رد معتز بروقان:.. احكي يعامر شن عندك أو خلني نقفل لو تبي تصارخ بس
قال عامر بعد ما هدا نفسه:.. أنت وين... ليش مش بايت في الحوش
معتز:.. قعدت في شقه اجرتها... لقيت روحي متاخر على مانوصل للحوش وكنت تعبان... فاجرتلي شقه
عامر:.. به يريت تجي توا للحوش... أبوي يبيك... وطالب كل العائلة وأنتي الوحيد المتاخر
استغرب من اللمه هذي على أول الصبح... فسأله:.. شن سبب اللمه
عامر:.. أنت اوصل وتعرف
وقفل عليه ولا اعطاه جواب واضح... وزاد الفضول عنده عن السبب
وخلال نص ساعه وقف بجنب الحوش
حوش كبير من ثلاث طوابق... من حب الأب لأولاده خلاهم يبنو فوق الحوش... هذا كله عشان يكونو قراب منه
نزل من السيارة وخش بعد ما فتحتله أخته منال
ابتسمتله منال:.. صباح الخير... وين غايب والقمه العربية مجتمع داخل
معتز:.. ههههه صار القمه كلها مجتمعه
منال:.. ايه... وتوا لما تخش كل العيون بتكون موجه عليك... أنت الوحيد المتأخر
كشر معتز بوجه:.. يعني بيحشمني أبوي توا قدامهم
منال:.. هههه مدامك مزال واقف تهدرز معايا فأكيد هذا يلي بيصير
خبط راسه علامت إنه تذكر... ومشى بجيهة المربوعه وخش وسلم عليهم
بالمربوعة
شاف عامر اخوه خاش:..( خلني ننقده من عصبيت أبوي أحسن من يحشمه قدام خواه واولاد عمه)
عامر بعد ما ردو عليه السلام:.. معتز طمني.... إن شاء لله ما انقلبت بيك السيارة لما العجلات انفجرن بيك
قعد يشوف فيه بعبط وبعدها استوعب وقال معتز:.. لالا الحمد لله... قعد ساعه وأنا ندور حد عنده المعدات عشان نصلحه
أبوه (حسن):.. ليش كنت تجري بيها؟
معتز:.. كنت نبي نستعجل لما كلمني عامر ومانتبهت للحفر... بس الحمد لله سيطرة عليها ولا انقلبت بيا
العم(حسن):.. الحمد لله... وانتبه مرا ثانيا وماتسرع بسواقتك
معتز:.. إن شاء لله
ومشا معتز وقعد بجنب عامر وهمسله:.. اطلب ما تبي وننفده ليك
ابتسم عامر وهمسله:.. غصب عنك تنفده... مش كل مرا بنساعدك أنا
سكتو وركزو مع ابوهم
تنهد العم(حسن):.. اليوم جاني تهديد أنهم بيخطفو بنتي
وقف معتز مصدوم:.. من هم وأي بنت تقصد
العم(حسن):.. ماحددو من
معتز:.. يمكن كلام بس يابوي... تعرف من قبل يهددو
كانو كلهم على اعصابهم من الخبر هذا
عامر:.. به كيف وصلك الخبر... منين اتصلو أو كيف
العم(حسن):.. وصلتلي رساله مدها ليا عيل صغير بالشارع وأنا خاش للبيت
ياسر:.. ماتفكر فيها واجد يعمي... ولا تخلو البنات يطلعن من الحوش وحدهن... لازم حد معاهن... وهكي استحاله حد يقربلهن
العم(خالد):.. ولي أمته تبي تحبسوهن بالحوش.. ومش كل واحد فاضي ليهن
ياسر:.. وشن رايك يابوي... التهديد واضح... بس السبب مش معروف
العم(حسن):.. وأنا تفكيري من تفكير أخوي خالد... استحاله نحبسوهن بالحوش على طول... وأكيد في شي يبوه منا... أو ليش التهديد جا قبل لا ينفذو مخططهم
معتز:.. انا بنفضي روحي لمشاويرهن... وامته ما يبن شي نجيهن
بعد ما قال العم(حسن) كل شي طلعو
وقف ياسر قدام معتز
ياسر:.. شن رايك نشوفو الموضوع مع بعض
شاف معتز لياسر ببرود وقاله:.. وعلى أي أساس تبيني نشوفه معاك
عصب ياسر:.. ماتقولي ليش شايف روحك ومش عاجبك حد... وهذا أنا نبي نساعدك... ترا هن بنات عمي لو نسيت
كان معتز بيرد عليه بس جا عامر وسحب معتز وتلفت لياسر:.. معليش يولد العم... نبي معتز بموضوع
وخذاه ومشى للصاله الجانبية
عامر:.. خيرك تتمشكل معاه باستمرار
معتز:.. لأني مش قادر نبلعه... خانقني
عامر:.. خانقك أو عشان سهام
لف معتز على عامر وعصب منه:.. شن قصدك
عامر:.. ليش مش قادر تنساها... هي كانت تضحك عليك وعليه... وهوا ماليه ذنب
ابتسم معتز على جنب:.. متأكد أنه ما ليه يد بالموضوع؟
عامر:.. أنت تحب تربط حاجات ماليها معنى... بس ناكدلك أنه ماليه يد بالموضوع... وهي كانت تلعب عليكم... وربي كشفها ليك... فخلاص انساها... وحده خاينه
مشى معتز قعد على الصالون وقاله:.. أنا أصلا ناسيها ولا فكرت فيها
