بسم الله الرحمان الرحيم ....... اولاً..وياكم كاتبة القصه تولين شكراً للي قروا القصه واتمنى عجبتكم قصه المنافق الشريف هيه مو اول قصه اليه كاتبه قبله ٧ قصص بس ما جنت امقرره ابلش بالنشر بس بعد ما قررت هلقصه جانت اول قصه انشره وعلى الايام الجايه رح انشر باقي القصص الي هنه احلى بهواي من هاذي القصه ولكل قصه عبرته... كل مافي القصه من احداث وشخصيات وابطال الوصف والحجي وكلشي اني كاتبته القصه خياليه مبنيه على واقع او من احداث تصير بالواقع واحداث مختلفه الي هيه الفصليه اني كل قصه اكتبه بيه هواي عبر بس لكل قصه عبره اساسيه العبره من هل قصه او الروايه اذا نبلش من اول بارت انو نورس بطلتنه يتيمه وجانت ضايعه بعالم العلاقات الفاشله بدون ما تدري الصح والغلط من هلشي العلاقات على الانترنت هيه عالم بشع والمفروض الكل تبتعد عنه لين مارح تفيد ب شي مجرد تاخذ من وقت الشخص وتلهي عن حياته رح اتخليه يتعمق بهل عالم ويسرح ويرتكب اخطاء اكبر المفروض ما يرتكبه وهيه ناتجه من الفراغ والجهل خليكم ناس واعيه على الي تسونه حتى لو جنتوا وحدكم وما الكم احد يسندكم ف خليكم واعين على نفسكم لين هاي اخطائكم انتم تشيلون حمله بس انتم وتعلموا وشوفوا وعرفوا الصح من الغلط بنفسكم انتم لادخلون طريق ممكن ما طلعون منه وطريق ممكن ينجرف بيكم للأسوء بعد يعني نورس دخلت بهل عالم وهيه ماتدري شكد هلشي غلط صح تلاحكت على نفسه وكدرت تنقذ روحه وتشوف الغلط الي سوته وتتعلم منه ف كل شخص المفروض يتعلم من اخطائه واخطاء غيره وياخذه درس العلاقات الي تصير على انت هيه مجرد شي عابر للتلسيه وعالم مو حلو ناتج من الفراغ وما منه اي فائده غير انو يدمر كيانج كا مرأة عضيمه تستحق الافضل من هيج اشياء دنيئه.... بعد هاذ الموضوع نلكه نورس راحت فصليه الفصليه هيه عادت وتقاليد العشائر الي لازم تنقضر ونخلص منه ومن زمان لان ادمر الانسان وبضبط المرأه المرأه كيان تستحق الحياة الي هيه تريده تستحق تلكه الحنان والسند وتستحق تلكه منو الي يدعمه ويشجعه ويوكف وياها نورس جانت بدون سند ومكسوره ولكت نفسه صارت فصليه وهيه بعمر المراهقه لازالت مو بكامل وعيه وادراكه للي جاي يصير مع انو الفصليه هيه شي انفرض عليه وغصباً عليه لكت التعنيف من ام رعد بأبشع الطرق ودخلت عالم بشع وهي تشوف الناس شكد حاقده وكاره للخير الي هيه ام رعد ولكت التعنيف من خالد نورس صحت على عالم كله ضرب واهانه وكسر من ابوها وخاله ومرته تعرضت للتحرش الي هوا المدمر الاكبر لكيان المرأة *والي اني كاتبه عنه قصه واضحه انشالله انشره ع الايام الجايه واحجي عن هلموضوع* نورس انولدت ووعت بمراهقته على عالم قاسي وهيه تشوف العالم شايل بكلبه كميه حقد وكره جبيره من ام رعد بالدرجه الاوله وتنصدم من كميه الغيره الي بكلب العالم وهيه جانت متأمله حته لو تروح فصليه رح تعيش احسنن من الي جانت بيه بس ما حالف الحض ضنه وخابت أماله الحقد والغيره والكره مشاعر تدخل بكلب الانسان وتاكل بي اكل ادمره مثل العاصفه ودمر الناس الي داير مدايره ام رعد كرهت نورس لاقصى حد مع انو نورس ما اله اي ذنب جانت تغار من نورس على ابنه وهاي الي دا نشوفه بمجتمعنه العمه تغار من الجنه على ابنه وتحقد عليه وتوسوس براس ابنه على مرته وتهدم ودمر حياتهم بسبب مشاعر الكره والحقد وبالاخر ام رعد كدرت ادمر نورس ورعد وتكسر حبهم وبأبشع طريقه السحر ودمرت نفسه اتوفت ام رعد وابنه مصدومه منه ومصدوم من الي سوته بس رعد ما حجه وولا وكف بوجه امه لان مهما سوت ف هيه تبقى امه صح ماعرفت اتحط احدود لمشاعره الي دمرتهم ببس رعد لازم يبقي احدود احترامه الها لين هيه امه تبقه تستحق الاحترام مهما سوت توفت ام رعد ونورس تكره توفت بعد ما دمرتهم وسوتهم ضحيه لحقده وكرهه.. بعد كل الي صار بين رعد ونورس وكل الي تعرضتله نورس من كسر وتمزق بين بشاعه هل عالم كدرت توكف على رجليه وتكوم علمود ابنه الي بقت تنتضره عل رغم كلشي صار ويه نورس بقت نورس محافضه على علاقته بربه تلجأ اله بكل كسر يصيرله وبكل جرح تتلكاه بقت ترجع لربه ..الانسان ماله غير ربه يشكيله ويبث همه وحزنه الى نورس انكسرت وطاحت الف مره وترجع لربه تشكيله وتطلب منه يصبره ويحقق الي هيه تريده والله ما قصر ورجع جبر خاطره الله ما ينسى عبده وجبر رب العالمين كلش جبير وعضيم مثل ما نشوف نورس مابقت وحده والله كومه وسنده وعوضه ب ندى وكريم وكاضم الي وكفو وياها اتشافت وكملت دراسته وحققت حلمه تفتح صالون وعوضه الله عن كل يوم سيء شافته بحياته وعن كل كسر تلقته من اقرب الناس اله وكل صدمه عوضه بأشخاص جبروا خاطره ونسوها ذيج الايام ريم تعرضت للكسر والصدمات بكل انواعه واقوه صدمه وكسر هيه من ابوها الابو هوا الحبيب الاول للبنيه ف لماً تجي نورس وتسمع من ابوهه يكول *انتِ غلطه عمري* هلشي كسره كسر فضيع جرحه وصدمه هلشي صعب وعلى بنيه واثقه كل الثقه انو ابوهه هوا سنده الوحيد الي يخاف عليه من نسمه الهوا ف حمدوا الله على اهلكم ع الاقل انتوا اهلكم ما كسروكم الكسر الي نكسرته نورس ولا شفتو الي شافته نورس مهما وصلت معامله الاب لبنته او ابنه فهيه من خوفه عليك من اغلاط هاذ المجتمع ف انتو بينوا لاهلكم انو انتو تحتاجون المسحه الخاصه بيكم وانو انتو ما رح تكسرون ثقتهم وتربيتهم بل رح تكونون كد المسؤوليه وتحطون اهلكم بعيونكم وتسون كلشي من اجل فخرهم بيكم ف حطو روحكم مكان نورس ورح تلكون نفسكم بنعمه بمعامله اهلكم نورس مالكت الاب الي يخاف عليه اما انتو ف احسن من وضعه الي ابو متوفي الله يرحمه والي ابو عايش ف يحمد الله لان الاب سند عضيم للبنيه خاصه لان احنه بزمن صعب وقاسي بس الاب الي يسند بكل نيه طيبه ف قارنوا نفسكم ب نورس ورح تلكون انو انتو نعمتكم فضيعه بوجود الاب وانتو احسن من نورس لين ما لكيتو الكسر الي هيه لكته.... واذا انشوف رعد رغم كل المشاكل الي صارت بينه وبين امه وابو هوا رجع اعتذر ورجع علاقته بأهله لان ذول يبقون اهله ربوا وتعبوا عليه ف يبقون يستحقون الاحترام والتقدير لأخر يوم بحياتهم ورعد حته ويا اخوانه وخصوصاً خالد لمن تصير بينه وبين خالد مشكله ترجع علاقتهم لين همه اخوان ومايصير الاخ ينام واخو شايل بكلبه عليه يعني رساله رعد بالقصه انو مهمه صار بينك وبين اهلك او اخوانك تبقون انتم عائله وحده شايلين نفس الدم وترجعون لبعض وتعتذرون لبعض وتنامون وانتم مرتاحين بدون ما احد ينام وهوا متزاعل ويه اخو ماريد اتعمق بهل موضوع لين اني عندي قصه كامله عبرته عن العلاقه بين الاخوان واخر شي نحجي عنه هوا الحب الي بين نورس ورعد حب عميق و اصيل مبني على التفاهم والثقه وواحد يسند الثاني لين اثنينهم مرو بنفس الضروف والكسر وثنينهم واحد جان كدام الثاني حبه على طبيعته وتصرفاتته وعلى عفويه نورس وطبيعه رعد بدون مجاملات او الحب التافه مثل حب الانترنت حب حقيقي بنته الهم الايام الي عاشوها سويه والحضات الي شافوها وشهدودها سويه وابنهم نتيجه حبهم حبهم الحقيقي الي مر ب بكل هل مشاكل ورغم ذالك رجعوا لبعض حته يكملون بعض وبضل ابنهم عثمان وبالنهايه دائماً حمدوا الله على النعمه الي انتو بيه حمدوت الله على اهلهكم حمدوا الله على عيشتكم وعلى صحتكم شكروا الله بكلشي يصير سواء زين او مو زين ف هاذ كله من رب العالمين وكلشي يكتبه الله هوا الي بي خير النه يجوز بالبدايه تصيرلنه شغلات ما تعجبنه وبعدين نكتشف انو هلشي نعمه جبيره ونحمد الله لان صارت ف كونو على ثقه كل الي يكتبه الله هوا الطريق الصحيح الي بي خير الكم وشكد ما مرت ايام صعبه ومو حلوا رح تجي ايام بعده حلوه وهيه عوض من الله وجبر خاطر يعني نورس لو ما انفصلت عن رعد وتمرضت وصارت زينه جان ماكدرت تفتح مشروعه الصالون او تكمل دراسته نورس انسندت على ربه لين ما اله غيره وحققت حلمه وفتحت صالون ودخلت صيدله وحاربت علمود دراسته ومستقبله عرفت شنو اهميه الدراسه والشهاده وعافت سوالف العلاقات بعد ما اكتشفت هيه غلط كلش جبير بحقه ك مرأة وعرفت انو ماكو شي يرفع من المرأة غير شهادته ومستقبله ودعمت نفسه من اجل نفسه هيه وبس وبدعمه واصرارها والناس الي داير مدايره الي انطوها الحب والسند وهمه نعمه من الله.. وجبر رب العالمين كدرت توصل للي هيه تريده وتنجمع بأبنه وزوجه رعد وتحط نهايه سعيده لقصته..... القصه اتشيل اهوايه عبر بس الموضوع الاساسي الحقد والكره الي بكلب الانسان والي لازم يتخلص منه ويصفي نيته حته نعيش بسلام وحتى محد يدمر وحتى حياتنه تمليه الطمئنينه والسلام لازم نكون عاقلين عن هاذي المشاعره ونكون ناس واعيه لكلشي انسويه ونعرف احدود مشاعرنه اتجاه غيرنه ونتمنالهم الخير من كل كلبنه والعبره الثانيه الي هيه الطموح وتحقيق الاهداف والحلم والوصول للمرتبه الي نريده وناخذ الشهاده ونحس بفخر اتجاه نفسنه لين احنه نستحق..... .................... مثل ما كلت القصه اتشيل اهواي عبر بس ماريد احجي عنه بالتفاصيل لين اكو قصص جايه ورح احجي بيه وبتفاصيل اوضح .. خلصت وياكم هلقصه وانشالله يوم ٢٠ سبتمبر ٢٠٢١ رح انشر قصه جديده وهيه (ناجيه وضحيه)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
