ကံကောင်းစွာနဲ့ဘဲ Qiu Yanzhi ရဲ့ ဦးနှောက်ကအလျင်အမြန်တုံ့ပြန်နိုင်ခဲ့သည်။
သူက ချက်ချင်းဆိုသလိုဘဲ ပြုံးလိုက်ပြီး He Zhou ကိုမိတ်ဆက်ပေးလိုက်သည်။ "သူနာပြု မမရေ ဒါကတော့ကျွန်တော်ရဲ့ခင်ပွန်းပါ...ကျွန်တော်တို့မနေ့ကဘဲ လက်ထပ်ပြီးကြတာလေ။ သူကအရမ်းကိုခန့်ညားတယ်မဟုတ်လားဗျ"
သူနာပြုမလေးက He Zhou ကိုတွေ့တဲ့အချိန်မှာ
အနည်းငယ် ကသိ့ကအောင့်ဖြစ်သလိုခံစားလိုက်ရပြီး သူမက Qiu Yanzhi ပြောတာကိုကြားလိုက်ရတဲ့အချိန်မှာတော့ ချက်ချင်းဆိုသလိုပဲ သံယောင်လိုက်ပြောလိုက်သည်။
"ဟုတ်ပါ့နော် သူကအတော်လေးကြည့်ကောင်းတာပဲ။မင်းတို့တွေ ပျော်ရွှင်စွာအတူတူနေထိုင်နိုင်ကြစေနော်...မင်းတို့ရဲ့ လက်ထပ်ပွဲကိုလည်းဂုဏ်ပြုပါတယ်"
သူနာပြုမလေးက Qiu Yanzhi ကိုအ၀တ်အစားလဲပေးပြီး နောက်မှာတော့ သူမကအခန်းထဲကထွက်သွားခဲ့သည်။
He Zhou က Qiu Yanzhi ကိုတစ်ချက်ကြည့်လိုက်ပြီးလေးတွဲ့စွာပြောလိုက်သည်။
"အရင်က မင်းကဒီလောက်ပါးနပ်ပုံ မထင်ရဘူးနော်"
Qiu Yanzhi ကသူ့ရဲ့မျက်လုံးတွေကို လခြမ်းကွေးသဖွယ်ပြုံးလိုက်ပြီး "မစ္စတာ He ကနောက်ဆုံးတော့ ကျွန်တော့်အကြောင်းကို
သ်ိချင်လာပြီဆိုတော့ ကျွန်တော်ဝမ်းသာလိုက်တာဗျာ"
He Zhou က Qiu Yanzhi ရဲ့ပြုံးရယ်နေတဲ့မျက်လုံးတွေကိုကြည့်လိုက်ပြီးနောက် မသိလိုက် မသိဖာသာပဲ သူကအကြည့်လွှဲလိုက်သည်။
ဒီလူပြောတဲ့ အရာတိုင်းက ဘာလို့များထိတ်လန့်စရာကောင်းလောက်အောင် ထူးဆန်းနေရတာလဲ။
ဆေးရုံမှာ ရက်အနည်းငယ်လောက် နေပြီးနောက်မှာတော့ Qiu Yanzhi က အိမ်မှာပဲအနားယူဖို့ အတင်းအကြပ်တောင်းဆိုလိုက်သည်။
ထွေထွေထူးထူးအကြောင်းပြချက်ရယ်တော့ မရှိပါဘူး။
သူက He Zhou နဲ့ Meng Qikang တို့ကို အတူနေစေပြီး ဂိမ်းကို ပိုစိတ်ဝင်စားစရာကောင်းအောင် လုပ်ချင်ရုံလေးပါ။
သူက သူတို့နှစ်ယောက်ဘယ်လောက်တောင်နီးစပ်တယ်ဆိုတာ မြင်ချင်ပြီးတော့ He Zhou ကအမိဖမ်းဖို့လွယ်တဲ့ ပစ်မှတ်ဟုတ်လားမဟုတ်လား သိချင်ရုံပါပဲ။
YOU ARE READING
Today, the Foolish Scum Gong Screwed Me Over Again(mm translation)
RomanceQiu Yanzhi ကတက္ကသိုလ်ကျောင်းသာဘ၀ကိုစိတ်ကုန်နေတဲ့သူတစ်ယောက်ဖြစ်ပြီး သူကလူကြိုက်များတဲ့ အစစ်အမှန်ပတ်၀န်းကျင်ပုံစံဖန်တီးထားတဲ့ dating game တစ်ခုနဲ့ကြုံတွေ့လာသောအခါ..... He Zhou ဆိုတဲ့ ပစ်မှတ်ကသူ့အမြင်ကိုချက်ချင်းဖမ်းစားဆွဲဆောင်စေခဲ့တယ်။ ဒါပေမယ့် ဘာလို့...
