نار وهدان

الثلاثون

الحلقة الثلاثون

#نار وهدان

...........

🌹 بسم الله والصلاة والسلام على رسول الله 🌹

ستتناوب عليك الفصول الأربعة تلفحك حرارة الخيبات تارة وحرارة النجاح تارة أخرى، وقد تتجمد في صقيع الوحدة ، تتساقط أحلامك اليابسة، لكن حياتك ستزهر من جديد فلا تيأس مادامت ثقتك بالله فيتحقق ما تريد.

..........

قمر ...معلش يا سمسم الأيام چاية كتير .

ثم همت بالوقوف ولكنها شعرت بدوار مفاجىء اضطرها للجلوس مرة أخرى .

فذعر أسامة ...مالك يا قمر ، فيكِ إيه ؟؟؟

قمر...مش خابرة ، حاسه إني دايخة شوي.

أسامة ....طيب خلاص خليكِ قاعدة شوية ،وهروح أعملك أحلى كوباية لمون لعيونك .

قمر...لا ملهوش لزوم ، أنا خلاص كويسة ، ولازمن أمشي عشان متأخرش .

فحاولت قمر الوقوف مرة أخرى وخطت أولى خطواتها بالفعل ولكن فجأة سقطت أمام أسامة الذي هتف باسمها صارخا...قمر _ قمر _ حبيبتي .

حملها أسامة وطرحها على الفراش ونثر بعضا من العطر على أنفها في محاولة منه لإعادتها إلى وعيها، بعد لحظاتاستعادت قمر وعيها وفتحت عينيها بصعوبة وكانت رؤيتها غير واضحة .

أسامة بحزن ...مالك بس يا قمر ؟
حصل إيه ؟ ما كنتِ كويسة .

قمر بضعف...مش خابرة ، مرة وحدة كدا حسيت أن الدنيا اسودت قدام عيني ومش شايفة ومحستش بنفسي .

أسامة ...ألف سلامة عليكِ بس لازم نكشف ونشوف .

قمر...متكبرش الموضوع ، عادي يعني .

أسامة...لا إزاي مكبرهوش ، وأنا عندي أهم منك .

قومي يلا نروح لدكتور حالا نكشف نشوف فيه إيه ؟؟

قمر...كده هتأخر چوي .

أسامة...معلش غصبا عنك وقولي تعبت في السكة .

قمر...أمري لله ، يلا بينا .

وبالفعل توجها نحو عيادة طبيب باطنية .

الطبيب ...أهلا لحضرتك ، بتشتكي من إيه ؟

قمر ....هو دوخة إكده ومچدراش أصلب طولي .

الطبيب ...طيب نقيس الضغط ونحلل دم يمكن أنيميا .

أسامة...فعلا ممكن أنيميا هي ضعيفة أوي يا دكتور.
.
الطبيب...وحضرتك أخوها ولا زوجها ؟

أسامة...مراتي حضرتك .

فابتسمت قمر فهذه أول مرة تقال أمام أحد.

الطبيب ...طيب ممكن يكون حاجة تالتة، يكون حمل وده اللي شاكك فيه .

فوضعت قمر يدها فوق رأسها بفزع واتسعت عيناها قائلة ...حمل !