كان عليك أن تُزيل أحزاني، لا أن تصنعهـا.
ظنت أن ذلك اليوم، هو بداية حيـاة هادئة مستقرة سعيدة، لا تعلم بأن الحياة تتبع مبدأ توقع الغير المتوقع، لا تعلم أن الحزن والألم ينتظراهـا، وما سيحدث لهـا ما أن تنتهي تلك العملية، جلست «لينا» مع «آريان» في غرفتهــا بعدما أغلقت الباب بالمفتاح مؤقتًا، تنهدت بحرارة وهي تقول بجدية:
-آريان، طبعًا أنا هنزل مصر كمان شوية مع مراد، وإنت إللي هتكون هنا، أزل ما العملية التسليم هتبدأ، هيتم القبض على داود وروكـان.
عقد ما بين حاجبيــه وهو يسألها بإهتمام:
-يعني خلاص هما أتواصلوا مع الأنتربول؟!..
أومأت برأسهـا إيجابيًا وهي تقول بصوتٍ جاد:
-أيوة، لما لاقوا إننا حاولنا ننزلهم مصر لأي سبب ومفيش فايدة، قرروا ده، لأن أي تصرف مننا مش مقنع هيخليهم يشكوا، عشان كدا حصل تواصل مع الأنتربول وهيساعدونا في عملية تحويلهم لمصر.
هز رأسه بصمت ينتابه القلق من القادم، تسائلت «لينا» فجـأة بصوتٍ شارد:
-تفتكر هنعرف نبدأ حياة جديدة؟!..
زفر «آريان» زفيرًا حارًا وهو يتمتم:
-مش عارف، إحنا غلطنا كتير يا لينا، غلطات ورثناها من أهالينا، إنتي شجعتيني إننا نبدأ حياة نضيفة، بعد ما كنتي أتعودتي على شغلنا وحياتنا.
إبتسمت بألم وهي تهمس:
-لما أبويا قتل أمي، وقتهـا فوقت، فوقـت من إللي كنت أنا فيه، موت أمي كسرني بس فوقنـي يا آريان.
سألها بوجهٍ جامد الملامح:
-ومراد، ناوية بردو تقوليله؟!..
ردت عليه بحذرٍ وقد ظهر الارتباك في نبرتها:
-آه طبعًا، على الأقل يعرف إني كويسة، مش وحشة زي ما هو شايفني، هو شايفني دلوقتي شيطانـة، وأنا مش كدا.
بدا صوته عميقًا وهو يسألها بنفس الجدية:
-تفتكري لما تقوليله كل حاجة هترجع زي ما هي؟!.. أحب أقولك يا لينا قصتك إنتي ومراد مش هتبقى بالسهولة إللي إنتي متخيلاهـا، في عواقب كتير هتقف قدامكم.
ابتلعت ريقها قائلة بنظرات متوترة ووجه قد شحبت حمرته قليلاً:
-زي إيـه؟!..
التوى ثغره للجانب معلقًا:
-مش هقدر أقولك، هتعرفي لوحدك.
اشتدت نبرته قوة وهو يخاطبهـا بهدوء:
-لينا، عاوزك تفضلي متأكدة إنك لو في يوم من الأيام أحتجتيني هتلاقيني، آه إحنا لازم نختفي بعد العملية ومنتقابلش مؤقتًا، عشان الأمان، لكن يوم ما أعرف إنك عوزاني هتلاقيني جنبك على طول.
لتهتف هي بصوت مخنوق:
-تقريبًا إنت الحاجة الوحيدة إللي طلعت بيهـا من حياتي في المكان ده الـ(...).
سكت ولم يرد فأكملت هي مغلقة الموضوع:
-أنا هقوم أستعد يا آريان، لازم أكون في المطار بعد ساعة.
أنت تقرأ
أتحداك أنا © -رغمًا عن العشق-
Romanceإذا كنت من مفضلين قراءة روايات اجتماعية، رومانسية، درامية، أو مافيا. فـ أهلًا بك في عالمي الصغير، عالم يوجد به حلم جميل رغم مرارة الواقع. «أميرة مدحت»
