✳ الجزء 100 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
🔱 جحيم التملك 🔱
🌸فاطمة الزهراء مبارك🌸
شافت فيها و غوبشات دارت يديها في جنابها
نفس:شفتك گلستي ليا
شيماء:شنو عندير
نفس:نوضي جبدي الدجاج من الفريگو و نصبي
شيماء؛ولا ا ختي راه عييت والله
نفس:نوضي تگعدي بركة من العگز
شيماء:انت شنو غديري
نفس:انا عنعجن و نخبز و نفرتت
شيماء:جيت نخوي عليك قلبي و انت
نفس:تخوي عليا قلبك بنت ليك انا نسيمة الحر دوزي تعلمي ما ينفعك تحركي تحركي
ناضت جبدات دجاج على سعدها و وعدها حطاتو و نفس جبدات طحين و سخنات الما
نفس؛و نصبي
شيماء:نقول ليك شي حاجة
نفس(كدير الملحة):شنو
شيماء:مكنعرفش نطيب
نفس(دارت عندها):مزيناتك مكتعرفيش طيبي و هذه الراجل لي عيديك على زينك راه خاص الزين و الحداگة باش متخلي ليه ما يقول
شيماء:كيفاش
نفس(دارت تكمل):جبدي البصلة و ديريها في ديك الطاسة شلديها و نقول ليك
جبداتها و بدأت كتنقيها:ها هي
نفس:الآلة الراجل نقطة ضعفو هي كرشو مثلا طيبتي و عيعجبو طيابك و عيزيد يبغيك كثر اما الا جبتي خدامة طيب كم الاحسن يتزوج بيها هي
شيماء:عندك الحق اجي تعلمني بغيت نفقصو على تبهديلة لي دار ليا الصباح
نفس(ببتسامة واسعة):دابا دويتي يالله منين كملتي جبدي مطيشة حتى هي و التومة
بقات كتوريها و هي عاطياها الخاطر نصبات و كملات سدات عليه جاها ساهل ماهل و بدأت كتفرتت معاها في الرفيسة و تصور هي و ياها خالقين الجو حتى كملو كلشي و شافت فيها
نفس؛خرجي عيطي لبابا نتغداو
شيماء:واخا
خرجات مشات عندو الحانوت و ولاد الحومة كي شوفو فيها مصدومين زين جا عندهم الحومة و هي مكرهة مشات و دخلات لقات عهد جالس معاه و كي شربو اتاي ستغربات
شيماء:عمي
باعلي:نعام ا بنتي
شيماء:لغدا واجد اجي تغدا
باعلي:هي الاولى نسد غير الباب ولدي عهد مرحبا بيك
عهد: بلا ما نشقيك ا سي علي بصحة
شيماء(بخبث):قالت ليا نعيط ليك حتى انت ا خويا عهد
عهد(شاف فيها لديك نضرة من نيتك): واخا
ناض مشا معاها و دخل و شيماء مشات عندها: عمي راه في صالة سيري شوفي اش بغا انا نكمل
نفس: نقي وقطعي معاك البيض
شيماء؛اوكي
مشات طلعات لصالة و دخلات ليها و هي تشوفو جالسة عقدات غوباشتها و بغات خرج و هي تحس براسها مجرورة و مكالية مع الحيط
أنت تقرأ
🔥 تملكني بقسوته 🔥 نفس عهد ( بالدرجة المغربية)
Acţiuneالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
