✳ الجزء 148 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
🔱 جحيم التملك 🔱
🌸فاطمة الزهراء مبارك🌸
بعد ما فاقت نشيطة و تاخدات قرار في علاقتها صيبات الفطور فرحانة و حاسة ان فرحتها عتنغز كملات و حطاتو فوق الطبلة و قرارات تمشي تقدم ستقالتها من الشركة هذا حل حيت عتقابل شركة الاب ديالها البيولوجي و إمبراطورية القدميري عتهدمها ليهم فوق راسهم
وجدات كلشي و وقفات في راس الدروج و غوتات
نفس:يحيىىىىىىىىى ، موووووول الحاااانوووووووت
رجعات جلسات بحال الا مدايرو والو و الله اعلم لما صوتها وصل لدريبة يحيى كان فاق الصباح و خرج جرا و رجع دوش و قابل خدمتو البيسي حتى سمع غوتتها ضحك على صبيانيتها و ناض هود لقا باعلي وصل درجة الأخيرة
يحيى(باس ليه راسو):كيف بقيتي
باعلي:بيخير الحمد لله و انت
يحيى:الحمد لله راه ثريا عتجي اليوم مع رجلها
باعلي:صونيتي ليها انت
يحيى:ضروري و راه كرمتها مزيان في تيلي
باعلي؛الله يرضي عليك
يحيى؛امين
نفس:اجيو تفطرو و انتوما دودودو مكتقاداوش راه 10 دابا مبقا فطور
يحيى(سمع صوني في الباب و هو يمشي يحل لقا نادر):سلام شي حاجة
نادر؛كاينة نفس
يحيى:شكون انت لي كتسول عليها
باعلي(نسا موضوع ضرب):زيد اولدي مرحبا بيك
يحيى:زيد
نادر: سمحو ليا جيت ندوي مع نفس فشي حاجة
باعلي:اهاه مرحبا
خرجات عندو سلمات عليه و شافت فيه: شنو
نادر(حك راسو):احم بغيت نقول ليك خرجات ليا شي خدمة في اگادير و خاصني نمشي
نفس(بتاسمات):واخا بالنسبة عرض الزواج
نادر:فكرتي
نفس:فكرت و مزيان انا منقدرش نشوف راسي مع شخص اخر من غير عهد هو حياتي لي ملاها ليا لذلك معنقبلش الزواج حاسة ان شي حاجة واقعة مشي هي هذيك و خاصني نعرفها واكيد عيجي نهار لي نعرف
نادر(توسعات ابتسامتو):هذا هو القرار الصحيح و تيقيني معتندميش عليه و عهد عيرجع ليك
نفس(باستغراب):شنو كتقول
نادر:الحاجة الوحيدة لي عنقول ليك دعي الله يرجع بيخير و على خير
نفس(شدات ليه في يديه):خلعتيني كيفاش
نادر: متشطنيش بالك غير عي معاه من قلبك انا مشيت نمرتي عندك الا جتاجيتي شي حاجة طلبيني
سلم عليها و ركب في لوطو خلاها كتفكر في عهد كيفاش دعي الله يرجع بيخير قلبها تزير عليه و رجعات دخلات و عينيها تغرغرو مشات جلسات و هما كي شوفو فيها بدأت تفطر العقل غايب عن الوجود
أنت تقرأ
🔥 تملكني بقسوته 🔥 نفس عهد ( بالدرجة المغربية)
Aksiالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
