{ألمنافق ألشريف}

ألبارت ألسابع...ألمنافق الشريف

ليست كلّ العواصف تأتي لعرقلةِ الحياة بعضها يأتي لتنظيفِ الطريق ......
.........................................
ام رعد:ها دكتوره شنو
الدكتوره :خاله انتي شون ترديه تحبل  وهي بعدهي بنيه
ام رعد:شنوو
ام رعد:دكتوره شتحجين اني بعيني شفت نيشانه
دكتوره :يعني شنو اني اجذب عليج يعني بعدهي ماتحبل
ام رعد.. ضلت تخزررر بيه
و اني مصفنه بالكاع
طلعنه من الدكتوره
وبس طلعنه وضربتني على راسي
اجيت اطيح على وجهي
وكامت تغلط وتدفع بيه كدام العالم وناس كله تباوع  واني مدنكه وابجي
طلعنه وصعدنه بسياره
محمد :ها شكو
ام رعد:شكو بعد من وره هلجلبه غير البلاوي
محمد :ليش
ام رعد:غير اخوك الفاهي بعده ماماخذه اصلا
محمد..باوعلي بالمرايه ودنك وسكت
نورس..ضليت مصفره ومدنكه وابجي
وصلنه البيت وتلكتني دك وراجديات واني بين ايديه ابجي واتوسل تعوفني
ورعد بعده ما جاي
ام رعد جرتني وطببتني المخزن وقفلت عليه الباب
ام رعد اصيح: جان من الاول لازم اطيج لخالد جلبه
نورس... ضليت كاعده وابجي
ورا ساعه اجه رعد واسمع ام رعد اصيح
رعد.. طبيت البيت وامي عبالك منتضرتني ستلمتني تصيح
رعد :شبيج متلكيتني بصياح
ام رعد:هاا وبعد ماعاجبك تلعب عليه ولككك
نورس... دكيت على الباب
نورس:رعد طلعني
واني ابجي
رعد اجه فتحلي الباب
وام رعد واكفه :هااا ولك الفاهي
رعد :صعدي فوك
ام رعد: وين موليه وييين
نورس..صعدت وهوا وراي
طبينه الغرفه وسد الباب
طبت ام رعد
ام رعد :اخذت مرتك لدكتوره
رعد جاي يبدل :ليش؟؟؟
ام رعد:حته نعرف ليش ما تحبل
نورس..رعد دار عليه وباوعلي ووجهه انكلب
ام رعد:واثاري بعدهي
شنو أتاني لا وتضحك علي
شنو من فصليه شابعه دلال هاي
رعد :وأنتِ ليش تاخذيه اني حجيت كلت اريد خلفه
ام رعد :لا هي فصليه المن جايبيه غير تاخذ الثار بيه
رعد :يا ثار انتي يما  عود صدك تحجين اخذه البنيه وهي شله شغل
ام رعد:وانت بس دافع عنه شبيك مجلوب عليه
نورس  رعد طلع  من الغرفه وهمه كدام باب الغرفه وامه اصيح
ام رعد: صوجي اني ذيج اليله المفروض ماطلع وكدامي تاخذه
رعد :بكيفي اني يمته ما اريد بكيفي
اني كتلج الفصليه ماريده
نوب ترديني اخلف منه
اما :هسه تاخذه
رعد ستغفر :يمااا راسي مصدع الله يخليج عوفيني بحالي
ام رعد:باوع عدل يا هسه اطب تاخذه
يا اطلكها مو ماتريدها  طلكها
رعد سكت
صعد ابوه
رعد :بويه سمعته الله يخليكم  عوفيني بحالي
ابو رعد:امك محجت شي غلط
فصليتيش هاي ولهسه ماداخل عليه
رعد :بويه ماريده
ابو رعد :طلكها اخوك ياخذه
رعد:مااااا اطلك
ابو رعد:مو ماتريده
باوع هسه اطب تاخذه وتنطي نيشانهه لأمك
يله
واذا هيج مارايده طلكها
رعد..تنهدت
ابو رعد:ياالله
رعد : انشالله
رعد..طبيت الغرفه وقفلت الباب
نورس واكفه
نورس..وكفت كدامه و باوعلي بكل برائه
نورس ..رعد واكف  اطاني نضره تفصيليه من فوك ليجوا
نورس :شبيك تباوع هيج
رعد :وخري من وجهي انتي
نورس.. وخرت وهوا طب للحمام
اني كعدت كدام الميز وفتحت شعري وكعدت امشط
طلع رعد ويباوعلي
نورس :شنو
رعد :محد يمج انتي
نورس :اني جوعانه
رعد :هسه زهره لو وجدان  اكلله تجيب عشه
رعد طلع من الغرفه
واني بدلت وجابت زهره العشه وكعدنه تعشينه
خلصنه
واني كعدت على الجربايه مصفنه
نورس :اطيني فونك
رعد: هاج
وكام كعد على مكتبه
كعدت اني  اباوع
صارت ب١١ ورعد ضل كاعد ماطلع من الغرفه
كام رعد طفه الضوا
رعد :جيبي التلفون
نورس :مانعسانه
رعد :جيبي
نورس: هاك
نورس.. اطيته التلفون وجريت البطانيه
ورعد صعد وجر البطانيه ونطاني ضهره
شوي ودار
رعد :دوري احاجيج
نورس درت :ها
رعد :باجر لا تطلعين من الغرفه
نورس :لييش
رعد :تردين تطلعين وامي ادوس ب بطنج
نورس :لا ابقه هنا
رعد :هاذه هوه ضلي هنا على ما اجي ومن تجوعين اكلي من الحلويات مالتج  وهيج  رتبي بهدومي عدلي
سبحي بدلي المهم لا طلعين
نورس :بعد احسن خوش تمام
رعد دار: يله خمدي
... يوم ثاني رعد راح لشغل واني ضلت نايمه
كعدت واكلت ورتبت الغرفه وكعدت احط مكياج
للمغرب سبحت ومشطت
شوي اجه رعد وجايب بيتزا
سبح وكعدنه اكلنه
نورس :اييي شو ساكت
رعد :انتي هم سكتي
نورس :رتبت هدومك
رعد  :خوش
نورس :اليوم سويت مكياج يخبل حرامات  لو موجود جان شفته
رعد ساكت
نورس :شنو اليوم شسويت بالمحكمه
رعد ساكت
نورس :منين البيتزا
نورس :اكلك عندي سؤال شاغل بالي
رعد ساكت وما يباوعلي اصلا
نورس :شكد قياس رجلك؟؟
رعد ساكت
نورس :يلله جاوب
رعد:٤٦
نورس :ما شاء لله بكد قياسي بس اكبر منه ب١٠
نورس :عندك حبيبه
رعد :سدي حلكج
نورس :شسم حبيبتك
رعد باوعلي...
نورس :خوش رح اسكت
نورس: شبيك
رعد تنهد
رجعت اني اكل
رفعت راسي ورعد  صافن عليه
نورس :شهل نضرات
رعد :ياهو يمج
...خلصنه اكل واني غسلت و كعدت على الميز مرايه  وطلعت المكياج
ورعد جان متمدده على الجربايه كام
ووكف وراي
نورس :يا لون احط
رعد: جر علبه الضلال من ايدي:عوفي المكياج هسه
نورس :ليش عندك سالفه
حتكلي عن حبيبتك مو
اني كمت
رعد حط ايده على خصري وجرني عليه
نورس:رعد شبيك
رعد :مابيه
نورس :اي وخر
ودفعته
جرني  حيييل وشمرني على الجربايه
وصعد
نورس :رعد شبيك وخر رعد
كام يجر بهدومي وحط ايده على حلكي
واني ضليت اصرخ
.......يوم ثاني  الصبح
نورس: فتحت عيوني وراسي مصدع لدرجه
لكيت روحي بحضن رعد
صرخت
رعد كمز
رعد.... نورس ضلت اترافس وتصرخ
واني  ايريد الزمه ماكو
صعدت فوكه ولازم ايديه
نورس:ليش ليش تسوي هيج
رعد ...حطيت ايدي على حلكها
وهي تبجي
رعد :اول واخر مرة وعد
نورس دارت وجها على الصفحه الثاني ونزلت دموعه
ضليت اباوعله
كمت وطبيت اسبح
نورس.. ضليت بالفراش وابجي
طلع من الحمام  بدل وطلع من الغرفه
اني كمت طبيت الحمام وابجي وتشهك
وجسمي كله يأذيني
واني بالحمام طكني نزف
وضليت ابجي بزايد
ضليت بالحمام وابجي وتلوا
طب رعد للغرفه
رعد :شبيج
نورس ساكته
رعد :شبيج شصار(اسمعها تون ولازمه بجيته)
رعد :شبيج زلكتي
رعد :رح اطبب اذا متحجين
نورس :لاا
رعد :لعد شصار
نورس :اطلع برا
رعد :اي شبييج
نورس :اكرهك انت اكرهك
رعد تنهدت :زين طلعي
نورس :اطلع برااا
وضلت اصرخ
رعد :رح اطبب عليج اذا متحجين
نورس  ضلت تشهك :بطني تعورني
رعد :خلص  طلعي واني هسه اصيح لزهره
نورس ضليت بالحمام
اجه رعد وزهره
زهره :ها نورس شكو
نورس :هواي دم
زهره :دمييش
زهره دارت ع رعد
رعد صافن
رعد :اني ما سويت شي
نورس ؛بطني تعوووورني
زهره :طلعي لبسي عبايتج
نورس :وين
زهره :هسه طلعي
زهره ورعد طلعو
زهره :اوكف برا حته تودينه
رعد: وين
زهره :بعدين
طلعت نورس وتبجي
باوعت لرعد وخزرته
طلعنه بالسياره
وزهره دلت رعد على بيت
نورس :شنوو  شنسوي هنا
نورس..نزلنه اني  وزهره وطبينه
واكو مرا
نورس تبجي :ماريد
زهره :باعي تره ميسوا نروح مستشفى
نورس :ماريدد
زهره :مارح يصير شي بس هدي هسه
....رعد.. واكف بالكراج بس اسمع نورس اتصرخ
طلعت زهره
رعد :شسالفه
زهره :اسأل نفسك
طلعوا ورجعوا البيت
نورس.. صعدتني زهره ونمت بالفراشه وابجي وتون
ورعد راح لشغل
....المغرب
نورس..كعدت وكمت لميت هدومي وادويتي
ونزلت بالمخزن
نكتت الفراش وكعدت ودك الباب
طبت زهره حطتلي عشه تعشيت وضليت كاعده
شوي طب رعد
رعد :ليش كاعده هنا
نورس...درت
رعد :نورس هنا حاره تعاي بالغرفه
كعدت يمه على الفراش: امشي صعدي
نورس درت عليه :اكرهك
اكرهك وكره امك
واخوك وابوك وكلكم اكرهكم
رعد :تعاي صعدي وارتاحي بالغرفه
نورس :وخر عني  اني هنا كلشششش مرتااحه كلش
رعد : اوك اوك اذا ردتي صعدي انتضرج
رعد طلع واني سديت الباب ونمت واني ابجي
ب٢ باليل
نزل رعد..طبيت لكيته نايمه
وجانت عركانه ووجه احمر
اجيت اشيله هي فزت
وضربتني راجدي
نورس: وخرررررر
وصارت كله ترجف واشوف بعينه خوف من عندي
رعد :هنا حاره ماتشوفين روحج رح تموتين
نورس :الله ياخذني
ودارت
رعد..اني طلعت
يوم ثاني باليل...
اجه رعد من شغله
رعد: طبيت على نورس بالمخزن
رعد :متجين تبدلين اسبحين
نورس ماردت عليه
رعد :جبتلج حلويات وببسي
ماردت عليه
رعد :يلله تعاي خنصعد
رعد :اني رح اكعد اسوي الاوراق ونتي اخذي تلفوني يلله تعاي
نورس  تمددت واطتني ضهره
واني واكف
رعد :نورس يله عادك
تنهدت
طلعت وسديت الباب
يوم الي ورا العصر
نورس.. خلصت شغل وطبيت المخزن وكلش تعبانه
دخل رعد
رعد :تعاي كعدي  على الميز يمي بالغرفه نسولف
وشرحلج على هاي القضيه
نورس ساكته ، ما تباوعلي
رعد :مكيجااج شو  عايفته ماناويه تحطين تكشخين ونطيج راي مو على ألاساس تفتحين صالون
تعاي حطي اغاني وحطي مكياج
رعد :يلله حلوياتج ضاله بالكنتور
نورس تمددت على الفراش
رعد :تلفوني تردين تباوعين
رعد :يلله تعاي كعدي سأليني اسألتج الحلوا
رعد :تعاي نسولف
رعد..كعدت يمه على الفراش
رعد :نورس تخليني اضل الح يعني يلله اطيني ايدج خلنصعد
رعد :نورس مو احاجيجج
رعد..جريت نفس وطلعت
....يوم ثاني الصبح
نورس.. اني جاي اغسل
وفتحت باب المطبخ شفت رعد طب ويشيل سندانات ورد
اني طلعت اخذت المكناسه
رعد :تعاي شون جبت ورددد خلنسوي سوا
رعد حطهن بالحديقه
رعد :يلله ام البستان تعاي تربعي يمي
نورس.. طبيت وسديت الباب
طب رعد ودفع الباب وجرني من ايدي
رعد :كافي عادك
نورس... باوعتله بكل برود
رعد :يعني ورا ما خليتني اتعلق بيج تنطيني ضهرج هيج
نورس نفس من انطيتني الامان وكسرتني وخيبتني
رعد:كتلج اول واخر مرا
مارح يتغير شي
نورس :لا يتغير كلشي اني مو نورس الطفله الجاهله يمك الي على نياته  خوش
اكرهك اكثر من امك
نورس..جريت ايدي وطبيت
ضليت واكفه على صفحه شفت رعد ركع باب المطبخ وصعد ومغندب
وما راح لشغل وولا سوا الورد
محمد وجواد سواهم
....يوم ثاني باليل
نورس.... اني بالمطبخ طبت عليه ام رعد
صعدي نضفي غرفه رعد
نورس :باجرر من هوا بشغل
ام رعد:لا هسه هوا كاعد بصاله صعدي نضفي وسدي حلكج يلله شهل صلافه مو بكيفج هوا
وركعتني على راسي
نورس.. ضليت  ساكته ومدنكه  هيه راحت واني صعدت
بدلت الفرشات ومسحت
طب رعد
رعد :هااا واخيرا نورتيي
نورس.. ما رديت
رعد .. سد الباب
نورس .. رحت فتحته
رعد :اوك براحتج
نورس :جاي انضف انزل
رعد :لا ماريد خليني ماعندي شي
كعد على مكتبه
واني امسح وهوا يباوعلي
رعد :لا تنزلين  نامي هنا
نوررس ساكته
رعد :مدام خلصتي تعاي سبحي هنا وكعدي يمي
رعد :حطي مكياج
خل  نباوع اني وياج فلم
اجيبلج بيتزا هذيج المره عجبتج
نورس... رفعت راسي : رعد اسكت
اخذت الممسحه وطلعت وسديت الباب
ونزلت اجيت اكعد يم الجهال بصاله
اجت ام رعد  وجرتني ودفع بيه ماتريد اكعد يمهم
ودفعتني برا وكامت ترفس بيه وتجرني من شعري وتضرب راجديات
خدودي ورمت
ودموعي مادري على شنو تنزل
على الانكسار ألي اني بيه
لو خيبه الامل
لو الالم
لو الاهانه وذل عافتني وتصيح وتكول روحي نضفي
خليت رحت نضفت جم شغله ووطبيت كعدت بالمخزن وكاعده وابجي وميته حر
ب١١ اجيت اناام طبت عليه زهره
زهره :وين المكناسه  اجهال تارسين الكاع بسكت
نورس :خاف فوك هسه اصعد
نورس...صعدت طبيت الغرفه رعد
ما لكيته والكنتور مفتوح والهدوم مطشرات بالكاع
اخذت المكناسه وطلعت
نطيته لزهره
نورس :رعد وين
زهره :طلع من بساع
نورس: وين
زهره :مادري بس طلع مستعجل
نورس.. رجعت للمخزن
...........
عدة  اكثر من اسبوعين
واني ورعد بعدنه ما نتحاجه
واني ما اطيته واجه لين كرهته كرهته كلش  لين جان مخليني اأمن بي وبعدين خذلني....
يوم.. وقت الضهر
تونه مخلصين غده وغسلت الماعين وطبيت المخزن
طبت علي ام رعد:كومي كنسي الحديقه والكراج
*ساعه ب٢ الضهر
واني منا جنت كلش دايخه وبطني تأذيني ميته تعب
نورس : انشالله
ام رعد:اي هسه يلله كدامي
نورس.. طلعت ام رعد واني  جاي امشي وراها
طلعت وكمت اكنس وام رعد واكفه ومجتفه وتخوزر
واني جاي اكنس والشمس تدك فوك راسي
نسحنت روحي
ام رعد :ديلله يلفاهي كنسي عدل
نورس :زين خل اشرب ماي والله دخت
نورس.. الكراج  جبير واني اكنس وام رعد تذب عليه زباله وارجع اكنس
وصلت لنص ودنيه دارت بيه
طبيت للمطبخ ولزمت بيده الباب
ونركعت بالحايط
ام رعد: شبيج مسطوره وصمخ رجعي كنسيي لا العب بيج طوبه
نورس :بس خل اغسل وجهي
..غسلت ورجعت كملت علما خلصت روحي طالعه
طبيت للمخزن هلكانه
ورا  ساعه  تقريبا  طبت ام رعد
ام رعد :كومي لبسي عباتج
نورس :وين
ام رعد:كووومي
نورس..كمت لبست عبايتي وطلعت  وطلع جواد
طلعنه بسياره ووصلنه  كدام مستوصف
نورس :شكو
ام رعد؛سدي حلكج يلله نزلي
نزلنه ودخلنه وجان اكو ممرضه ودكتوره
ام رعد.. تحجي ويا الدكتوره :حلليله نريد نشوف حامل لا
نورس باوعتله ونصدمت:شنو حامل
ام رعد:انتِ اششش اذا ما طلعتي حامل  العب بيج طوبه ولج اوريج الضيم الاصلي
نورس: ورعد يدري
ام رعد: تسدين حلكج لو هسه ادوس ببطنج
نورس..ضليت مصوفره
اجت الممرضه سحبت دم
ورجعت كعدت وام رعد كاعده وحاطه رجل على رجل وتخزر
...ورا شوي طلعت الدكتور
ام رعد: ها دكتوره
الدكتوره: مبروك حامل
نورس ...ضليت فاكه حلكي ومصدومه  والدم جمد بيه
وام رعد عوزها شوي وتهلهل
نورس... من صدمه جمدت وراسي صدع
بس كمت نغمه عليه.....علما صحيت
طلعنه واني بسياره ودموعي تنزل مصدومه
وصلنه بس طبينه البيت جان رعد جاي من وكت
نازل بالمطبخ  جاي يشرب ماي
رعد....رجعت للبيت  سبحت وبدلت ونزلت امي ماهيه وطبيت على نورس بالمخزن هم ماهيه
طبيت المطبخ اصبلي ماي
دخلت امي ونورس وجواد
رعد :شنو وين جنتوا
ام رعد:اي ابني ابشرك
رعد :شكو
ام رعد :الفصليه حامل
نورس ...اباوع لرعد نصدم ولازم الكلاص بيده
رعد :حامل؟؟؟ نورس
ام رعد: ايييي يما الف الف مبروك
نورس..ام رعد طلعت من المطبخ
ورعد يباوعلي وعيونه تجدح
جرني من جتفي حيل
رعد :شنو حامل شنو يمته لحكتي تحبلين
نورس :اويييي وخر جاي تأذيني و اني شلي شغل
رعد :انتي من كل عقلج  جايتني حامل
نورس:اي مو هوا بكيفي
رعد :لاحوووول  اني سالفه زواج  ما مدخله بمخي نوب تجيني حامل
نورس... جريت ايدي
وعفته وطبيت للمخزن
رعد.. نورس طبت المخزن وضليت بمكاني راسي صدع
نورس... طبيت وكمت ادك على روحي و ابجي
واشهك واملخ بشعري وصرخ ونهد حيلي
طب خالد..لكيته ترافس وتضرب بطنه
خالد صحت: رعدددد
خالد :تعال شوف مرتك تخبلت
رعد... ركضت طبيت ولزمته
وونورس كلش تهسترت
نورس اصرخ :بعدني  جاهل شنو حامل
كله منك كله مننننك
وكامت تركع بيه ودك على صدري
وتجر بشعره
وصعدت على ابجربايه وكامت تتطفر
نورس :الا اسقطه الا اسقطه
رعد ..جريته وشلته ولاززمه
طبت امي :ولج خبله اذا صار شي للفرخ اموتج اني ولله عود جيبي ورعد يطلكج والله ومحمد وعلي وياااااج من امداج
رعد ..نورس بحضني ترافس وتشهك
رعد :كافي خلصصص
نورس دارت وجه  علي :اكرهك
انشالله طول عمرك ما تتهنه بحياتك
كلكم نشالله ماتتهنون
صرخت..يالمحامي
رعد...نورس ادنت يم ذاني
وهمست بصوت ناصي
نورس :شهادتك نكعه واشرب مايه
الماحامه ببيت اهله ما يحامي بين الناس
المنافق الشريف
...ورجعت راسه  واني صافن بوجه
كامت ودفعتني
رعد... عفته وطلعت وكلمة المنافق الشريف كامت تون بذاني
نورس صرخت :المنافق الشريف
نورس.. شمرت روحي ع الفراش وضليت بس ابجي واشهك
.....يوم ثاني
الصبح
طب رعد علي بالمخزن محمل علاليك علاليك
رعد :ذن الج
طبت ام رعد:المن ماتستاهل
رعد :مو حامل
ام رعد:اي ممقصررين وياها  موداعي ادللهه
رعد :يما الله يخليج مو وكته
رعد :تردين اخذج لسوك اشتري الي يعجبج
نوورس.. اباوع لام رعد واكفه ورا وفايره فور
وتباوع بنضرات هيج عيونه مليانات غيره وحقد من شفته كلبي نقمت
نورس باوعت لرعد: لا
رعد :تردين نطلع نغير جو
نورس: لاااا
نورس...باوعت لأم رعد هيج عبالك بده تهجم عليه
عبالك اني بايكه ابنه
نورس: اخذهن علاليكك كلشي ماريد
رعد.. ما رد خله وطلع
نورس... كمت اجيت اطب بالمطبخ
وشفت ام رعد واكفه تصب جاي
رجعت واسمعه ادردم
ام رعد :اني اريد اخلص منه لهاي الجلبه الخايسه وبالخير  تخلي ابني يكوم يدللها بالزايد
خير ولج اذا ما اموتج على ايدي ،  تاخذين ابني مني
اذا ما اخليج تتمنين الموت
منين ماريد اخلي يكرها يحبه بالزايد
نورس.. رجعت طبيت المخزن
وحس روحي بأي لحضه ممكن اموت ومصدومه من حجيها
..........
عده شهرين ونص
نورس...و بديت نساوه وومصدعه ولعبانه نفسي من الدنيه وكاره روحي
.....
اني بالمطبخ كوا واكفه
طب رعد:عوفي  الي بأيدج وتعاي بالغرفه رتاحي
ووكف وراي
نورس دارت :ماريد
ولكيت ام رعد واكفه برا ومجتفه
خزرتني
نورس : وخر
رعد:كولي شنو رايده لايبقه شي بنفسج
نورس :انت لا دللني ومسوي بيه الحنون
مو ماتريد الطفل خل اسقط وخلص
رعد :اول شي هاي نعمه من الله والحمدلله وشكر صار الي صار الطفل ماله ذنب
ثاني شي انتي  دربالج على نفسج لين بعدج صغيره اي شي يصير للي ببطنج يأثر عليج
واني هطفل هسه رايده اجه رزق من الله وماكو اعتراض
نورس :اوك لعد وخر عني
كال صغيره كال
نورس.. رحت طبيت للمخزن
طب رعد وراي
رعد ؛شنو مشتهيه كولي
نورس :مشتهيه اموتك بيدي
يالمنافق الشريف
رعد رفع حاجبه وطلع........
نورس....عدت الايام ورعد ضل يحاول وياي
كلشوي يجيني شتردين شرايده
ويجيبلي اكل ماي
يحاجيني ..تردين اطلعج اشتريلج اجيبلج اسويلج
بس اني ما انطي وجه
يجي يسولف وياي ما احجي صرت ما اطيقه وبنفس الوقت مادري اذا متعلقه بي بس هوا اذاني وصدمني بعد مجنت معتبرته احسن واحد ومثل صديق
..ويلح وياي بسوالفه ويجيبلي حلويات وملابس واني ما انطي اي رد فعل
بس ام رعد كلما جايله كلما تفور وكلما تشوف رعد يحاجيني لو يسويلي شي  عيونه تكب وتضل بس تحوس ماتعرف شتسوي
وما سوت شي الي طول هلفتره بس نضراته تخوف وخاصه من يجي رعد يحجي وياي
امه تكب  وتجي تكله عوفها تولي وماتستاهل
بس اني عرفته  عرفته تغار على ابنه مني
مو صاحيه
ف اني بتعدت عن رعد بالزايد علمود اتكفه شر امه
بس رعد يزيد يرجعلي
وعلى هل قوانه
نورس ...صرت شهر رابع و٣ اسابيع تعودت على حبالتي وتقبلت هلموضوع بالبدايه جنت بصدمه
كلش جبيره لين اشوف نفسي بعدني طفله وكلشي ماشفت من حياتي واصير  حامل فجأه بس تقبلت الوضع وب الاول و الاخير هلطفل ماله ذنب واني اريد اصير ام ويصير هلطفل حته لو اخر امل الي بهل حياة وحبه من كل كلبي
وقدمله كلشي عندي ومن هسه وهوا ابطني احط ايدي ع بطني واحجي ويا  كل الي سويته بيومي لين هوا صار ملجأي ألوحيد اصبر نفسي علموده
واريد تمر الايام وجيب وكوم بسلامه وهتم بي ...
بس ام رعد شكله ماناويه خير............