قبل 3 أشهر
:.. مانبيش نقعد... علاش ماتبي ترضى
رد عليه:.. وين بتمشي بس... يعني الأجانب أخير من اهلك
:.. حته هنا ماعندي شي... مايمكن نحصل غايتي بمكان برا البلاد
قاله:.. وأنا مش هاين عليا اولادي يكونو بعاد عني
:.. حنرجع إن شاء لله يبوي... بس عطني شوي وقت
وهوا طالع من الصاله نادها ابوه:.. كريم وقف
كريم حاسس بوجع ابوه بس ما يقدر يتراجع:.. مع السلامه
وطلع كريم من الحوش
____________
ومكان ثاني بنفس الوقت
:... وهكي أنت زوجها وأنا اعطيتك أختي... حافظ عليها
قاله:.. ماتخافش عليها... هي بعيوني
:.. أنا متأكد من الشي هذا
مدله الظرف وقاله:.. هذوم فلوسك... تقدر تحسبهم
ضحك وقال:.. هههه عارفك امين ومش تبع لف ودوران... ومتاكد أنه القيمة كاملة
قاله:.. نراجيك بالشقه يلي قلتلك عليها
:.. تمام... ربع ساعه بس
وبعد ربع ساعه
فتح باب الشقه وخشت العروس الجديد
قاللها:.. نوريتي حياتي
بس هي كانت متحشمه ولا قالت شي
وصكر الباب وخشو لداخل
____________
بعد 3 أشهر
كانت ادور في الادراج بسرعه بسرعه قبل لا يخش حد عليها
قلبت المكتب رأس على عقل ولا حصلت مطلبها
فمشت لجيهت الباب... بس وقفت بمكانها وهي تسمع صوت مشي بجيهتها
خافت ولا عرفت وين تمشي
وفي لحظه شافت تركينة الصالون مع الحيط... ولأنه جسمها صغير تقدر تندس فيها
ومشت بسرعه وبحركة سريعة ولت من خلف الصالون
كانت تكتم في تنفسها السريع بسبب عجلتها
ونفتح الباب وسمعت الاشخاص يلي خشو
راجل1:.. وامته موعد التسليم
راجل2:.. الحق ما قالولي... بس احتمال يكون بالشهر الجاي... لأنه كل شي تام
راجل1:.. أهم شي السرية بالموضوع... مانبو نكونو مكشوفين
راجل2:.. ماتخاف... وأي حد يعرف مصيره معروف... الموت على طول... ههههه
ضحك الراجل 1:.. هههه... ذكرتني بمجموعة الشباب يلي حاولو يوقفو بوجهنا
راجل2:.. وشن صار فيهم به
راجل1:.. حصلت الاوراق يلي نبيهم
وطلعو لبرا وهوا ويقوله:.. شن بيصير مثلا... معقوله نخليهم وهم عندهم العلم
واختفا الصوت وبعدو
طلعت من ورا الصالون وهي مصدومه من يلي سمعاته:..(معقوله يكون... لالالا.... استغفر الله... مش حنفكر في أفكار سيء... إن شاء لله خير )
طلعت من المكتب بعد ما انتبهت للطريق صح ومافيها حد
نزلت الدروج وطلعت من المبنى زي ما خشت بدون ما ينتبهلها حد
وهي ماشيا لنهاية الشارع انصدمت في واحد وطاحت:.. ااااخ... اعمى ماتشوف
قال:.. أنا يلي ماشي وعيوني تحت... شكلك إنتي عميه
وقفت نفضت دباشها ورفعت عينها ليه:.. بدل ما تتاسف قاعد ترد في الكلام
ابتسم وقال:.. ما تقوليلي بنت بالوقت هذا شن ادير هنا
ارتبكت شوي بس ما بينت:.. وأنت شن دخلك فيا... أمشي بطريقك وأنا بطريقي
بعد عن طريقها وبحركة تقديم قاللها:.. تفضلي
مشت ولا قالته شي
وهوا قعد يشوف فيها لين اختفت من قدام عينه
