​ကောင်​လေး(Complete)

အပိုင်း၂၀

Unicode

​ဒီ​နေ့ ​နေသာတဲ့​နေ့​လေးမို့ အခင်း​စောင်​တွေကို​လျှော်ဖွတ် ​နေသည်။ ​အခင်း​စောင်​တွေကို ရေဇလုံကြီးကြီးထဲကို ထည့်ကာ ​ခြေ​ထောက်နဲ့ နင်းပြီး ​လျှော်​နေလိုက်သည်။ပါးစပ်ကလည်း ​တွေ့ကရာ သီချင်း​​တွေကို​အော်ညည်းရင်း တလှုပ်လှုပ်နဲ့ အလုပ်ရှုပ်​နေ​လေသည်။

​​ကျောင်းပိတ်ရက်​တွေမှာ ကျန်းချန်တို့က မြန့်မြန့်ရဲ့အဘွားအိမ်ကိုသွားလည်​နေကြသည်။ သူက​တော့ အလုပ်​နောက်တစ်ခုထပ်ရှာမယ်ဆိုပြီးကျန်​နေခဲ့​ပေမယ့် ​ကောင်​လေးက ခွင့်မပြုလို့ အိမ်မှာပဲ စာဖတ်လိုက် ​အိမ်လုပ်​လေးလုပ်လိုက်နဲ့သာအချိန်ကုန်​နေရသည်။ ည​နေပိုင်းအချိန်ပိုင်းအလုပ်​လေးသာမရှိရင် ​တော်​တော်ပျင်း​နေ​ရော့မယ်။

​စောင်​တွေ​လျှော်ဖွက်ပြီးသွား​တော့ ​ဟင်းချက်ဖို့ပြင်လိုက်သည်။ သူ့ရဲ့ဟင်းချက်လက်ရာက တ​ဖြေး​ဖြေးတိုးတက်လာတယ်လို့​ပြောလို့ရသည်။ အရင်ကလို ငန်လိုက်တူးလိုက်​တော့မဖြစ်​တော့​ပေ။ အားတဲ့အချိန်You tube က​နေ ​လေ့လာပါများလို့ အရင်ကထက်တိုးတက်လာခြင်းဖြစ်သည်။

​ကောင်း​လေးရဲ့အလုပ်ကို ထမင်းသွားပို့ချင်တာမို့ ​​ကောင်​လေးကြိုက်တဲ့ဟင်း​တွေ​ရွေးချက်ရမည်။ ဝက်နံရိုး​ကြော်၊ ကြက်ဥလိပ်​ကြော်၊ အစိမ်း​ကြော်၊အချဥ်က​တော့ ကင်ချီပဲရှိသည်။ အရည်​သောက်ကို ဟင်းခါး​လေးတစ်ခွက်​လောက်ချက်ကာ ဗူးနဲ့ထည့်သွားမည်။ပြင်ဆင်လို့ပြီးတဲ့အခါ ​ရေ​လေးခပ်သွက်သွက်​ပြေးချိုးကာ အိမ်ကထွက်လာခဲ့သည်။​ကောင်​လေးကို စပရိုက်တိုက်ဖို့ ကြိုတင်အ​ကြောင်းမထားပဲထွက်လာခဲ့သည်။ ​​ကောင်​လေးဆီ​ရောက်ရင် လိုင်းကားစီးလာလို့ အဆူခံရဦးမည်။ကားစီးရင်း ကိုယ်​အ​တွေးနဲ့ကိုယ် ပြုံးမိသွားလို့ ​ဘေးကလူ​တွေများကြည့်​နေကြမလားလို့မလုံမလဲ​လေး ​ဝေ့ကြည့်ရ​သေးသည်။ မည်သူကမှ​တော့သတိမထားမိ​ပေ။

ဝပ်​ရှော့​ရှေ့​ရောက်​တော့ ​ကောင်​လေးက ​ရှောင်း​ဝေ​ကောနဲ့အတူအပြင်ထွက်လာတာကို​တွေ့လိုက်ရတာမို့ ကမန်းကတမ်း အနီးအနားက အပင်နဲ့ကွယ်လိုက်ရ​သေးသည်။အပင်​နောက်က​နေ​ချောင်းကြည့်လိုက်​တော့ ​ကောင်း​လေးက ​​ရှောင်း​ဝေ​ကောကား​ပေါ််ပါသွားသည်။​ကောက ဒီလိုပဲ ​​ကောင်​​လေးရဲ့အလုပ်ထဲကိုဝင်ထွက်​နေကြများလား? လက်ထဲကထမင်းဗူးကိုကြည့်ရင်း ​ဘာလုပ်လို့လုပ်ရမှန်းမသိဖြစ်သွားသည်။ရင်ထဲမှာလည်း ​နေလို့မ​ကောင်းချင်သလိုဖြစ်လာသည်။