{ألمنافق ألشريف}

ألبارت ألرابع....ألم

– شتخسر لو تصير أنسان شوية بگلبه حنيه!...
...................................
رعد نايم وحس احد يطكني بجتفي علكيف
فغلست وما درت
شوي وحسيت احد لزم جتفي
درت  على نوورس
وباوع الفراش ناكع
شغلت أفلاش التلفون
ولكيت نورس غركانه بدمه
كمزت كمزه
والمخده  ناكعه دم
ونورس  روحه عبالك جاي تطلع وراسه يجري دم
كمت بسع شغلت الضوا واخذت من الكنتور قطعه من ملابسي وحطيته على راسه
وكعد بيه
وهي عبالك جاي تنازع
شلته وركضت
البيت كله نايم وطلعت بسياره طير للمستشفه
وصلت وساعه ب٣ الفجر
والمستشفه فارغه بس ممرضات ثنين
حطيته ع سديه
و الممرضه راحت تتصل على دكتور
طببووا نورس الغرفه
اجت الممرضه: دكتوره ماتكدر تجي
رعد ضل يصيح:  مستشفه شكده وشكبرها مابيه دكتور المرا رح تموت
اجت الممرضه ثانيه :رح يجي دكتور من مستشفى ثانيه بطريق
و نريد دم
رعد: ماكدر انطي اني بيه سكر
رعد .. لزمت تلفوني ودكيت على محمد كتله اركض تعال ..
شوي ووصل دكتور
وطببوها العمليه
واجه محمد تبرع دم
اجت الممرضه :نريد بعد بطل
محمد:  اني انطي بعد
الممرضه : مانكدر ناخذ منك بعد خاف تتخربط
لين دمك على كدك مو مال تتبرع
رعد: خابرت اخوي جواد يجي
وبس خابرته كال انو هوا بطريق طلع
ووصل جواد ونطه دم...
كعدنه برا وننتضرخبر من الدكتور
محمد: شصاير
رعد: مادري كلشي مامفتهم
محمد:شنو  ماتكلي هاذ الدم كله لين امي ضربته ب مس
رعد:يا مس ولك بعيني خترعت من المنضر
محمد:هوا شنو لعد  شبيه واذا نايمه يمك ما حسيت بيه طك راسه  يجوز
رعد: وين ادري اني ضربت الابره  مال السكر ودخلت غيبوبه
وهي هزتني بجتفي واني غلست
ومن هزتني  مرا ثانيه يلله درت
محمد:هسسه الله كريم خلتكوم بسلامه ونفتهم شصاير
... طلع دكتور
دكتور: خيطنه راسه  وجرح كلش جبير
رعد: اي هي طاحت
دكتور :جرح  مو مال طيحه مال شي  مضروبه بي لو طايح عليه
حمدلله مانكسرت جمجمته  جان ماتت
رعد:يمته تكعد
دكتور: ماندري يجوز طول لين كتلك الضربه قويه وفضلاَ انو صحته تعبانه بشكل
ويجوز تدخل غيبوبه هم
دكتور:وتره دمه كلش نازل يعني هسه هم من نقلناله وبعدهي محتاجه
رعد:يعني هم يحتاج بعد دم
دكتور: يحتاج تغذيه بس اذا ما تعدل وضعه فلازمه نقل دم
...راح الدكتور ورجعنه كعدنه
محمد:انت ارجع للبيت لا تتخربط وصبح تعال
رعد:وين ارجع مابيه شي انتم روحوا وراكم شغل ومن احتاج شي عود ادك عليكم
...
ضلوا محمد وجواد يمي علما طلعت الشمس ورجعوا وواني ضليت بالمستشفى
رعد.. طبيت يم نورس
وكعدت على تلفوني
ب٨ دكت علي امي
ام رعد: هاا شو صرت تبات بالمستشفيات شبيه للحيه الجلبه
رعد :يعني شنو اروح ادفنه مثلا  غير شفته واصله الموت  اجيبه للمشتشفى
ام رعد:وطبه طوب اني اريده تموت
رعد:يما اذا هاذ حجيج سدي التلفون مالي خلك
ام رعد:عوفه تولي يلله تعال وراك شغل انت ما فارغ وعود بعدين جيبه
رعد:الله وياج بعدين نحجي هسه بعدهي حتى ما صحت
سديت التلفون
... ب ١ الضهر ونورس ما صحت واني رجعت للبيت
سبحت وتغديت ورجعت للمستشفى
نورس العصر يلله صحت
لماً صحت محجيت شي وياها  هي كوا فكت عيونه
... ضلت ليلتين بالمستشفى وما قبلت تاكل ولا تحجي
ووراها المفروض الصبح نطلع للبيت
رعد..باليل جبتله اكل ،وحطيته كدامه
نورس ساكته ومجتفه
رعد:كافي عاد  اكلي
نورس ساكته
رعد..  شلت الصينيه
وكعدت يمه على الجربايه
رعد:احجي لعد شبيج
شنو افك عيوني الكاج غركانه بدمج ذيج اليله
نورس:امك
رعد:شبيه
نورس:امك  طبت للغرفه  وركعتني على راسي
رعد:ركعتج ، امي نايمه
  يمج بكربج شبيج حلماننه
نورس:اني نايمه وماحس الاعبالك بلوكه فوك راسي
وكوه فتحت عيونه وشفته طلعت من الغرفه
ووضربك على جتفك حتى تكوم ونت ماتحس
واني احس روحي جاي تطلع وحته لساني نربط ماكدر اصرخ
ونت بسابع نومه
بربك ما حسيت من امك هبدتني
رعد:امي نايمه شجابه عليج
نورس:لعد اني كمت وركعت راسي ورجعت
شبيك شبيك
ليش انت ماشوف امك بس تريد تموتنيي
مشوفني راسي مخيط اشاقه وياك مثلا
الله ياخذك
وياخذ امك
وياخذ خالي ومرته وولده وابوي
وياخذكم كلكم
ولا واحد كفو
نورس:حته دمكم هاذ لا عبالك اشكرك علي
عساني ما عزته
وعساني متت
شهلعيشه لا ام لا ابوي ولا حالي حال خلق الله
وفوك هاذ جاي وتكلي شبيج حلمانه مو صارلي  بالسبوعين ما شفوفه تكومني  برفسه ووتكعدني براجدي
نورس..دفعت صينيه وركعته بالكاع
نورس:الله ياخذكم كلكم
وتفو ع رجولتك ومحاماتك هاي
الله مايرضها مسوي روحك ابو الحقوق والقانون
ونت ببيتك ما تعدل
نورس..تفلت على رعد
رعد.. تنهدت ولزمت اعصابي
خليت وطلعت وسديت الباب
نورس: تغطيت  وكمت ابجي
لمن نمتت
.......يوم ثاني الصبح  فتحت عيوني ورعد كاعد كدامي
رعد: يلله مناويه تكومين
نورس: لا مارد ارجع
رعد:بليل نطلع مو هسه
نورس:الله ياخذني قبل لا يصير اليل
وترجعني حته خاف امك خربت خطته تكتلني
ع الخطه الجايه تموتني
رعد:خلص سدي الموضوع محيصير شي بعد
نورس:اطلع برا لا تجي  روح لشغلك شغلك الكلش مهم
نورس..تغطت ودارت
رعد:ما تردين تاكلين
نورس: اكل سم
اطلع
رعد..ستغفرت وطلعت من المشتفى رحت لشغله
صار المغرب ورجعت للمستشفى
وطبيت على نورس
رعد:يلله غسلي وبدلي  واني انتضرج
نورس.. غسلت ولبست
وطلعنه واني مغندبه ورعد اخذ الادويه وجاب عشه وطلعنه هيج ب٧
وصلنه للبيت  واحس راسي رح ينفجر
طبينه ولكيت ام رعد بالباب مجتفه
ام رعد:ها جلبه  ام العياره
رعد:يما مو وكتج
نورس ..درت وطبيت من المطبخ
تلكتني زهره ووجدان :حمدلله على السلامه
طبت ام رعد:وبعد ماعاجبج كبر الله ياخذج من احاجيج مادورين هيج فتهمتي
ام رعد..باعوت لرعد وغمته
اي انت ثاني خليك هيج ورا مرتك بسع سحلتك ما براسك حض بدل ما تموته
نورس..خليت وطلعت وصعدت على درج
ورعد.. شايل الغراض وراي
طبينه الغرفه وقفل الباب
نورس:اريد اطب اسبح
رعد: اي بس لا ادنين الماي يم راسج ومن طلعين اصبلج عشه
نورس.. مارديت وطبيت سبحت وبدلت ولفيت شعري بالحمام
وطلعت لكيته حاط الاكل بالكاع
رعد:تعاي كعدي
نورس..اجيت كعدت
رعد:يلله اكليلج شي
نورس:ماريد
رعد:بابا اكلي شنو يعني اكضيه عليج مغذيات
نورس:لا تلح ماريد
رعد:زين لخاطري
نورس  ...باوعتله
نوري:ونت شسويتلي حته يصيرلك خاطري يمي
رعد:زين لخاطر اغلى انسان بحياتج
نورس: ماكو
نورس..كمت صعدت بالجربايه وتغطيت ونمت بس جنت اريد انام وخلص من ألصداع ألي براسي
فزيت والغرفه ضلمه  باوعت لكيته نايم بصفي
وساعه ب٤ الفجر
مديت راسي لكيته كاعد منايم ويكلب بتلفونه
مطيني ضهره
نورس.. رجعت درت وصافنه بالسكف
رعد.. دار
رعد:ها شو كاعده
نورس: ونت شعدك كاعد
رعد: اني  وراج بشوي نمت وفزيت ب٣ ونص شبعان نوم
نورس:اي مبروك
ودرت
رعد:شبيج
نورس:طاكه روحي
..رعد كام وطب للحمام غسل
طلع وينشف بوجه
رعد:كومي امشي وياي
نورس:وين
رعد:امشي شكد تحجين
نورس..كمتت ووطلعنه من الغرفه
صعدنه للسطح
فتح رعد الباب وطبينه
وشفت هيج   بزاويه فرشه وكعده
نورس شنو هاي
رعد:لا هاي هيج حاطيه لين اني دايم اجي هنا
نورس..طبينه وكعدنه ودنيه بعدهي توا جاي تطلع الشمس
واني صافنه بسمه
وورعد كعد بصفي وصافن
نورس:صارلك شكد مريض
رعد:من جان عمري ١٦سنه
جنت اخذ ادويه ومن صررت ١٨ كمت اخذ ابر
نورس: ما تخاف ونت يوميه تضرب روحك
رعد:تعودت واصلا ماتأذي
اخذه احسن من ما اخذه وطكني جلطه مدري سكته
نورس :شون تعودت يعني
رعد: اني واحد عصبي وسكر لازم دايم واحد محافض على هدوئه بدون توتر
لا يصعد السكر لو ينزل ونجلط
لذالك شفتيني ارجف ذاك اليوم
نورس:لذالك كلشوي تكلي سكتي لا اعصبك عود مدري انرفزك
رعد :لا ماله دخل بس انتي تلغين زايد
نورس: خوش حسكت
نورس :من جنت أبيت خالي جان ما يطلعني وبالبيت ضاله كل هلسنين
بس بسطح اطلع من ينامون
وبالمدرسه من سياره للمدرسه للبيت
رعد: شسوين ببيت خالج
نورس :مو اني امي متوفيه وابوي من ازوج
خلاني ب بيت خالي
رعد..رفع حاجبه
نورس:من اجه وكلي حترحين فصليه ماعرف شنو وبعدين دريت شنو يعني
ماجذب عليك جنت شوي فرحانه كلت يجوز اخلص من التعذيب الي اني بي
انوب طلعت من ضيم طبيت بضيم اطكع
نورس :مرت خالي تعاملني نفس امك بس امك تضرب بوحشيه اكثر
رعد..ضل وجه فالت
نورس :ها حجيت شي غلط
رعد :سكتي احسن
نورس: ليش اسكت
رعد:يعني هي تضل امي شسويله هي تكرهج لين بنضره انتي سبب موت اخوي
نورس: اني شكو اني نمت كعدت لكيت روحي هنا
رعد: خلص سكتي
نورس :ليش صرت محامي
رعد: ونتي شكو
نورس :هيج اسأل لين مالايك لك
رعد : لا سألين احسن
وسدي حلكج يلله
...طلعت شمس
كمنه وطبينه جوا
نورس طبيت وكعدت على الجربايه
وصافنه
كمت ابجي
اجه كدامي رعد :شبيج
نورس :مابيه
واني ابجي
ورعد طلع دواي نطاني
واني ابجي بزايد عبالك نفجرت
رعد :تردين شي كولي
نورس: ماريد سلامتك اذا زاعجتك اطردني
رعد :لا ما طردج خلص  كافي دموع
رعد..صعدت على الجربايه وجريته علي
رعد:اي شبيج احجي  تردين شي
نورس:ماريد نام مالك شغل بيه
رعد: ضليت اباوعله
نورس كامت
رعد :وين
نورس:اريد امشط
نورس.. كعدت كدام الميز وفتحت شعري
ورعد.. كعدت اكلب بتلفوني
نورس..ضفرت شعري  وباوعتله بالمرايه
يباوعل
نورس:اكو شي
رعد :انتي ياهو يمج
نورس :شبيك صافن صارلك ساعه
رعد :سدي حلكج
نورس..اخذت الشال وكمت
رعد :وين
نورس:انام جوا
رعد :ليش وين موليه
نورس:بكيفي
رعد :اي باجر صبح تتلكاج امي لعد ادوس ببطنج
نورس :يعني تدري بأمك
رعد :بكيفج  انتي
نورس.. ستغفرت
رعد :تعاي بالفراش ونجبي
رعد.. تغطيت ودرت
نورس.. صعدت يمه ب الجربايه ونمت....
يوم ثاني الصبح كعدت ساعه ب١٠
ورعد ماهو
غسلت وطلعت يم الدرج خفت انزل
صعدت زهره
نورس :وين ام رعد  شو البيت صنته
زهره :وداها رعد من صبح لبيت اخته تريد تضل
نورس :يااا فكه
نورس.. نزلت وطبيت المطبخ
الباب مفتوح  طلعت
لكيت رعد طب وبيده سندانات ورد
كاعد يجيبهن من بار يحطهن بالكاع
نورس طلعت:ياا هاي شنو الورد الله
رعد :اريد احطه بالحديقه
نورس:الله حبيت خلسوي وياك
رعد :لا متسوين
نورس:ليش
رعد :لين تلغين هواي ودوخيني
روحي تريكي وخذي دواج
نورس :خلص خليني اجي وياك وسد حلكي ماحجي
رعد:بس تحجين تنطردين
نورس :كتلك رح اسكت
نورس.. رعد شال الورد واني هم ويا  وطبينه الحديقه
ف اني حافيه
رعد لبسيلج شي
نورس ماريد هيج اريح
تربعنه بالكاع
نورس :علمني شون
رعد :سكتي
باعوي وسوي
نورس..صفنت علي واقلده
نورس :هيج
رعد  ساكت
نورس..شلت السنداانه
نورس:مالي شغل اذا خربت  لين انت ماجاي تباوعلي
رعد ساكت
نورس:كلبت السندادنه وطاح التراب بحضني
رعد...جرها من ايديي
نورس :جيب اني اسوي ليش اخذته
رعد ساكت
حط الورده بالتراب
نورس.. ادنيت  بصفحه ثانيه اباوعله وأقلده
نورس :باوع حطيته شلوني ( وحطيت ايدي على خصري)
رعد ساكت
نورس :هاي الورده شسمه
نورس :اكلك  هاي جبيره  خل اني احطه ولله اعرف
نورس :ليش ماكو ورد بنفسجي
رعد..ساكت ويسوي وما يباوعلي
نورس :لا تخلي مالتك يم مالتي علمود مالتي مميزه مبينه
نورس:ماكتلي هاي شسمه
نورس :اكلك خل اني اسميها عندي اسم
تربعت بالكاع
نورس :اكلك  شسميه طيني خيارات
نورس :خيارات لو طماطات
نورس..رعد حته ما يباوعلي ويشتغل وساكت
نورس :جيب  خل اعلمك صرت خبرا
نورس :شوف  يحتاج تصوير على ابداعي
نورس :نخلتكم ليش مابيه تمر
نورس :خاف شجرت موز هاي
نورس :باوع جيب بعد ورد شو اني ماحطيت بس وحده والباقيات كلهن سويتهن انت
نورس :اكلك خنزرع بطيخ
رعد خلص وشغل المي يغسل
نورس ..متربعه كدام الورد صحت :نزرع بطيخ لو خيار
نورس :الخيار شون ينزرع رعد
رعد..جاب مي يرش ع الورد
نورس :باوع كوني اني عندي خبرا لازم نحسب قطرات المي من نرش
نورس :خل ارش
نورس :جيب متعرف
نورس: هاي ما طيتله ماي
نورس: نزرع  مشمش
نورس: ليش ماعدكم نعناع
نورس :بالمستبقل افتح بستان وشغلك عندي
رعد سد المي
نورس :وين خل اغسل
رعد رجع فتحه الي واني غسلت
نورس :شسمي البستان
رعد.. يمشي واني امشي ورا
نورس :باوع نسمي بستان  والفلاح رعد
لو نسمي بستان  الاستاذه نورس
رعد طب
نورس :هسه ماكتلي  ليش منزرع بطيخ
رعد دار عليه
رعد.. رفع راسه يباوعلي عبالك رح يدفرني
نورس.. اباوعله ببرائه ومبتسمه
نورس :اوك نزرع خيار
رعد :تريكتي
نورس :لا اي
رعد :شنو لا اي
رعد : سويلج ريوك
نورس :ماشتهي
رعد: سوي جاي وجيبي للصاله
نورس.. سويت جاي وكعك واخذته للصاله ورعد
كاعد
رعد.. خذه الاستكانه شرب
رعد :شنو هاذ دبس
نورس :شبي
رعد :شكد حاطه شكر
نورس: خاشوكه وحده
رعد :خير سالمين  دبس
نورس :ليش
رعد اخذي ماريد،، اشربه مر اني
نورس :ستغفرلله اشربه وسكت
رعد :رح اكوم الفخج ب الصينيه هسه كومي  تردين تجلطيني
نورس.. كمت صبيتله جديد
ورجعت
رعد : حته تاخذين دواج
نورس : نشالله
امك يمته تجي
رعد :انتِ شلج شغل
نورس :لا حته احضر روحي
رعد:ستغفرلله
نورس.. رعد خلص وكام واني ما اكلت
واخذت دواي وبالغده هم ما اكلت ما اشتهي ورعد العصر طلع
...صار اليل  وصعدت الغرفه كعدت ابحوش ودور بالمجرات
طب رعد
وشايل علاليك
حطهن ورا ضهره
رعد :تعشيتي
نورس :اي لا
نورس: لا
رعد انتي اثرت الضربه على دماغج
نورس :لا من زمان هيج
رعد :اني عرفت شتردين
رعد..حط العلاليك عل الجربايه
نورس... طفرت على جربايه ، وفتح بيهن
نورس :شنو هاي كله كيك وبسكت
نورس..فتحت علاكه طلعت  اجباس
نورس :اي هسه تمام
رعد :سكتي
نورس: ليش عصير  لازم ببسي
رعد :ترا جايه من مستشفه مو من الولايات المتحده
نورس :ببسي اطيب مو مهم اذا زين او مو زين
رعد :شربي عصير وسدي حلكج ماتعبين من لغوا
نورس :تدري ماتعب صراحه  لين حجي حلو اني احب حجي مابي نفاق وجذب
رعد: رفع حاجبه
نورس مديت أيدي  انطي كيكه :اخذ كيكك
رعد..اخذه نتفهه بأيده وحطه بحلكه
نورس :لا تستحي
رعد :ماريد
نورس:لا اكل
هاك نستله
رعد :ماريد حله ما احب الحلا اصلا
نورس :تريد جبس
رعد:ماريد شي اكلي ونجبي
..رعد كعد على الميزه
رعد :اريداشوف شغلي ف سدي حلكج لا تلغين خوش
نورس :مو يمك اني
اني تربعت واكل ومندمجه
اخذت جبس وكعدت كدامه
نورس: شنو هاي مال طلاق
نورس :شنو ب يا محكمه تشتغل
نورس: عندك صحبان بالمحكمه
القاضي صاحبك
رعد رفع راسه باوعلي...ورفع حاجبه
نورس :تره محجيت شي
رعد..رجع دنك
نورس :ماكتلي القاضي صاحبك
زين اكلك
نورس :باوع شي مهم
رعد  مدنك
نورس :هم اكو محاميات ، كلي هنه صاحباتك
رعد ..رفع راسه
رعد :وخري عني لا ولله اركعج بالحايط هسه شلزكتي
نورس :هسه شحجيت اني
رعد:اريد اشوف شغلي كافي رح احط بحلكج نعل
نورس :اي كمل كمل  شغلك ي الوزير
نورس... كعدت  ندحست ورا جربايه وااكل
..ورا  نص ساعه
رعد.. ستغربت نص ساعه ساده حلكه وهدوء
درت لكيته حاطه كلينس بالكاع
وحاطه جبس
وتحسب بيهن جبسه جبسه *بصوت همسس
وتسميهن
نورس:انتي اسمج ساره
انتي اسمج سوسن
رعد..حطيت ايدي ع وجي
سمعته
نورس:انتي اسمج   زهراء
محبيت
واكلت الجبسه
رعد ..صافن
رجعت درت ع الميز
عدت جم دقيقه
ونورس خنسه ماله حس
رعد.. درت
رعد..لكيته مسطره كلينس
وحاطه فوكه الكيك
وكاعده
نورس :اليوم بنات تتوريال تحضير كيك
لعيد طلاقك
*وتحجي بتهمس
رعد بصوت ناصي :عيد طلاقك
نورس :تجيبون طحين وزيت
..رعد رجع دار
رعد ...ورا شوي اسمعه تكول
نورس:لطلب ولاستفسار على رقم  ٠٧٧....
رعد .. رفعت راسي لكيته تباوعلي
رعد: شتردين
نورس: جواريبك وين
رعد :بالمجر
نورس شكراً كمل
رعد..ماقلدته ورجعت ع الاوراق
ورا جم دقيقه درت
لكيته ماخذه شال مالته
وب اطرافه حاطه الجواريب
وبقلم مزرفه الجواريب ونوب كامت ودور ب المجرات
طلعت صمغ وكلينس ولزكته على وحده من جواريب
نورس :وهاي العروس جاهزه
نورس :بقه العريس ، شنسويلك
نورس..صفنت
كامت
نورس :رعد اطيني ورقه منك وقلم
رعد ..اطيته ورقه
نورس:رجعت وكعدت وتشكك وتلزك
نورس وهاذ العريس جاهز
رعد :سكتي
نورس بصوت ناااصي كلللللوش هاي الراده وهاي التمناها
رعد :صبرج يا روح
رعد.. خلصت وكمت
لكيته نايمه بالكاع وتباوع لسكف وبصفه الجواريب
نورس:خلصت
رعد:اي
نورس :هيف واخيرا ضجت صالي مدري شكدصافنه
رعد :اي حقج
..طب رعد غسل
وطلع وتمدد على الجربايه  ويكلب بتلفونه
نورس.. اخذت دواي وصعدت بالفراش
رعد مطيني ضهره
نورس كمت ارفع بروحي حته اباوع ويا
..دار رعد
رعد :شتردين رح ادفرج
نورس :طيني تلفونك
رعد:شسوين بي
نورس :اباوع  ونت نام ما تعبت باجر عدك شغل
رعد :خمدي
نورس :اطيني التلفون
رعد :ولله رح ادفرج خمديي
نورس ..درت وجريت البطانيه ونلصمت وننمت
....يوم ثاني ام رعد بعدهي ما اجت
واني نزلت نضفت ويا البنات ورعد راح للشغل
مر الوقت وصار اليل
....باليل رعد.. رجعت من الشغل طبيت من باب الصاله لكيت نورس بالصاله لازمه المكناسه وواكفه وصافنه
على التلفزيون
وجهال  كاعدين  يباوعون
طالع كارتون
ونورس فاكه حلكه
رعد ... ادنييت يم نورس وهي مركززه
رعد ..طكيت اصبع ، نورس دارت علي
رعد :كنسي كنسي لا اطفي التلفزيون
نورس :نشالله
نورس..رجعت اكمل كنس
نورس... خلصت كنست وصبيت عشه  تعشو وخلصو
نورس. صعدت وطبيت الغرفه  لكيت رعد كاعد على مكتبه ولازم تلفوونه
نورس.. طبيت سسبحت وطلعت وكعدت على الميز مرايه امشط
رعد يباوع
نورس :اكو شي
رعد :شعرج حلو
نورس :شكرا
رعد:يلله سدي حلكج اريد اشتغل
نورس :مو يمك اني
نورس.. خلصت تمشيط وطلعت
نزلت جوا وشفت الجهال كاعدين بالصاله كعدت يمهم وباوع
ورا ١٠ دقايق
نزل رعد طب لصاله ويباوعلي ويخزر
رعد:شسوين هنا صعدي
نورس :مو عندك شغل
رعد:اي صعدي بالغرفه حته شوي وتاخذين دواج وتنامين
نورس:ماريد من تخلص اجي
رعد :لا صعدي وكعدي ساكته
نورس :ماريد خليني جاي اباوع
رعد: لا اطفي التلفزيون ولله صعدي
نورس :ماريد رح اشرب دواي ونام بالمخزن
رعد :لا نامي فوك خاف راسج يأذيج اني يمج
نورس:ماريد
..رعد طفه التلفزيون
نورس... غندبت
نورس :ماكوم
رعد :لاتخليني اسحلج وصعدج
نورس :ماصعد  ولله ماصعد عوفني شتريد مني خليك بشغلك
رعد :طبج طوب ضلي  حته دواج لا تاخذي ليله لا تنامين من الصداع خوش  ضلي بالمخزن اذا صعدتي اكسر رجليج فتهمتي
رعد ..طلع وصعد ومعاجبه
نورس.. ماهتميت كمت شغلت التلفزيون وكاعده ويا الجهال وكملت اضحك وسولف وياهم
صارت ب١١  نعست  وطبيت للمخزن
نورس ...المخزن حار يكتتل وراسي كام يأذيني كلش
نكتت الفراش وتمددت
وضليت اتكلب يلله غفيت وعركانه  وميته تعب
ورا شوي حسيت احد طب
فتحت عيوني لكيت رعد
وراسي يريد ينفجرر
كعد يمي ع الفراش
رعد:كومي صعدي هنا حاره
نورس :ماريد
نورس.. كمت ابجي
رعد :شبيج
نورس :راسي
رعد: ستعفرلله
رعد ..شلته وطلعت وصعدت
غسلتله وجه وطيتها دوا وحطت راسه ع المخده وبسع نامت
....يوم ثاني الصبح اجت ام رعد
رعد كعد راح لشغل وطلع ويا جواد
نورس..نزلت ولكيت ام رعد واكفه ومغندبه بوجهي محجت شيي ومجتفه وساكته
بس صرت كدامه اريد اعبر
لزمتني جرتني وضربتني على وجهي ودفعتني
جرت شالي وكامت تهلس بشعري وتضربني راجديات  واني صرخت كامت بأيديه وصابيعه تنهش بوجهي وحسيت خشمي نكسر
وسحلتني من شعري طببتني المخزن عافتني وطلعت
ورجعت  طبت وبيده خشبه
وكامت تضربني  بالخشبه على رجلي
وعلى ضهري
بالحرف تكسرت  شتهيت الموت وضليت اصرخ ب علوا صوتي بس محد يجي وهي تغلط علي: انتي وحده جلبه حيوانه بت شوارع كلشي ماتفهمين وماتعرفين وهنا جايه حتى تتعذبين مو على مود ادلال الزايد
وشسويتي بأبني هيج صاف وياج  ليش ميضربج ونتي تستاهلين 
شمرت الخشبه حيل علي وكعدت كدامي لزمتني  من شعري وركعت راسي بالحايط
واني شهكت
عافتني وطلعت وضليت اني بمكاني كلي دم واون وابجي طبت ام رعد ورا شوي جرتني ودفعتني
ام رعد: هسه على شغلج يلله
نورس.. اني كلي ارجف وراسي رح يموتني  هزييت براسي ب اي وعافتني وراحت اني طبيت المطبخ غسلت وجهي واجيت اشرب مي طبت هيه وجرت الكلاص من ايدي وشمرت المي على وجهي
ام رعد: اخذي الممسحه هسه ونضفي البيت يلله
نورس..طلعت اخذت الممسحه وبلشت شغلي واني أون وأبجي لليل اني كله اشتغل ومتخلني اكعد ورعد ما اجه الضهر وتأخر
باليل اني اغسل بالكراج وكعدت بالكاع ماكدرت بعد جسمي ما يحمل يشيلني بعد بس كعدت طلعت ام رعد والحزام بيده وضربتني على ضهري
ام رعد: كوووومي كملي شغلج
نورس.. كمت واني ابجي ورجعت اغسل وميته تعب وألم وقهر وخوف وهي ضربتني مرا ثانيه  وطلع خالد من المطبخ وباوعلي ويباوع لمه وما سوا شي وما قلدني وطلع برا والبنات يخافن يدنن ويحجن
اني جاي اغسل وام رعد تضربني بالحزام
طب رعد.........