ပြန်လည်ရှင်သန်ခွင့်ရတဲ့ ဖုဘလော့ဂါလေးရဲ့ ချက်မယ်ပြုတ်မယ် အစီအစဥ်

၄၆

အပိုင်း ၄၆

သူက ထပ်မေးသည်။
"ကျွန်တော်တို့တွေ အနည်းဆုံး ဟင်းနှစ်ပွဲနဲ့ ဟင်းချိုတစ်ပွဲ လုပ်ရလိမ့်မယ်။ ခင်များတို့ ခေါင်းထဲ တွေးမိတဲ့ သင့်တော်တဲ့ ဟင်းများရှိမလား"

၀မ်ကျယ့်ယန်က ဦးစွာ ဖြေလာသည်။
"ကျွန်တော့်အထင် ခရမ်းချဉ်သီး ကြက်ဥမွှေကြော်က လုပ်ရလွယ်ပြီး ထမင်းနဲဲ့လည်း အဆင်ပြေတယ်လို့ ထင်ပါတယ်"

"ကောင်းတယ်။ နောက်တစ်မျိုးရော ဘာတွေးမိသေးလဲ"

"ငရုတ်ပွစိမ်းနဲ့ ၀က်သားတုံးကြော်၊ ဒါက လုပ်ရမြန်ပြီး အရွက်လည်းပါလို့ လူတိုင်းကြိုက်လောက်ပါတယ်"
ကျောက်ကွမ်းမင်က ပြောသည်။

"တကယ်လို့ ဟင်းချိုဆိုရင် မနေ့ကမှ သင်လိုက်တဲ့ မုန်လာဥနဲ့ ၀က်ရိုးဟင်းချိုက မကောင်းဘူးလား"
၀မ်ကျွင်းက ပြောသည်။

ထိုဟင်းချိုက ၀က်ရိုးဖြင့် ချက်ရခြင်းဖြစ်ပြီး မုန်လာဥနီများကို ထည့်ထားသောကြောင့် အသားဓာတ်ကို အပြည့်အ၀ စုပ်ယူသွားလေရာ အသားသီးသန့် ချက်သည်ထက် ပို၍ကောင်းနေလေသည်။ လီတာ တစ်ရာ အိုးကြီးဖြင့် ချက်လျင် အယောက်တစ်ရာကျော်အတွက် လုံလောက်သည်။

"ကောင်းပြီ စကြစို့"

ကန်တင်းအတွက် အကယ်ဒမီသိပ္ပံမှ ပါ၀င်ပစ္စည်းပေါင်းများစွာကို မှာယူထားခဲ့ပြီး ထိုပစ္စည်းများကို လတ်ဆတ််မှုထိန်းသိမ်းပေးနိုင်သည့် သိုလှောင်ခန်းအတွင်း ထည့်ထားသည်။ သူတို့လိုအပ်သည့် ပစ္စည်းများကို ဉာဏ်ရည်မြင့်စက်ရုပ်များကယူပေးနိုင်သည်။ ထိုကြောင့် ဉာဏ်ရည်မြင့်စက်ရုပ်များ၏ ကဏ္႑ကလည်း မသေးချေ။ သူတို့က ပါ၀င်ပစ္စည်းမျာကို လှီးဖြတ်ပေးခြင်းနှင့် ဆေးကြောပေးခြင်းတို့တွင်လည်း တာ ၀န်ယူနိုင်လေရာ ၀မ်ကျွင်းတို့အတွက် အလွန် အဆင်ပြေနေခဲ့သည်။

"ရွှယ်ရွေ့နဲ့ လျိုဟိုင်ထောင်တို့က ခရမ်းချဉ်သီး ကြက်ဥကြော်ကို တာ၀န်ယူကြ။ ၀မ်ကျွင်းနဲ့ ကျောက်ကွမ်းမင်ကတော့ ၀က်သားတုံးကြော်ကို ချက်လိုက်ပါ။ ၀မ်ကျယ့်ယန်နဲ့ ကွေ့လျန်တို့ကတော့ ဟင်းချိုအတွက်ပြင်ဆင်လိုက်ပါ"