{ألمنافق ألشريف}

ألبارت ألخامس... الصبر

‏في حُزنك العتيم ستجد من الله نوراً فقط اصبر ....
..................................
رعد...اليوم تأخرت بالمحكمه وبعدين رحت يم جواد بالمحل رجعت باليل للبيت طبيت ولكيت كدامي نورس تبجي و جاي تغسل وامي تضربه بكل وحشيه بالحزام
رعد: يما شكووو
امي وخرت
رعد: شبيج ليش هيج ما تشوفيه ميته بجي
ام رعد: اكتله وموته دك شنو جاي تحاجيني وما عاجبك ، هي حيوانه والحيوان ما يمشي ألا بدك
رعد: اي شسوت حته هيج تموتيه
ام رعد: تسألني شسوت كافي هيه كتااله ابني
رعد: يما كافي رحمه لديينج كااافي كافي مو لعبت روحي عوفي البنيه بحاله ومن تسوي شي غلط اني الزمه ما اقصر وياها
نورس.. ام رعد ما ردت وطبت واني جسمي خدر وابجي وأرجف
رعد لزم ايدي
رعد: تعاي امشي صعدي غسلي وبدلي ملابسج خلص مسحي دموعج
نورس.. ضليت بمكاني وبس ابجي
رعد ادنه علي ومسح دموعي بأيدي
رعد: خلص نورس
لزم ايدي وصعدنه فوك واني كعدت على الجربايه ومابيه حيل اكوم
رعد: طبي سبحي او تبدلين بكيفج وهسه اكل لزهره تجيبلنه عشه ناكل سوا
نورسس: مابيه حيل ،تعبت ولله تعبت
رعد: اني رح احاجي امي بعد ما تسويلج شي وما تدنالج تمام خلص كافي بجي
رعد طب غسل وبدل وطلع من الغرفه
اني طبيت الحمام وباوع لجسمي بالمرايه كله ضرب وجروح
سبحت وطلعت واخذت بندول ووجهي احمر من البجي
مشطت وكعدت على الجربايه
طب رعد وحط صينيه الاكل بالكاع وكعد
رعد: يلله تعاي اكلي
نورس: ما اشتهي نسدت نفسي
رعد: تعاي كعدي
نورس..نزلت كعدت يم رعد
رعد: يلله اكلي
نورس: جسمي كله يأذيني
رعد: اي اكليلج لكمه ونطيج مسكن
نورس: اكلت شوي وكمت
رعد لزم ايدي وكعدني
رعد: فتحي حلكج
نورس: ماريد
رعد: فتحي حلكج
نورس.. رعد حط بحلكي خبزه
رعد: اي هيج احسن شي اني اوكلج مو مال احترام
نورس.. كام رعد يوكلني كوا ونوب بالكوا خلاني اكوم
غسلت وخذيت مسكن وتمددت بالفراش واجت زهره اخذت الصينيه
نورس... ضليت كاعده على الجربايه ولازمه بجيتي ورعد كعد على مكتبه منتجي وويخابر خلص مكالمته وضل كاعد
...شوي طب حسوني( ابن زهره وجواد)
وشايل بيده صحن بي كيك
حسوني: هاي الكم
..حطه على ميز رعد
نورس... اباوع لرعد ومبتسمه
رعد :تعاي اخذي
نورس :مو الك
رعد :اني ما اكل كيك
اخذي اكلي  ونامي
نورس.. كمت اخذت صحن وكعدت كدام رعد واكل
نورس :بلله خل اقره هاي الورقه
رعد....طانيياها
نورس :شون يصير طلاك بالمحكمه بلله علمني عفيه
رعد: انتي مو توج تونين ولازمتج البجيه
نورس: اروح يعني لو تعلمني
رعد: لا خلص
كعد رعد يشرحلي التفاصيل...
نورس :زين يصير اطلكك( ومبستمه بكل فخر)
رعد :شوي كومي طيتج وجه
نورس: خوش كيك عجبتني
نورس كمت كعدت على الجربايه
اجه رعد تمدد ويكلب بتلفونه
نورس :طيني التلفون
رعد :نامي
نورس :حباب ولله طكت روحي بس خل اكلب باليوتيوب
رعد..طاني التلفون
نورس.. نمت على بطني واباوع
رعد مد راسه :ششوفين
نورس :مكياج
رعد:شعدنه صالون
نورس:اني احب
نورس:ولله هسه بدي احد يجيبلي مكياج وتربع الون وجهي
رعد :بعدج صغيره نجبي يلله
نورس :ستغفرلله هوا شنو
رعد :باوعيلج شي بي خير
نورس :ماريد خليني متونسه
اصير ام صالون بالمستقبل
رعد :اي اي صيري ستغفرلله
رعد..درت ورا شوي نورس هزت جتفي
رعد:شتردييين
نورس :بطني تعورني
رعد :شسويلج نخمدي مو تعبانه
نورس سكتت
ورا شوي رجعت نورس هزت جتفي
نورس :رعد بطنييي
رعد دار عليه :باعي ولج لا تخبصيني اريد انام تعبانه
نورس :ولله بطني تأذيني ماكدر انام،، وحطت التلفون على الميز
رعد :شايفتني دكتور
رعد تغطه ودار وطاني ضهره
نورس..كمت وضليت افتر واتلوا
اجيت اريد اكعده نوب رجعت
..ضليت لساعه ب٣ واني اتلوا
طبيت للحمام وغسلت
نوب كعدت بالكاع وكمت ابجي
وكمت اذب من راسي( اتقيأ*)
وصرخت ...ررررععععددد
رعد..طفرت وطبيت الحمام
رعد لزمته :شبيج
رجعت تتقيأ
رعد :هاي شبييج
نورس كامت تتقيأ دم
رعد.. جريته وغسلتله نغمه عليه
طكيته ع خده ذبيت مي ع وجه
نورس فزت ورجعت تتقيأ وتصرخ بطنييي
رعد :كومي هسه شنو اخذج للمستشفى شسوي ماصارت نسكن هناك يعني
رعد..كومته وغسلتله وجه
نورس :وخر عني
رعد.. رجعت ليورا ، ونورس رجعت تتقيأ ونغمه عليه
رعد... ردت اصحيه ماصحت
جريته برا الحمام
نوب كعدت وتجيته ع الحايط
نورس حطت ايده على حلكه
وكامت تبجي
نورس :بطني
رعد..نورس وخرت ايديه وكامت ذب دم
رعد: كومي كومي للمستشفى
رعد..كمت وكومته بس وكفت نغمه عليه
شلته وطلعت
رعد...رحنه المستشفى وسواله الدكتور غسل معده
..طلع الدكتور
الدكتور: البنيه متسممه وتسمم كلش حاد
رعد: تسمميش منين يجيه
الدكتور: ولله معدته متدمره مو مال نكول ماكله اكل خربان او شي
الدكتور ووعده اصلا نقص تغذيه وفيتامينات وهاذ سم هسه دمر معدته نتهت
رعد : سم
الدكتور: ماتكدر تاكل لمده ....
لازم مغذي وشغلات خفيه شوربه عصير هيج
رعد: نشالله ..شكرا
رعدد..راح الدكتور وطبيت يم نورس
لكيته نايمه و دايره وجه وتبجي
محجيت شي وبس ضليت كاعد
دكيت على محمد وخبرته الي صار وراد يجي بس كتله ماداعي
نورس شوي وجت الممرضه ضربته ابره ونامت وضليت كاعد يمه وغفيت واني ماحاس بروحي
صار الصبح ووكعدت نورس ومقبلت تحجي وياي وتعبانه كلش وجه اصفر وبي جروح وشفايفه ذبلانه... كومته بالكوا ورجعنه للبيت
وبس وصلنه تلكتنه امي شهلعياره وكضيناها بالمستشفيات وهاي جلبه تلعب عليك
ام سبع رواح ما تموت...
ضلت نورس ساكته واني جريته وصعدنه ما رديت على امي .....
عدت الايام
نورس كضتها كلشي متاكل ولا تشتهي
وبس مغذيات كلشوي اني اعلكله وشوفه تتعذب وتبجي باليل وتون
عده اسبوع يلله كدرت تاكل شوي وبتواسيل
نورس... كلش ادمرت من هل تسمم واحس حلكي طعمه دم نسدت نفس على كلشي ولعبت روحي من كلشي
ومالي خلك حتى احجي وجسمي مكسر اما ام رعد يوميه طالعه بسالفه ومشكله وياي واني اسوي واشتغل وساكته ومتحمله ومن يجي اليل اكضيه ابجي
واحط السجاده وابجي واطلب من ربي يخلصني ويرحمني من ألي اني بيه
واذا جانت هاي حكمه الله ف الحمدلله ...
عده تقريباً شهرين