Versailles Series Book 3: The Nun [COMPLETED]

CHAPTER 12

Nang lingunin ni Nyx ang nagsalita ay nakita niya si Azrael na papalapit sa kanya. His hands were in his pockets as he was walking.

"Ah, lumabas kasi ako noong umaga. Magluluto na sana ako ng dinner pero wala na pala akong stocks sa cottage."

Sinulyapan nito ang relo. "It's 7PM. Magluluto ka pa?"

"Ah...oo."

"May kasabay ka bang kumain?"

"Wala. Mag-isa lang ako sa cottage eh."

"Can I buy you dinner?"

Napatingala siya rito. He was tall when he stood a bit close to her. Alam naman niyang may kaliitan siya pero parang na-magnify ang height niya nang makalapit ito.

"Ahmm..."

"I insist. The cafe is walking distance. I think they have a good dinner menu tonight."

Bago pa siya makasagot ay tinulungan na siya nitong ilagay ang groceries niya sa likod ng sasakyan.

"Let's go?"

All she could do was follow him. They had a safe distance between them. His hands were still in his pockets while hers were clasped together in front of her.

"How's Versailles so far?"

Alaganin siyang sumulyap dito bago ulit tinuwid ang tingin. "Masaya. Halos gabi-gabi ay may nagbibigay ng dinner sa akin. May pagkain naman ako kaya hindi niyo na kailangang mag-abala."

"I hope you don't get it wrong. Members here are welcoming. It's their way of welcoming you. As for Chael, he likes treating people in his restaurant. Especially guests. As for me, it's pretty late kung magluluto ka pa 'di ba?"

"T-tama ka naman."

Buti na lang at malapit talaga ang cafe. They didn't have to talk much. Hindi niya maintindihan pero naiilang talaga siya rito.

"Well here we are. Wala si Tabi ngayon. She's in her club. Bartender siya roon."

She just nodded to acknowledge what he said.

Tinignan nila ang menu at hindi siya makapili. Mukhang masarap lahat kahit hindi niya alam ang mga pagkain na iyon.

"May allergies ka ba?" Tanong nito habang nakatingin pa rin sa menu.

"Wala naman."

"See anything you like?"

Nahihiya siyang sabihin ang gusto niya. Baka kasi mali ang pagkakasabi niya mapahiya pa siya.

Nilingon siya ni Azrael nang hindi siya sumagot. His black eyes boring into her. "Don't like anything? We can check Greenhouse-"

"Ahm...hindi ko kasi alam iyung mga pagkain na ito."

"I can choose for you if that's okay."

Tumango siya. "Sige, ikaw na lang ang bahala. Kahit ano na may steamed rice."

She just listened to him when he ordered. He said the name of the foods like it was so easy. Paano ba kasi sabihin ang Salmon en papillote, Boeuf bourguignon, at Caprese Chicken?

Tinignan niya ang mga nakadisplay sa pastries section ng cafe. Nanlaki ang mata niya nang makita ang Boston Cream donut. It was her favorite donut. Madalas siyang bumili niyon kapag nagbababa sila ng gulay mula sa farm nila.

"Their donuts here are good. You should try."

Kinagat niya ang labi dahil nahihiya siyang sabihin dito na gusto niya ng donut.