✳ الجزء 94 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
🔱 جحيم التملك 🔱
🌸فاطمة الزهراء مبارك🌸
صباح صباح جديد لا خدمة لا والو فاقت و بقات كتشوف في السقف و لامبة شاعلة باتت ليل كامل هكداك فكرات و عاودات في عهد و تصرفاتو تكذب الا قالت غيرتو عليها معجباهاش لكن هذه الغيرة لياش عتوصل واش عيستمرو هكدا
علاقة بلا ثقة كيف والو هي كلشي و هو كي شك فيها بزاف و أكثر حاجة لي كدور ليها في دماغها هي علاش كي دكر ليها الفلوس و العيشة الغاليا مع العلم انها معمرها فكرات في هذه الشي واش جميع العلاقات هكدا او لا معمرها تصاحبات مع شي واحد عهد اول واحد في حياتها واش كي كونو حتى هما مشكاكين كبحالهم
هذه مجموعة من التساؤلات لي فكرات فيها في الاخير ستغفرت الله و ناضت حلات الشرجم و نطاح عينيها غير على البوكس لي عندو معلق و هو كي ضرب فيه مع كان حال الشرجم عاد ردات ليه البال بتاسمات و تكات عليه و هي كتشوفو كيفاش كي ضرب فيه و العرق لي هابط مع جسمو و الوشام لي مزينو عاد ردات ليه البال عاد شافت كذا وسامتو و هو مركز مع داك البوكسينگ
صدرو المطراسي و العضلات السداسية المتامسكة شعرو لي هابط على عينيه و عرقان حجبانو مگرونين لحية الخفيفة لي مزينة وجهو بتاسمات و هي كتدكر قول امنا عائشة رضي الله عنها و نطقات
نفس: سبحان من زين الرجال باللحى
حلات شرجم يتهوى و صيبات بيتها دخلات الحمام نقات حالتها خرجات لبسات حوايجها و هبطات دورات راسها ملقاتش باها ستغربات رجعات مشات الكوزينة صيبات الفطور و حطاتو فوق الطبلة و مشات ديريكت الشرجم و طلات منو و غوتات
نفس:بااااابااااا
كلشي هز راسو فيها و كمل على لي عندو حيت حي شعبي عااادي
نفس:واااااا بااااااعليييي
كان كي تريني حتى كي سمع صوتها ستغرب واش طارية شي حاجة طل و جابت ليه الضحكة من اخر غوتة غوتات
نفس:وااااااامول الحانووووووووت
طل عليها باعلي و شاف فيها :مالك
نفس(فرنسات):طلع تفطر و شرب دواك يالله ولا غنهود ليك سربي سربي عندي ما يتقضى
ضحك على هبالها و دخل بحالو مشا الكوزينة صايب ليه قهوة اما باعلي دخل اليفطر و حيت عارف نفس تقدر تخرج ليه
أنت تقرأ
🔥 تملكني بقسوته 🔥 نفس عهد ( بالدرجة المغربية)
Acciónالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
