✳ الجزء 98 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
🔱 جحيم التملك 🔱
🌸فاطمة الزهراء مبارك🌸
وصلات لدار فدوى دقدقات لكن والو بقا فيها الحال و دموعها في عينيها هودات و ركبات في لوطو معرفة فين تمشي مكنعرف حتى واحد هنا من غير روان و ريناد مفيها لي تشوف خليقتهم جات في بالها نفس ترددات تمشي لعندها لكن في الاخير كسيرات لعندها محساتش بالطريق حتى وقفات في الباب ديال دارها نزلات و مشات دقدقات و تسنات و موسيقى مطلوقة في الفوق
كانت لداخل في بيتها طالقة اغنية سعد المجرد و زهير البهاوي الجديدة "الوجه التاني" و كتغني معاها و خالقة الجو مع راسها و كتجمع الدار حتى انها مسمعاتش الدقان
خلات شيماء حتى الباب عودات دقدقات و في الاخير بغات ترجع بحالها و هو يخرج باعلي من الحانوت شاف فيها
باعلي:بنتي مرحبا بيك
شيماء(ببتسامة):الله يبارك فيك
باعلي:مالك ا بنتي وجهك حمر واش كنتي كتبكي
شيماء:لا والو جيت عند نفس ولكن عنرجع
باعلي:هذيك الحمقة عندي مسمعاتكش بلاتي نفتح ليك الباب و دخلي عندها
بتاسمات و هو مشا فتح ليها الباب دخلات و طلعات عندها شافتها هازة الكراطة و محزمة و كتشطح و عرقانة دورات وجها هي تشوف شيماء حطات الكراطة و مشات شداتها من يديها و جراتها و كتغني
نفس:الحب معاك خسارة و العيشة معاك مرارة و لا كنتي غدارة بربي ما نولي ليك
الحب معاك خسارة و العيشة معاك مرارة و لا كنتي غدارة بربي ما نولي ليك
وااااااا هاي ياي ياي غير نسيني
وااااااا هاي ياي ياي الوجه التاااالني
وااااااا هاي ياي ياي غير سيري
وااااااا هاي ياي ياي وراه لبحر كبييير
حبسات الأغنية و بقات كتنهج و ضحك و حتى شيماء ضحكاتها من قلبها
نفس:اوووف سخفت
شيماء:سعداتك ضاربة الدنيا بركلة
نفس(عطاتها الكراطة):اتي كرطيها تنشف شدي شدي جابك الله عنسيق الزنقة حتى هي و ندير الرفيسة لغدا سربي سربي
شيماء:بلاتي عطيني شي حاجة نلبسها
نفس:بلاتي
دخلات جابت ليها حتى هي بيجامة لولوكاتي لكن في السومو و عطاتها ليها لبساتها و شافت في راسها ضحكات
نفس:بلاتي بلاتي مجاتش هكدا ديري الگرينات بحالي نجيو كيوت
شيماء:واش تسطيتي
نفس:سمعي حنا مزالين صغار و نديرو لي بغينة نشطو و نضحكو و نضربو باباها حتى تلصق مع الحيط مزال معاش لي يتحكم فيا و يخرج فيا عينيه سمعتي و حتى انت لي باينة كنتي كتبكي عليه عطي لمو العصير و نخليه يجي بوه حتى لرجلك يطلب و يرغب ديري ديري و اجي نديرو شي سيلفي حطيه في الانسطا و الفايس و سناب و تيك توك توصل ليه توصل ليه و خلي مو يتفقص كيف فقصك عنداك يحساب ليك مشفتكش من يالله دقيتي طليت لقيتك كتمسحي دموعك و مسحي حتى خناينك كاملين ولاد الق*حاب ميسواوش انا جاية
ضحكاتها و دوراتها في دماغها مزيان و مشات دارت كيف قالت ليها
أنت تقرأ
🔥 تملكني بقسوته 🔥 نفس عهد ( بالدرجة المغربية)
حركة (أكشن)البطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
