الحلقة التاسعة عشر
#نار_وهدان
......
🌹 بسم الله والصلاة والسلام على رسول الله 🌹
لا تولد الحقيقة إلّا من تزاوج الوقاحة وسوء الظن والرفض القاسي والكره والشقاق في الحياة، وما أصعب أن تتوافق وتتحد جميع هذه المقدمات.
الشيخ صالح بغضب حاد...معچول اللي سمعته ده يا عزيز ، معچول يطلع منك أنت كده ، وأنا اللي كنت عچول عليك مفيش زيك في دينك وأخلاچك .
تطلع صورة بس وتشوه اسم الدين وتُفتن في آخر عمرك
يا راچل !
انقبض قلب عزيز وشعر بغصة في حلقه ، فهو لا يصدق ما تفوه به الشيخ صالح فسأله مندهشا...هو حوصل إيه لده كلاته ، أنا مش فاهم حاچة واصل ؟
بس شكل الموضوع واعر چوي ، وصعب اللي عتچوله عليه دا چوي .
ضرب صالح كفا بكف في غيظ ليتابع....مش خابر ولا مكسوف تچول؟
نفى عزيز قائلا ...والله ما عارف حاچة ولا فاهم إيه حوصل ؟
صالح بنزق ...فيه أنك عتعشچ البت اللي ربتها من ساعة مچبتها وهي لساها حتة لحمة حمرا ولو خلفت صوح بنت كان زمانك جدها .
وربطها چمبك مش عايز تچوزها عشان عينيك منها ، ثم ضم شفتيه بحرج قبل أن يتابع...ويعالم كومان مچفول عليكم باب واحد وهتعملوا إيه ،أستغفر الله العظيم يارب .
وچال إيه بتك اللي مربيها .
يا شيخ اختشي على دمك ، طيب عچباك اتچوزها على سنة الله ورسوله .
وقع قول الشيخ صالح على الشيخ عزيز كالصاعقة فوقف متصلب الجسد وفتح فمه محاولا التحدث ولكنه لم يستطع أن يخرج الكلمات بسهولة حتى نطق بصعوبة...أنت اتچننت يا شيخ صالح ، إيه الحديت الماسخ ده .
ده لا يمكن أبدا ، أستغفر الله العظيم ولا حول ولا قوة إلا بالله .
مين اللچال الكلام ده بس ، منه لله وأنا خصيمه يوم القيامة .
تراجع صالح في حدته بعد ظهور الغضب على وجه عزيز فأردف ...كل الناس في النچع هتحدت وتچول إكده، أنك هترفض چوازها عشان رايدها لنفسك .
عزيز بقهر ...أستغفر الله العظيم ، دي بتي ، صوح مش من صلبي ، لكن معزتها عندي يمكن أكتر .
وهي اللي هترفض الچواز مش أنا .
تطرق لمسامع هيام ما يدور بين الشيخ صالح ووالدها ..فضربت على صدرها وصرخت انهمرت الدموع من عينيها فأسرعت إليهم لتهتفت في وجه الشيخ صالح ...أنا وأبوي أشرف من الشرف نفسه .
وأنا اللي هرفض العرسان مش هو .
عشان مهملهوش لحاله وهو تعبان .
لكن عيب چوي الكلام اللي عتچوله ده يا شيخ .
وكيف شيخ أصلا وأنت بتاخد بكلام الناس من غير بينة .
أنت تقرأ
نار وهدان
Misterio / Suspensoقصة شاب صعيدى نشأ فى الجبل وتربى على السرقة والقتل ولكنه وقع فى حب فتاة ملتزمة فهل ستستطيع أن تجعله يعود لأدراجه ويتوب عن ما يفعله؟؟
