.....شاهين
بقى بمكانه وملتاف وكلي
....نعم
....انطيني شي يمنعني من رفضك
التاف
.....حبي الج واذا ماقدرتي حبي بعد ماوصلنا احنا لهنا بسب غبائنا وعدم فهمنا وعذابنا
مااعتقد انتي تستحقين حبي أذن
....بس انت ضحيت بي
.....وانتي كنتي صامته وختلتي وبقيتي تباعين من
مكان صغير
...المفروض انت الي تتقدم مواني لان انت رجال
.....الحب تضحيه مثل مااني ضحيت بليلي وبراحه بالي
...انت ماضحيت انت أناني
.....مافديوم فكرت اكون أناني ولو اأناني جان اخذتج
الج من البدايه ومهمني شي
بس اني فكرت بالكل ماعدايه اني
وهاي النتيجه ياهيلين
....اقنعني
..ميحتاج اقنعج انتي اذن بايعه القضيه مثل مايكولون
.....انت متفكر بلي مريت بي اني
.....فكرت واني هم مريت بهوايه والي عشته موقليل
تعرفين شنو شعور ابقى احبج وشنو شعور يزوجج صديقي الي احسه اخويه الغايب وشنو شعور يجي ابن خالتي يحجي عليج واحاربه واضربه
انتي الي عشتي مثل الي عشته اني
.....اني اريد فرصه
.....ولافرصه
رجعت الكرسي ليورة وكمت وكفت
وتمشيت ورحت يمه كتله
....انطيني مهله افكر
....بشنو تفكرين
....بكلشي
....لا
كام يروح ويجي وخله يدة على لحيته
.....ماااتراجع
....رجاءا
...لا
...شاهين وباوعت بعيونه
....كوليلي تفكرين بشنو
....بكلشي. ياشاهين
...لشوكت
...كم يوم
...يعني كم يوم
...اسبوع
....منا الج ليومين وعلى جوابج راح تتوقف هوايه امور بس صدكي مجرد ماراح ادكولين لا راح اطلعج من حياتي
للأبد وبعد مالج دخله بحياتي
وحق الي دخلج بكلبي وخلاج متربعه وماخذته اطلعج من كلبي لوتصير روحي بيج اني راح اخليج منا ليومين
تفكرين مع العلم اني ماحاب هاي السالفه
بس راح انطيج فرصه بعد
واني استغرب انتي دوارت شلون تفكرين
يعني ابسط مثال انج بقيتي وياكاميران اربع سنوات بلااي شي
حتى رفض تنجبين اطفال ماادري جنتي تفكرين بله
....امل
....تعيشين على امل وطول اربع سنوات اني مستمريت اكثر من تلث اشهر بزواجي
لان عرفت مداتقبلها وماردت اذيها اكثر
سكتي هيلين انتي اغلب كلامج يضوجني
ودار وجه ووطلع
بقيت انتظرة يصعد سيارته ويروح
بقيت شويه وبعدها لميت غراضي وسديت الكلوبات مال محل
وطلعت
وقفلت المحل ورحت للبيت خابرت ايمان وحجيت وياها
وكالتلي اسبوع الجاي تجي لبغداد ماصدكت نفسي
وهوايه فرحت
لان جنت مشتاقتلها هوايه وميته على شوفت بيدق
ردت انام ماكدرت طلعت كعدت يم ابويه
بس ابويه صاير شبه فاقد للي داير مدايرة ميحجي ياكل كلش قليل
يكعد شويه ويرد ينام
وامي نايمه طلعت بالكراج احنا لان ماعدنا حديقه
عدنا بس كراج صغير
وبقيت افكر وافكر لحد مابعد مابيه حيل لكلمه وحدة
ودخلت نمت
وثاني يوم داومت
واني داكتب اجى موظف ويايه اسمه مرتضى
خوش ولد وجنت احس انو هو مهتم بيه ويباوعلي بس ابد مافد يوم حجى ويايه
،،،،،،،،،،،،،،،،،،،،،،،،،،،،
عد كلي
....صباح السعادة
...صباح الخير
.....اني حاب احجي وياج بموضوع اذا ممكن
...بخصوص شنو
...يعني اذا ممكن نكعد جوة بالمطعم
... اتفضل هنا ماكو احد تفضل اكعد
....اوكي
كعد وشفته متردد يحجي
كلي
...طبعا اني عرفت عنج هوايه اشياء
...اي
....وكنت اشوفج دائما وانتبه عليج
...اي
.....واني صراحه حاب اتقدملج وحبيت اول شي اكلج وبعدها اجي لبيت اهلج
....تعرف اني منفصله
...اي اكيد اعرف
....طبعا اتمنى متزعل مني بس اني لغيت فكرة الزواج نهائيا وماازوج اسفه اتمنى تلكي الانسانه الي توالمك
...بس مو معناته مريتي بتجربه وحدة فاشله معناته خلص تسوين اضراب عن الزواج
....زواجي مكان فاشل ولكن ماتفهمت ويا زوجي
وانتهى بس اني ماافكر بالزواج
...اسف خاف احرجتج
...لابالعكس اسعدني التكلم وياك
راح الولد بس بقيت اني صافنه وصار عندي احساس انو لازم احجي وياشاهين
طلعت من الدوام من وكت وجنت مسطورة
ومداركز على حاجه وكتله للمدير
