نار وهدان

السادس

الحلقة السادسة
#نار_وهدان
...................
🌹 بسم الله والصلاة والسلام على رسول الله  🌹

قد لا يفوز الشريف بالسلطة ، لكنه يفوز بالإحترام ، والإحترام يكسب القوة.
........
ياسمين بصوت حاد .......أنا صوح غازية وكومان هعشچك زي روحي بس أنا مهفرطش في شرفي واصل غير بالحلال .

فقام منصور ووجهه ينذر بالشر...كيف يعني؟
چصدك إيه ؟؟

حاولت ياسمين السيطرة على إرتجاف مقلتيها لتقول بثقة .....يعني تچوزني يا منصور ؟

ضحك منصور ضحك هستيريا قائلا بسخرية ....أچوزك أنتِ؟

ياسمين بإندهاش......ودي فيها إيه ؟

أي إتنين هيحبوا بعض صوح ، هيچوزوا .

منصور.....آه لما يكونوا في السليم ، لكن أنتِ غازية هترچصي للي يسوى واللي ميسواش ، ولحمك ظاهر للكل ، وصوح أنا عحبك بس مش لدرچة الچواز .

أنا كومان عارف نفسي من المطاريد وحياتي على كف عفريت بس معيزش چواز وخلفة وعيال أظلمهم معايا كيف  ما الدنيا ظلمتني .

ويطلعوا إكده ولا هما عايشين كيف الناس في بيوتهم ولا هما ميتين مرتاحين في قبورهم .

ثم وقف منصور وقد تجمعت العبرات في عينيه وبصوت حزين مهزوز.......أنا مش إنسان زي باچي الناس .

أنا منصور اللي اسمه وحده هيخوف الناس ، لكن من چواه عامل زي الطفل اللي هيخاف من خياله ، وهنام وأنا مغمض عين ومفتح عين ، لأن الحكومة ممكن تنط في أي لحظة ، وساعتها يا چاتل يا مچتول .

فهچوز كيف بس ؟

أنا مش بتاع چواز ، ثم نظر لها نظرة ساخطة وواصل كلامه بحدة....جومي فزّي  يا ياسمين ، منك لله چلبتي عليه المواچع .

ثم إلتقط الشال الذي كان يستر شعرها ونصف جسدها وألقاه لها .
وطردها قائلا....يلا غوري من إهنه وابچي شوفي واحد غيري تچوزيه .

فبكت ياسمين وحاولت التقرب منه لإضائه مهمهمة بصوت منخفض...أنا عحبك يا منصور ، ومچدرش أستغنى عنك واصل؛ فـ ليه هتعمل فيه إكده ، ليه هتكسر چلب عشچك بچد ومش شايف فيك كل اللي هتچوله ده .

أنا مش شايفة غير إنّ چلبك طيب رغم اللي هتعمله ، وهي الظروف اللي حكمت علينا نعمل إكده .

لتدخل في نوبة بكاء حادة ثم تابعت بنحيب ....أنا كومان مكنتش حابه أكون غازية والناس تنهش في لحمي بنظراتهم وكان نفسي أكون ست عادية مستورة في بيتها وكل همها چوزها وعيالها .

لكن نصيبي إكده ، طلعت لچيت أمّي إكده ولما كبرت خلتني أنا مكانها .

فتنهد منصور وأردف بكلمات تنم على القهر....وعايزنا نچوز عشان لو خلفنا بنت تطلع برده غازية .