🔥 تملكني بقسوته 🔥 نفس عهد ( بالدرجة المغربية)

✳ الجزء 436 ✳ ♥نـــــفــــــــس عــــــــهـــــــد♥

              ✳ الجزء 436 ✳

   ♥نـــــفــــــــس عــــــــهـــــــد♥

           ♣ تملكني بقسوته ♣

             ✏ الفصل الاخير ✏

             ⚕ لكل نهايه بدايه ⚕

🌸فاطمة الزهراء مبارك🌸

دازو يوماين على هذه الاحداث و اليوم التالت جالسة في البيت كيف العادة منين خرج في الصباح حتى الدابة و هما عندهم طائرة مع 23:00 ليل خاصهم يلحقوها خافت يكون تقلق منها خصوصا انها اصرت على الولد تبناه شادة تيلي في يديه كتضوني ليه و تعاود لكن والو تنهدات و مشات هزات تشيبس كوعض منها و كل دمعة يا دمعة سمعات الدقان نضت كتنسح خناينها و فتحاتو شافتو طارت عليه بتعنيقة حتى رجهاتو بلور و دوز على ظهرها حتى تهدنات و دفها دخلو البيت

نفس(شدات ليه وجهو بين يديه):حشومة عليك منين فقت ملقيتكش حظايا و خرجتي عافاك سمح ليا عارفة صعيب انه تربي ولد مشي من صلبك و انت غيجيك ولد في الطريق ولكن والله حتى بغيتو ا عهد و تعلقت بيه من الشوفة الاولى صعيب عليا نفارقو سمح ليا اخر مرة نبزز عليك شي حاجة غير متقلقش مني عافاك

عهد(شد وجها بين يديه و باس ليها راسها و خلاها بقبلة في شفايفها كي هدنها عاد داز لودنها و همس):الطلب الوحيد لي باغي منك تعدلي بين ولادك بجوج
نفس(شافت فيه بااستفهام):كيفاش
عهد:أجي يالله نمشيو و تعرفي
نفس:عهد شنو واقع
عهد(شد يديها و خرجو و الگارد دخلو هزو الشانطات):يالله نمشيو ا حبي

ستسلمات ليه و خرجو داز خلص لي بقا و ركبو في لوطو شاد يديها تنهدات حيت كانت باغيا تمشي تشوفو قبل ما يرجعو بحالهم لكن نقدراتش تنطق وصلو المطار و نزلو طلعات في الطائرة الخاصة و هو دار عند الگارد كي عطيهم تعليمات دارت هنا و هنا و مشات حلات تلاجة و جبدات منو عصيري و دخلات البيت كتشرب فيه حتى كتشوفو ناعس على سرير مبدل حال و حداه شانطة مشات عندو و جلسات حداه و دوزات على وجهو الصغير الملائكي و باست يديه دارت الشانطة حالتها لقات فيها حوايج فرحات بزاف خرجات من تما مخلياه مرتاح في تعستو شافتو طلع و جلس مشات جلسات حداه و باست ليه خدو بحب تبسم ليها

نفس:واش عيعيش معانا ياك
عهد:اه راه ولدنا
نفس(تلاشات ابتسامتها):كيفاش مفهمتش
عهد(تقابل معاها و شد يديها باسها وتنهد): الولد ولا رسميا ولدنا مني معندو حتى واحد في هذه الدنيا فكرت منين انت تعلقتي بيه و انا دخل الخاطري علاش لا لي منتبناوهش و يولي ولدنا خو الكبير لولادنا لي جايين

نفس(عنقاتو و دموع في عينيها):شكرا بزاااف معمرك خصرتي ليا خاطري
عهد:بلاتي انت مفكرتيش فيا خايب
نفس(حركات راسها بلا):لاااا
عهد:حبيبتي نفااااس
نفس:هو بقا فيا الحل منين مبغيتيش لكن مشي لديك الدرجة

ضحكتو و عنقها كي دوز على يديها و هي حاطة راسها على كتفو شوية و ناضو البيت نعسو حداه و هو الوسط