ပြန်လည်ရှင်သန်ခွင့်ရတဲ့ ဖုဘလော့ဂါလေးရဲ့ ချက်မယ်ပြုတ်မယ် အစီအစဥ်

၄

( ဘာသာပြန်သူမှာ ပြောစရာ ၇ှိပါတယ်.....

ကြွေ စာရေးတဲ့ ပုံစံကို နည်းနည်း ပြောင်းထားတယ်။ ဒီလိုက ပိုလိုက်တယ် ထင်လို့)

အပိုင်း ၄ ကြက်ဥ ကိတ်နှင့် ငါးအသားလွှာ ယာဂု

နောက်တစ်ရက်တွင် သူ အိပ်ယာထ ရေချိုးပြီးနောက် ယွမ့်ထန်းက အလင်းဦးနှောက်ဖြင့် တိုက်ရိုက် ထုတ်လွှင့်ခြင်း ပလက်ဖောင်းထဲ လေ့ာအင် ၀င်လိုက်သည်။ သူက မနေ့ကရခဲ့သမျှကို ကိုယ်ပိုင် အကောင့်ထဲ ပြောင်းထည့်ပြီးနောက် ရှော့ပင်းဆိုက်သို့ သွားကာ ဟင်းအမယ် အသစ်တွေ ၀ယ်လိုက်သည်။

ယွမ့်ထန်းက အမြဲ ကောင်းကောင်း စားသည့်သူမျိုးဖြစ်သည်။ မနက်စာဆိုလျှင်ပင် သူက ဘယ်တော့မှ ဖြစ်သလို မစားပေ။

ဘယ်လိုပဲဖြစ်ဖြစ် ချက်သမျှကို တိုက်ရိုက် ထုတ်လွှင့်လို့ ရနေတာလေ။ ဘယ်လိုလူက ဗိုက်လည်းပြည့် ပိုက်ဆံလည်းရတဲ့ အလုပ်ကို မလုပ်ဘဲ နေမှာလဲ

သည်တစ်ကြိမ်တွင် သူက ငါး၊ကြက်သွန်မြိတ်၊ ဂျင်း၊ ဂျုံမှုန့်၊ ပဲငံပြာရည်နှင့် သကြားတစ်အိပ် ၀ယ်လိုက်သည်။သူက တစ်ခါတည်း ၂၀၀သုံးလိုက်သော်လည်း စိတ်ထဲ ဘယ်လိုမှ မနေပေ။ဘာပဲဖြစ်ဖြစ် သူပြန်၇ှာနိုင်နေတာပဲ။

ဒီနေ့ သူက ကြက်ဥကိတ်နဲ့ ငါးအသားလွှာ ယာဂု လုပ်မယ်။ယာဂုကတော့ သူ့အတွက်ပေါ့၊ ကြက်ဥကိတ်ကိုတော့ ကြည့်ရှုသူတွေကိုတော့ လက်ဆောင်အဖြစ် ပြန်ပေးမယ်။

စကြာဝဌာလုံးဆိုင်ရာ ချိတ်ဆက် ပို့ဆောင်ပေးသော ပစ္စည်းပို့ စနစ်သည် ယခင်အတိုင်း မြန်ဆဲနေသေး၏။ယွမ့်ထန်းသည် ပစ္စည်းရောက်လာသည့်အခါ စစ်ကြည့်လိုက်သည့်အခိုက် အားလုံးဟာ ထင်ထားသည့်အတိုင်း လက်ဆတ်နေကြောင်း မြင်လိုက်ရသည်။သူက သုံးမည့် ဟင်းအမယ် ပစ္စည်းတွေကို ဟင်းချက် ကောင်တာပေါ် တင်ထားလိုက်သည်။ထို့နောက် သူ၏ မျက်ကပ်မှန်ကို တပ်ကာ တိုက်ရိုက် ထုတ်လွှင့်တော့သည်။

" အားလုံးပဲ မင်္ဂလာ နံနက်ခင်းပါ။ ကိုယ်ကတော့ မင်းတို့ရဲ့ တင်ဆက်သူ ယွမ့်ထန်းပါ။ ကိုယ် ဒီနေ့ ချက်ပြမှာကတော့ ငါးအသားလွှာ ယာဂုနဲ့ ကြက်သွန်မြိတ် ကြက်ဥကိတ်ပါပဲ "