{ألمنافق ألشريف}

ألبارت الثالث عشر

لنعود غرباء من اجل التحدث مجدداً......
..................................
عدت ساعات
واني اقرا ع نورس
والهوا يطك بوجهنه وكاضم كاعد بصفي
واني اقرا ع نورس حسيت بلفحه هوا قويه كلش وبارده  طكت بوجي
شعر جسمي كش( كزبرت)
وكاضم هم
حطيت ايدي على خدود نورس باررداات ثلج
وشفايفه زرك
ندى :خلنطلع ناخذه للمستشفه ابد ما مطمنه
كاضم: لا ختطلع الشمس صبري
رجعتت اني اقرا
نورس نايمه
نورس...حلمت اني بمكان اضلم
وطكت بوجهي لفحه هوا بارده
درت
ولكيت وراي  رجال  ضخم بشكل  وجتافاته
وكله نور حته ما مبينه ملامحه
هوا كعد يمي
وبيده علك اخضر
ووجه  ما مبينه ملامحه  ومنور
وشد العلك على ركبتي
مسح على عيوني ومسح على ركبتي
ومسح ع رجليه وكام
واني بس اباوعله وكلي بصوته : ناخيتيني بأختي زينب العزيزه وما اردج
..راح ومشه ورجعت الدنيا ضلمه
ندى..اذن الفجر
فتحت نورس عيونه
وكامت من حضني
وحطت ايده على ركبته
اني  دموعي نزلت
وباوعت لركبته
شبيه ركبتج حمرا
نورس :اني وين
شجابني هنا ابني وين
رعد وين
ندى .. اني شبكته
ندى :بلله كومي امشي
كومته وتمشي عادي
وشبكته وابجي
نورس :وين ابني
ندى :يجيج ابنج يجيج المهم انتي كمتيي
طبت نورس لضريح
وشبكته وتبجي وتحجي
نورس: ماقصرت يبو فاضل واتمنه تردلي ابني لحضني
ماخاب الي طلب منك يبو فاضل (ع)
الحمدلله وشكر ياربي
ندى..ضلت نورس على الضريح تبجي وتشكر
بعدين طلعت اني ويها  توضت وغسلت
ورجعنه الحرم
صلت وكعدت تقرا قرأن
وتبجي وعينه على ضريحه الامام  وتبجي بحركه
ضلينه كاعدين لحد ما صارت اساعه ب١١
وطلعنه
زرنه الحسين عليه السلام وطلعنه للفنددق
وجاب كاضم اكل
بس نورس ما كدرت تاكل
المهم ضلينه للعصر وطلعنه نرجع للبصره
ندى..بس وصلنه نورس راحت بنومه عميقه
كأنمه صارله سنيين مانايمه
ومن صحت جبتله اكل
وكعدت تاكل بس لكمتين كامت غسلت وصفنت على روحه بالمرايه
وين شعري وين حواجبي
وين رمشوي ليش هيج
وضلت تبجي
ندى: خلص كله يرجع كله وترجعين احلا من الاول المهم انتي شلتي روحج ورجعت عافيتج..
....... عدت الايام
نورس...تحسنت ورجعت اكل  بس مو كلش
وزاد وزني شوي وصعد دمي
وكمت ماتجيني كوابيس واحلام موزينه وما اشوف خيالات سوده ورجعت اصلي واقرا قرأن واصلي باليوم حته ١٠٠ ركعه
ووتوسل من الله يرجع ابني
المهم تحسنت  وعدت الايام ورجعت طبيعيه
وشعري بده يطلع شوي شوي
وندى وكريم ما مقصرين وياي ابد
وندى تقترح عليه شغلات اسويه التهي بيه وجانت كلش تتدعمي وتحفزني وجانت مثل اختي الجبيره
انطتني كلشي عده تحفزني بيه سواء معنوي او مادي وغير ذالك هيه وكريم
بديت اتحسن اكثر ورجعت عافيتي وندى كلشوي تقترح عليه اسوي شغله التهي بيه حته ما اذكر ابني واكعد انوح عليه
ف اني قررت افتح صالون
وكريم قبل
وبدينه بالبيت نجهز اكو غرف فارغه جبيرا
فتحناله باب لشارع وعدلناها
بديت اني على ذوقي اختار التصاميم وسوالف...علما كملنا وجهزنا
وفتحت الصالون بأسمي وجبت عاملات
وندى وراي وراي اكلي شربي فيتانيناتج ادويتج ارتاحي، ندى جانت دعم كلش جبير الي وهي كلش حفزتني على الصالون بعد ما شافت مكياجي  وطريقتي بي فجانت هي اختي الجبيرا وتعلقت اني بيه كلش وماكدر اسوي شي اذا ما اخذ رايه واسأله
،بديت اني اشتغل  بالصالون بس مكياج
على ندى والاقارب وكلش حبو ششغلي مع انو اني ماداخله دوره او شي بس نكول موهبه
وجنت ألهي روحي بأي شي حته لا أذكر ابني وأبدي أون علي وطك صفنات
بالاول والاخير هاذ قضاء الله والحمدلله والشكر يمكن وجودي يم ابني رح يسبب مشكله او ضرر أله
ف حكمت الله هي ألي بيه خير احنه مانعرف شي ....
و ولاعتراض على حكمته.
كمت اهتم بكريم علاجه و اكله وشربه
وماقصر ويا بشي وعاملته بكل احترام
واحاول ارد الهم ولو شوي من الي سو الي
المهم ورا ما فتحت الصالون ب٦ اشهر
قررت ارجع اكمل دراسه وطبعا هاذ هم اقتراح ندى الي كلتلي رجعي كملي واخذي  شهادتج
وقدمت اني على سادس خارجي
وكريم جابلي مدرسين  بالبيت يدرسوني وملازم
ووبديت اني اقرا
ولتهيتت ادرس وبوقت الفراغ اروح الصالون
وهاذ كله
كل ما يجي اليل اضل اون على ابني
وابجي:جيبولي ابني
جان شعور كلش مو حلو يملي صدري من اني اشتاق لريحه ابني.....
وهم عدت الايام والاسابيع والاششهر واني ملتهيه ومركزه بدراستي وقربت امتحاناتي البكلوريا واجت فتره المراجعه مالتي
وكريم هل ايام كلش تخربط
هوا اصلا بي قلب وضغط
واني جنت كلش مهتمه بي
ف ب فتره المراجعه مالتي
كريم تخربط كلش وخذوا المستشفى
ومالحكوا عليه وتوفه بسع
... اني اتمنه اكون  ماقصرت وياهم وحاولت اسوي الي اكدر علي ولو شوي من معروفهم
من توفه كريم  كلش نقهرت وضاكت بعيني الدنيا
جان خوش رجال وعتبرته ابوي
وحترمته وحطيته على راسي وهوا كذالك ماقصر وياي ولا لح عليه
وندى خطيه نهارت لين هم جانت كلش متعلقه بأبوها
عدت ايام الفاتحه ويوم ثالث
اني طبخت بأيدي ثواب لكريم
وجنت اواسي ب ندى واحاجيه وجبر بخاطره
خلصت الفاتحه ( كريم توفه قبل امتحاناتي تقريباً ب٢٥ يوم)ورجعت اني لدراستي وندى عافت شغله واخذت اجازه فتره ترتاح
وبديت امتحن انيي وملتهيه كلش... وخلصت امتحاناتي
بس خلصت طلع ورث كريم
جتمعنه بالصاله  وكاعدين كلنه ندى وكاضم واني
...كريم حاط هاذ البيت بأسمي
الي اني وبعد قطعه ارض هم بأسمي
وعنده بيت ثاني بكد هلبيت بأسم ندى
وقطعتين ارض لندى
وسيارته الي
اني ضليت ابجي :شدعوا هلكد اني ما ستاهل
ندى :لا انتِ حالج حالنه وماشفنه شي غلط منج وابوي صدك حبج ورتاحلج وعتبرج بته
ونتِ تستاهلين واخذنه عليج وصرتي حالج حالنه
نورس..المهم  اني بالبدايه ماجنت قابله
بس ندى قنعتني ونو يفيدني بالمستقبل وهل حجي، يعني كريم رادني اضل وستمر وعتمد على نفسي وصير سند لنفسي بدون ما احتاج احد..ويوم ثاني طلعنه للنجف زرنه كبر كريم  ورحنه كربله زرنه وضلينه ٤ ايام ورجعنه...
....ورا فتره طلعت المعدلات ومعدلي ٩٧
جانو اهل البيت كلهم فرحانين
وندى تبجي وتصيح وكاضم هم
واني جنت طايره من الفرح وحس بفخر مو طبيعييي على هل انجاز
شعور يخبل.. وطلعنه باليل تعشينه وغييرنه جو وكاضم وندى شترولي هدييه
ماعرف شون اوصفلكم فرحة هل يوم 
ابجي واضحك بنفس الوقت
وهم جان ناقصنه كريم بهل فرحه
بس الحمدلله على كل حال
بنسبه لكاضم ف هوا صار مثل اخوي وعلاقتي كلش حلوا
وهمه ندى وكاضم صارو عائلتي
....اني قررت و قدمت صيدله
وطب اسنان والصراحه جنت رايده صيدله وندى كلتلي قدمي طب اسنان هم
بنسبه لصالون ما فتحته من توفه كريم
وعلما يعدي شكم شهر ياالله ارجع افتحه وشتغل بيه....
بس قدمت على الكليه  ببديت اتعلم سواقه
وهم ندى الي شجعتني
وكاضم  هوا بده يعلمني بالبدايه
ودخلت دوره سياقه حته اخذ الشهاده
طلعت قبولاتي نقبلت صيدله
اويلي من طلع القبول
شعور الفخر موو طبيعي
شعور انو انتِ تحققين هدف وتوصلين لمرتبه عاليه وحلم جبيره
شعور يخبل لا تحرمين نفسج انو تجربينه وتعيشي لان انتِ تستحقين تفتخرين بنفسج..
الف الحمدلله وشكر
صح الله عوضني
وجبر بخاطري جبر يخبل يخبل
بس بقه نقصي بأبنني
بقيت يوميه اذكر ابني وبقيت اتوسل انو يرجع لحضني
وليليه احط راسي عاى المخده وحاول ارجع اتذكر ملامح ابني ولمن ما اتذكره اضل  ابجي
جنت احس بتأنيب الضمير انو عدت هلفتره كله تقريبا بالسنتين ونص واني بعيده عن ابني
بس ما جان بأيدي شي.....
المهم بديت داوم بالكليه
وحصلت شهاده سواقه
وسوق بسياره كريم
وقبل دوام رحتت اني وندى اسوكنه كلشي ما خليت شي بنفسي وندى كذالك وتونسنه بشكل بهاي الطلعه
اني وندى صرنه اقرب من الخوات حته ...
بعد ما بديت دوام ورا شهرين تقريبا ياالله رجعت فتحت الصالون
واني اشتغل بيه بس مكياج ومكياجي يتحسن اكثر واكثر
والعاملات هم يشتغلن
ويجوني كومه زبائن وهم كلت بس اخلص مرحله أوله اطب دوره واطور نفسي اكثر
(ألف الحمدلله وشكر الله عوضني بكل هل اشياء
ولله موجود ما ينسه عبده وما ينسه احد
خلو ايمانكم بألله قوي وقو علاقتكم بربكم مهما طال الوكت رح يرجع حقكم ورح تجيكم ايام حلوا
تجبر خاطرككم .. عرفو انو الله من يجبر عبده يعوضه عن كلشي
ورح نشوف الله شكاتبلي بعد من شغلات حلوا......)
نورس...بدت داوم بالكليه
وبليل اكضيه بصالون
ابدل وتتأنق وطب
لين بنهار اني بدوام ومرات ارجع من وكت هم اشتغل بصالون ،  ومكيج عرايس
المهم لتهيت بدراستي
والصالون وصحتي واخذ فيتامينات وادويتي
لان كلبي ضل تعبان ف مارريد اتخربط بعد
وطول شعري
ورا ما بديت دوام بشهرين اجوني خطابه
ورفضت
ووندى تكلي اني من يمي مارح اقبل تزوجين تعودنه عليج وما نريد ترحين
... ورا ما خلصت متحانات
ركزت على الصالون وكممت اشتغل عرايس اكثر
واتعلم  تسريحات وكاضم اقترح علي نفتح استديو يم الصالون و ندى شجعتني على الفكرا واني هم عجبتني فقررنه نفتح استديو...
ووسعنه الصالون وفتحنه بي استديو اجه بي صديق  كريم مصور وهم لكيت بنيه تصوريه كلش حلو وجهزنا وكملنا للستديو
وصار يخبل
وكضينه هاي الجم يوم طلعه وطبه وونسه احنه الثلاثه
بس من يجي اليل واطب غرفتي
انقمت وشبك المخده وتذكر تفاصيل حياتي ويا رعد عبالك امس صارت وتذكر ابني وابدي اون عليه
.......اني وندى قررنه وحده من القطع الورث من كريم نبنيه حسينيه بأسمه علمود يضل  ينذكر والناس تترحمله دايماً
واتفقنه وتقاسمنه الفلوس بيناتنه
وكاضم  هم ويانه وطيناها بيد مقاول يبنيه
....وعدت الايام
ورجعت اني اداوم  وهم التهيت بدراستي
وبسبوع واحد اجوني خطابه ثنين
ورفضتهم.
...............
يوم:

مرا اني بالصالون باليل
طبت ندى
ندى:ابوج دك علي
نورس :شيريد
ندى:يكول يريد يحاجيج بس اني ما طيته مجال وكتله ما فارغه
بس كال اذا ما يحاجيج يجي هنا
نورس :خلي لا تردين اذا اجه اطرده ماريد اشوفه
ندى: براحتج..
نورس..طلعت اني من صالون ساعه ب١٠
طلعت للحديقه وجاي امشي
اندك الباب
كاضم  جان طالع برا يعني هم بالحديقه
راح فتح الباب
طب ابويه
اني شفته ودرت وجهي كبل
هوا صاح: نورس اوكفي
اني وكفت
اجه يمي
ابوي:شلونج
نورس :شتريد
ابوي:اجيت أطمن عليج انو رجلج توفه وهاي ماكدرت اجي ذيج الايام
نورس :وهسه شرايد
ابوي:عرفت هلبيت صار بأسمج
شكد ورثج
نورس.. اني عرفت ابوي جاي علمود الفلوس باوعتله ورفعت حاجبه
اشرت لكاضم من بعيد
وطبيت وسديت الباب بوجه
وكاضم تصرف ويا........
نورس.. قررت اطلع من هاي غرفتي
لين تذكرني بأيمي من جنت مريض وبأسوء حالاتي وواصله للموت وتذكرني بكريم
ف اكو غرفه ثانيه هم محد بيه
بديت أأثثه على ذوقي
وكلشي جديد
وحته ندى هم غيرت غرفته
ونطلع اني وياها سوا نختار ونسوك وننسق ونرتب
وصارت غرفتي تخبل...
ورا فتره... اجت امتحاناتي الفاينل(النهائيه)
وقررت بس اخلص امتحانات
اوسع صالوني وجيب بي فساتين
وندى هم هيه الي قترحت عليه الفكرا
# ندى ام الاقتراحات
...بديت اني امتحانات ولتهيت بدراستي ومتحنت وخلصت
وبس خلصت بديت اشتغل بالصالون وجبت فساتين
وكبرته واثثته وضفتله شغلات صار يخبل والزبائن تزيد اكثر واكثر 
الحمدلله وشكر
وتعاملنه ويا واحد على الفساتين  من بغداد.......
وهم مرت الايام تركض واني هم سمنت  ورتاحيت اكثر  بس ضل ضيمي باليل اون على ابني
.................
....وعدت شهرين تقريبه من خلصت شغل بالصالون باليل كعدنه اني وندى نشرب كهوغ ونسولف
قررنه يوم ثاني نطلع نسوك جم شغله
ونوب نروح لمنتزه  نغير جو...
ف يوم ثاني طلعنه  وكملنه شنريد نشتري ورحنه المنتزه
اكلنه وصورنه وشبعنه ضحك مو طبيعي اشترينه عصير وجاي نتمشه ونسولف  نريد نروح نكعد على الميز
وفجأ..
اني نطكيت من ورا ..نطك بيه جاهل
وطاح بالكاع ونجفه العصير  عليه
الولد طاح بالكاع وترب
اني كومته ونكت ملابسه
نورس: الله لله  حبيبي خو ما تأذيت
اني لازمته
اجه رجال جر الولد من ايدي وكال شبيك ابنييي
اني باوعت عليه
هاذه.......
...........................
منو هاذ الطفل؟؟؟