​ကောင်​လေး(Complete)

အပိုင်း၁၉

Unicode

ဝမ်ကျယ်​လေးသတိရလာ​တော့ အိမ်​ရှေ့ကို​ရောက်​နေသည်။ ဘယ်အချိန်ကအိမ်​ရှေ့ကိုပြန်ပို့ထားသည်မသိ။​မြေပြင်မှာ​မှောက်ယက်​လေးလဲ​နေသည်။ ​သူ​မြေ​ပေါ်က​နေ ကုန်းရုန်းထလိုက်သည်။ပတ်ဝန်းကျင်ကိုကြည့်လိုက်​တော့ ​ဝေလီ​ဝေလင်းရှိ​သေးသည်။သူမ​နေ့မနက်ကအဖမ်းခံရသည်။ ဒါဆိုတစ်ညလုံးသတိလစ်​နေတာများလား?​

လှုပ်ရှားလိုက်​တော့ နောက်​ကျော​တော်​တော်​လေးနာသွားသည်။အိမ်တံခါးကိုဖွင့်ကာ ​ဖြေး​ဖြေးချင်းဝင်လာလိုက်​တော့ မူးပြီးအိပ်​ပျော်​နေတဲ့ ဖိုးဖိုးကို​​တွေ့လိုက်ရသည်။ ဖိုးဖိုးက ​လောင်းကစားသမား၊ အခု​နောက်ပိုင်း အရက်​တွေပါ​သောက်လာသည်။ဖွားဖွားက ဖိုးဖိုးအ​ကြောင်းကိုသိ​တော့ သူမဆုံးခင်​လေး ဒီအိမ်​လေးကို မားမားနာမည်နဲ့လုပ်​ပေးသွားခြင်းဖြစ်သည်။ဒီအိမ်​လေးရဲ့ကာလတန်ဘိုးက မနည်းလှဘူးလို့မားမားတို့​ပြောတာကြားဖူးသည်။မားမားက သူ့မိဘအ​မွေမို့ ​ငွေဘယ်​လောက်လိုလို ​ရောင်းပစ်ဖို့မ​တွေးခဲ့​ပေ။

ညစ်ပတ်​ပေ​ရေ​နေတဲ့အဝတ်အစား​တွေချွတ်ချပြီး ​ရေချိုးသန့်စင်လိုက်သည်။​ရေနဲ့ထိလိုက်တိုင်း​နောက်​​ကျောကဒဏ်ရာက စပ်ဖျင်းဖျင်းနဲ့ နာကျင်လာသည်။​ရေချိုးပြီး​တော့ခပ်လတ်လတ်အဝတ်အစားအချို့ကို​ရွေးချယ်ဝတ်ဆင်လိုက်သည်။

သူက​လေးလို​နေလို့မဖြစ်​တော့ဘူးဆိုတာနားလည်လိုက်ပြီ၊ ဒါ​ကြောင့် ဆုံးဖြတ်ချက်တစ်ခုကိုချလိုက်သည်။အိပ်​ပျော်​နေတဲ့ဖိုးဖိုးအနားကိုသွားကာမျက်နှာ​ရှေ့ကို လက်​လေးနဲ့​ဝှေ့ယမ်းကြည့်လိုက်သည်။ဖိုးဖိုးအိပ်​ပျော်နေတာ​သေချာမှ သူ့ရဲ့ဝက်ရုပ်​ခေါင်းအုန်းလေးကိုယူကာ ​ရေချိုးခန်းထဲဝင်လိုက်သည်။​ရေချိုးခန်းတံခါးကို ဂျက်ချကာ ​ခေါင်းအုံး​လေးကိုဖြဲလိုက်သည်။​ခေါင်အုန်းက ​တော်​တော်နဲ့ဖြဲလို့မရ၊ တံခါးပြန်ဖွင့်ကာ မီးဖိုခန်းက ကက်​ကြေးကိုယူလိုက်ပြီး ​ရေချိုခန်းထဲပြန်ဝင်လိုက်သည်။ မဝင်ခင်ဖိုးဖိုးနိုးသွားလားလို့အကဲခပ်လိုက်​သေးသည်။