Unicode
ရှီချန်း အခု တစ်ယောက်တည်းအိပ်ရတာတောင် အရင်က အဖွဲ့လိုက်အိပ်ရတာထက်တောင် ပင်ပန်းသေးတယ်။ရှုပ်ထွေးပြီးယောက်ယက်ခက်နေတဲ့အိမ်မက်တွေအများကြီးမက်ခဲ့တယ်။
အိမ်မက်ထဲမှာ သူနဲ့တွေ့ခဲ့ဖူးတဲ့သူတွေလား သူနဲ့ရင်းရင်းနီးနီးရှိခဲ့ဖူးတဲ့သူတွေလား တောင်မသိတဲ့ သူတွေရဲ့ နှိပ်စက် ကန်ကျောက်နေတာကိုခံနေရတယ်။
သူအတော်လေးကြောက်နေခဲ့ပြီး ငိုယိုနေခဲ့တာ ခေါင်းအုံးတောင်စိုကုန်တယ်။
မိန်းမကလေးဆန်တဲ့ ခွန်းကျန့်ကို လွယ်လွယ်အပြစ်တင်လိုက်ရင်းအိပ်ယာပေါ်ကထ ၊သူရဲ့နီရဲဖောင်းကားနေတဲ့ မျက်လုံးတွေကို ပွတ်ရင်းဝှါးသန်းလိုက်တယ်။
သူအိပ်ယာထဲကထွက်လာတော့ ဆယ်နာရီတောင်ထိုးတော့မယ်။ဗိုက်ဆာလာတာ မဆန်းတော့ပါဘူး။ဝှါးအရှည်ကြီး ထပ်သန်းလိုက်တယ် သူအိပ်ချင်နေတုန်းပဲ။
ခေါင်းငိုက်စိုက်ရပ်ပဲ အောက်ထပ်ဆင်းလာလိုက်တယ်။ဧည့်ခန်းထဲက ဆိုဖာပေါ်မှာ လူသုံးယောက်ထိုင်နေတာကိုတွေ့တော့ ရှီချန်းစိတ်ရှုပ်သွားပြီး တန့်သွားတယ်။
နှစ်ယောက်ကိုသူသိတယ်။နောက်တခြားတစ်ယောက်ကိုသူမသိဘူး။သူတို့အကုန်လုံး ရှီချန်းကို ကြည့်နေကြတယ်။
"ဘယ်အချိန်ရှိနေပြီလဲ သိလား?"
ရှီချန်း ခေါင်းကို လှည့်ပြီး နံရံပေါ်က တိုင်ကပ်နာရီကိုကြည့်လိုက်တယ်။
"၉:၅၃"
ယွန်းရှန်းလျောင် ရှီချန်း ကိုတစ်ချက်ကြည့်ပြီး သူ့ဖုန်းကို ခေါင်းငုံ့ကြည့်နေလိုက်ပြန်တယ်။ချင်းဖန်နဲ့ တခြားတစ် ယောက်က ပြိုင်တူပြောလိုက်ကြတယ်။
"ဒီကိုလာ"
အခု ဘာတွေဖြစ်နေတာလဲ?ရှီချန်း စိတ်ရှုပ်ရှုပ်နဲ့ဆက်လျှောက်လိုက်ပြီး သူတို့ရှေ့ကိုရပ်လိုက်တယ်။
"မင်းရဲ့အဝတ်အစားတွေကို နဲနဲ ပြင်လိုက်ဦး"
ချင်းဖန် သူ့လက်ထဲကသတင်းစာကိုအောက်ကို ချလိုက်တယ်။
ရှီချန်း သူရဲ့ညဝတ်အင်္ကျီကိုကြည့်ပြီးတော့ နဲနဲ ပြင်လိုက်တယ်။နောက်ဆုံး တော့ သူ ချင်းဖန်ကိုကြည့်လိုက်တယ် ။ပြီးတော့ သူ့ကို သံသယတွေနဲ့ကြည့်နေတဲ့မျက်နာချင်းဆိုင်ကလူကိုလည်းကြည့်လိုက်တယ်။
YOU ARE READING
"သတိရလာတော့ ငါက ချစ်သူငယ်ချင်းကြီးရဲ့ အဒေါ်ဖြစ်နေတယ်!!"[ဘာသာပြန် Z&U]
Short Story[Completed]☑️☑️🤍 一觉醒来成了好兄弟的舅妈 He became the aunt of his best friend after waking up Original Author___ 妥妥 Translator___Leon STATUS IN COO (26) COMPLETED Web Novel(CN) ရှီချန်းတစ်ယောက် ကားအက်စီးဒန့်ဖြစ်ပြီးတဲ့နောက်မှာသူနဲ့သူရဲ့ညီအကိုကောင်း ယွန်းရှန်...
!["သတိရလာတော့ ငါက ချစ်သူငယ်ချင်းကြီးရဲ့ အဒေါ်ဖြစ်နေတယ်!!"[ဘာသာပြန် Z&U]](https://img.wattpad.com/cover/284566733-64-k206432.jpg)