🔥 تملكني بقسوته 🔥 نفس عهد ( بالدرجة المغربية)

✳ الجزء 83 ✳ ♥نـــــفــــــــس عــــــــهـــــــد♥

              ✳ الجزء 83 ✳

   ♥نـــــفــــــــس عــــــــهـــــــد♥

           ♣ تملكني بقسوته ♣

             ✏ الفصل الاول ✏

             🔱 جحيم التملك 🔱

🌸فاطمة الزهراء مبارك🌸

رجعو بحالهم و هو شاد ليها يديها دخلات و شافت في حالة كيف دايرة كلشي مدگدگ بتاسمات بطفولة حيت عرفات راسها شنو دارت في لحظة غضب هو جمع يديه و تكا على الحيط و كي شوف فيها دورات راسها عندو و بتاسمات

نفس:عتعاوني ياااااك
عهد(غوبش):لمك منين كنتي تهرسي مبانتش ليك
نفس(حطات يديها تحت دقنها):عافاك ياك انا حبيبتك
عهد(مزال مغوبش سمع تيلي كي صوني):انت جمعي و انا عنجاوب على واحد الاتصال
نفس:عافاااااااك
عهد:لا
نفس:عنتجرح و توحل فيا
عهد:عادي كاينة اسعافات الأولية
نفس(ببراءة):اووف و دير ليا خاطري
عهد(تنهد و قطع):يالله زيدي زيدي نشوفو
نفس(فرنسات):وخا باش نبداو
عهد:جيبي شطابة انا نجمع هذه الطباسل لي ممهرسينش
نفس:اوكي

مشات جابت الشطابة و رجعات عندو حطاتها و بدأت كتجمع معاه و حاضي معاها معنداك تجرحي،،، راسط كتقلبي ترجعي لسبيطار،، نفس رصاي ،،،نفس حطي،،

طلع ليها الدم رمات ليه كلشي و مشات خدات شيبس و جلسات كتاكل و تقول ليه عنداك هديك،، شوف الزاج باقي تما،،، لا هدا،،،عنداك يديك ،،،شوف شوف تم،،، مسح هنا راك خليتي قهوة ،،،

هز راسو فيها محمر عينيه و هي تسقل و صرطات ريقها حتى كمل مشا رجع كل حاجة في بلاصتها و غسل يديه رجع جلس حداها هي مدات ليه شيبس غوبش و هي تجمعها

نفس:كتعرف طيب
عهد:لا
نفس:شنو كتعرف
عهد:نلوح مك من سطح
نفس(صرطات ريقها)؛اممم شوف انا مريضة والله و في هذه الوقت كدير ليا أنانة في راسي
عهد(باستغراب):انانة شنو هذه
نفس:زعمة كتسوطي ليا فيزيبلات ديال دماغي
عهد:انت كتسوطيهم ليك انا تخرجيها مني
نفس:سمح ليا
عهد(دور يديه على ضهرها و جرها ليه حطات راسها على صدرو):نفسيتك عيانة عارفة سمعتي طبيبة شنو قالت
نفس(هبطات راسها):امم سمعتها
عهد:شوفي فيا
نفس(شافت فيه):شنو

عهد(كي لعب في شعرها):عارف صعيبة عليك عارف انك كتكابري باش تبيني ليا انك نسيتي الموضوع و كتحاولي تناساي لكن النسيان مشي حل تعايش هو الحل
نفس:صعيبة
عهد:نهضرو بالمنطق
نفس:فهمتك و عرفت قصدك
عهد:و شنو قرارك
نفس: قراري راه باين
عهد: بغيت نسمعو من عندك

سكتات و هي كتشوف فيه وهو كي تسنا منها شنو تقول