{ألمنافق ألشريف}

ألبارت ألحادي عشر

يطيفك لانشد لا مر
سمعنه الگلب يحمل غيظ
موش الطيف يتغير .....
.............................................
رعد دفعني حيل
طحت بالكاع وصرخت
ورعد طب للمبطخ وولا قلدني وولا دارلي بااال
حسيت بنكسار مو طبيعي وقهره وغير انو كلش تأذيت من طحت
اجت زهره كومتني واني كمت ابجي وهاجت عليه بطني
طبيت المخزن وكعدت ابجي واتتلوا ورعد ما اجه

.............عدت الايام
ورعد على هاذ المنوال كام يضرب ويدفع
يتفل( حشاكم)عليه ويرزلني ويهيني ويغلط ويمسح بكرامتي الكاع كدام اخوانه  واهله
وام رعد جانت كلش متونسه وما مصدكه
واني كدامه اتأذه وتعذب
ورعد بعد ما اخذني لدكتوره
واني كلش متأذيه ورجلي يورمن بالزايد من الوكفه والشغل ومختنكه  والمغص الي يجيني والويات  واني انضف تجيني لويه والزم روحي وكمل شغلي
كمتت اكره رعد كلش
وكلما يطلع بوجهي لو يصير بينه حجي نعلك وتكب العركه وصياح رعد
صرت اموت حته من ريحته واكره لدرجه مو طبيعيه واضوج حته من وجوده بالبيت
غير حملي الي جان معذبني وباليل جنت ما انام ومن انام اكضيه كوابيس مو طبيعيه واحلام  تموتني خوف واني وحدي بالمخزن
ضليت بس اخاف على الي بطني على ابني عثمان
لين بس اريده يجي لحضني وماريد شي ثاني وبس
....صرتت شهر التاسع
ورعد كلما جايله كلما للأسوء والاسوء
صار هوا وخالد يكتلوني ويهجمون علي
خالد اجه دفعني
اجه رعد ضربني
ولا عبالك اني حامل بأبنه
اجت ام رعد... نضفي سوي كومي غسلي
جنت اتأذه كلشش ولوياتي زادت علي
والفرخ كام ما يحوس ببطني بأخر شهر كلش نخنس واني خفت لا صارله شي
واملي الوحيد بس اجيب هل ولد بالسلامه واخلص من هل تعذيب
....على ٣ ايام
اني بديت طلوك خفيف
وفوك هاذ
تجي ام رعد تكلي كومي اشتغلي
واني اكوم وومسح والزم بالحايط من تجيني لويه وابجي
يوم ساعه ب١٢ باليل
اني بعدت ما كدرت
طبيت المخزن وكمت اتلوا
ونوب صرخت ماتحملت بعد
طبت زهره
نورس :رح اجيب بعد ماكدر
زهره صاحت لرعد
رعد طب باوعلي بكل برود وطلع
نورس...وسمعته وهوا يكول :خليه هي تجيب ماداعي مستشفى يجبوله هاي القابله
نورس... اني اتلوا بالزايد
وطبت ام رعد: بلا عياره وسدي حلكج
نورس..اني لازمه روحي لازمه روحي ونفجرت صريخ
ووجدان وزهره يمي
صارت ب٤ الفجر
واني اطلك وكوا اجر انفاسي  اخر شي قريت الشهاده
طبت ام رعد ووياها مرا
ام رعد:جيبيه يلله وفكينه
ومن ٤ لساعه ٦ ونص واني شفت الموت
يلله جبت
وطلعت روحي وطكني نزف  اخر شي نغمه عليه
.....فتحت  عيوني
لكيت روحي على نفس كعدتي وجسمي كله خدران
وشافيفه مشككه من الصرخ وحنجرتي منتهيه
ومحد يمي
صحت بصوت ناصي ويادوب يطلع صوتي:  وين ابني
واسمعه برا يبجي
طبت ام رعد وشايلته
وحطته بحضني
بس شفته حسيت شي بارد نزل علة كلبي وتعب الدنيا كل راح
ونست الخدر والوجع
ام رعد :رضعي يلله
نورس..رضعته واني اباوعله وشم بريحته  صافنه على ملامح وجه لعثمان وبوس بي  ودموعي تنزل على وجناتي 
هاذ ابني مني من لحمي ودمي ومن روحي
بس ام رعد ضلت واكفه فوك راسي
ورعد ماهوا
اني بس ضليت حاضنته ..اني هسه صارت ام
واني ما شفتت الام اصلا ولا شفت الطفوله وولا شفت الحنان
وهاذ ااملي الاخير الي رح اقدمله كل ماعندي واعيش علموده واحس بشعور الامومه ويا وانطي كلشي ماكدرو  اهلي ينطونيا
ضليت شابكته وشم بي
خلصت
ام رعد:جيبي
نورس :لا خلي
ام رع:جيبي ديلا
وشالته من حضني
نورس:وين خلي
ام رعد:يمه واني اخلي حفيدي حبيبي  بيدج انتي الزعطوطه
ووطلعت وسدت الباب وقفلته
واني اسمع رعد برا فرحانن هوا وخوانه ويباركوله وضحكهم
نورس :جيبوووا يميي
اني كلش مابيه حيل وهلكانه وعبالك بعدني اطلك والنفس كوا اجرا
وغفيت وني مادري بروحي من التعب
فزيت ورا شوي على صوت عثمان يبجي برا
كمتت سحيت روحي واني انزف ودك على الباب
نورس :جيبوا عثمان
ليش قافلين علي
اريد ابني
نفتح الباب
طبت ام رعد وشمرت بوجي عبايه
ام رعد:لبسي
نورس :عثمان جيبي
اما :لبسي يلله عبايتج
نورس :اريد ابني
عبر رعد
نورس :رعد تعال عفيه جيب عثمان
طب رعد
رعد:لبسي عبايتج يلله وكومي
نورس:وين
رعد :انتي طاالك
........
اني حسيت روحي جاي احلم وجسمي كله يرجف وكوا احجي
نورس :جيب عثمان يلله
رعد جرني حيل
رعد :مالي خلج وخلك خبالج  لبسي عبايتج  خننخلص منج ومن همججج خلص شغلج هنا يلله
ودفعني وراح وطلعت ام رعد وقفلت الباب
نورس...اني ضليت اصرخ بس مابيه حيل ميته تعب والدنيا حااره وروحي مسحونه
...وصار الضهر واني بس اريد احد يرد عليه
نورس :جيبولي ابني
رجع طب رعد ولف عليه شال والعبايه وجرني حيل
ولا عبالك وحده توها جايبه وطالعه روحه
طلعني لصاله يم باب الدوانيه وهوا طب لدوانيه وشفت شييخ كاعد وابو
رعد يريد يطلك
بلش الشيخ يحجي وطلكني رعد وبذاني اسمعه
طب رعد :يلله كومي
نورس :شبيك رعد شنو طالك رعددد اريد ابني
رعد :اني ماريدج
وجرني لبرا
نورس واني ابجيي:رعد جاي تأذيني رعدد
صعدني السياره وركع الباب
واني  ابجي واشهك  مابيه حيل اجر نفسسس
صعد رعد ووحرك السياره
نورس :وين ماخذني
رعد ساكت
نورس :الله عليك ردني الابني شنو انتي طالك
رعد  ساكت
طولنه  بالطريق هواي
وواني لازمه روحي من الالم
وصلنه كدام بيت خالي
رعد :نزلي
نورس :رعد وين جايبني
رعد نزل وفتح الباب وجرني حيل ملخ ايدي
وركعنيي كدام باب البيت
كلش تأذيت بشكل وشتهيت الموت
بسع نفتح الباب وطلع خالي
رعد :وهاي بتكم اخذوها
ورعد صعد سيارته وحرك ومشى
نورس ضليت اصرخ ورا رعد:اريد ابني وين عايفني رعددددد
ومابيه حيل اوكف
خالي دفرني:انتي منين اجيتني
اني مو خلصت منج وجه الفكر
دفعني وطب وسد الباب بوجهي
واني  ضلت بالشارع
نورس :رعد اريد ابني رعد رعددد
رجعت ادك بالباب وبجي
ودك ودك والساعات تمر سنين
وصار المغرب وناس بشارع تعبر وتباوعلي
وزاد عندي النزف
المشاعر ألجانت خانكه صدري
خوف وكسر وألم وصدمه واهانه .....
اذن المغرب
نفتح الباب ودفرني خالي :كومي  كومي عساج ما اجيتي ، كون من البدايه موديج ملهى ، وخلصان منج
صعدني بالسياره ودفعني
وصعد وحرك
نورس:رجعني لرعد
عليك الله بروح ولدك عوفني رجعني لرعد اريد ابني لا تاخذوا مني
خالي: هشششششش
وصلنه كدام بيت ونزل خالي
ودك الباب حيل
ورجع عليه فتح  باب السياره وجرني
بس نزلت
نفتح الباب طلع رجال
شمرني خالي بكل بقوته عليه
خالي :اخذ بتك
ذبيته علينه ولزكته بين ولله اذا تبقه يمي اخليه تشتغل بملهى
اخذه من كون الله خذاها
وصعد  خالي بسيارته وراح
ابوي ضل واكف ويباوعلي واني راسي رح ينفجر
هاذ ابوي؟؟؟؟ واني بكامل صدمتي .. هاذ ابوي
البوي الماشايفته من عمري ٦ سنين
نغمه عليه
ابوي سحني وطببني البيت وذب على وجهي مي
اني فزيت
عافني وكام
ابو نورس:ليش اجيتي
مو مرتاح وعايش عيشتي شجابج علي
..طلعت من البيت  مره وبنات ثنين
المره :منو هاي
ابو نورس:نورس
المره:شنو  ليش جايبه  شكوو طلعه بالشارع ماريده
ابو نورس دخل
نورس.... روح روحي مسحونه
وشتهيت بالحرف بس الموت
والبنات ثنين صافنات عليه
المره :امشي يما طبن  ستغفرلله عادك ما نرتاح
رجع ابوي جرني: كومي يلله كومي الله ياخذج
وطببني الببيت اني دفعته
نورس :الله ياخذك انت
بتك اني بتك وين جنت عايفني كل هلسنيننن
ابوي دفعني :عساج لا اجيتي ولا عرفتج  منين طلعتيلي وجه الفكر
المره :خلص عزيز لا تعب روحك  تولي اني اتصرف
(ابوي اسمع عزيز ومرته سَحر)
ابوي  طب
سَحر اجت جرتني
نورس :وخري عني
سَحر :عادك لا تخبصني امشي كبر
نورس...جاي امشي كوا وجسمي كله خدران
وطحت
لزمتني سحر
نورس :اني توني جايبه... جاي انزف
سحر :يوييي شهل لعبان نفس ستغفرلله ربييي
طببتني الحمام
وجابتلي هددوم.....
واني كعدت جوا الدوش
وما اكدر استوعب كميت الصدمات الي جاي اشوفه
رعد..امه...خالي..ابوي..مرته.. بناته.. ابنيي
احس جاي احلم هاذ كابوس
وهسه افز وبحضني ابني عثمان...
طلعت من الحمام وجسمي مكسر
طبيت غرفه
والبنات كاعدات
ويباوعلي بنضرات عبالك اني مجدايه بنضرات اشمئزاز
(البنات زينب عمره ٩ والثاني زهراء عمره ٧)
نورس...اني كعدت بالكاع وكمت ابجي
هنه طلعن وسدن الباب
...ابجي وابجي وكلبي محترك وصدري مخنوك
كمت ادك ولطم وجر بشعري وملخ بروحي
وجر خصل خصل من شعري بيدي
ودك على خدوده وصرخ اريد ابني
طب ابوي وجرني
كمت ارففس ودفع
وكلي ارجف
ضليت ارفس ودفع وطك بأبوي 
وهوا يريد يلزمني ما يكدر تهسترت كلش
دفعته ولزمت ايشي يجي بأدي وششمرته  وشمر بالغراض و زلمت العطور وشمرهن على المرايه
تكسرت المرايه لزمت كزازه وحطيته على معصم ايدي
نورس :لا تدنه
ابوي: عوفي الكزازه
نورس :اريد ابني
ابوي :اي نشالله عوفي الكزازه مالنه خلك خبالل نورس كافي
نورس :اريد ابني
صرخت  لا تخلون حضني فارررغ
لا تخلون صدري يورم
لا تخلون  رويحتي  فاهيه
جيبولي ابني
ابوي:عوفي الكزازه
نورس وجهي زورك وختنكت:وخر
ابوي:اجيبلج ابنج خلص بس اطيني الكزازه
نورس :اكرهك
انت السبب
سبب كلشي انت
بعتني لخالي
وبديت اتعذب من مرته
وابنه يتحرش بيه
وخالي يهدد بيه
ونطوني فصليه
وام رجلي ابليس  اطهر منه
ونكلب رجلي حيوان علي
واخذو ابني مني
وهسه جاي انذل منك
انذل ونت السبب
محد يشيلني برويحتي ونت السبب
نورس :اتمنه عمرك ما ترتاح
حته من تموت
كون بكبرك ما ترتاح
اكرهك
ابوي:ذبي الكزازه
نورس كطعت ايده( الوريد)
سَحر صرخت
عزيز جر نورس وطاحت وشاله
والدم كام يطفر
شالها وركض بيه المستشفى
و فاضوا دم
خذوها وبأخر لحضه لحكو عليه
لو متأخرين بعد جان ماتت
خيطو ايدها
وحطوله مغذي
ورحمه كلش متأذي  وعده نزف حاد طببوها العمليه
نورس...ضليت يومين بالمستشفى
ما احجي ولا اكل ولا انطي اي رد فعل
صافنه على الحايط وساكته
طلعني ابوي من المستشفى باليل ورجعنه البيت
ولكيت فراش بصاله وكعدني ابوي وراح
سمعت سحر تحجي ويه ابوي
سحر :ما نيمه يم البنات هاي مخبله خاف اسويلهن شي
ابوي:عوفوها بحاله هسه مانقصني مشاكل
اني تغطيت ونمتت
فزيت الفجر
وضلت اتلفت على امل كمت من هل كابوس
وصدري يأذيني
حطيت ايدي على وجهي وكمت ابجي واشهك
نورس :ربي لا تحرمني من ريحه ابني
لا تخلي حضني فارغ ربي
ضليت ابجيي لصبح
الصبح....كعدو
وجت سحر جابتلي ريوك كوه عليه
وتباوعلي بعين ونص وماعاااجبه
للضهر اني  كاعده بفراشي
وشوف ابوي طلع للحديقه
وورا البنات زهراء وزينب
يركضن
اني كمت اباوع
والبنات طفرن عليه( ابوي) وهوا يشليل بيهن على ضهره
وضحكهم لاخر الشارع
هوا شال زينب  على ضهره وطب البيت
وكدامي يضحكه ويدغدغه
ويحط عينه بعيني
عبالك متعمد يقهرني ويكسرني
رجعت اني بفراشي
العصر...
طلعن البنات ومبدلات والهدوم والشعر
وسَحر على حبه ونص وذهب مالي ركبته ملي
وتفتر كدامي
واني  مالي خلك احد كل الافكر بي هوا اريد ابني
..همه كعدوا بالدوانيه كدام الصاله
واني اسمعهم
زينب :بابا اريد بدلات ، اخذني لسوك
زهراء :اني هم
ابوي:اي تدللن لعد المن فلوسي وخيري غير الجن انتن
نورس:.. ما حسيت بشي غير الانكسار
والخنكه بصدري....صار المغرب
وابوي هم نزل مبدل
اجت سَحر
سحر :احنه رح نطلع
دربالج تسوين شي فتهمتي  كعدي وسكتي
لا ولله بس اعرف لاعبه  بشي احركج
نورس..وتحجي هيج وياي وابوي واكف عادي
وطلعوا وقفلوا الباب
اني كمت توضيت وحطيت السجاده وصليت وقريت قرأن وكمتت اشهك ووون
وتتوسل بس اريد ابني
ضليت ساعات على السجاده ودموعي خلصن
وكلبي كام يعورني وينغزني
نورس سجدت: ياربي اذا جان هاذ يريضيك ف لا اعتراض على حكمتك
بس ياربي لا تخليني فارغه وفاهيه عن ريحه ابني...
كمت شربت كلاص مي وكلبي كام ينغزني حيل وختنكت
رجعت على السجاده وحطيت راسي
لمن غفيت
صحيت الفجر على صوت الاذان
وابوي ومرته جاين
كمت اني صليت وهم رجعتت ابجي وتتوسل من ربي.......  خلصت ورجعت بفراشي وضليت كاعده...
سحر وبناته هم العصر على حبه ونص
وشوف ابوي يتغزل بزينب وزهراء ومرته
ويشاقيهن  ويحاجيهن
ويطلع يجي جايبلهن شي بيده
واني سحر اطتني دشداشتين يلعبن النفس
البس وحده  وغسل الثانيه
ورا ٣ ايام
بدت سحر تكرب عليه شغل تنضيف طبخ
ما يعجبه شي ضربتني  دفعتني هانتني وذلتني
وكدام ابوي
تضربني  بالمكناسه على ضهري
وبوي ولا عبالك
وزينب وزهراء رب الخباثه
يخبثن ويغللطن ويهينني ويصيحلي مجداييه
ويسون شي لو يخربن شي
ويركضن لبوي يذبنه براسي وابوي يستلمني فوك ضيميي ضيم وهم يضربني
وسحر تكومني بذله
وتكعدني  بأهاانه
وتعايرني لين فصليه
وويين ابنج
وليش طلكج
ومحد يريدج
ومابيج خير
وحجي ماصخ وكلش ثكيل عليه
...............
يوم :
...اني جاي امسح
ويم المبطخ شفت سحر وابوي
اسمعهم
سحر :تره اني ما تحمله هاي معيديه
شوفله دبرا طلعه من البيت
زوجه اي واحد مدري شنو وخلصنه  دبكت ععلينه  شني هاي والبنات يضوجن منه
ابوي :تحملي هلجم يوم   وانطيه ما تبقه اني هم ماطايقه
سحر :اي ومبين عليه مو راحه لا تخرب على تربيه بناتي
ابوي :انشالله ماتبقه ماتبقه بس صبري
نورس...اني اسمعهم ودموعي نزلت
تخيلوا.. انت ك بشر وتسمعون هيج حجي وتحسون مالكم مكان بأي مكان ونتم بشر والكم حق حالكم حال غيركم
.....عدت الايام والاشهر
واني بالبيت مخنوسه حس ما يطلع منس
انطك انكتل ساكته
خذه جسمي على الضرب
ما احجي  ولا اسوي
بارده بكلشي جنت  جسد بلايه روح.. اشتغل وساكته
ابوي يتفل عليه
وارجع اكمل شغلي
يوميه الصبح من يطلع بوجهي ابويه
يكلي انتي غلطه عمري
بعد اكثر  من هيج كسر
ما توقع اكو
اني جنت بس اريد ابني
بس اكوم صلي اكعد اموت بجي بس على ابني
بس اريد ريحته .. اسجد واركع واني بكل نفس اخذه اكول بس اريد ابني
......ورا ٤ اشهر من المذله والعيشه التعبانه والالم والخنكه الي بصدري والوحشه على ابني
وجنت ميته احاسيسي ومشاعري وبارده اتجاه كلشي
.......
يوم:
...اني خلصت شغلي وطبيت الصاله الصبح
طب ابوب
ابوي:العصر رح يجوج خطابه
وماريد حجي زايد
اني انطيته حجايه وكتلهم انتي موافقه واني موافق
وتاخذي غصبا عنج
بس همه يردون يشوفوج
وماريد منج لا حس ولا نفس
واذا طنكرتي
ولله افرغ مسدس براسج
توافقين وترحين وتفكيني بهدوووء
وتعيشين  احسن عيشه وتنجبين
نورس...اني  ما رديت علي
وما جان عندي مانع اتزوج
علمود اخلص من ضيم ابوي
واصلا مارح يفرق شي عندي
مارح يفرق
حتى لو الي رح اروحلهم  هم مو زينين
ف اني تعودت  تعودت
....العصر اني كاعده
طبت سحر
سحر :هاي شنوو معيديه دكومي بدلي
تردين اطلعين هيج ويرفضوج
نورس..جرتني وطببتني الغرفه وشمرته بوجهي بدله
سحر:لبسيه يلله ورشيلج عطر خلنخلصص كطييعه
نورس...بدلت وطلعت
طلع بوجهي ابوي يلله امشي كدامي
طبينه الدوانيه
وكعدت
واكو مرا كاعدده
ورجال جبير
الولد ماهوا
كعد ابوي ويحجون ومدري شنو..
وابوي يككله احنه موافيقن ومدري شنو والبنيه ماعده مانع وكبعو وخذو
ونوب قروا الفاتحه
اني صفنت قرو الفاتحه
الولد وين
اشرلي  ابوي كومي
طلعت ورحت لسَحر
نورس :وين الرجال
سحر :يا رجال
نورس :الي رايدني
سحر :جا هاذ الكدامج يا ست البخت شنو
نورس :شنو شنو ارجال الي خاطبني وين ماهو
هاذ مو ابو
سحر ضحكت :لا عزيزتي هاذ هوا رجلج
نورس :شنو
سحر طكت  ذييييج الضحكه :اي حبيبي رح تزوجين واحد اكبر من ابوج
ب ٨ سنوات
نورس :شنو
سحر :عمره ٥٤...........