{ألمنافق ألشريف}

ألبارت ألتاسع

نَردْت ذيجَ الايام ألي كَسرتني بيهَ
وطلعتّ حوبهِ ألدموعْ
يا واهسيّ الخلاني أحب كُل الچنت ما أطيّقة....
.........................................
محمد :رعد سوا حادث
ابو رعد: شنوووو
ام رعد: صخااام الصخمني حادثييش
ام رعد ضلت ادك وتلطم يما ابني
طلعو الولد كلهم وابوهم
نورس....صعدت بالغرفه واني على نار وضليت كلي ارجف
والبنات كلشوي يخابرن الولد ما يردون
نورس...حطيت السجاده وصليت وكعدت ابجي  واترجه ربي انو ما يصيرله شي
ورا ساعات
نزلت وعيوني حمر من البجي خايفه لاصارله شي  طبيت والبنات وام رعد بصاله تبجي ودك وتلطم سألت البنات: هاا اكو خبر
زهره :اخذو للمستشفى
نورس :حادثيش يعني كلش قوي  هوا شونه
زهره :لا الحادث قويه محمد يكول رعد طاب بنص الحايط وسياره منتهيه متفلشه
وطلعو رعد  منتهي ورجله متهشمه
نورس:عزاااا رعدددد
ضليت ابجي ونعصر كلبي فرد مره
رجعت صعدت  ورجعت على السجاده
وابجي  واشهك:لا يربي لا اطلع الحوبه بي مالي غيره يارب مالي غيره رعد ربي كومه بسلامه
....صارت ب١ باليل
اجه ابو رعد وخاالد
نورس..نزلت وطبيطت و ام رعد للصاله اصيح: هاا شبي ابنييي
طبيت اني وراها
ابو رعد وجه  ابد مو على بعضه
ابو رعد :رجله مكسوره
وعنده رض بجمجمه
نورس واني ابجي:وهسه شونه
ابو رعد:طببوا العمليه بس رجله متهشمه
هوا وحضه اذا ما بتروها
ام رعد ضلت دك وتلطم وتهدك بروحها
نورس...رجعت بالغرفه على سجاده وبس ابجي وما مصدكه الي جاي يصير
وصار الفجر واذن وصليت ودعي
والبيت محد نايم
والبيت كله كأبه وجو حزن وخوف
وكله وجوه مصوفره
اجو الولد محمد وجواد الفجر وطلع ابوهم وخالد
نورس... رحتت لمحمد
نورس :هاا شونه احجي
محمد :بعده ما صحه  وسوو عمليه لرجله بس بعدهي  يرادله بعده عمليه
نورس :اريد اشوفه
محمد :نورس  مو وكته هسه
نوري :لا وكته ، اني اوله وحده استحق اشوفه
محمد :اوك اوك بس يصحه اخذج
طلع محمد
نورس...اني على نار علما يجي محمد ويكللي صحه رعد او يوصل حته خبر
الضهر خابر محمد لزهره
محمد :رعد  كلي لنورس حضري روحج رح اجي اخذج
نورس.. كلتلي زهره
نورس: اي تمام
نورس... بسع بدلت ووكفت برا انتضرا
واجه واخذني
(وام رعد جانت من الفجر راحت ويا ابو رعد للمسشتفى)
محمد :تدرين اول ما صحه كال وين نورس
نورس... عيوني مليانه دموع ولازمه روحي لا انهار بجي
وصلنه المستشفى وطبيننه
وام رعد وكلهم موجودين
نورس ...بسع طبيت للغرفه
ولكيته بالفراش وراسه لافينه ورجله ووجه كلش تعبان
هوا كاعد
رعد :هاا ليش اجيتي وللج
نورس :شون ما اجيي
وركضت وحضنته وضليت بس اشهك وبجي بحضنه
وهوا باسني
نورس :اني ما قصدي هيج ولله
رعد :خلص عدت سلامات
نورس :ورجلك
رعد :تنحل  تنحل  المهم انتي بحضني وكلشي ماريد بعد
رعد حط ايدي ع خدودي: ولج كافي بويه  شهلعيون المورمه بجي كافي مو هاي اني كدامج مابيه شي خلص
نورس :اني اسفه
رعد :ولج اني اسف مو انتي
شو باوعيلي
نورس...رفعت راسس
ورعد باسني على كصتي....
رعد: خلص مسحي دموعج
نورس مسحت دموعي واني  مبتسمه: ونت هم شكلك رح تبجي
رعد ضحك: من وراج
نورس: وراسك
رعد: زين زين مابيه شي خلص
نورس....ضليت يمه شوي ووجهي بوجه
نوب  رعد صاح محمد ماقبل ابقه بعد
وطلعت ويا محمد رجعني بس بعدهي دموعي تنزل وبالي يم رعد لين مبين شكد متأذي  ويحاول ما يبينلي ألمه
...رجعت للبيت ومالي خلك
طبيت للغرفه وشبكت مخدته وابجي
.....ليوم ثاني الصبح
لحيت على محمد ياخذني وما قبل
خابرت لرعد كامره
وكعدت احجي ويا وابجي
رعد :كافي بجي شنو قابل متت
نورس :اي افكر بيك وبرجلك شون الولد يكولون خاف ما تصيرلك العمليه لو ماتنجح
رعد :مابيه شي
نورس :مو الدكتور كال اذا ما صارتلك عمليه ثانيه
ورجعت ابجي... خاف يبتورها
رعد :لا تضلين تفكرين
رعد :كافي سمعي
نورس  ودموعها تنزل:ها
رعد: انا احبج
نورس : ستغفرلله
نورس :يلله انت رتاح هم اخابرك بعدين
وسديت التلفون
....ورا ٣ ايام طلعو رعد من المستشفى
واني  بالبيت  انتضره
وصلو وطب  رعد وخالد وجواد  لازمي ورجله  مجبسيه وراسه هم لافينه
واني لازمه دموعي
(اكو غرفه جوا فارغه  قبل  لا يجي رعد ام رعد كالت نفرغه اله لين مايكدر يصعد ف اني نضفته ورتبت وفرشت )
الولد طببوا رعد للغرفه
وكله طبتت ورا وام رعد  كعدت يمه وتشبك برعد وتبوسه
نورس ...طبيت
ام رعد:انتِ طلعي ماشفوين الولد تعبانه
روحي يلله
نورس... طلعت
رعد :وين تعاي
ام رعد:هي شكو
رعد :مرتي
ام رعد :ابني شلك بيه هسه عوفنه من الحجي انت رتاح فماداعي تبقى
رعد :كلكم طلعو وهي تبقى  مو انتِ تعبانه يما روحي رتاحي صالج ٣ ايام يمي بالمستشفى
ام رعد: تبدللني بهاي الفصليه
رعد :ما بدلتج بس انتِ مو تعبانه ، روحي وهي تجي
ام رعد:انت ابني واني ما شكيت وحجيت وكتلك تعبانه
رعد :وهي مرتي
رعد :تعاي نورس
نورس :لا خلص عندي شغل
نورس ...خليت ورحت طبيت المطبخ
و همه ضلوا يمه بالغرفه وابو
ورا شوي طلعوا وامه ضلت يمه
....صار الغده وصبين  ووديت صينيه لرعد اخذته امه وسدت الباب بوجهي
وامه ما  طلعت من يمه
اني تغديت وصعدت
...العصر اجوا جماعت رعد كعدو يمه
وشربوا جاي وسولفوا وطلعوا
وصار اليل وتعشينه ووديت عشه لرعد اخذته امه ووطبت وماتخليني ادخل
ومن شفت ام رعد طلعتت 
جنت جاي اكنس خلصت بسع ورحت فتحت الباب لكيته نايم وبس درت اريد اطلع  طلعت بوجهي ام رعد  وزمخت  علي: شتردين روحي على شغلجج عوفي الولد بحاله
اني رجعت للمطبخ غسلت وصعدت فوك
لل١٢ ونص كله نامت
نورس... اني نزلت وفتحت باب الغرفه الموجود بيه رعد  وطبيت
وشفته كاعد ولازم تلفونه
رعد :تعاي وينج توج ذكرتني
نورس :امك ما تخلينيي اطب
نورس...رحت يمه تمددت ورعد شبكني
نورس :رجلك ما تعورك
رعد :لا
نورس...اخذت علاكه الادويه وحطيته بحضني
نورس :علمني عليهم
رعد :ليش
نورس:حته اني اجيك انطيك
رعد ضحك: اي تمام
وكعد علمني عليهن
وكعدنه نسولف ورعد صافن عليه
نورس: يلله كافي سوالف عود انت مريض واني جايتك خابصتك بسوالفي
يلله نام
رعد ضحك: اي تمام
نورس.. حطيت راسي على صدر رعد ولزمت ايده وهوا باسني براسي ...ورا شوي هوا نام اني كمت طلعت صعدت فوك نمت...
نورس...يوم ثاني الصبح كعدت من وكت
سويت ريوك و رحتله
طبيا ولكيته كاعد
نورس: صباااااح الخير ساندي
رعد: صباح النور
نورس: من يمته كاعد
رعد: هاا اها توي فزيت
نورس ...حطيت الاكل على الجربايه
نورس: حلو
رعد :تريكتي
نورس :لا .. بس انشالله عندك مانع اذا تريكت وياك
رعد :اي ليش لا بالعكس
نورس :لا ماجاي اخذ رايك غصبا عنك
رعد ضحك
نورس...كعدت وكمت اوكله بأيدي
رعد... نورس توكلني واني متونسسس على الاخير  وسرحان  وهي تحجي وتسأل اسأله تافه واني اصلا بغير عالم صافن بعيونه
نورس :بالمستشفه هم شفتلك دكتوره حلوا
نورس :بعد ما تروح شغل مو اي اكيد ماتروح علما تصير زين
نورس :من اجو صحبانك شحجيتوا
نورس :صحبانك كلهم طوال
ششربون
رعد :ونتي وين شفتيهم
نورس :من الشباك
رعد :وليش تباوعين مو زلم شعدج
نورس :لا مودك الباب ف وكفت اشوف
رعد :ها هاي ونتي حضرتج رايحه وراده توكفين وتباوعين
نورس :ايييي نعممم
نورس :من تعطس شتحس
رعد ... باوعلي ورفع حاجبه
نورس :لكيت اسم للبستان الي رح نفتحه
رعد :شنو
نورس :بستان ساندي
رعد ... ستغفر
نورس :شواربك كبار
رعد ساكت
نورس ... صفنت على ررجل رعد
نورس :اتحداك تحرك صبعك الصغير
نورس .. مديت رجلي وجريت الدشداشه وكمت احرك صابيع رجلي: باع صبعي احركه
هاهاهاي هاهاهاها هاي
لا اقصد نياهاهاهاهاهاهايي
نورس...كمت
نورس :اصلا ابد ما جاي اتشمت
نورس .. رفعت رجلي :باوع صبعي يسلم عليك
نياهاهاهاها ....وطلعت
رجعت طبيت ومديت بس  رجلي
نورس: هاهاهاي
وطلعت.......
كعدو البنات وصبينه ريوك و وكعدت انضف و كملت شغلي
ورجعت يم رعد طبيت وتمددت يمه على الجرباين
وكعدت على تلفوني العب بي
رعد :شتباعين
نورس :اباوع طريقه تغذيه الخنازير
رعد :خنازير
نورس:اي تريد
رعد :لا شكرا
نورس :باوع عندي نكته
رعد :لاحول
نورس :اكو بنطرون راح للمستشفى ليش
رعد ؛ليش
نورس :عنده جيوب
نورس...اني  فطست ومتت ضحك
نورس :ليش ما تضحك
رعد :لين ما تضحك
نورس :تدري مو صوجك
نورس ... كمت وطلعت
رعد ضل يصيح تعاي
رجعت  طبيت
نورس :شتريد
رعد :يلله رح اضحك
نورس :اضحك
رعد طك ذيج الضحكه
نورس ضحكت:ييييع باع للضحكه
رعد ضحك وستغفر
نورس.. اني  متت حتى بطني كامت تأذيني من الضحك
نورس :عدل ضحكتك ليكول غساله طابكه وايراته
رعد :لعد انتي ليكول مكيف منتول
نورس :ماكو فرق كله اجهزه كهربائيه
نورس خليت طلعت
صار الضهر وصبيت لرعد الغده
وكعدت بصفه و  تغدينه ونطيته دوا
نورس :يلله ساندي الى انوم
رعد :ماريد انام
نوريس:لا عزيزي ساندي مو بكيفك
رعد( اني مجبور اخذه على كد عقله ياربي):ونتي وين موليه
نورس :ساندي مالج شغل
نورس.. طلعت ولكيت بوجهي ام رعد دخلت  ومحمد
اني صعدت فوك بدلت ونمتلي شوي لان نعسانه
العصر كعدت وطبيت على رعد نايم
وكعدت كباله وصافنه عليه مدري شبيه
وصافنه بوجه
رعد :شتردين
نورس:مو نايم
رعد :صالج نص ساعه صافنه ناويه تاخذين روحي
نورس :لا هاذ شغل امك مو شغلي
رعد رفع حاجبه: شتردين
نورس :باع رجلي باع
ورفعت دشداشتي
نورس:اييي رجلي الجميله فديتج
نورس :باع باع
رعد :يجي يوم يجي ولله ادنيه دواره
ننورس :ايييه ساندي لا تنضغط
رعد: مال اجيج بدفره
نورس: اوي
ومتت ضحك
طفرت واجيت اطلع
رعد :وين
نورس...طلعت
بليل هم  جبتله العشه ووكلته ونطيته دوا وكمت
اجيت اطلع
رعد: وين تعاي
نورس: شتريد  ارد اصعد  اسبح وانام
رعد :لا نامي هنا
نوري :ليش نشالله
رعد:ي تعاي يمي
نورس: هاهاهاي
وطلعت وسديت الباب
نورس......عدت الايام  واني اهتم  بي
و رعد رجله ماجاي تتحسن لين  لازم عمليه
وعمليته خطرا وهوا عنده سكر
وباليل من انزل واوكف يم باب غرفته اسمعه يون بالغرفه وكلبي ييتكطع علي
يون ذيج الونات
والدكاتره يكولون لازم عمليه ثانيه
وبنفس الوقت خاف لا ماتنجح العمليه او رعد اطكه جلطه و..و...و....
يعني وضعه مايفرق عن الي رجله بالموت
......... اهل رعد عدهم عرف دكتور ببغداد
فتفقوا ياخذوا لبغداد يسوي العمليه
بمستشفى أهلي
و يضبطون وضعه والسكر
وهوا وحضه بعد
اذا ما طكته جلطه بنص العمليه او صار شي مو زين لا سامح الله.....
الحمدلله وشكر على كل حال هاي قسمه الله راضين بالمكتوب
.....بعد مرور شهر اجه اليوم الي رح يطلعون لبغداد
محمد وخالد ورعد وابو رعد.. وجواد رح يبقى هنا
وعساس الفجر يطلعون لبغداد
اني نزلت باليل  ووكفت يم باب غرفه رعد
وسمعه يون ودمعت عيوني
فتحت الباب علكيف
واشوفه كاعد ولازم المخده حيل وعاض على شفته
حته وجه ازرك
نورس... طلعت وختنكت كلش
دكيت الباب
رعد: ادخل
نورس...طبيت وسوا روحه ما بي شي
نورس :جان اخذت مسكن
رعد :لا موداعي اتحمل هوا الم خفيف
رعد :زين تعاي نامي بحضني
نورس ..رحت تمدتت بصفه وحطيت راسي على صدرا
وهوا لزم ايدي حيل ويشم بريحتي .....نمنه
الفجر كعدت وكعدوا الولد كملوا وتريكوا
وودعتت رعد وطلعوا  لبغداد
وكتله بس يوصل يخابرني
طلعو واني ضليت كاعده ومالي خلك والبيت فاهي
.....ووصلوا بغداد  وخابرني رعد
وكبل للمستشفى اخذو رعد وسوله تحاليل
وورا يومين كله تحاليل وفحوصات
باليل عمليته
خابرني رعد قبل لا يدخل العمليه كامره
وجان كلش مبين علي شكدد تعبان
وعيونه حمر
حجينه شوي وكتله كافي انت بروحك تعبان مو مال حجي زايد ...المهم سد المكالمه واني كلبي يمه
وحاطه السجاده وكاعده وابجي واددعي ودموعي تجري وقرا قرأن
عدت ساعات عبالك سنين وحاطه التلفون ونتضر اتصال او اي  خبر من محمد( اخذت رقم محمد بتلفوني قبل لا يرحون بغداد علمود اتصل بي ويخبرني عن رعد)
وماكو خبر
قررت ادك على محمد
رد علي
نورس: ها محمد شصار
محمد: بعدهم بالعمليه
نورس :وليش هلكد تاأخروا
محمد :مادري لهسه ماكو خبر
...... ورا ساعتين
دكيت على محمد ما جاوب
نزلت جوا وشوفهن البنات وام رعد كاعدت بالصاله
وام رعد ادك وتلطم
نورس :ها خير شكوووو
زهره :خابرو من رعد
نورس:اي شكو شو ادك ما يرد
زهره :الوضع ما يطمن
نورس :ليش شصار
زهره سكتت
نورس...اخذت التلفون ورجعت ادك على محمد
جاوب
نورس :هاا شكو رعد شونه طلع
محمد :رع طكته جلطه بالعمليه
لين صار عنده تصلب  بالشراين ورتفع ضغطه
نورس... حست الدنيا نسدت بوجهي
نورس :وهسه هسه شنوو
محمد :طبببو عمليه ثانيه لكلبه
وماندري شرح يصير وبعدنه ننتضر
يا بالهدف ويا بالنجف
نورس...  كعدت بالكاع وابجي وبكلب محترك
كمتت وطبيت غرفه رعد
ونمت على فراشه وشابكه مخدته وابجي
نورس :يارب هاذ اخر امل الي بدنيه لا تاخذه مني نورس ...ضليت بالغرفهه وكرر بس هلجمله وابجي
عدت الساعات
والشمس رح تطلع وهمه ماكو خبر
كمت وخابرت محمد
جاوب
نورس :الله يخليك كلي شي يفرحني
محمد :رعد طلع من العمليه والحمدلله هوا بخير بس حاطي بغرفه العنايه بعدنه ما شفناه بس وضعه زين وميحتاجله شي وعمليته نجحت
نورس :صدك
نورس... كمت وضليت اطفر على الجربايه
وطلعت وشبكت زهره وابجي
اذن الفجر وصليت وشكرت ربي من كل كلبي واني ابجي
ونوب تمددت هلى الفراش  شوي وغفيت واني ما حاسه على روحي
كعدت ساعه ب٩ كبل خابرت محمد
وجاوبني وكلي  طبينه شفناه بس  بعده تعبان لين توا صاحي
نورس اخذت نفس: الف الحمدلله اي المهم كام بسلامه 
.....ورا يومين
يلله كدرت احجي ويا رعد وتحسن  وضعه
......بعد تقريباً بل ٣ اسابيع
يلله رجعو من بغداد واني هل ايام جان كاتلني الشوك على شوفه رعد وشكد جنت متلهف اشوفه وحط عيني بعيوونه ..اليل كله افكر بي
معقوله حبيته!!
معقوله تعلقت بي كلش!!
لا لا المهم هسه خليجي وينور عيوني بشوفته.
الصبح...رجعوا رعد وخوانه وابو رعد
وصلوا ومن طب رعد واني اش علي جكليت
وعيوني مليانه دموع فرح
وخالد ومحمد لازمين رعد طببوا الغرفه
وكله كعدت يمه واني  يم الباب اباوعله من بعيد
وام رعد تشبك وتبوس بيه وتبجي  ويسولفون ويا والبنات
ورعد صافن عليه ومبتسم
ورا شوي  كلهم طلعوا
طبيت اني وركضت ونمت يمه
وهوا باسني
رعد: اوووف شكد شتاقيتلج
نورس بجيت: اني هم
رعد: شبيج بابا كتلك شتاقيتلج مو رح انتحر
ليش الدموع
نورس: معليك المهم رجعت والحمدلله على سلامتك ساندي
رعد ضحك
رعد :بالعمليه حلمت بيج
نورس :بالعمليه
رعد :اي
نورس : الله شحلمت
رعد :حلم كلش حلو  يمكن منه اني كمت عايش
يعني علمودج