✳ الجزء 102 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
🔱 جحيم التملك 🔱
🌸فاطمة الزهراء مبارك🌸
كلشي هز راسو و اولهم نفس لي تزيرات منين شافتو دورات راسها لعهد لقات وجهو في البلاصة ولا حمر بالاعصاب خافتو لا يدير شي مصيبة قدام باها يصدق منوض المشاكل ملقات في انها تحط يديها فوق يديه من تحت الطبلة دور راسو شاف فيها بعينين حومر
نفس(بهمس و صوت مخنوق):عافاك مديرش المشاكل قدام بابا مناقصني شوهة معاه
عهد(هز راسو باه)
نفس(بتاسمات):شكرااا
باعلي:نفس مديرك في الخدمة
شيماء دارت عند عهد مصدومة و برگمات فمها و هو غنزها تسكت
نادر:سمحو ليا جيت في وقتك الغذا
باعلي:متقولش هكدا اولدي حتى انت تكرفصتي معانا
نادر:ربي يخليك حيت نكل على نفس سمعتها مرضات
نفس:مشي انا بابا أمسيو سلطان تفضل
عهد(شاف فيها مغوبش)
باعلي:وي زيد اولدي مرحبا
نادر:ربي خليك
شيماء: اهلان
نادر:بنت عمي لباس عليك
باعلي:زيد اولدي جلس و عاد ندويو
نادر مشا جلس و تعمد حدا نفس شي لي زير لاخر و بنوض و شافو فيه
باعلي:ولدي عهد جلس
عهد:لغيت نغسل يدي
باعلي:اه واخا
عهد مشا نيشان الحمام و دخل ليه سد الباب حط يديه على لڤابو و شاف في المراية عينيه حومر محاول مسيطر على راسو لا يقلب هذه الدار
الفوق نفس فيها البيضة باغيا تمشي عندو نادر بتاسم و شاف فيها:كيف بقيتي
نفس:الحمد لله قلت ليك بابا لي كان مريض
نادر:اوا على سلامتك ا اسي علي
باعلي:الحمد لله نفس نوضي شوفي عهد فين تعطل
شيماء:دابا يجي ا عمي
نفس(وقفات):انا نشوفو
مشات و خاصها غير فوقاش توصل عندو وقفات قدام الباب و خدات نفس عميق و دقدقات
نفس(بصوت خوف):عهد
غير سمع سميتها وقف و فتح الباب و شدها من يديها دخلها الحمام و زدحها مع الحيط
أنت تقرأ
🔥 تملكني بقسوته 🔥 نفس عهد ( بالدرجة المغربية)
Actionالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
