Sympathy

Return

(Unicode)

"ကယ် မြန်မြန်လုပ်ကြမယ် အပျင်းထူမနေကြနဲ့"

*ချောက်*

ပေါက်တူးတစ်ခုကို အားနဲ့ပေါက်ချကာ သဏ္ဍာန်မညီတဲ့ ကျောက်တုံးတွေကိုခွဲပစ်လိုက်သည်။

အရင်တုန်းက Minနုနုယွယွထားတဲ့ လက်တွေက အခုတော့ ကြမ်းတမ်းကာ ဒဏ်ရာဒဏ်ချက်အပြည့်ဖြင့်။

အာမခံချက်မရတဲ့ ကျွန်တော်က ရက်ပြည့်တဲ့အထိကိုပင်စောင့်နေရသည်။

"ပတ်ဂျီမင်း ထောင်၀င်စာလာ‌တွေ့တယ်ဟေ့"

ရဲတစ်ဦးရဲ့အော်သံကြောင့် ပေါက်တူးကိုအမြန်ချကာ ‌ဧည့်တွေ့နေရာဆီကိုအမြန်ပြေးသွားသည်။

တစ်ပတ်တစ်ခါဘဲ ​တွေ့ခွင့်ရဆို​တော့Minကကျွန်​တော့်ကို မရရ​အောင်လာ​တွေ့​လေ့ရှိသည်။

ရံဖန်ရံခါမှ Minမိဘတွေက ကျွန်တော့်ဆီလာကာ အပြစ်ဆိုပြီး Minနဲ့ မပတ်သတ်တော့ဖို့ပြောလေ့ရှိသည်။

"Min"

မှန်ဘောင်ရဲ့ တစ်ဖက်မှာရှိတဲ့ Minက ကျွန်တော့်ကိုလှမ်းပြုံးပြနေတယ်။

ထောင့်လေးမှာရှိတဲ့ ဖုန်းလေးကို လက်ညိုးထိုးပြကာ အနားကိုလာရင်‌လက်ဟန်ပြနေသည်။

ကျွန်တော်လည်း Minရှေ့ကခုံလေးမှာ၀င်ထိုင်ကာ ထောင့်‌​လေးကဖုန်းကိုကောက်ကိုင်လိုက်ပြီး နား နားကပ်လိုက်သည်။

"ငယ် နေကောင်းလား"

အရာ၀တ္ထုက​နေတစ်ဆင့်ကြားလိုက်ရဲ့ Min​လေသံက သိပ်ကိုနူးညံ့လွန်းသည်။

အရင်က ဒီအသံ​လေးကို ​နေ့တိုင်းမရိုးအီ​အောင်ကြား​နေရ​ပေမဲ့ အခု​တော့ ဒီအသံ​လေးကြားရဖို့တော်​တော်ခက်ယဥ်းလှသည်။

"အွန်း Min​ကော ​နေ​ကောင်းရဲ့လား အဆင်​ပြေလား"

"အင်း ကိုယ်​နေ​ကောင်းပါတယ်"

သွား​တွေ​ပေါ်​အောင်ပြုံးပြ​နေတဲ့Minက သူအဆင်​ပြေ​တယ်ဆိုတာကို ​ဖော်ပြချင်သ​ယောင်။

ခက်တာက ဝမ်းနည်း​နေတဲ့ မျက်လုံး​တွေကို Minကဖုံးကွယ်မထားနိုင်ဘူး​လေ။