✳ الجزء 84 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
🔱 جحيم التملك 🔱
🌸فاطمة الزهراء مبارك🌸
داخلة و في يديها تيلي كدور بيه و راسها الفوق شافتهم جالسين و حاطين الگوطي مشات العندهم و جلسات
بيسان:اووف الحمد لله
حلم:على سلامتك
بيسان:الله يسلمك
هدية:مالكي
بيسان :عرفتي عييت هذه النهار اووف
حيدر (هواد و فيديه كتاب عيجلس حداهم):هذه هي الخدمة تحملي او الا كان عندك شغل اخر راه مندوزهاش
بيسان(حنات راسها):مفهمتكش ابابا
حيدر(شاف في هدية):عندي في البيرو واحد الوراق سيري شوفيهم و رجعي عندي
هدية: ديالاش
حيدر:سيري و عتعرفي
هدية:وقول ليا بغيتي تهضر معاها ماما قطعي ليا طرف نطلع لبيتي نهضر مع صحباتي
حلم:واخا
قطعات ليها و هزات القهوة و طلعات لبيتها و حيدر جلس مقابل معاها حط الكتاب و شرك صبعان يديه
حيدر:عندك شي حاجة تقوليها
حلم:كاينة شي حاجة
حيدر؛هانت كتسمعي
بيسان:لا ا بابا
حيدر:و مؤمرات شنو تقولي فيهم
حلم:كيفاش
بيسان:سمح ليا انا بغيت غير نعاونها
حيدر:الا عتعاوني عاوني راسك هو الاول
بيسان:بابا راه ضياء كتبغي عهد شفيها الا دخلنا و عاوناها يتجمعو
حيدر(تعصب و ضرب الطبلة بيديه حتى تهزو الماعن):شنو معلمك انا اااه شنوو
حلم:حيدر تهدن
حيدر:دوي شنو معلم انا
بيسان:مندخلوش في بعضياتنا
حيدر:وانت شنو كيدير كتعطيها امل على والو خوك معمرو يشوف فيها من غير ختو فهميها راكم مربيين في دار وحدة مستحيل فهمتيها
بيسان:حتى انت كنتي كتسنى ماما هذه 18 العام
حيدر(وقف و هي تقفز):مشي بحال بحال متقارنيناش انا و ماماك بيكم عهد مكيبغيهاش عندو في حياتو وحدة لي ملكات قلبو و قد ما فهمتيها هذه الشي عيكون حسن ليها و ليك
بيسان:ولكن قلبها غدي يتكسر ابابا و انا مستحيل نسمح لخويا يكسرها و يتزوج وحدة ممعروف اصلها من فصل***
حيدر(غوت غوتة حتى زنزنات القصر و خلات حلم تقفز منها): بييييسسسسساااااان
تكمشات في بلاصتها
حيدر:ااااخر مرة سمعتي ااااخر مرة ترادي معايا في الهضرة و الا مشيتي حتى درتي شي حاجة من رسك كنقسم ليك فمي بالله ما دوز ليك بيخير حيت فششتك بزاااف و فشوشك انا لي نحدهم ليك سمعتيني
بيسان:واخا
حيدر:مسمعتش
بيسان:واخا ا بابا
حيدر؛غبري حسن ما ندير فيك شي موصيبة غبررييي
طلعات كتجري لبيتها و سدات عليها و هو جلس بالصدفة دخل لكاميرات المراقبة لي عندو في بيتها للاحتياط حتى كي شوفها جالسة مع ضياء و كتعطيها امل مع عهد و توقف معاها ضد ريناد و اي وحدة حاولات تقرب ليه حتى لدرجة وصلات بيهم يخليوه ينعس مع ضياء حيت عارفة ان باها مستحيل يقبل بهذه القضية و عيتزوج بيها بزز منو
تنهد و جلس و عياكل جنابو مزال مبردات ليه بنتو من لحمو و دمو كتأمر باش يتزوج خوها وحدة مكبغيهاش مسح على وجهو لي ولا مزنگ و حلم كتشوف فيه
حلم:رخف على راسك
حيدر:خاصني نهضر مع سيف ضروري هذه الشي فات لحدود
حلم:خاصك دليل
حيدر؛مجود
حلم:انت تعرف نكب ليك قهوة
حيدر:كبي
كبات ليه و هو خداها و تنهد و الف بلان في دماغو و زادتو بنتو حلم شافت فيه و ناضت
حيدر:فين غادا
حلم:غير نهضر معاها بالعقل
حيدر:شغلك هداك
تنهدت و طلعات عندها دقدقات و فتحات لقاتها جالسة في الارض و كتبكي ضربها قلبها عليها
أنت تقرأ
🔥 تملكني بقسوته 🔥 نفس عهد ( بالدرجة المغربية)
Acciónالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
