Unicode
တစ်ထပ်အိမ်အသေးလေးနဲ့ ခြံဝင်းကျယ်လေးရှေ့မှာနှစ်ယောက်သားခြေချမိကြတော့ တယောက်မျက်နှာတယောက်ကြည့်ရင်း မတိုင်ပင်ထားပဲ ပြုံးလိုက်မိသည်။ရှောင်းကျန့်ကျိုးရန်မှာတာဝန်ကျတယ်လို့သိရတာနဲ့ ရိပေါ်က သူ့အသိကနေတဆင့် ကျိုးရန်မှာ နေစရာ အိမ်လေးဝယ်ပြီး ရောက်လာတာနဲ့အဆင်သင့်နေလို့ရအောင် ပြင်ဆင်ထားလေသည်။ရိပေါ် ၁၀နှစ်သားကတည်းကနေထိုင်ခဲ့တဲ့ ရှန်ဟိုင်းက တိုင်ခန်းအိုလေးကိုတော့ ရောင်းချလိုက်ရတာပေါ့။
"အိမ်လေးက သပ်သပ်ရပ်ရပ်လေးပဲ"
ရှောင်းကျန့်က အိမ်လေးကိုလှည့်ပတ်ကြည့်ရင်းဆိုသည်။အိပ်ခန်းတခန်းသာပါဝင်သောအိမ်လေးက ရိုးရိုးရှင်းရှင်း၊ ပရိဘောဂတွေလည်း မဖြည့်ရသေးတော့ မျက်စိရှုပ်မနေပေ။
"အင်း , အချစ်ရဲ့ဆေးရုံနဲ့လည်းနီးတော့ အဆင်ပြေတယ်"
"မင်းရဲ့တိုက်ခန်းလေးကိုရောင်းလိုက်ရတာတော့စိတ်မကောင်းဘူး"
"ဘာစိတ်မကောင်းစရာရှိလို့လဲ?"
"အဲ့တိုက်ခန်းလေးက မင်းငယ်ငယ်ကတည်းကနေခဲ့တဲ့ဟာလေ၊ ပြီးတော့ ငါတို့ရဲ့အမှတ်တရတွေလည်းအများကြီးရှိတာမို့နှမြောတာပေါ့"
"ကိစ္စမရှိပါဘူး၊ ဒီအိမ်လေးမှာနောက်ထပ်အမှတ်တရတွေအများကြီးဖန်တီးလို့ရတာပဲ?"
ရိပေါ်ကရှောင်းကျန့်ကိုလှမ်ဖက်လိုက်ရင်းဆိုသည်။
"ခြံထဲမှာပဲ ဝပ်ရှော့ရုံဖွင့်မှာလား?"
"အင်း"
"နဲနဲတော့ပြင်ဆင်ရဦးမှာပေါ့"
"မနက်ဖြန်ကျ လိုအပ်တဲ့ပစ္စည်းတွေရောက််မယ်"
"မင်းမှာပိုက်ဆံရောကျန်သေးရဲ့လား?"
"ကိုယ်ကြည့်စီစဥ်ပါ့မယ်၊ အခုတော့နားလိုက်ဦး"
"အင်း"
၃နာရီနီးပါးလောက်ကားစီးခဲ့ရတာမို့ ပင်ပန်းနေကြတာကြောင့် တအိမ်လုံးကိုတော့ သန့်ရှင်းရေးမလုပ်နိုင်သေး၊ အိပ်ခန်းလေးပဲကို ကမန်းကတမ်းရှင်းကာ အနားယူလိုက်ကြသည်။
KAMU SEDANG MEMBACA
ကောင်လေး(Complete)
Fiksi UmumYizhanပါနော်။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။
