✳ الجزء 440 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاخير ✏
⚕ لكل نهايه بدايه ⚕
🌸فاطمة الزهراء مبارك🌸
جلسات حداها و شافت فيها مستغربة منها و بزاف هذه 8 سنين و هي غير ساهية دائما فرحتها ناقصة تنهدات على حالها و جلسات حداها حاطة يديها على كرشها حيت فيروز من نهار لي مشا يحيى جابها حيدر تسكن معاهم بطلب منو انها متبقاش بوحدها في داك القصر الكبير و قصر ديالو ضوبر عليه يعني توانس مع البنات شيماء و نفس
نفس:مالك
فيروز:هذه 8 سنين مكاين حتى خبار على مؤيد
نفس:صدمة عليه قوية صبري
فيروز:عارفة ولكن اووف غير نسمع صوتو و تطمن عليه
نفس:دابا يرجع
فيروز:غير كتقولي ا ختي والله ربما يكون تعرف على وحدة اخرا
نفس:الله يهديك اش عيتعرف فكري إيجابي ها عهد 3 سنين ما عليه حتى خبار في الاخير شنو ها انا مزوجة بيه و عندنا 2 وليدات و تالتة جاية في طريق
فيروز:لكن كنتي كتهضري معاه
نفس:مرة في شحااال
فيروز:كوميم كتسمعي صوتو
نفس:عتسنايه
فيروز:واخا يبقا فيا عرق واحد عنتسناه
بقاو كي دويو حتى كي دخل علي بعجاجتو ولا مشاغب من الدرجة الأولى تعلم حتى هو الدرجة و ولا كي دابز ليهم في المدراسة و كي دي ليهم حيدر او عهد كي جمعو كلشي و يخرجوه هو المظلوم
توجه الكوزينة كي غوت حيت يالله حطو طرونسبور و كي سول
علي:مييييمااااااا
نفس(ناضت من بلاصتها و دخلات عندو): محمد
علي(حك راسو باغي يتلفها):مااااميييي
نفس:جنييي جنيييييي أولدي جنييي
علي(ضحك ليها ضحكة صفرة): علااااش
حلم(خرجات):مالك اولدي
علي:فين هو جدي
حلم:في المكتب
علي:و بابا
نفس:في الشركة
علي:عنمشي المكتب عند جدو و اماما طلعي معاك محفاضتي الميمة
حطها ليها و مشا كي جري و نفس كتغوت:فين خليتي خوك غالي
علي(جاوبها):مممعععع عمممموووو اممممين فيييي الباااااب
مشا كي جري دخل المكتب بلا استأدان حيدر هز راسو فيه و بتاسم مشا عندو باس ليه يديه
علي:راسك الكبير
حيدر:اش تما
علي:والو بغيتك تمشي معايا المدراسة
حيدر:اش درتي
علي:واحد بغا يتحگر على خويا غالي عطيتو قتلة
حيدر:ضرب غالي
علي:اه
حيدر:شكون هنا
علي:كي قولو ليه الزرقطوني أسعد باه لباس عليه و شريك بابا في الخدمة
حيدر(عرفو ولد رئبال):زعمة انت معارفوش ولد من كتقولها هكداك حشومة أولدي ولكن انا نتكلف متخافش
علي:كيف العادة
حيدر؛كيف العادة
علي(باس ليه راسو):الله يخليك لينا نخليك منعطلكش على الخدمة
حيدر(طلع حاجبو كي عجبو منين كي جاكرو و يدير راسو بلي راه كبير قدو):ايييه سير تاكل انا جاي
ضحك ليه و خرج مشا عند حلم الكوزينة حطات ليه ياكل مع غالي و عماد لكن هو خنزر
علي:ميييماااا
حلم(كتقطع ليهم الخبز):مالك
علي:راني صائم معاكم زعمة
غالي(عندو 7 سنين عندو عزيز كثر من راسو): ميمة رااه مكلاش گوطي ديالو
عماد(ولد امين و شيماء عندو 6 سنين):انا كليتوو
حلم(ضحكوها):صافي يالله سير ا علي جلس في جردة مع ماماك متجريش باش متعطش
علي:واااخااا
خرج عندها الجردة و جلس حدا فيروز لي كتناگر معاه ولا عندو 10 سنين و نص مزال عاقل نهار لي دخل لهذه القصر و تعرف عليهم فرحتو كبيرة حيت معمرو حس انهم كي ميزوه على غالي واخا تزاد حسو خوه الصغير لي واعد راسو يحميه
أنت تقرأ
🔥 تملكني بقسوته 🔥 نفس عهد ( بالدرجة المغربية)
Actionالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
