​ကောင်​လေး(Complete)

အပိုင်း ၁

Unicode

ရှောင်းကျန့်တစ်​ယောက် ကျောင်း​ရှေ့မှာ ရပ်ကာ အိမ်က ကားလာကြိုမှာကို​စောင့်နေချိန် ထုံစံအတိုင်း ​ကောင်လေးက ဆိုင်ကယ်လ်​ပေါ်က​နေ ​စီးကရက်​သောက်ရင်း ရှောင်းကျန့်ကို စူးစူးရဲရဲ စိုက်ကြည့်​နေသည်။

​ကောင်​လေး ဟုတ်တယ် ၊ ဒါက ​ရှောင်းကျန်းတိတ်တခိုး​လေး ​ပေးထားတဲ့နံမည်။ ​ရှောင်းကျန့်မှ သူနံမည်ကို မသိတာ ဒါ​ကြောင့် ကိုယ့်ဖာသာပဲ နံမည်​ပေးထားရတာ​ပေါ့။

​ကောင်​လေးကသိပ်ကို ရဲတင်းပါသည်။ ည​နေ​ကျောင်းဆင်းချိန်တိုင်း ​ရှောင်းကျန့်ကိုလာလာကြည့်တာ ဒီစာသင်နှစ် အစကတည်းကပဲ၊တိတိကျကျ​ပြောရရင် ၅လ​နဲ့ ၁၁ရက်ရှိပြီ၊ တစ်ရက်မှမပျက်ကွက်ခဲ့ဘူး။ဘာစကားမှလည်းမဆိုပဲ ဆိုင်ကယ်လ်​ပေါ်က​နေ ​စီးကရက်ကိုဟန်ပါပါ​သောက်ရင်း မျက်​တောင်မခပ်တမ်းကိုကြည့်​တတ်သည်။ အကြည့်ခံရတဲ့​ရှောင်းကျန့်ကသာ ရှက်လို့ လည်းပင်း​လေးပွတ်လိုက် ဟိုလှည့်လိုက် ဒီလှည့်လိုက် လုပ်​နေ​ပေမယ့် သူက​တော့​အေး​ဆေးပဲ။

​ကောင်း​လေးက ​ရှောင်းကျန့်နဲ့ အရွယ်မတိမ်းမရိမ်း​လောက်ပဲဖြစ်မယ်ထင်တယ်။ ပုံစံကြည့်ရတာ​တော့ ​​ကျောင်းသား​တော့ဟုတ်ပုံမရ။ ​ကောင်​လေးကိုပထမဆုံး စ​တွေ့တဲ့​နေ့က ကိုယ့်ကို စူးစူးရဲရဲလာကြည့်​နေလို့ ​ရှောင်းကျန့်မှာ လူဆိုးများလားဆိုပြီးလန့်ရ​သေးသည်။  တခြားဘာ​နှောက်ယှက်တာမျိုးမှ​တော့မရှိ။ ည​နေ​ကျောင်းဆင်းရင် အိမ်ကကားမလာမချင်းရပ်ကြည့်တယ်။ အိမ်ကကား​လာကြိုတဲ့အချိန်ကား​နောက်က​နေ ဆိုင်ကယ်လ်နဲ့လိုက်လာပြီး အိမ်​ရှေ့​ရောက်တဲ့အထိလိုက်​လာလေ့ရှိသည်။ဒါပဲ။

​ကောင်း​လေးက သိပ်ကို​ချောတာ။ အပြုံးအရယ်မ​တွေ့ရတာ​တောင် ​ချော​နေတုန်းပဲ။ အသားရည် ကလည်း​ဖွေးနုလို့၊ ​ကောင်​လေးက ဂုတ်​ထောက်​နေတဲ့ဆံပင်ရှည်​တွေကိုမမှီတမှီ​လေးစုစည်းထား​လေ့ရှိသည်။  ဆွဲ​ဆောင်မှုရှိလွန်းတဲ့သူ့ရဲ့အသွင်ပြင်ကို ထင်း​နေတဲ့ Adam's apple​​လေးက ပိုပြီး​အ​ထောက်ကူပြုပြန်သည်။

ကောင်​လေး​ကျောင်း​ရှေ့မှာ ရပ်​နေပြီဆို ​ကျောင်းသူ​လေး​တွေက လည်ပြန်​ငေး သွားကြတာ။ ​ကောင်​လေးက အဲ့​လောက်ထိ ဆွဲ​ဆောင်နိုင်သည်။ စီကရက်လက်ကြားညှပ်ထားတဲ့ ခပ်မိုက်မိုက်ပုံ​လေးက ​ရှောင်းကျန့်ရဲ့ အိပ်မက်​တွေထဲထိပါနေရာယူတတ်လာတယ်။