلم
طخ بيه ابني اني لزمت ابني ابني عثمان
ورا شوي اجت ندى
اني كمت ورجف
نورس:وين رحتي
ندى:كعدي
نورس..كعدت
ندى :رعد ينتضرج الساعه ب.... يم الشط
نورس:شنو؟؟؟
ندى :لا تنثولين
نورس :ياهو ينتضرني
ندى:رعد
نورس :يمته زين شلون
..ندى طكتني على خدي
ندى:اصحي وصمخ ماتردين اشوفين ابنج
اليله يم الشط روحي
نورس :هوا وين رعد
ندى :طلع
نورس :ونتي شدراج
ندى :هوا اجه حاجاني
نورس :هوا لو انتي
ندى:اني هوا ماكو فرق المهم روحي
نورس:راسي صدع
نورس :جاي احلم اني
ندى :كومي خلنرجع علما تبدلين وكليلج لكمه وروحي
نورس :كومي اصلا ليش كاعدين..
رجعنه البيت واني طبيت اسبح واني بالحمام جوا الدوش صافنه واتذكر لحضة طك بيه عثمان وشفته
وشفت رعدي هلحضه ماتروح من بالي
وما مصدكه شنو جاي يصير شون؟ يمته؟....
نورس..طلعت وندى جابت اكل بس اني ما شتهيت
صليت وسجدت
وضليت ابجي وادعي من كل كلب...
خلصت وبدلت طلعت بسيارتي لشط
واني بالسياره بس ابجي
وصلت يم شط
وضليت بالسياره امشي وباوع
صفيت بمكان ونزلت
لكت واحد واكف ومنطي ضهره
وشايل ولد ويأشر على السمه
....هاذ رعد
دموعي ضلت تجري بالزايد
رجلي كامن ميشيلني من الرجفه
مشيت خطوتين
واسمع رعد يحجي ويه ابنه ويدغدغه
وعثمان يضحك
اجت بيه كل المشاعر
الندم... وتأنيب الضمير ...والفرح.. والحزن
صرت ورا رعد
نورس :رعد
هوا دار
وشفت عيونه مدمعه
اني ضليت صافنه على عثمان
ادنيت عليه وبااوعله
وكمت ابجي بالزايد واشهك
حطيت ايديه على وجهي
رعد :وهاي  ماما الحاجيتك عنه هااا بابا
نورس..احس جان كلشي مجمع بصدري ونفجرت بجي ،،لزمت ايد عثمان وعبالك احلم
نورس :حبيبي عثماان
نورس.. اجيت اريد اشيله من ايد رعد
بس شلته ضل  يصرخ
رجع رعد شاله
نورس رجعت ليورا:اسفه اسفه
اباوع لرعد دموعه نزلت ويبوس عثمان
رجعت اتقربت عليه ولزمت ايدين عثمان
وكمت ابوس بيديه وماكدر اشبكه لا يبجي
كمت بس ابوسه وابجي
نورس :اني اسفه ولله اسفه
ولله اسفه  ابني
..وشم بريحته
ومشي ايدين عثمان على خدودي وعيوني.. وبس اشم بريحته
باوعت لرعد صافن عليه
اني درت على الشط وعيوني على عثمان
اريد اشبكه وضمه لكلبي وششمه
دار رعد وادنه عليه
رعد :انا اسف
نورس..ابباوع لسمه ودموعي تنزل
رعد :نورس شتاقتيتلج شتاقيتلج هواي هواااي
نورس..اني تنهدت
رعد :ادري ادري كل الي صار بسببي
ومني الصوج
بس
نورس درت علي: بس شنو
نورس :انت حرمتني من ابني ٣ سنوات ونص
٣ سنوات ونص رعد وبضبط ٣ سنوات و٧ اشهر
ابني كبر وتمرض وصحه واكل وشرب وتعلم وشاف وسمع
واني مو يمه ابني يستغرب مني رعد واني امه
وانت السبب
رعد :اسف
نورس :اسف
نورس:سنه كامله اني بالمستشفه ميته
سنه كامله اني انازع سنه كامله اني اموت
ونت السبب جنت رايده بس ريحه ابني هيه دواي
رعد دموعه تنزل واول مرا اشوفه بهل حاله
واباوع لعثمان يمسح بدموع ابو
عثمان:لا تبجي بابا اني احبك
نورس.. اني رجعت ابجي
رعد: ولله ماردت هاذ يصير
نورس اني احبج اكثر من روحي ماردت ابتعد عنج ولا ثانيه
نورس: واضح لدرجه اني فوك ٣ سنوات بعيده عن ابني
رعد :اوك لوميني
غلطي ضربي طلعي حركه كلبج ادري  انتي مشتعله
بس انا جنت منعمي على روحي مثل ما انتي تعذبتي
انا هم تعذبت هم كضيت اليالي اون بلياج
نورس...اني درت على عثمان وما باوعت لرعد
ورجعت ابوس بيه واشمه وحاطه راسي على رجليه
نورس :عثمان حبيبي وروحي انت عادي نصير اصدقاء اني نورس
ورفعت ايدي
عثمان باوع لبو
باوعلي وكلي اي عادي بس لا تبجين ابويه
نورس :اوك
ونوب شلته
وشبكته على صدري  وكمت اشهك
شبكت ابنيي واخيرا .........
وبوس بيه وشبكه ولشم بيه واشهك وابجي
كعدت بالكاع كعد يمي رعد
ضليت اباوع لعثمان وصافنه عل  ملامحه ووجه
نورس :شنو هلجمال عثمان والخدود الحلوا
عثمان :بابا يكول انت تشبه ماما
نورس...اني باوعت لرعد
نورس :اي ما شتقيت لماما
عثمان ضل ساكت وكام من حضني
وكعد بحضن رعد
ضلينه  ساكتين واني اتنهد ولازمه دموعي
شوي عثمان نام بحضن رعد وراح حطه بالسياره
ورجع يمي
رعد :باوعيلي
نورس... درت علي
رعد :ولله  جانت ليالي صعبه علي
ولله جانت ثكيله على صدري
ولله جانت هم على كلبي بلياج
نورس :تدري  الصراحه
ما شتاقيتلك ولا لحضه
كل الجنت افكر بي ابني
رعد :انا ماجاي اجذب عليج
مثل ما انتي تعذبتي انا تخبلت بغيابج
نورس :تضحك علي ، تخبلت كال
رجال شكدك وشكبرك لو بيك خير
جان بيوم مثل ما شمرتني رجعتني
جان دورتني
رعد :وياهو كلج ما دورت ياهو كلجج
كلبت الدنيا عليج
انا ماجنت واعي على روحي ب الي جاي يصير
بس لمن عبالك غواشه ونشالت من عيني
نورس وين؟؟
نورس :واو
نورس..وضليت اضحك وبنفس الوقت دموعي على خدودي
رعد :اكلج ماجنت واعي على نفسي بشنو احلفلج
بس توفت امي كلبت الدنيا عليج
نورس درت عليه:امك توفت
رعد :اي قبل سنتين
نورس ...ضليت مصدومه
رعد :يوم ثالث الفتحه
عبالك جنت ميت وصحيت
نورس وين..وين مرتي
ردت اتخبل
طلعت ورحت لخالج
وكلي مادري
يابه احجي كول يكلي مادري
حركت الدنيا وحطيت المسدس براس خالج يلله كال وداج لبوج
كتله وين ابوج
كال مادري
كعدت ادور على ابوج واسأل وخالج وصلني  لواحد من اقاربج
وسألتهم عن ابوج محد يدري
ابوج قاطع علاقته عن الك محد يدري بي وين الله حاطه
رجعت حطيت المسدس براس خالج طلع ابوج شارد لبغداد
جانت كل ليله تمر علي عبالك حاطيني بسجن
اخر شي كمت اسأل بلمستشفيات
ليش مادري وهم ما وصلوني الج
نورس.. ضحكت
نورس: لو رايحه مستشفى ...
جان بس كلت نورس يدلوكك عليه
رعد:يعني شسوي بعد
ورا هلتعب كله
وما مستوعب اني شلون مكضي حياتي بلياج تخبلت بالزايد وهم طحت وتخربط عندي السكر كلش
هناك حسيت  عندي عثمان امانه منج
جنت اريد ألم ولو شوي قوا علمود اربي وكبرا
بس ماكدر ...يصير اليل واضل اون عليج
٣ سنوات ونص اون عليج وشم بريح ملابسج
جنت من اطلع اتلفت وباوع بلوجه بلكي بالغلط المحج
مثل ما انتي تعذبتي
اني هم طحت وحتركت وون عليج
نورس :بس انت فاركتني عن ابني
رعد :مو بيدي
انتي تعرفيني شون جنت احبج
بتي واختي ومرتي وعشيقتي وحبيبتي صرتي
نورس... ضليت ساكته
رعد ورا ما طلعت من المستشفى
رحت لكربله
وترجيت ابو فاضل ترجعيلي ويصبرني
اذا ما رجعتي
كون انساج
بس ما نسيتج وضليت تايه بلياج
رعد :خشنه وثكيله ذيج أايالي بلياج
صعبه وطويل ذيج أليالي بعيده عن هواج
مر ذاك ألجاي على صبح األما صبح بي بهلعيون
وثكيل ألماي الماشربه من ايديج
ونومه ألشوك الانامه ذيج أليالي بلياج
وألنهار ألمايحلى عندي ألماصبح بي وياج
نورس.. درت على رعد وكمت ابجي
وهوا عيونه تلمع ويباوعلي ومركز بعيوني تنهد وضلينه ساكتين شوي...
رعد :ونتي شسويتي شصار
وين صفيتي ليش هيج ختفيتي
نورس :ماصار
بس انت شمرتني مثل الجلبه
وخالي سد بوجهي الباب وشمرني على ابوي
ما اسمي ابوي حشه ...وابوي زوجني
رعد :تزوجتي
نورس :زوجني واحد عمره ٥٤ سنه
رعد نصدم
نورس:وبعدين بديت بمسيرتي للموت
سنه اني مريضه ومنتيه والدكاتره مايعرفون شبيه
حلقت شعري صفر
رموشي وحواجبي طاحت
نشليت.. نعميت
جسمي كام ما يستجيب للادويه
معدتي تخربطت
رحمي  تأذه وسولي عمليه
شرايني كامت ماتاخذ دم وتكطعت من الكانونه
وكليتي ادمرت
ردت احرك روحي ونتحرت مرا
دخلت غيبوبه مرتين
كلبي وكف ٣ مرات وصار عندي ضعف بالقلب
صار عندي نوبه  قلبيه
اذب من راسي
ومعجزه اني لهسه عايشه
نورس..رعد ساكت
اني اباوعله الدنيا ضاكت بعيونه
نورس :عفت الاكل والشرب والحجي والصلا
كرهت الكل
ردت انتحر اكثر من مرا
ودمي خلص وجسمي صار جنازه
رعد :شون صحيتي
نورس :يم ابو فاضل
لمن ناخيته بأخته زينب عليه اسلام
ما ردني يمكن.. اعتبره هاي معجزه لا مو يمكن اكيد
صحيت شوي شوي بس كلبي يحترك على اببني
اني لهسه بعدني هم معرضهه لجلطه او نوبه
لينو كلبي كلش ضعيف واخذ ادويه وشراين كلبي تعبانه
لمن صحيت زوجي ما هدني
وهوا وبته اطوني كل العدهم
وورا فتره فتحت صالون
الهي بي نفسي
وهسه الحمدلله كبرته وصار  بي فساتين واستديو ويجوني عرايس
وطبيت سادس خارجي وطلعت معدل وطبيت صيدله
خلصت مرحله اول
ورجلي توفه  من خلصت السادس
والحمدلله على كل حال و بقيت بس اتمنه يرجعلي ابني
رعد :هاذ كله
نورس :اتمنه ما نسيت شي
رعد:اسف
نورس :انسى
نورس: يلله اني لازم ارجع الوقت تأخر وعثمان نام
رعد:براحتج
نورس..رحت ل سيارة رعد ..و شبكت عثمان وبوسته
رعد :اطيني رقمج
نورس...نطيته رقمي
رعد خل اوصلج الوقت تأخر
نورس :لا مو داعي
رعد :ماكو تكاسي هسه
نورس :شسوي بالتكسي
رعد :ياهو يرجعج
نورس:بسيارتي رعد ..شكرا يلله انت روح
رعد :سيارتج؟
نورس:اي
نوري..ودعته ورحت
وهوا ضل يباوعلي
ركبت سيارتي واني بعدني ما مصدكه الي صار... ورجعت وسولفت كلشي لندى وطبيت غرفتي
وحطيت راسي على الفراش واني ما مصدكه وتذكر كلشي بالتفصيل وابجي
ضليت اليل كله ما نايمه
واتكلب مرا ابجي مرا اضحك
طلعت الشمس وصار الصبح وبعدني بالفراش
دك عليه رعد
اخذت تلفون وجاوبت
رعد :صباح الخير
نورس :هلا
رعد :شلونج اليوم
نورس :تمام
اجه رعد يحجي..
سبقته اني :جيب عثمان وتعال
رعد :اوك العصر
نورس :ليش مو هسه
رعد :بشغل اني توا طلعت
نورس :وعثمان وين
رعد :بالبيت وين
نورس :ياهو ويه عثمان
رعد :زهره وجدان ونور
نورس :ياهي نور
رعد :نور مرت خالد
نورس :خالد ازوج
رعد :اي
نورس :اوك تمام انتضرك العصر
رعد :ايي
نورس سديت التلفون
وما مصدكه يمته يجي العصر
وبس اطفر واضحك وندى تضحك عليه
العصر خابرلي رعد واني بالصالون
دليته على عنوان البيت
رعد...بدلت وكشخت واخذت عثمان وطلعت
خابرت نورس دلتني وبس وصلت كدام البيت
ضليت صافن البيت فخم وجبير...
نزلت ورجال غريب فتح الباب
سلمت عليه
وطبيت وطلعت نورس للحديقه من الصالون و للابسه بنطرون كيلوت ابيض وبدي ماروني وحاطه شال ووجه منور والابتسامه  تخبل وعيونه تلمع
اجت تركض على عثمان
نورس:عثمااان
رعد..انا لازم عثمان ومشي
نورس..  نزلت يم عثمان
ولزمت ايديه
نورس :شونك عيني شنو هل اناقه
عثمان :ثكراً
نورس لزمت ايده :تعال خلنكعد هنا
نورس..اكو ميز بالحديقه شلت عثمان وكعدته وكعدت اجه رعد كعد
نورس :شلونك هاا اني شتاقيتلك
عثمان يباوعلي
نورس :شنو هاي الهدوم الحلوا ياهو لبسك
عثمان :عمه نور
نورس:مممم شكله عمه نور مدللتك
حلو..  ياهو اشتراهن
عثمان :بابا
رعد :شنو اني هنا اطرش بالزفه
نورس :اسفه نسيت روحي هلا بيك
..عبر كاضم
كاضم سألني على شغله بخصوص الاستديو
واني رديت عليه وراح
رعد :منو هاذ
نورس :رجل ندى بت رجلي
رعد :وشعده هنا
نورس :عايش هنا ويا مررته غير
رعد :هاي اول مرا اسمع بيه رجال عايش ببيت مرته وويا ابوها
نورس :وليش شكو بيه
رجال محترم ومثل اخوي
رعد :اي مبين
نورس...اكو مرجوحه بالحديقه عثمان شافه وأشر عليه اني شلته ورحت كعدته  واهز بي واني طايره طايره  والمشاعر الي بداخلي فرح  وعيوني مدمعه واضحك  وبس صافنه على عثمان ما مصدكه
طلعت ندى للحديقه سلمت على رعد وطلعت بسيارته 
نورس:اذا عندك شغل روح
رعد :لا ماعندي
رعد :هاذ صالونج
نورس :اي
رعد :اي شفته من برا حلو ،،شسميتي؟
نورس:بأسمي
رعد :ها
نورس..باوعتله ودرت
سمعته يحجي بصوت ناصي
صالون ساندي
نورس:عثمان شرايك نطب للمطبخ نجيب عصير وجكليت ونجي  واني محضرتلك علاكه حلويات تخبل
..عثمان ماصدك وضل يطفر
شلته ويايه وطبينه وضل رعد برا
جبت عصير وسوالف وطلعنه رجعنه بالحديقه
واني كلشوي الزم عثمان وشبكه واشمه ووكل بيه
واسأله عجبك ما عجبك شتحب ما تحب...
رعد دك تلفونه
كام
عثمان كام ورا
وعافني وواني  احجي ويا
عثمان  لزم برجل رعد ويضربه على رجله علكيف
..اني اباوع
رعد خلص مكالمه
عثمان :ثلملنه عليهم
رعد :سلمت سلمت
ورجع كعد
اني ضحكت.....
ضليت العب عثمان وسولف ويا ووكله وبوسه.. صار المغرب واني ماريد الوقت يمشي
عثمان  كام من يمي
وراح يم رعد
عثمان :اني ضجت
رعد شاله
اني ضليت ساكته
رعد :باجر هم نجي من الصبح
نورس..اني شبكت عثمان
وراحوا وعيوني مليانه دموع ،رجعت لصالون وندى رجعت وجايبه عشه تعشينه وسولفنه خلصت وطبيت غرفتي سبحت وكعدت على الجربايه  ولازمه التفون
دكيت على رعد ، رد عليه بسع
نورس :وين عثمان خل اسمع صوته
رعد :هسه
نورس :ليش هوا وين
رعد :جوا يم الجهال
...نزل رعد جابه وحط بيده التلفون
رعد :هاي صاحبتك نورس
عثمان: هلاو ثونج
نورس: هلاوي حبيبي اني كلش زينه انت شونك......
نورس..كعدنه نحجي اني وعثمان واني  احاجي وضحك
نوب عثمان  نطه التلفون لبو وراح
اني تنهدت
رعد :باجر اجيبه
نورس :اي هوا انتضر
رعد :شلونج
نورس :تمام ياالله تصبح على خير
رعد :شبيج مستعجله
نورس :مو تعبان  ماريد اخذ من وقتك
رعد :وقتي كله الج انتي مو تاخذين منه
نورس :شكرا
تصبح على خير
رعد: ونتي من اهله
نورس..وسيدت تلفون
..............
يوم ثاني من الصبح اني انتضرهم
اجه رعد وعثمان واني تلكيته وكعدنه بالحديقه
رعد :يلله بويه امشي نروح
نورس :وين
رعد :عندي شغل
نورس..اني باوعت لعثمان :شرايك تبقه يمي تتغده
وتلعب بالمرجوحه ونطلع اشتريلك العاب
والعصر ترجع يم بابا
..عثمان بسع قبل
نورس شبكته: اي تمااام
رعد :وذا ضليت تبجي
عثمان :ما بجي انا رجال
رعد: اوك
.......رعد راح
واني كعدت العب عثمان بالمرجوحه
ونوب طبت بالبيت وفريته وعرفه على البيت
وحطيتله اكل ووكله بأيدي وشبعته بوس
ونوب طبينه الصالون فريته
وكعدت عثمان على الميز واني كعدت على الكرسي وطلعت المكياج
وكعد هوا يلطخ بوجهي
واني اصور وميته ضحك
لزمت الحمرا
نورس:احطلك
هوا غندب ورفع حاجبه
عثمان :خابري بابا
نورس ؛ليش
عثمان ؛خابري
نورس: تمام تمام
نورس..خابرتت لرعد  ونطيت  التلفون لعثمان
رعد :ها شكو
عثمان :هاي نورس تريد تحطلي حمرا
رعد :لا ولله ، كلله اني زلمه هاي سوالف نسوان
عثمان :اني زلمه هاي سوالف نثوان
نورس  واني اضحك:بس شوي
رعد :كلله اموتج
عثمان :اموتج
نورس :خلص بطلت
رعد:بابا انطي التلفون لسست نورس
نورس..اخذت اني  التلفون
رعد :ها  حمرتيش
نورس :مو يمك جاي نلعب
رعد :الله يستر
نورس ضحكت:مالك شغل انت
يلله باي
وسديت التلفون
وشلت عثمان و طلعنه من الصالون وطبينه البيت
نورس:ابدلك
عثمان رفع حاجبه
اني متت ضحك
نورس :ياهو علمك رفعه الحاجب
عثمان :بابا
نورس :الله وبابا شمعلمك بعد
عثمان غمز
نورس: يا هاي هم سوالف البابا
عثمان: اي
نورس :بعد
عثمان :اطك بوكثي
نورس :وووواو ماشاألله
عثمان :اني رجال
نورس :اي والنعم
عثمان :رجال
نورس :ايي والنعم
عثمان :بابا حته ذيج المرا حلق شواربي
نورس :يا شواربك
عثمام :اي ولحيثتي
نورس :ممممم والنعم من هيج بابا هااا
عثمان :اني رجال
نورس :والنعم
نورس :تريد كيك
عثمان :اريد لحم
نورس :واضح البابا ما مقصر
نورس:بعد بابا شمعلمك
عثمان :بنات كلهم مو حلوات
نورس ؛هااااا هييج
عثمان :اي هوا كال
نورس :مم زين هسه خل اسألك يا حلو يا ابو خدود ياهو يبدلك ويمشطلك
عثمان :عمه نور
نورس :ياهو يوكلك
عثمان :ويا بابا اكل
نورس :ياهو يسبحك
عثمان :بابا
نورس:ياهو  يزينلك شعرك الحلو
عثمان :بابا
نورس :زين من تتمرض
ياهو يكعد يمك ينطيك دوا
عثمان :بابا
نورس :زييين  ياهو ياخذك الحمام
عثمان :بابا لو عمه زهره
نورس :زين هم تروح ويا بابا لشغل
عثمان :اييي ذيج مرا خذاني شفت صحبانه
نورس ضحكت: ياا
نورس :باليل وين تنام
عثمان :اني وبابا سويه
نورس :عمه نور شونه
عثمان :ثخبل
بس عمو خالد يطكه
ويخليه تبجي هواي بس هي تحبني واني احبه
نورس :هاا خطيه
..دخلت  ندى
ندى: الله شنو هلكدعه الحلوا  وشنو هاذ الفارس الجميل الي منورنه
نورس: اي جاي نسولف
نده بوست عثمان: شنو هلخدود
ندى باوعتلي: يشبهج كلش
نورس باوعت لعثمان: هوا اصلا يخبل
ندى : ايي يلله خلنصب غده
...........
تغدينه وخلصنه وغسلت لعثمان
والضهر طبينه الغرفه وصعدنه على الجربايه
وعثمان بصفي كعد يلعب بتلفوني شويه واطانيا
ضل يبجي:اريد بابا
نورس: شرايك نفتح اتصال وتسمع صوته علما تنام
عثمان هز براسه ب أي
خابرت اني لرعد
وكعد عثمان يحجي ويا ويكله شنو سوينه 
واني صافنه المفروض يصير العكس...
عثمان خلص حجي ويا ابوه ونام والتلفون بيده
واني ضلت العب بشعره وبوس بيه وصافنه على وجه وضليت يمه ما كمت ...
العصر كعدته وبدلتله واني بدلت واخذته وطلعنه
شتريتله ملابس وحلويات والعاب وفترينه وركبته العاب وهوا كلش تونس
وشغل اغاني بالسياره  وهوا يصفك ويضحك
عثمان :شغلي غنيه مال احنه زلم جد جد
نورس :ماعندي
عثمان :بابا يشغله
كليله يسويه الج
نورس ضحكت :نشالله تدلل
...رجعنه للبيت واجه رعد
كعدنه بالحديقه شوي وعثمان بس اجه ابو عاف كلشي وركض شبكه
وكعد يكله شسوينه  هم.....
رعد كام ولز عثمان حتى يرحون
نورس :عثمان بعد انت تونست وهاي شرايك هم تبات يمي
عثمان :لا
نورس :ها تخاف
عثمان: انا رجال مااخاف
ورفع حاجبه
نورس :اوك اوك اعصابك
رعد ضحك: يلله مع اسلامه
نورس: الله وياك
طلعو ورجعت اني طبيت كعدت يم ندى
......... .........................

لمدة سبوع
رعد يجيب عثمان  يمي العصر او من صبح للعصر
يبقه يمي وعثمان تعود عليه وما يصدك يجي يمي
......يوم:
اني جنت طالعه
خابرت رعد :خل اجي اخذ عثمان
رعد؛ عثمان نايم
نورس: اوك  عبالي يعني كاعد واخذه
رعد :اي تعاي هسه يكعد
نورس: تمام
..وصلت كدام البيت
وتذكرت كلشي صار وياي هنا مثل شريط كدامي مر..
بعدني ما نزلت من السياره: طلع خالد ومحمد
نزلت وهمه يباوعلي
سلم عليه محمد ورديت عليه
وخالد مغندب
ماقلدته وطبيت
ولكيت بوجهي البنات ٣
سلمت عليهن وشفت نور
حته بوجه اثر ضربه ازرك
ونور كلش حلوا ملامحه وبيضه وناعمه ومبين عليه حبابه
ططبيت وتلكاني رعد
واجت عيني على المخزن وتذكرت اخر ليله ألي بهل مخزن وصفنت
رعد يحجي وياي واني بغير عالم
رعد: الووو
نورس: هاها
رعد :صعدي
نورس صعدت طبيت الغرفه وليكت عثمان نايم
كعدت يمه وشبكته وكعد
عثمان: نورسس شتاقيتلج
نورس: يعمري اني همممممم
نورس ..وحضنته حيل
نورس: ايي كلت اليوم اسويه الك مفاجأه
نورس..باوعت للغرفه نفسه مامتغير شي
وحته عطوري ومكياجي الجانن موجودات
بعدهن على  الميز
ضليت كاعده يم عثمان واللعبه وسولف وياه
و رعد نزل
عثمان: يلله مدام توك كعدت خل ننزل نتريك سوا
عثمان: ايي ايي
نورس..اني  لزمت بأيد عثمان  ونلزنه
بعدنه على الدرج جاي ننزل
وشفت خالد طب الغرفه الكدام الدرج الي هيه غرفته
ولازم نور من شعرها
ويجرها ويصيح وهي تبجي
طببه للغرفه وقفل الباب
وزهره ووجدان واكفات عادي
واني اسمع صريخ نور جوا الغرفه
كلبي تكطع
واتذكرت من جنت يلزمني خالد ويركع براسي
نورس: حبيبي عثمان بالمطبخ انتضرني
...عثمان راح واني ضليت ادك باباب  الغرفه حيا
رعد: نورسس
وجرني
نورس دفعته: وخررر
كمت ارفس بالباب حيل
فتح خالد الباب
وضربته راجدي...............