🔥 تملكني بقسوته 🔥 نفس عهد ( بالدرجة المغربية)

الاجزاء من 241 الى 270

              ✳ الجزء 241 ✳

   ♥نـــــفــــــــس عــــــــهـــــــد♥

           ♣ تملكني بقسوته ♣

             ✏ الفصل التاني ✏

             ⚕ صمت و اسرار ⚕

🌸فاطمة الزهراء مبارك🌸

تسناتو يدوي و هو كي شوف فيها ناض خدا كاس ديال الما دار فيه واحد الكينة تسناها حتى دابت عاد شربها و ولا دار عندها جلس في بلاصتو

فدوى:عتبقا تشوف فيا
رئبال:لا علاش هربتي مني هذه 3 سنين

فدوى(صمت)

رئبال:كندوي معاك ا فدوى علاش
فدوى(خنزرات فيه):سول راسك علاش شنو درت ليك انا شنو فاش اديتك ا رئبال فاش تقت فيه و في كدوبك و الاعيبك كلها في الاخير شنو جزائي اااه بغيتيني نجي نعنقك و نقول ليك اه سمحت ليك

رئبال:عندك الحق في كلشي كل ما قلته صحيح انا واحد مكنسواش داك الوقت كنت طايش معارفش الصح من الغلاط كانو عندي البنات غير لعبة نضحك مع هذه و نخرج مع هذه حتى طاحت عيني عليك في الشركة كنتي كتخدمي و داخلة سوق راسك

فدوى(ضحكات):اااه بصااااح
رئبال(خنزر فيها):فدوى انا من مور ما شفتك دخلتي الخاطري بلا ما نعرف كل ليلة و كل نهار كنفكر فيك قررت نتقرب منك و نهار لي كنت عوال غدا نقول ليك كلشي شفتك بعيني في البار و مقنة مع واحد شنو ديك الساعة بغيتيني ندير اااه

فدوى(هبطات رجليها):انا نهار
رئبال:باقي عاقل حدا الطواليط شادك و انا منين شفتك حلفتها فيك
فدوى(بقات بقات حتى تفكرات و هي تزير على يديها):كون كنتي بقيتي كنتي عتعرف شنو درت
رئبال:داكشي عرفتو معطل
فدوى: علاش جاي باغي ترجع تنتاقم مني على شي حاجة اخرا ااه باش من حق ا رئبال باااش
رئبال:فدوى الا سمعتيني من الاول الخير بلا ما تقاطعيني

رجعات لور و هو بدا كي عاود ليها من نهار دخلات الحبس حتى نهار لي عرف انها هي بنت خالتو لي كي قلبو عليها و انه قالب عليها منين هربات و منين لقاها بغا يديها تعرف عليها ملقاهاش

رئبال:منين رجعت عندها المشفى عودت ليها كلشي و لي درتو فيك بقا فيها الحال و طلبات مني نلقاك و منخليكش و لي جاب ليها التمام هي منين ماتت الام ديالك و عرفات صافي دا مول الأمانة امانتو تمنات تشوفك قبل ما تموت و هذا تاني عقاب ليا من بعد ما مشيتي بقا عقاب اخر

فدوى(مبغاوش يحبسو دموعها):شنو هو
رئبال(هز فيها راسو)؛كنت مريض بسرطان في راسي 3 سنين و انا كنتقاتل باش نعيش على قبلكم و شوق ليكم كي كبر نهار على نهار و كي قتلني فدوى انا مطالب والو غير تسمحي ليا بركة عييت والله حتى عييت وصلت لمرحلة الحماق

سكتات مجوباتوش وقفات و شادة في راسها و رجليها فشلو عليها               ✳ الجزء 242 ✳