​ကောင်​လေး(Complete)

အပိုင်း ၁၄

Unicode

နှစ်နှစ်ခြိုက်ခြိုက် အိပ်​ပျော်​နေတဲ့အချိန် နားထဲမှာ ညည်းသံလိုလို ကြားရတာ​ကြောင့် လန့်နိုးလာသည်။ သရဲများ​ခြောက်ခံရသလားဆိုပြီး​ကြောက်​ကြောက်နဲ့ မျက်စိမဖွင့်သေးပဲ နားစွင့်​ကြည့်လိုက်​​တော့ အသံ ​က ကောင်​လေးဘက်ကဖြစ်နေသည်။ သူအလန့်တကြားမျက်စိဖွင့်ကြည့်လိုက်​တော့ ​ကောင်း​လေးက အိပ်ယာ​ပေါ်မှာ ​ကွေး​ကွေး​လေးဖြစ်နေပြီး တဟင်းဟင်း ညည်းညူ​နေသည်။

​ကောင်​လေးအဖျားတတ်ပြီးညည်းညူ​နေမှန်းသိတာနဲ့ အိပ်ယာကအမြန်ထကာ နှဖူးကိုစမ်းကြည့်လိုက်သည်။
*အာ ပူကျပ်​နေတာပဲ"
​ရှောင်းကျန့် ​ရေဇလုံအမြန်သွားယူက ​ရေပတ်တိုက်ဖို့ပြင်သည်။တစ်ညလုံးနီးပါး​ရေပတ်တိုက်​ပေးမှ အဖျားအနည်းငယ်ကျသွားသည်။

တော်ယုံဆို ​ကောင်​လေးက ဖျားလွယ်တဲ့အထဲမပါပါ။မ​နေ့ညက သူ့ကိုလာကြိုရင်း မိုးရွာထဲမှာ ​စောင့်​နေရတာကြာသွား၍ထင်သည်။ ​​ကောင်​လေးလည်း သူ့​ကြောင့် ပင်ပန်း​နေရရှာပြီ။

ရိ​ပေါ် အိပ်ယာကနိုးလာ​တော့ သူ့ခန္ဓာကိုယ်က နုံးချိချိဖြစ်​နေသည်။ သူအိပ်ယာကထဖို့လုပ်​တော့ ကုတင်​ပေါ်ကို ​ခေါင်း​မှောက်ကာ အိပ်​နေ​သော ထုထုကို​တွေ့လိုက်ရသည်။ ​ဘေးမှာလည်း​ရေဇလုံ​လေးချထားသည်။
*ညက ငါဖျားသွားတာထင်တယ်*
ကိုယ့်နှဖူးကိုယ်ပြန်စမ်းကြည့်​တော့ ​ကိုယ်က​နွေးတယ်ဆိုယုံ​လေးသာ။

ထုထုက ကုတင်​ပေါ်​ခေါင်းတင်ပြီးအိပ်​နေတာမို့ ဇာတ်နာ​နေမည်ဆိုး​သော​ကြောင့် နှိုးမှဖြစ်တော့မည်။

"ထုထု...​ဟေး..ထုထု"
ပုခုံး​လေးကို လှုပ်ကာ နှိုးလိုက်​တော့ အိပ်ချင်မူးတူး​လေးနဲ့မျက်လုံးဖွင့်ကြည့်လာသည်။

"မင်းနိုးပြီလား? သက်သာလား?"
​ရှောင်းကျန့်က ​ပြော​ပြောဆိုဆိုနဲ့ ရိ​ပေါ်ရဲ့နှဖူး​လေးကို အဖျားစမ်းလိုက်သည်။

"ကိုယ်​တော့အရမ်းမပူ​တော့ဘူးပဲ"

"အင်း ငါသက်သာပါတယ်"

"ဒီ​နေ့တစ်ရက် အလုပ်နားလိုက်ပါလား?"

"မနား​တော့ပါဘူး၊ ငါသက်သာ​နေပြီ"