صباح اليوم الثاني كان هادئ جدا جدا
الشباب بالمربوعه مع أبوهم يفطرو
العم(حسن ):.. أكيد توا وقفو ضرب... بسبب دخيرتهم تمت أو نصهم ماتو
عامر:.. كلمت ياسر الصبح سألته... فقال أنه دارو هدنه وفي نفس الوقت عرفت انه تدخلت الشرطه بمساعدت كتائب مش عاجبها الوضع
العم(حسن):.. يعني توا الواحد يقدر يطلع
معتز:.. وين بتطلع بس... قاعد فيه مخاطرة... خليك اليوم وبكرا خير إن شاء لله
خشت هناء بسفرة القهوة
هناء:.. صباح الخير
الكل:.. صباح النور
ابتسم العم(حسن ):.. ها يبنتي... كيف الضيوف... مرتاحين
هناء:.. الحمد لله... بس المسكينه صاحبتهن المريضه أمس تعبت
معتز بخوف:.. شن صار
هناء استغربت وشافت في معتز
ارتبك معتز:.. البنت في امانتنا... لو صار شي فيها لا سمح الله شن بنقولو لأهلها
عامر:.. عندك الحق... قولي هي توا كيفها
هناء:.. كويسه... رانيا اعطتها مغذي أمس وقعدت سهرانه معاها... ولما تحسنت رقدت
العم(حسن):.. الحمد لله... انتبه ليها
هناء:.. إن شاء لله.... نجيبلكم شي ثاني
العم(حسن):.. لا شكرا
وقفت هناء:.. العفو
ومشت لداخل... ومعتز قاعد على أعصابه يبي يشوف أماني بس مايقدر
____________
طلع قاسم من الحوش بعد ما الوضع اصبح أحسن
طلع تلفونه واتصل على فيصل
قاسم:.. السلام عليكم
فيصل:.. وعليك السلام... قاسم فيكم شي
قاسم:.. لالا مافي شي... تطمن... بس كنت نبيك تشوف خواتك بحوش من من صاحباتهن... بنمشي نجيبهم... حشمه حوش عمهن قاعد ويباتن بيت الغرب
فيصل:.. عندك الحق... توا نتصل ونسألهن
قاسم:.. تمام... نراجي فيك
_____________
وعند البنات
منال:.. قومي بشرى... نبي ندهورك بالحوش... خصوصا إخواني مش قعدين... وخلي رانيا ترقد ونطلع لا ندوشو عليها وعلى أماني
بشرى:.. مش حلوا نطلع نلف معاك
منال:.. لا عادي... غير قومي بس
ووقفت منال سحبت بشرى غصب عنها وطلعن لبرا
وصلت للصاله أول شي ولقت الخالة سالمة
بشرى:.. صباح الخير خالتي
الخالة(سالمة ):.. صباح النور... كيف صحتك يبنتي
بشرى مبتسمه:.. الحمد لله... وأنت اخبارك
الخالة(سالمة ):.. الحمد لله... غير نرتاحو من المشاكل يلي برا كل شي يكون تمام
بشرى:.. أكيد
منال:.. امشي توا وارجعي هدرزي معاها
الخالة(سالمة ):.. وين يبنات
منال:.. بنلفلفها بالحوش
الخالة(سالمة ):.. اها... وهم شي الحديقه الخليفيه
منال:.. أكيد
وقعدت منال تلف بيها الحوش... إلا المربوعه ماخشن فيها... بعدها منال توجهت للدروج يلي يوصلن لشقق اخوانها
بشرى:.. منال... مش قلتي فوق شور إخوانك
منال:.. إيه
تحشمت بشرى:.. لا عيب نخشلهم... انزلي
رجعت منال ومسكت يد بشرى وسحبتها لفوق:.. قلتلك مش قعدين... وبعدين أنا نبي نمشيلهن لأنه بنشوفهن مقلوبات أو لا... نشيك عليهم يعني
بشرى:.. وأنا شن دخلني به
منال:.. نطلعك من الملل يلي فيه
ووصلن قدام باب وحده من الشقق... يعني نضام الشقه مقابل شقه
اخذت منال المفتاح من المزهرية وفتحتها وخشت لداخل
وبشرى كانت وراها
بشرى عجبها الديكور والتصميم والاثاث... وطبعا رسمي كانت مقلوبه شوي
منال:.. اااخ منهم وبس... نتمنى يجي اليوم يلي تكون زوجته هنا عشان تضم وراه
لفت منال على بشرى:.. خمس ثواني ونرجعلك... بنجيب العده من تحت
بشرى ارتبكت:.. خوذيني معاك
منال طلعت:.. مش حنتاخر أنا
وطلعت تجري عشان لا تتاخر
وبشرى قعدة تلف بالشقه ووصلت للمطبخ وشافته حايس شوي مش واجد
فحبت أنها تساعد منال... فشمرت عن ذرعانها وبدت تجلي بالموجود لغايت ما ترجع منال
