✳ الجزء 74 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
🔱 جحيم التملك 🔱
🌸فاطمة الزهراء مبارك🌸
دوز 3 السوايع و هو غير كي ضرب في داك الساك بالاعصاب معاقلش على راسو وقف و حيد يديه منو هز فوطة مشا دوش في دوش تما نيت عندو و خرج لابس تيشرت و سروال سورفيت من تما طلع الفوق قلب عليها مبانتش ليه معطاش للامر أهمية ضن انها مشات جهة
البحر مشا صايب ليه كاس ديال القهوة و خرج لجردة كي شرب منها و كي شوف في سما زرقة حتى كملو على خاطرو حطو و طلع البيت يجيب تيلي باش يمشي يجيبها لدار غير فتح الباب شافها جالسة على الارض و ضامة رجليها عندها و حاطة راسها على يديها ستغرب هبط عندها و حط يديه
عهد: نفس نوضي
نفس(صمت)
عهد:نفس نوضي عتمرضي بالبرودة نوضي
نفس(صمت)
تنهد و خشا يد تحت راسها و يد بين فخاضها يالله عيهزها هو ينتابه بدم لي تحت منها خاف بزاف من لي شاف اشنو هذه الشي بلا ما يشعر هزها و خرج بيها حطها في لوطو و دار ركب و كسيرا لاقرب مستوصف قريب ليه
عهد(شاد يديها مزير عليها):نفس جاوبيني نفس غير حلي عينيك عندير لي بغيتي
نفس(صمت)
عهد:اوووف اوووف
زاد كسيرا و كي دوبل الناس باش يوصل بعد مدة قصيرة وصل لصبيطار و نزل دخلها في يديه و حطها في الباياص و مشا عند لي في الاستقبال
عهد:معرفتش مالها كتنزف عافاك طبيب دغيا
لي في الاستقبال هذه داربة الدنيا بركلة مهياش هنا كتندغ في المسكة و شافت فيه
***: سير شد النوبة
عهد:كيفاش كنقول ليكم كتنزف واااا كاتنزففففف
***:الا كتنزف حبسو ليها بصبعك حتى يجي طبيب
عند(تصعب بالبيان ضرب يديه مع الطبلة لي جالسة عليها ديك خيتي حتى طارت و نزلات):وااااااا برب حتى نريب عليكم هذه المشفى
***(ناضت وقفات):اواااا اش يحساب ليك راسك انت خرج عليا من لهنا
دخل سيكوريتي و جاي كي تعنگر عليه تما:اسي محمد شد نوبة ولا دور خوي سيكتور
عهد(دار عندو مفيه لي يتغاوت معاه دخل فيه براس جابو مرگد):دابا بغيت طبيبة تحركييييي
مشات كتجري عيطات لطبيبة حيت خافت و رجعات معاها دخلو نفس لداخل بزز منهم ولكن لي فيها ما هناها صونات لبوليس نيشان هو جالس كي تسنا عليها شي خبار محسش حتى وقفو عليه واحد 3 ديال الفليكات
أنت تقرأ
🔥 تملكني بقسوته 🔥 نفس عهد ( بالدرجة المغربية)
Actionالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
