تُركص بگلبي فراشاتك،
واصير مِن الفرح بُستان چَني...
.........................
واجه يوم العرس
( اني ورعد قررنه ما نسوي حنه وحفله خطوبه يعني بس عرس)
وعثمان راح ويه رعد للحلاق واشتروا طبعا ثنينهم قوط ونفس الون
اما احنه البنات نور وندى واني بالصالون واول شي سوينه جلس تنضيف بشره وبديت اني امكيج روحي
ومشغلين اغاني والضحك والركص
وكلشوي اني اخابر رعد اسأله عن عثمان
...... وكملت المكياج
بدت العامله تسويلي شعري وال تسريحه
طبت ندى جايه من بره ، وشايله باقه ورد
نورس :يااا الله شهلحركات
ندى :مو الج
نورس :المن
ندى :لست نور
نور :يااا عزه حيدر
ندى انطت الباقه لنور
نورس :فشلتيني
ندى :جا شبي حضي الاغبر ولا ورده
نورس.. اني ونور متنه ضحك
نورس: عيني عيني نور شنو هلحركااتتت
نور دنكت ومستحيه
نورس: يا ندى الله يواسيج انتِ عاد
ندى: حسبي الله
نورس :هاا نور ناوين اليوم تعرسون ويانه
نور :نجبي صدمني
نورس :اني الي تفشلت
ندى :اروح اجيبلي كهوا احسن تفوو عليجن
نورس.. رجعت اني ونور بس نضحك
طلعت ندى
ورا شوي اجت وشايله باقه ورد حمرا اكبر
نورس :هاي المن بعد
ندى :هاي الج
نورس :ياااااييي
اخذت الباقه وضليت اطفر
ندى:اصلا حلوا الكهوا
نورس..احنه شبكنه ندوى وميتات ضحك
نورس اباوع لنور: شكله ذول الاثنين متفقين علينه
ندى: جا كاضم ما يغار
نورس: حبيبتي انتِ كاضم ما يجيبلج ورد لان انتِ الورد
نور: ولله صحيح
ندى : اقنعتيني
احنه ضحكنه ورجعنه نكمل مكياج والشعر
والبنات لبسن فساتينهن واني لبست الفستان
وندى ونور صافنات علي ويتغزلن بيه
خابر رعد كال جاين
ف البنات راحن لصاله واني ضليت بالصالون وبس ارجف
ورا شوي سمعت هلاهل نور وندى
فتحت الباب شوي
وشفت رعد واكف ولازم عثمان هم واكف
وثنينهم صافين فتحت الباب ومشيت خطوتين والبنات واكفات ورا وزهره ووجدان جايات
وعثمان كام يطفر ويصفك
رعد :اسكت اسكت تره مرتي
نورس :عثمان
وفتحت ايديه اجه عثمان ركض شبكني
رعد: استغفرلله
وندى ونور يهلهلن
اجه رعد ولزمني من ايدي
وباسني على راسي وادنه شاورني: شهل جمال لك ولله اهنيالي
نورس.. اني متت خجل ودنكت
اجت نده جابت البرنص ونوب طلعوا وبقينه بس اني ورعد وعثمان بالصاله
رعد باوع ماكو احد جرني وباسني
درنه ثنينه على عثمان و عثمان صافن
نورس :شبيك جاي تعلم ابنك على سوالف تعبانه
رعد :نسيت
رعد كام يعدل بالبرنص مالتي وغطه وجهي
و شال عثمان وولزمني من ايدي وطلعنه وصعدني السياره
وبالسياره احنه والاغاني وعثمان بنصنه يهز ويركص ويصفك
ورعد يطك اصبع
وورانه كاضم وحيدر وخوان رعد والهورنات والاغاني وطبعا قبل لا نطلع طبينه الاستديو كصينه صور ولقطات رومنسيه وصور ويا عثمان وواجن البنات هم اني بنصهن وصورنه وشبعنه ضحك
وصلنه القاعه والبنات يهلهلن وطبين اني ورعد وعثمان كدامنه ..كصينه الكيك ولبسنه الحلقات وكعدنه وعثمان بنصنه مايقبل يكوم
اجت نور شالته حته نكوم نركص اني ورعد
رعد لزم ايدي وكومني
وشغلوا اغنيه رمنسيه ورعد حط ايديه على خصري واني صافنه بعيونه
جم دقيقيه وركض عثمان
وجر ابو
رعد :بويه وخر
عثمان :وخر
رعد :مرتي
عثمان :امي
اجت نور تريد تاخذ عثمام
وضل يصيح ماااااا
رعد رجع ليورا ويستغفر
واني شلت عثمان وكمت اركص وياه
ورعد مجتف على صفحه ومغندب
نزلت عثمان واجه رعد لزمه من ايده
رعد :روح يم عمو حيدر اركص مو كلهم الزلم برا ونت مو زلمه روح يمهم
عثمان :وخر عن امي
رعد :موخر
عثمان :اذا ما توخر ماروح
عثمان :انت هم روح
اجت نور شالت عثمان وتلهي بنستله واخذته وراحت
رعد ادنه علي
صرخ عثمان من بعيد :وخر عن اميي
رعد :بطلت ماريد
نورس اني متت ضحك:احسن
ضل رعد واكف
ونور طلعت عثمان خذا حيدر
وكملنه ركصتنه
رعد جان مصمم على الركصه
رعد :بعد شيريد الاستاذ عثمان
حته باجر عكبا لا يحجي ويكول
ما عزمتوني على عرسكم
هاي حته ركص وياج
بس خير نشالله
نورس..ضحكت
خلصنه ورعد طلع واني والبنات رجعنه نركص وشمرت اني المسكه
لزمته ندى
نور: اذا ما اكول لكاضم عليج
ندى: هش هش خليني فرحانه بروحي
نورس ضحكت: دعوفيه المسكينه......
خلصنه وشبعنه ركص واجه رعد ولبست اني البرنص وطلعنه صعدني رعد السياره
وبباب القاعه حيدر ووكاضم يهوسون ورعد طبك وياهم وكاموا يركصون
ومحمد وجواد
صعد رعد السياره والولد صعدو وهورنات واغاني ورعد يسوق ويهز
وصلنه البيت ورعد نزلني والبنات وياي دخلنه البيت
وطببني الغرفه ونزعت اني البرنص وهنه اجن شبكني وبوسني وطلعن
ونور راحت ويا ندى بس جم يوم ونوب تجي وتضل يمي بالبيت
علمود تضل ويا عثمان من اني اروح الكليه
البنات طلعن واني اسمع هوسات الزلم برا
وزفوا رعد
....اني بالغرفه ..طب عثمان
والولد يهوسوله
طلع الاخ عثمان مغندب يكول مادخلون ابوي
ورعد واكف برا طب عثمان وركض عليه واني شبكته
ونوب زفور رعد ، ...بس طب رعد
عثمان :روح لبيتكم نريد ننام
رعد تنهد
اجه شال عثمان وكعده على الجربايه
رعد:شو انت ميانه زايده دوخر
نورس..رعد وكف كدامي وباسني على راسي
وحضني
وضل يباوع لوجهي وصافن بعيوني
رعد :الف مبروك عليه
نورس .. ضحكت
وعثمان صافن
رعد:احب...
عثمان ..اريد حليب
نورس...اني وخرت من كدام رعد
نورس :تعال اسويلك
لزمت ايده وطلعت اني وفستاني وطبيت المطبخ
رعد نزع سترته وكعد
نورس..سويت حليب للعثمان ورجعنه طبينه الغرفه وكعدته على الشاز لون وكعد يشرب
وكعدت اني ورعد يفتح شعري واني امسح المكياج
واني ورعد ميتين ضحك لين هوا يقلد عليه شون متحمله هلماشات الي براسي
رعد: ادري شنو سيت خواشيك براسج
نورس: لا تقلد كله فداء الاناقه والجمال
رعد: انتي هيج هيج تخبلين
نورس: طبعا
رعد: اي شونج ذبيتي لحمم ها
نورس: اي غير نركص ونتونس ولا خل اسولفلك اني شمرت المسكه ولزمته ندى
ولا من دزيت الورد الي واحنه بصالون وحيدر دز لنور
تكول شكو رجلي ما يجيبلي ورد بس انتن
رعد ضحك: على المره الجايه نفتق عليجن الثلاثه
نورس: الله الله يعني انت وحيدر متفقين ادزون ورد
رعد: لا ولله ما متفقين بس حيدر شكله منعجب بنور كلش
نورس: اي هوا لايكين لبعض ترا
نورس:ونت ما قصرت بالردح
رعد: اي غير عرسي وطاير
..كملنه نسولف على الي صار بالعرس وميتين ضحك
....خلصنه
وطبيت سبحت وطلعت ورعد جاب عشه
وتعشينه و رعد طب سبح
اني كعدت ابدل لعثمان
وصعدته فراشه حته ينام ، ماقبل
عثمان :انام على الجربايه ، بابا ليش ماراح ، لازم يروح بيتهم
طلع رعد وينشف بشعره
رعد :اليوم ذبيت لحم بويه ياالله نام
عثمان :مانام
نورس..كعد رعد على الجربايه
واني من الصفحه الثانيه
وعثمان صار بنصنه
رعد..مغندب
نورس... مبتسمه
عثمان.. يباوعلنه احنه الاثنين
رعد جر عثمان علي :ياالله خلنام سويه
عثمان :نام بالكاع الجربايه ماتكفي
رعد :لاتكفي معليك
عثمان :ماتكفي
رعد :شو ماتسكت انت اصعد بجربايتك ياالله هاي جربايتي
عثمان :ماما كليله ينام بالكاع
رعد :خلص رح انزل
رعد :بس خلنحجي اني وياك شوي
حجي زلمه
نورس..عثمان هنا فك عيونه وركز
رعد :يعني تعرف ياخويه
عثمان :كلشي اعرف
رعد :ادري ادري اسمع هسه
اكلك ما تريد يصير عندك اخو يعني انت هيج وحدك مو خطيه
عثمان :اخو
رعد :اي بويه واحد اخو مدري اخت
عثمان :اريد
رعد :اي لعد خلنجيبلك واحد
عثمان :يلله جيبوا
نورس.. اني ضليت اباوع لعثمان
رعد:لعد كوم بفراشك نام
عثمان :وتجيبون
رعد :اي
عثمان كام وصعد جربايته
نورس :هسه خلي ينام ويانه
رعد :انتِ انجبي ماصدكتي
نورس.. دنكت
رعد ضل واكف يم عثمان ينتضره ينام
نورس : رح تضل واكف
رعد :اي
نورس.. كمت كدام المرايه عدلت شعري
رعد :ها نمت بعدك
ماكو حس نام عثمان
نورس.. اجيت يمه وعثمان بسابع نومه ، بسته بخده
رعد :اي من الاول هيج
نورس :اي ونت هم تصبح على خير
وبست رعد على خده
رعد لزم ايدي وجرني عليه :و حط ايده على خصري وباسني...........
عدت الايام وبديت حياة جديده ويه رعد
حيا كلش حلو كله فرح وتفاهم وعثمان محلي ايامنه اكثر واكثر
نجمعنه سوا وكملت سعادتنه والف الحمدلله وشكرر
الله عوضني عن كلشي وجبر بخاطري عن كل الايام البشعه الي عشته بحياتي
عوضني بهل ايام الحلوا وعوضني برعد وعثمان
وربي ما قصر وما ردني وردلي ابني لحضني
الف الحمدلله وشكر
واخيرا انتصر الحب على كل هل حقد والكر والايام الصعبه
وجبر الله جان كلش عضيم خلاني انسه كلشي صعب مريت بيه.........
........................
نور بقت عدنه
وورا فتره حيدر خطب نور
وسوينالهم عرس يخبل وجانوا ثنينهم لايكينن على بعض ومتفاهمين جنهم بلابل حب........
أنت تقرأ
{ألمنافق ألشريف}
Romanceالى اين تصل حقاره وغيره وحقد البشر وماذا تفعل نار الغيره وعلى من سينطبق اسم القصه وماذا ستجد البطله في حياتها من معاناة.........
